مواد درسناها و ملهاش لازمه

[blazer]

فى الكليه
اكيد كلنا درسنا مواد و مكناش شايفين انها ليها لازمه
او ملهاش دعوه بتخصصنا اللى احنا فيه
كل واحد يحكى عن معاناه فى الموضوع دا
انا هبتدى بنفسى
انا فى كليه فنون تطبيقيه
بندرس كل تيرم فى المتوسط 10 مواد
و من وسط ال 10 مواد دول 3 -4 مواد ملهمش اى لازمه خااااااالص
يعنى مثلا
السنه اللى فاتت درسنا برنامج ميكروسوفت وورد ,,,,,,
-ميكروسوفت ورد 97 يعنى برنامج ماااااااات و شبع موت
برنامج بقاله 13 سنه ونزل بعديه 5 اصدرات تقريبا
بدل ما ندرس ماكس مثلا!
-درسنا ماده رياضيات اسمها رياضه بحته !
-درسنا كمان الهاردوير يعنى كان بيتشرح يعنى ايه شاشه وكيبورد


انا هيجيلى الضغط من التخلف دا والله

[korkor]

انا كنت فى هندسه مش اقل من 85% من المواد اللى درسناها مالاهاش لازمه ولا عمرنا استخدمناها فى الواقع العملى احنا قعدنا ناخد رياضه لغايه سنه تانيه مدنى و Sinh Tanh وكلام فاضى ولا لي اى لازمه

[shadygalal669]

انا كنت فى هندسه مش اقل من 85% من المواد اللى درسناها مالاهاش لازمه ولا عمرنا استخدمناها فى الواقع العملى احنا قعدنا ناخد رياضه لغايه سنه تانيه مدنى و Sinh Tanh وكلام فاضى ولا لي اى لازمه

ههههههههههههههههههههههههههههه فاضل و كامل بقي للصبح
ولابلاس و تيلور و مكالورين و عييييييييييييييييييييييييييييييييش

[Mzeid]

أنا درست مادتين واحدة في ترم سابع كانت Automatic Control و دي مستفدتش منها خالص لانها كانت كلها Math أنا كنت متوقع هندرس أنظمة الكونترول و الاجهزة المستخدمة .. يعني الحاجات اللي هشوفها في حياتي العملية

المادة التانية في الترم اللي قبله كانت Electronics Fundamentals ودي ملهاش أي لزمة بتخصصي لا من بعيد و لا من قريب و كمان الدكتور كان بيدرسلنا بالنظان الأوروبي يعني يدخل يشغل الكومبيوتر على البروجيكتور و يشغل slides و يقعد يقرأها و المفروض ان احنا نفهم من كتاب المادة نفسها .. و إكتشفت فيما بعد إن ال slides اللي بيشغلها دي مش من عمله لا دي موجودة على النت
و المادة دي في إمتحان ال mid term كنت قاعد بذاكر و براجع لنصف الدفعة قبل ما ندخل الإمتحان .. دخلوا كلهم كانت الدرجات من 15 و 18 ( معظمها ) و انا جايب 12 من 30 ( ثلاثون ) مع اني كنت كويس و بجاوب مع الدكتور

[kar!m]

للأسف الموضوع مش كده .. المواد دى مش ملهاش لازمة ولا حاجة .. بالعكس المواد دى مهمة جدا .. بس الشغل اللى فى مصر هو اللى مبيحتاجش العلم ده.

المواد اللى انت شايف ان ملهاش لازمة دى .. معمولة عشان تطلع علماء و مصممين .. انما معظم الشغل اللى عندنا "مشغلين" يعنى يجيب نظام أو اله أو أى حاجه مصممه بره .. و يدربك انك تشتغل عليها .. انما العلم اللى انت درستة كان بيهيأك انك تعمل زيها .. لو كنت درسته صح.

[wesam_salom]

ماده التربيه الوطنيه اللى كانت عندنا فى ثانوى

[mazagngi2010]

الحمد لله اشهد ان هندسه الزقازيق خصوصا هندسه اتصالات كل المواد اللى درستها مالهاش اى لازمه فى الحياه وفى شغلى رغم انى مهندس اتصالات مش بياع سمك يعنى نفس التخصص
material-رسم هندسى-وصفيه-رياضه -ديناميكا-استاتيكا-fluid-thermo-electronics-power-communications -control-t-فيزيا-انتاج
ومواد قدهم 3 مرات بس دول اللى فاكرهم
وكانوا بيضحكوا علينا وبيقول لنا كلام عبيط من عينه احنا بنديك الاساسيات وبنعلمك ازاى تفكر وكانت حاجات من الخمسينات وانقرضت والحمد لله بالفهلوه وتفتيح المخ بقينا بنشتغل ولا ادين بالشكر لاى دكتور ادانى اى حاجه من الحاجات الفارغه اللى قرفونا بيها
ربنا ياخد اتصالات الزقازيق
اعقم هندسه اتصالات فى العالم

[shaddadfalcon1]

انا كنت في حاسبات ومعلومات وبصراحه في مواد كتيير درستها وكنت فاكر ملهاش لازمه زي العربي والأنجليزي و4 كورسات رياضه
بس دلوقتي اتاكدت ان كلمة اتقالت كان ليها لازمه

الموضوع بس اني مش بتعرض لكل حاجه لكن اول مابتيجي قدامي حاجه جديده في شغلي بلاقي نفسي كنت دارسها قبل كده وعندي عنها فكره

[korkor]

لا كمان بقى اهم ماده فى هندسه عين شمس ودكتور الرقباوى الشهير الهندسه الوصفيه موازى عمودى موازى نفسى اعرف لازمتها ايه الماده العقيمه دى

[jisso82]

أنا مع أغلب الأعضاء إن احنا بشكل عام فى مصر عندنا سوء تخطيط قوى فى الناحية التعليمية و توزيع المناهج و المواد و إنه فيه حشو كتير يكاد يكون مالوش لازمة و خصوصا فى المراحل التعليمية الأولى بس مختلف معاهم فى إن أغلب الحشو اللى بتكلم عنه بيبقى غالبا فى محتوى المادة مش فى المادة نفسها يعنى صاحب الموضوع على سبيل المثال معترض على دراسته للوورد و لا لوورد 97 بالذات لأنه لو بيتكلم عن البرنامج عموما الناس دلوقتى ما بتشتغلش فى أى شركة أبا كان تخصصها من غيره أما لو بيتكلم عن الإصدار فممكن يقوللى إيه الفرق فى الأساسيات بينه و بين 2007 يعنى هيلاقى التطبيق واحد و الفانكشنز واحدة و الاختلاف بس مقصور على الانتر فيس و شوية أوبشنز جديدة.
و أكيد الرياضة البحتة اللى بياخدها فى الكلية ممكن يبقالها علاقة مثلا بتطبيقات فى قسم النحت يعنى يكون فى حسبات لازم يقدر يعرفها عشان أبعاد المجسم تطلع مظبوطة مثلا يعنى أنا بخمن مش بفتى.
أما الهارد وير فحضرتك حسب كلامك كده بتدرس أساسيات بسيطة جدا يعنى يادوب بتعرف مكونات الجهاز و وظائف المكونات دى و دى معلومات عامة مفيدة جدا عشان التعامل مع الجهاز فى المستقبل عن خلفية بالمكونات الالى بتتعامل فيها
أنا أخدت حضرتك كمثال لأنك صاحب الموضوع و لكن اللى قلته ينطبق على باقى الأعضاء

[SeiffoZ]

هندسة وصفية ... كيمياء ... فيزياء !

[hazemhany]

للأسف الموضوع مش كده .. المواد دى مش ملهاش لازمة ولا حاجة .. بالعكس المواد دى مهمة جدا .. بس الشغل اللى فى مصر هو اللى مبيحتاجش العلم ده.

المواد اللى انت شايف ان ملهاش لازمة دى .. معمولة عشان تطلع علماء و مصممين .. انما معظم الشغل اللى عندنا "مشغلين" يعنى يجيب نظام أو اله أو أى حاجه مصممه بره .. و يدربك انك تشتغل عليها .. انما العلم اللى انت درستة كان بيهيأك انك تعمل زيها .. لو كنت درسته صح.

انا مع حضرتك جدا في الكلام اللي بتقولوا ..يعني انا مثلا في هندسة قسم ميكانيكا باور في حاجات بناخدها انا عارف ان هنا في مصر ملهاش اي لازمة في الشغل لاننا مش بنصمم بجد لكن ده لا يعني انها مش مفيدة ..مثلا مادة اسمها اساسيات احتراق تفضل تاخد في دش ومعادلات وتركيزات وحوارات وفي الاخر متلقيش انك هتستخدمها في حاجة وزيها المعادلات التفاضلية و حاجات كتير...بس ده ميمنعش ان فيه مواد بناخدها ليها فايدة وتطبيقات مباشرة هنا في مصر وبتنفع في الشغل زي fluid , power plants , refrigration, heat transfer ...

[osama.m]

في الكلية .. لغة عربية و ادب و نحو ... تاريخ مصر الحديث و احصاء و هما يمكن حاجات عادية بس بعييدة كل البعد عن التخصص ... و حاجة ملهاش اي لازمة

[shadygalal669]

لا كمان بقى اهم ماده فى هندسه عين شمس ودكتور الرقباوى الشهير الهندسه الوصفيه موازى عمودى موازى نفسى اعرف لازمتها ايه الماده العقيمه دى

كان كاتب في اول الكتاب ان الماده دي بتساعد على تنمية الخيال و الحس الابداعي لدي الطالب

هي كانت مع الرسم و كنت جايب فيها امتياز كمان مش هنسي الرسمه اللى كانت طالعه من الورقه والله الورقه مكنتش جايبه الرسمه بالابعاد المطلوبه ببدئ من اول الصفحه من تحت لحد اخرها فوق و فاتح ورقتين في وش بعض و برضو مض بتقضي :D

ماده لذيذه

[blazer]

أنا مع أغلب الأعضاء إن احنا بشكل عام فى مصر عندنا سوء تخطيط قوى فى الناحية التعليمية و توزيع المناهج و المواد و إنه فيه حشو كتير يكاد يكون مالوش لازمة و خصوصا فى المراحل التعليمية الأولى بس مختلف معاهم فى إن أغلب الحشو اللى بتكلم عنه بيبقى غالبا فى محتوى المادة مش فى المادة نفسها يعنى صاحب الموضوع على سبيل المثال معترض على دراسته للوورد و لا لوورد 97 بالذات لأنه لو بيتكلم عن البرنامج عموما الناس دلوقتى ما بتشتغلش فى أى شركة أبا كان تخصصها من غيره أما لو بيتكلم عن الإصدار فممكن يقوللى إيه الفرق فى الأساسيات بينه و بين 2007 يعنى هيلاقى التطبيق واحد و الفانكشنز واحدة و الاختلاف بس مقصور على الانتر فيس و شوية أوبشنز جديدة.
و أكيد الرياضة البحتة اللى بياخدها فى الكلية ممكن يبقالها علاقة مثلا بتطبيقات فى قسم النحت يعنى يكون فى حسبات لازم يقدر يعرفها عشان أبعاد المجسم تطلع مظبوطة مثلا يعنى أنا بخمن مش بفتى.
أما الهارد وير فحضرتك حسب كلامك كده بتدرس أساسيات بسيطة جدا يعنى يادوب بتعرف مكونات الجهاز و وظائف المكونات دى و دى معلومات عامة مفيدة جدا عشان التعامل مع الجهاز فى المستقبل عن خلفية بالمكونات الالى بتتعامل فيها
أنا أخدت حضرتك كمثال لأنك صاحب الموضوع و لكن اللى قلته ينطبق على باقى الأعضاء

معلش انا معترض تمام مع حضرتك
ورد ايه دا اللى ندرسه
يعنى انا شغلى كله يأما ب ال
photoshop.illustrator.indesign
اعمل انا ايه بالبتاع اللى اسمه ورد دا اى حد فى الدنيا بيعرف يشتغل عليه
دا حتى امتحان بتاعه كان open book يعنى كنا بننقل الكتاب ونرسم القوايم و كل اللى استفدناه شويه التريقه على الماده
- والهاردوير
طال فى فنون تطبيقيه يدرس ان المكونات الماديه لجهاز الحاسب الالى هى الكيبورد و الماوس والشاشه ,,
دا والله استخفاف بعقول الطلاب
يعنى يبقى فيه ناس بيدرسوا برمجه و هندسه عكسيه فى كليات وناس يدرسوا الهذى دا
والرياضيات البحته لرده ملهاش اى لازمه لا فى قسم النحت ولا غيره
لانى اشتغلت كتير مع اصدقائى فى نحت و مستفدناش ب 1%
انا والله بتكلم بكل حياديه و موضوعيه
لاننا استفنا من مواد تانيه زى الرسم الهندسى والمنظور الهندسى و المنظور الحر جدا جدا جدا جدا