الحذر من الكهرباء الفولت منخفض

[memo_p910]

انا في حلوان المهم بقيس الفولت بتاع كهربة البيت بالصدفه والاقي الفولت اللي هوا المفروض 220 فولت مش مكمل 190 فولت وبكده قدرت اعرف سبب الارتجاج في كومبريسور المكيف لذلك الحذر لان ده ممكن يؤدي الى تلف الاجهزه المنزليه خاصة التكييفات والثلاجه وده انا بسميه نصب علني

وده طبعا بالاضافه الى مسلسل الانقطاعات المستمره كل يوم بتقطع لمدة اكثر من ساعه بعد المغرب مباشره والجديد النهارده قطعت اربع مرات حسبي الله ونعم الوكيل

انا مش دافع الفاتوره الشهر ده

[noctis]

هي دي مصر يافندم ,,, حوادث كل دقيقه ,, مياه صرف صحي الشعب يشربها ,, اغذيه ملوثة ,,, تلوث هوا زي الزفت ,,, امراض قاتله في كل حته ,, رشاوي ,, سرقه ونصب ,,,,,,,, وفي الآخر مش عارفين يوفروا لنا كهربا !!

ناموس ناموس وتحيا مصر :d

[yyy]

190 حلو علفكره
ساعات بيبقي 170 بس !!!

[yoko]

معلش بس أحب أقولك من طالب في كليه هندسه قسم كهربى إن العادي بتاع ال220 من 185 ل210 وكل مصنعين الأجهزة بيبقو عاملين حسابهم على الموضوع ده
والأرقام 220 و 110 هي أرقام ستاندرد لكن مش الحقيقيه وحتى أي جهاز عندك هتلاقي مكتوب عليه 240 مش 220 وده عشان معامل الأمان لو حصل والفولت زاد بالخطأ لأي سبب

[w-m-a]

انا كان عندى نفس مشكله ارتجاج التكيف
ولما جبت الكهربائى قال ان فى فازة من التلاته فاز واقعه وبدل الفازات
التكيف بقى مظبوط

[zaza_lanos]

عليه العوض ومنه العوض