مولدات الكهرباء منين وبكام

[yahiahelaly]

بسم الله الرحمن الرحيم
كنا عايزين نشتري مولد كهرباء على قد اتلاجة والمروحة والنور مش كبير يعني
نزلنا المنصورة ضرب نار ومش لقيت وهنا ف الزقازيق لفيت ملقتش اساسا حد شغال فيه ممكن حد يقولي موجود فين ف الزقازيق او المنصورة وياريت الزقازيق
ورمضااااااااان كررررررررريم

[د.أبونضال]

موجود في المنصورة بجوار محطة القطار
هتخرج من المحطة تاخد شمالك وتمشي في شارع محطة القطار كل الشوارع المتفرعة منه وبالذات أول شارعين فيهم محلات بتبيع مولدات إسأل كويس قبل ما تقرر الشراء
وموفق إن شاء الله

[medo_2060]

شوف الموضوع دا

http://www.nilemotors.net/Nile/159373-a.html

[yahiahelaly]

متشكر يا جماعه بس محدش يقدر يرشحلي نوع معين

[ehab_mansour]

متشكر يا جماعه بس محدش يقدر يرشحلي نوع معين

شوف يا أخي الفاضل انا كمان أصلي من المنصورة ومن فترة كنت شاري مولد صيني 5 كيلو وات بمارش بحوالي 2000 جنيه لمسجد ومشغل كل حاجه من مراوح وأضاءة و صوتيات وزي الفل ولكن اليومين دول أخي الأكبر نزل عشان يشتري واحد للبيت ولكن للأسف تقريبا كله اتسحب من السوق وكمان الأسعار ضربت شوية فنصيحة لك لو تقدر تصبر شوية اصبر لحد مالدنيا تستقر عشان تعرف تشتري حاجه كويسة بسعر كويس
وبالتوفيق ان شاء الله

[yahiahelaly]

طيب حد يقدر يقولي محتاج مولد كام حصان عشان يشغل
6لمبات
تلاجتين
3 مراوح
هل مولد 2 حصان كفاية ولا خمسة مثلا ولا اية

[MaZaGAngeE]

طيب حد يقدر يقولي محتاج مولد كام حصان عشان يشغل
6لمبات
تلاجتين
3 مراوح
هل مولد 2 حصان كفاية ولا خمسة مثلا ولا اية

حضرتك محتاج تحسب الأحمال اللي هيشغلها المولد يعني تشوف كل الحاجات اللي هتشغلها مع بعض في وقت واحد كام كيلو وات أو اجمالي الأحصنة المطلوبة كام
لو فرضنا الأجهزة اللي انت عايزها هتكون القدرة المطلوبة من المولد كالتالي :

اللمبات :: 6 * 60 وات = 360 وات
تلاجات :: 2 * 150 وات = 300 وات
مراوح :: 3 * 100 وات = 300 وات

الاجمالي :: 360+300+300 = 960 وات
القدرة بالحصان :: 960 / 0.75 = 1.28 حصان
و مع اعتبار أن أقل حمل للمولد لابد أن يكون أكبر من أو يساوي 60% من اجمالي قدرة المولد يبقى حضرتك عشان تكون في الأمان ( لو حبيت بعد كده تزود أجهزة تانية ) محتاج مولد قدرته 2 حصان

و احتياطيا عشان تكون في الأمان برضه اسأل البياع و قوله يحسبلك القدرة المطلوبة عشان يشغل 1 كيلو وات قد ايه ؟

[yahiahelaly]

متشكر اوي يا فندمممم