دعوة لعمل بيزنس بين رومانيا و مصر. دعوة للمشاركة.

[Mohamed_Rashad]

السلام عليكم ورحمة الله وبركاته.
عندي استفسار بسيط . لو في أي عضو هنا معانا في المنتدى و لديه شركة استيراد و تصدير و لديه الرغبة في عمل بيزنس مع شركتي في رومانيا لأن في منتجات و اشياء كتير لها فرصة جيدة جداً في التبادل التجاري بين مصر و رومانيا.

عامةً لو في أي عضو مهتم بالبيزنس ياريت يشارك برأيه وان شاء الله العبد لله مخطط لزيارة مصر ديسمبر المقبل مع أحد شركائي لفتح سوق جديدة لمنتجات متعددة في مصر. فأكيد هتبقى فرصة كويسة لتفعيل الاتفاق و المقابلة الشخصية ان شاء الله.

أتمنى أشوف آراء و مشاركة فعالة ان شاء الله.
تحياتي.

[hussein]

طب حضرتك شركتك شغاله فى ايه ؟ او ايه احاجة اللى انت بتفهم فيها

[Mohamed_Rashad]

Feedback

طب حضرتك شركتك شغاله فى ايه ؟ او ايه احاجة اللى انت بتفهم فيها

نشاط شركتي في مجال الاستيراد و التصدير كافة المنتجات بصورة عامة.
لكن خبرتي هي في مجال الهندسة الميكانيكية لأني مهندس تصميم ميكانيكي خريج قسم هندسة القوى الميكانيكية و أعمل في قسم الابحاث و التطوير في شركة المانية عالمية تعمل في قطع غيار السيارات الفارهة و الأسلحة و أجزاء من الماكينات و المعدات.

فكرة البيزنس هو محاولة ايجاد منتج في رومانيا ذو جودة عالية و سعر مناسب و يكون مطلوب في السوق المصري أو نقدر نفتحله سوق في مصر زي قطع غيار السيارات استعمال الخارج مثلاً أو أجزاء من سيارات.
هنا سهل جداً و متاح انك تشتري سيارات من رومانيا أو يفضل من خارج رومانيا زي المانيا و هولندا و بلجيكا حيث سعر السيارات هناك أرخص بكثير و ممكن بعد كده نبعتها مصر.
لو عند حضرتك أي أفكار لمنتجات أخرى أو عند أي عضو آخر و حابب يشارك معانا فأهلاً و سهلاً و ممكن يكون في خير لنا جميعاً ان شاء الله ما دام نيتنا سليمة الحمد لله.

على فكرة أنا شغلي واخد كل وقتي نتيجة حساسية مركزي بس معاية 2 شركائي هما اللي بيديروا الشركة و زي ما قولت قبل كده أنا و أحد شركائي ناويين ان شاء الله زيارة مصر ديسمبر المقبل.
برده في منتج آخر رهيب اللحوم تخيل اللحوم البتلو و الضان في رومانيا أرخص بكثير من مثيلاتها في مصر و الذ طعماً هنا الماشية و الخراف بتتغذى في مراعي خضراء في بيئة نظيفة. و طبعاً عارفين كلنا أزمة اللحوم و أسعارها في مصر و على فكره أنا أعني باللحوم اللحوم الطازجة مش المجمدة.

منتظر مشاركة حضرتك و الأخوة الأعضاء المهتمين.

تحياتي

[hazoom2006]

ربنا يوفقك ويكرمك وكويس ان حضرتك بتفكر فى مصر حتى لو هتصدرلها اهو اكيد هتكون احسن من المنتجات الصينى

الفكره عجبانى جدا :b4_388:وممكن تشتغل فى تيل الفرامل او مكونات عفشة السيارات بعتبارها اكثر عرضة للضرر والتغيير المستمر بسبب الطرق

برغم اعجابى بالفكرة بس للاسف مفيش راس المال

[Mohamed_Rashad]

Thank You

ربنا يوفقك ويكرمك وكويس ان حضرتك بتفكر فى مصر حتى لو هتصدرلها اهو اكيد هتكون احسن من المنتجات الصينى

الفكره عجبانى جدا :b4_388:وممكن تشتغل فى تيل الفرامل او مكونات عفشة السيارات بعتبارها اكثر عرضة للضرر والتغيير المستمر بسبب الطرق

برغم اعجابى بالفكرة بس للاسف مفيش راس المال

شكراً لمشاركتك و ربنا يكرمك ان شاء الله.
الفكرة كلها انك تستفيد و غيرك يستفيد بالتأكيد و الأجمل ان بلدنا كمان تستفيد بس ادعوا معايا كلكم ربنا يبعد عننا المافيا اللي عاوزة بلدنا تغرق و يسوء حالها من يوم للتاني بس لمصلحتهم.
تحياتي

[w-m-a]

ربنا يوفقك
انا عندى عربيه داتشيا نوفا
والوكيل بتاعها بيضرب السعر فى العالى جدا فى قطع الغيار
وفى واحد تان بيقول انه بيسافر يجيب من رومانيا وبرضه بيرفع فى السعر بس اقل من الوكيل
ما تحاول تشتغل فى قطع غيار الداتشيا النوفا واللوجان بقت كتير جدا وقطع غيارها نار
حاول وربنا يكرم
وانا ممكن احاول اسوق لك عند بعض التجار وخاصه المستعمل

[Mohamed_Rashad]

ربنا يوفقك
انا عندى عربيه داتشيا نوفا
والوكيل بتاعها بيضرب السعر فى العالى جدا فى قطع الغيار
وفى واحد تان بيقول انه بيسافر يجيب من رومانيا وبرضه بيرفع فى السعر بس اقل من الوكيل
ما تحاول تشتغل فى قطع غيار الداتشيا النوفا واللوجان بقت كتير جدا وقطع غيارها نار
حاول وربنا يكرم
وانا ممكن احاول اسوق لك عند بعض التجار وخاصه المستعمل

شكراً لك لمشاركتك الطيبة.
بس مشكلتي أنا ماعنديش وقت أني أنزل مصر و أقعد فترة لمحاولة فتح سوق لمنتج أو سلعة ما خاصةً و حضرتك عارف و الكل عارف أيضاً أنك بتقابل ناس كتير في مصر مابيحترموش كلمتهم و لا بيحترموا المواعيد بس لما تكلمهم يردوا و يقولوا أيوة احنا مهتمين جداً بالبيزنس أو فكرة المشروع و بعد كده ماتشفش منهم أي جدية أو أي خطوة ايجابية بل بالعكس أنا كنت أحترم مثل هذا الشخص لو أعتذر من البداية و كنت هقدر موقفه تجنباً لضياع الوقت و المجهود.
و زي ما كتبت قبل كده في مشاركة سابقة ليه أن شغلي مش مخليني أقدر أنزل مصر كتير وأعمل الجولات التسويقية المطلوبة.
بس أنا مهتم جداً بالبيزنس ده لأني شايف فرص جديدة واعدة ممكن نستغلها كويس ان شاء الله.
تحياتي

في نقطة مهمة جداً أحب أوضحها للأخوة الأعضاء و هي اني لا أطلب مشاركة مادية و لاأطلب أموال من أي عضو و خاصةً احنا لسه في البداية و مانعرفش بعض فتلافياً و تجنباً لأي مشاكل بقول مرة تانية غير مطلوب مشاركة مادية و لكن المطلوب هو التنسيق الجيد معاية على الأقل في الفترة الحالية لغاية زيارتي لمصر ديسمبر المقبل ان شاء الله.
الفكرة هي التنسيق و ايجاد و فتح سوق لأي منتج أو سلعى أنت تكون متأكد ان لها سوق في مصر أو تقدر تسوقها و تبلغني بيها و أنا هقولك اذا كانت السلعة دي و لا المنتج ده متوافر في رومانيا و لا لأ و لو متوفر هل متوفر بجودة كويسة و سعر مقبول يقدر ينافس في السوق المصري و لا لأ.
يارب أكون قدرت أوضح رؤيتي و أي استفسار ممكن تكتبلي هنا في المنتدى أو على بريدي الالكتروني على الياهو.
تحياتي

ربنا يوفقك
انا عندى عربيه داتشيا نوفا
والوكيل بتاعها بيضرب السعر فى العالى جدا فى قطع الغيار
وفى واحد تان بيقول انه بيسافر يجيب من رومانيا وبرضه بيرفع فى السعر بس اقل من الوكيل
ما تحاول تشتغل فى قطع غيار الداتشيا النوفا واللوجان بقت كتير جدا وقطع غيارها نار
حاول وربنا يكرم
وانا ممكن احاول اسوق لك عند بعض التجار وخاصه المستعمل

فكرة قطع غيار السيارات المستعملة أو أجزاء من السيارات فكرة جيدة جداً و مقبولة و هي متوفرة هنا بكثرة مش بس الداتشيا و لكن جميع الماركات خاصةً أن هنا في رومانيا و عامةً في أوروبا في برامج تشجيع و تحفيز حكومية للتخلص من السيارات القديمة و استبدالها بسيارات حديثة حفاظاً على البيئة.
لو حضرتك تقدر تسوق المنتج ده و تلاقي له تجار و زباين جادين عندك في مصر ممكن نتعاون مع بعض ان شاء الله و أبعتلك قطع الغيار المستعملة اللي أنت عاوزها.
شكراً لك.
تحياتي

[hazoom2006]

هو المشروع عايز دراسة جدوى

اية القطع الموجوده فى رومانيا مستعمله تنساب السيارات الموجوده فى مصر واختيار اشهر الماركات فى مصر؟؟
هل يمكن استيراد سيارات كامله موديلات فوق 90 مثلا ؟ او مواتير 1600 سى سى من ماركات مشهورة فى مصر ؟
الجمارك والتخليصات الجمركية لازم يكون حد خبره فى الموضوع ده؟؟
التسويق !؟؟ فين التجار ؟
مكتب ليكون مقر للشركة !!

هو ده اللى على بالى حاليا لو حضرتك متحمس للموضوع

[MoHaMed HaMeD]

طبعا موضوع رائع وربنا يوفقك الوجان انتشرت هنا جدا وحااجتها قليله ف السوق جدا رغم انتشارها ولما سئلت التجار مش لاقين اى حته ف اوربا بتقدر تعمل قطع غيارها رخيصه بل كلها لو جات مصر هتبقى قريبه من التوكيل وبالشكل ده كله هيفضل التوكيل لكن لو فتحنا فرصه للتجار انه فيه ممكن يستورده منه بثمن اقل يبقى احنا كسبنا هنا سوق

[memo_p910]

الحكومه وكبار المستوردين سيقفون لك بالمرصاد لافشالك او دفع الرشوه او مشاركتهم لك بالغصب مش بحبطك بس هيا دي الحقيقه المافيا لن تتركك أبدا

[Mohamed_Rashad]

Answers

هو المشروع عايز دراسة جدوى

اية القطع الموجوده فى رومانيا مستعمله تنساب السيارات الموجوده فى مصر واختيار اشهر الماركات فى مصر؟؟
هل يمكن استيراد سيارات كامله موديلات فوق 90 مثلا ؟ او مواتير 1600 سى سى من ماركات مشهورة فى مصر ؟
الجمارك والتخليصات الجمركية لازم يكون حد خبره فى الموضوع ده؟؟
التسويق !؟؟ فين التجار ؟
مكتب ليكون مقر للشركة !!

هو ده اللى على بالى حاليا لو حضرتك متحمس للموضوع

All Auto spare parts are available in Romania. It's NOT a problem.
Exporting a whole complete old vehicle to Egypt is a mission impossible because of the Egyptian customes and their regulations. but we can export to Egypt spare parts and parts of the second-hand cars.

Customes procedures will be the responsibility of the Egyptian import company.
The point is the marketing and trying to find the serious customers.

Thank you
Greetings

[Mohamed_Rashad]

The following products are with high quality, available in Romania and according to my research and my investigations are suitable for marketing and sales in a good way in the egyptian market:

(1) Wheat
(2) Cow and Sheep Meat fresh slaughtered
(3)Natural Pure Honey Bee 100% Supported with all certificates and ........s
(4) Auto spare parts new and second hand and parts of cars
(5) High Qulaity Fruit Juice

Please, if somebody is interested and serious to contact me.

Greetings

[M.Radwan]

قطع غيار السيارة لوجان تحديدا
لانها فى انتشار ولكن لسه مفيش انتشار كبير لقطع غيارها خارج التوكيل،

[hazoom2006]

بالتوفيق ان شاء الله

[ghabbour]

انا عندى مكان بجهز فيه علشان هعمل غرفة تبريد و غرفة تجميد
و ده على مساحة حوالى اكثر من 800 متر مش حاجة صغيرة
وبالفعل تم تبطين العنبرين بالكامل
و باقى شراء الكمبروسور لتشغيل هذين المخازن
و بصراحة عامل الكلام ده علشان تخزين الحوم و الدواجن المجمدة
و لاكن توقفت لعدم فراغى لاستكمال شراء وحدات التبريد
و مازال المخازن موجودة و متروكة
و للعلم انا مجال عملى الحالى تجارة و توزيع سكر


فانتظار رايك