ايطاليا رايح جاى

[HanyAziz]

الاخوه الاعضاء تحيه طيبه وبعد
ممكن الاقى حد عنده فكره على موضوع كيفيه الحصول على فيزا الاتحاد الاوربى لتامى مره لانى كنت فى ايطاليا من سنتين بعثه دراسيه ومكسرتش الفيزا ودلوقتى نفسى اروحها زياره الموضوع هيبقى سهل ولا معقد للعلم انا مدرس ثانوى ومتزوج و معى طفلين ومعى الفيزا القديمه وجوابات المعهد بروما واختام الدخول والخروج
وشكرا للرد مقدما

[Ahmed Samy]

لو هاتروح مع زوجتك و أطفالك

للسياحة مثلا

الموضوع هايكون سهل نوعا ما ولو كان في فيز تانية هايكون سهل فعلا

هاتقدم الباسبور اللي عليه الفيزا القديمة

و شهادة عمل انك تعمل بالوظيفة الفلانية من مقر عملك طبعا

و باسبورات المرافقين و ساعات بيطلبوا شهادات ميلاد أو صورة من وثيقة الزواج

و طبعا حساب بنكي فيه مبلغ كافي للإقامة فترة الزيارة مع حجز فندق أو ايجار منزل هناك

الحساب طبعا لازم يكون عليه حركة مناسبة

[mgboss]

السلام عليكم ...

من أرْبع سنين الإجراءات كانت شديدة شوية... لما جيت أسافر من شهر كانت الإجراءات أقَل بكتير وحسيت إن هما بيشجعوا الناس تسافرلهم...

و طبعا طالما إن حضرتك اخدت الشنجن قبل كده يبقى المرة دي هتبقى أسهل إن شاء الله مع كشف حساب يطمنهم على الملاءة المالية بتاعت حضرتك...

--------------------------

قاعدة عامة: الفيزا بتاعت امريكا بتديك الفيزا بتاعت أي دولة .... أو .... يبقى الباسبور فيه فيزا شنجن قبل كده ....

الله كريم,...

[mahmoudysf]

انا كمان نفس الكلام كنت هناك من سنتين في بعثة
وما كسرتش فيزا
هل ينفع ااقدم على فيزا للسياحة بدون ما اكون مقدم مع شركة
خصوصا انى عايز اخد التاشيرة قبل الجواز اللي فيه الفيزا القديمة ما ينتهي

[HanyAziz]

[frame="1 80"] لو هاتروح مع زوجتك و أطفالك

للسياحة مثلا

الموضوع هايكون سهل نوعا ما ولو كان في فيز تانية هايكون سهل فعلا

هاتقدم الباسبور اللي عليه الفيزا القديمة

و شهادة عمل انك تعمل بالوظيفة الفلانية من مقر عملك طبعا

و باسبورات المرافقين و ساعات بيطلبوا شهادات ميلاد أو صورة من وثيقة الزواج

و طبعا حساب بنكي فيه مبلغ كافي للإقامة فترة الزيارة مع حجز فندق أو ايجار منزل هناك

الحساب طبعا لازم يكون عليه حركة مناسبة


[/frame]
شكرا استاذ احمد بس انا عاوز اسافر وحدى
[frame="1 80"]السلام عليكم ...

من أرْبع سنين الإجراءات كانت شديدة شوية... لما جيت أسافر من شهر كانت الإجراءات أقَل بكتير وحسيت إن هما بيشجعوا الناس تسافرلهم...

و طبعا طالما إن حضرتك اخدت الشنجن قبل كده يبقى المرة دي هتبقى أسهل إن شاء الله مع كشف حساب يطمنهم على الملاءة المالية بتاعت حضرتك...

--------------------------

قاعدة عامة: الفيزا بتاعت امريكا بتديك الفيزا بتاعت أي دولة .... أو .... يبقى الباسبور فيه فيزا شنجن قبل كده ....
[/frame]
شكرا لحضرتك ممكن اعرف ابدا الاجراءت منين ولو الباسبور اللى فيه الفيزا منتهى اخده معايا مع الجديد ولا ملوش لازمه ولازم حساب بنك باسمى ولا شهادات محبوسه باسم الاولاد تنفع انا نفسى اقضى اسبوع قبل الدراسه متبدا وشكرا
الله كريم,...

[mgboss]

السلام عليكم,

حضرتك بتتصل بالسفارة عشان تحديد معاد مقابلة (رقم ارضي: 090070678) وبتروح السفارة, أنا في حالتي كانت في الإسكندرية عشان أنا الباسبور بتاعي طالع من بورسعيد...
حضرتك بتاخد الباسبور القديم معاك عادي طالما في فيزا شنجن قديمة (هما هيقولوا لحضرتك كده فالتليفون)... أما بالنسبة لكشف الحساب فهوا طبعا أفضل بس حضرتك ممكن تقولهم فالمكالمة على النقطة دي...

هما طبعا هيطلبوا من حضرتك تجهيز و تجيب شوية اوراق فالمقابلة... و يا ريت لو حضرتك مستعجل على السفر تتصل بيهم في أقرب وقت ... أنا في المرتين اللي سافرت فيهم كان ميعاد المقابلة بعد الإتصال بشهرين ...

لو في أي استفسارات أنا تحت أمرك...

الله كريم,...

[HanyAziz]

شاكر جدا اخى mgboss على المحبه والاهتمام وسرعه الرد ولو فى موبيل مع حضرتك ممكن الرقم للسؤال عن نقطه معينه وشكر اوالتواصل عبر المنتدى وكل عام وانتم بخير

[mgboss]

السلام عليكم,...

شكر على إيه يا أستاذ هاني... حضرتك لو محتاج تعرف أي معلومة تانية أنا تحت أمرك... موبيلي رقم 350 2626 012 و حضرتك تتصل في أي وقت...

الله كريم,...

[HanyAziz]

هتصل بحضرتك فى ااقرب وقت الف شكر