كارفـــور مصــــــر هل ستسـتـمر..... وهل سنتفاعل ...!!!!

[دموع الثلج]

الموضوع معروف للجميع اكيد لاننا عشنا نفس الموقف من قبل عده شهور ولكن سرعان ما رجعت الامور الى ما كانت عليه قبل نشر الصور المسيئه الى رسولناالكريم عليه افضل الصلاه والسلام

هل نستطيع الصمــود هذه المره فى المقاطـعه وهى اضعف الايمان .....!!!!

وان لم يفلــــــح ســلاح المقاطعه هل لـــــــــــديك ااااقــــتراح لردع من يعتدون على مقدسات الاسلام

اتمنى ان نفتح الموضوع للنـقاش الــعام لنتعلم من بعض كيف تكون نصره الرسول صلى الله عليه وسلم من الواقع الفعلى والا نشاهد الصور ولا نتفاعل حتى بالمشاركه فى موضوع على الانترنت

ايه اللى ممكن تعمله بنفسك وتقول هذا الفعل نصره لرسول الله .........؟؟؟؟

[sab3aawy]

والله على حسب

لو احنا طلعنا رجالة ووقفنا وقفة رجالة وساندنا كارفور بالإستمرار فى شراء منتجات من دول اخرى وتشجيع المنتج المحلى قدر الإمكان (ماحنا عندنا جبنة ولبن وسمنه وللا هو ان مكانش نيدو وانكور ماينفعش) وعدم شراء اى منتج دانماركى اعتقد انه سيستمر



لكن لو عملنا زى كل مرة، نقلة واحدة لقدام وخمسة لورا، بيقى عليه العوض ومنه العوض

[دموع الثلج]

والله على حسب

لو احنا طلعنا رجالة ووقفنا وقفة رجالة وساندنا كارفور بالإستمرار فى شراء منتجات من دول اخرى وتشجيع المنتج المحلى قدر الإمكان (ماحنا عندنا جبنة ولبن وسمنه وللا هو ان مكانش نيدو وانكور ماينفعش) وعدم شراء اى منتج دانماركى اعتقد انه سيستمر



لكن لو عملنا زى كل مرة، نقلة واحدة لقدام وخمسة لورا، بيقى عليه العوض ومنه العوض

سبعااااااوى بيك حضرتك تقصد احنا مستهلكين ولا اجهزه دوله متخصصه وجهات مسئوله عن استيراد المنتجات الدنماركيه

لان احنا المفروض تطلق على حكومه وعلى شعب وبما ان الحكومه كالعاده ودن من طين وودن من عجين اااعتقد فتره صغيره وهنرجع خمسين مش خمسه لورا

طيب وايه بديل المقاطعه فى حاله اننا موقفناش وقفه رجاله ........ ؟؟
هنا السؤال

[ams]

كل اللى كنا بنجيبه من الدانمارك هو اللبن دانو واستبدلناه ببخيره

لكن اعتقد والعلم عند الله ان موضوع كارفور ده الهدف الاساسى منه الدعايه وده مش غلط
المهم ان عم عبده البقال هو اللى ما يجيبش البضائع الدانمركيه

[دموع الثلج]

كل اللى كنا بنجيبه من الدانمارك هو اللبن دانو واستبدلناه ببخيره

لكن اعتقد والعلم عند الله ان موضوع كارفور ده الهدف الاساسى منه الدعايه وده مش غلط
المهم ان عم عبده البقال هو اللى ما يجيبش البضائع الدانمركيه

تفتكر ان كارفور هيعمل دعايه لنفسه طب ويعدم بضاعه موجوده فى مخازنه ليه ؟؟؟

انت لو فكرت لمووضوع المقاطعه بالنسبه للشعب المصرى هو اصلا ده الطبيعى خصوصا مع ارتفاع اسعار السلع الجنونيه مين دلوئتى بيفكر يشترى مستورد
اذا كان المحلى ميقدرش على ثمنه

يعنى المقاطعه اجباريه ومش باختيارنا

[ams]

تفتكر ان كارفور هيعمل دعايه لنفسه طب ويعدم بضاعه موجوده فى مخازنه ليه ؟؟؟

اسمحى لى ان اقتبس هذا الجزء للكاتب احمد خالد توفيق

"كنت وزوجتي نشاهد (شعبان عبد الرحيم) في حلقة من برنامج (من سيربح المليون).. وكان المذيع يسأله أسئلة تافهة لكن المطرب الشعبي لا يجيب عن شيء منها، وهكذا بدأ المذيع يلمح له بالأجوبة ويسمح له بالربح .. كل هذا مع ضحكات المشاهدين واسطوانات (شعبان) المعروفة عن ثيابه التي يشتريها من وكالة البلح ورغبته في العودة إلى المكوة لأن الطرب لم يعد كما كان ..الخ .. في النهاية استطاع أن يحصل على مائة وخمسين ألفًا من الجنيهات في بضع دقائق.. قالت زوجتي إن هذا الرجل محدود الذكاء بشكل غير مسبوق، لكن رأيي كان مختلفًا .. لقد خدع المشاهدين والمذيع الوسيم وسخر منهم بمنتهى الخبث ..نحن خرجنا بإحساس زائف بالتفوق والذكاء وهو خرج بمائة وخمسين ألفًا فمن الأذكى ؟..ومن الغبي الحقيقي هنا ؟

الأمر كله يذكرني بقصة المتسول الذي كان السياح يعرضون عليه أن يختار بين عشرة دولارات وربع جنيه، فكان يختار الربع في كل مرة .. إلى أن لامه أحدهم على غبائه الشديد .. كيف تختار يا أبله ربع جنيه وتترك عشرة دولارات ؟.. كانت إجابة المتسول المفحمة هي: لو اخترت عشرة الدولارات لكف السياح عن المجيء لرؤية بلاهتي، ولقطعت مصدر رزقي !

ثمة قصة مماثلة عن التجار المصريين أيام الحملة الفرنسية، وكيف كانوا يرفضون العملات الذهبية لكنهم يقبلون أزرار الجنود الفرنسيين النحاسية ثمنًا لما يبيعونه لهم .. وقد تسلى الفرنسيون بهؤلاء الحمقى كثيرًا.. ثم اتضح فيما بعد أن المصريين لم يريدوا الاحتفاظ بعملات ذهبية فرنسية لأن الفرنسيين سيرحلون حتمًا، ولسوف تعود جيوش مراد بك لتعدم من تجد معه هذه العملات بتهمة الخيانة.. بينما الأزرار النحاسية تعني أن المصري قتل جنديًا فرنسيًا أو سرقه .. دعك من أن سعرها سيرتفع مع الوقت ! "

[دموع الثلج]

اسمحى لى ان اقتبس هذا الجزء للكاتب احمد خالد توفيق

لقد خدع المشاهدين والمذيع الوسيم وسخر منهم بمنتهى الخبث ..نحن خرجنا بإحساس زائف بالتفوق والذكاء وهو خرج بمائة وخمسين ألفًا فمن الأذكى ؟..ومن الغبي الحقيقي هنا ؟!

"

اولا اشكرك على الاقتباس من الكاتب

وان كنت انا هرد عليك بجمله ((تعاطفـــــــــك وحده مش كفـــــايه ))
تقدر تقترح حل اخر غير المقاطعه !!!!!

مش هتقدر تنكر اننا شعوب ودول اصبحنا نعشق السلبيه حتى اصبحت من اهم صفاتنا

يعنى لو كان الصحفى ده شتم او اهان رئيس دوله اسلاميه واصر على اهاناته وشتمه
كا ن هيبقى الموقف ايه من دوله الرئيس او الشعب هل هيكتفى بمقاطعات منتجاتهم فقط !!!!!!

[hazem_khidr]

تفتكر ان كارفور هيعمل دعايه لنفسه طب ويعدم بضاعه موجوده فى مخازنه ليه ؟؟؟

كارفور علي فكره مش خسران حاجه
لانه مش هو اللي بيشتري البضاعه علي فكره
كارفور بيأجر الرفوف بتاعه للشركات صاحبه البضاعه و ليه نسبه علي المبيعات يعني يوم ما بيشيل البضاعه بيرجعها الشركه و هو مش خسران حاجه.
دا وضع كارفور الامارات و متهيالي السياسه واحده في كل الفروع.
حصل برضه ايام المقاطعه اللي فاتت كنت في الامارات و شركتي كانت واخده توكيل جبنه بوك و فعلا رجعو البضاعه و الشركه ما بعتش بمليم لدرجه انهم فكروا يستغنوا عن التوكيل خالص

[ams]

كل اللى كنا بنجيبه من الدانمارك هو اللبن دانو واستبدلناه ببخيره

بس المقاطعة سلاح فعال جدا صحيح لا يوازى ما حدث لكن كما يكتب فى جريدة الدستور تقريبا " لا بيدى سيف ولا تحتى فرس " والمفروض على الاقل نسحب السفير ونرفع الامر للامم المتحده
حلو الكلام انا بقى اقدر اعمل ؟
اولا : مقاطعه , ثانيا : احاول اجتهد فى عملى عشان صوتى يبقى مسموع بعد كده اقدر ادافع عن نفسى ومعتقداتى بعد ما اكون انتهيت من حرب تكوين نفسى ماديا ومعنويا

ولو تقدرى تفيدينى بحاجة تالته اكون شاكر جدا ؟

[دموع الثلج]

بس المقاطعة سلاح فعال جدا صحيح لا يوازى ما حدث لكن كما يكتب فى جريدة الدستور تقريبا " لا بيدى سيف ولا تحتى فرس " والمفروض على الاقل نسحب السفير ونرفع الامر للامم المتحده
حلو الكلام انا بقى اقدر اعمل ؟
اولا : مقاطعه , ثانيا : احاول اجتهد فى عملى عشان صوتى يبقى مسموع بعد كده اقدر ادافع عن نفسى ومعتقداتى بعد ما اكون انتهيت من حرب تكوين نفسى ماديا ومعنويا

ولو تقدرى تفيدينى بحاجة تالته اكون شاكر جدا ؟

الموضوع اكبر من الشعوب لكن برضوه علينا مسئوليه ومنها :

[sab3aawy]

سبعااااااوى بيك حضرتك تقصد احنا مستهلكين ولا اجهزه دوله متخصصه وجهات مسئوله عن استيراد المنتجات الدنماركيه

لان احنا المفروض تطلق على حكومه وعلى شعب وبما ان الحكومه كالعاده ودن من طين وودن من عجين اااعتقد فتره صغيره وهنرجع خمسين مش خمسه لورا

طيب وايه بديل المقاطعه فى حاله اننا موقفناش وقفه رجاله ........ ؟؟
هنا السؤال

احنا اقصد بيها شعب المستهلكين، لأن لا السُلطة هاتعمل حاجة ولا المستثمرين هيعملوا حاجة لأن رأس المال لا دين له ولا ملة، الحاجة اللى ليها زبون هتتجاب وتتباع رغم انف كل النظم واللوائح، والنوكيا N95 الممنوع استيراده ومع ذلك نص شعب مصر شايله يشهد بذلك لكن البضاعة اللى زبونها هيرفض يشتريها مش هتيجى تانى، يبقى احنا كمواطنين دى مسئوليتنا اننا نمتنع تماما عن شراء منتجات الدنمارك

[hussein]

لا اعتقد ان كارفور مقاطع البضائع الدنماركيه الان والصور دى قديمه من ايام المقاطعه الاولى دا حتى التاريخ اللى على الصور 2-2-2006
ياريت اذا حد راح كارفور يعرف هما مقاطعين الايام دى ولا كانت دعايه ساعتها و خلاص

[KarimAbulEla]

اسمحى لى ان اقتبس هذا الجزء للكاتب احمد خالد توفيق

"كنت وزوجتي نشاهد (شعبان عبد الرحيم) في حلقة من برنامج (من سيربح المليون).. وكان المذيع يسأله أسئلة تافهة لكن المطرب الشعبي لا يجيب عن شيء منها، وهكذا بدأ المذيع يلمح له بالأجوبة ويسمح له بالربح .. كل هذا مع ضحكات المشاهدين واسطوانات (شعبان) المعروفة عن ثيابه التي يشتريها من وكالة البلح ورغبته في العودة إلى المكوة لأن الطرب لم يعد كما كان ..الخ .. في النهاية استطاع أن يحصل على مائة وخمسين ألفًا من الجنيهات في بضع دقائق.. قالت زوجتي إن هذا الرجل محدود الذكاء بشكل غير مسبوق، لكن رأيي كان مختلفًا .. لقد خدع المشاهدين والمذيع الوسيم وسخر منهم بمنتهى الخبث ..نحن خرجنا بإحساس زائف بالتفوق والذكاء وهو خرج بمائة وخمسين ألفًا فمن الأذكى ؟..ومن الغبي الحقيقي هنا ؟

الأمر كله يذكرني بقصة المتسول الذي كان السياح يعرضون عليه أن يختار بين عشرة دولارات وربع جنيه، فكان يختار الربع في كل مرة .. إلى أن لامه أحدهم على غبائه الشديد .. كيف تختار يا أبله ربع جنيه وتترك عشرة دولارات ؟.. كانت إجابة المتسول المفحمة هي: لو اخترت عشرة الدولارات لكف السياح عن المجيء لرؤية بلاهتي، ولقطعت مصدر رزقي !

ثمة قصة مماثلة عن التجار المصريين أيام الحملة الفرنسية، وكيف كانوا يرفضون العملات الذهبية لكنهم يقبلون أزرار الجنود الفرنسيين النحاسية ثمنًا لما يبيعونه لهم .. وقد تسلى الفرنسيون بهؤلاء الحمقى كثيرًا.. ثم اتضح فيما بعد أن المصريين لم يريدوا الاحتفاظ بعملات ذهبية فرنسية لأن الفرنسيين سيرحلون حتمًا، ولسوف تعود جيوش مراد بك لتعدم من تجد معه هذه العملات بتهمة الخيانة.. بينما الأزرار النحاسية تعني أن المصري قتل جنديًا فرنسيًا أو سرقه .. دعك من أن سعرها سيرتفع مع الوقت ! "

قصة جيدة جدا


______________

بخصوص كارفور اعتقد انى رأيت من شهر اللورباك و النيدو و باقى المنتجات الدنماركية

مع انى كنت هناك ايضا من 10 ايام و امس بس لم المحها بس احتمال انها لسه تباع هناك

[E_Farid]

السلام عليكم،

معلش يا جماعه انتوا ليه مستغربين ان الناس دى تنشر الصور تانى وليه مستغربين ان الناس لم تتفاعل مع الموضوع زى اول مرة ؟

بصراحة انا شايف ان مشكلتنا الأساسية اننا معندناش جرأة نواجه نفسنا،

يعنى ومع احترامى لكل الموجودين، كام واحد فينا بيحافظ على سنن الصلاة ؟

ده أصلا اذا كان الجميع بيصلى !!

طيب وكام واحد فينا متزوج او عنده أخت او بنت مش محجبه ؟

وكام واحد فينا مصاحب بنت وعايش قصة حب أغلبها معاصى ؟

مش دى نصرة برضه ؟

يعنى الحقيقة انا بحس اننا بنضحك على نفسنا وبنعمل واجب كده وخلاص زى اللى رايح يعزى فى مأتم،

لو عايزين تنصروه بجد اعملوا اللى قال عليه،

مش كده برضه ولا ايه ؟

احنا اقصد بيها شعب المستهلكين، لأن لا السُلطة هاتعمل حاجة ولا المستثمرين هيعملوا حاجة لأن رأس المال لا دين له ولا ملة،

للأسف كلامك صحيح جدا يا بشمهندس، وأغلب المصايب اللى احنا فيها من النقطة دى تحديدا،

ولما تبص على اعلانات وكليبات العرى والمياعة تشوف الكلمة دى فعلا،

ومن البداية أصلا، هتلاقيها خربانة بقروض بنوك ربوية وبلاوى تانية كتير.

[ahmedateya]

سأحتفظ برايي لنفسي;)