الرقص مهنة شريفة زى الطب بالظبط

[Dr Ahmed]

بجد الواحد اكتئابه زاد بعد ماشاف الموضوع ده
انا ايه اللي دخلني طب بس :(

إللى دخلك الطب قدرك السعيد بإذن الله..
الطب لو افتكرت دايما النية لله فيه إن شاء الله هيكون من أهم أسباب دخولك الجنة..
وبالنسبة للدنيا أحب أطمنك: كل الأطباء ولله الحمد ميسورين الحال ، على الأقل (مستورين) ، والغالبية ميسورين ، وباب الاجتهاد مفتوح فى الطب وينطبق فيه قاعدة (من جدّ وجد)
وهتحس بنعمة كونك طبيب مع دعوة أول مريض تحسن استقباله وعلاجه وأيضا مع إحساسك انك بتقوم بعمل فعلا مهم ومفيد ومحترم ... حتى لو بيجيب فلوس أقل من فلوس الرعاشة !

[meza]

كلامها ده بيدل إن مستواها الثقافى فى الحضيض
شكلها مش بتستخدم مخها عشان تفكر قبل ما تتكلم

إيه اللى جاب الرقص للطب ؟!!!! .... حتى لو هى شايفاه إن الرقص كويس ..... إيه اللى خلاها تفكر أصلاً إنه زى الطب ....... يا دى النيلة على العقول البايظة

هى بتهرتل كلام و خلاص
معلش يا جماعة زمن المشهور فيه هو اللى يشد الناس بكلامه الأهبل بالإضافة لحاجات تانية إنتم أكيد عارفنها.

وهتحس بنعمة كونك طبيب مع دعوة أول مريض تحسن استقباله وعلاجه وأيضا مع إحساسك انك بتقوم بعمل فعلا مهم ومفيد ومحترم

يسلم فمك يا دكتور أحمد

[badblood]

فعلا عادل امام كان معاه حق في مسرحية(شاهد ما شفش حاجه)
لما قال منادي المحكمة (يا عم اتوكل على الله واشتغل راقصة)
و عجبي على بلدنا

[crazylambada]

ههههههههههههههههههههههه
احنا ايه اللي خلانا نذاكر
مش كنا لعيبة كورة احسن
لما عصام الحضري يسافر برة علشان ازمة مالية اومال احنا نعمل ايه مش لاقيين نشرب

[CryptonX]

ههههههههههههههههههههه
حلو أنها بتعتبر ملف الآداب وسام شرف على صدرها !!!!
يانهار أزرق على العقول !!!

بس بجد مخلصة والمهم إن عندها هدف ورسالة..

أى نعم هدفها ورسالتها هى إفساد الشباب ونشر الفواحش فى الأرض لكنها برضه رسالة ولازم نحترمها زى ما بنحترم إبليس فى إخلاصه لرسالته بغواية الناس..

شكرا بوسى وللا لوثى وللا مش عارف إيه، مايحرمكيش من الهبل..

والله انا شايف انها احسن من غيرها !
يعني حثالة متحركة و معترفة بذلك ! شكرا !
في غيرها كتير بقى " عايشين دور الناس المحترمة " و بموائد رحمن في رمضان كمان :)

[pcegypt]

الرقص رسالة بس للاسف محدش عارف يقراها
هتقراه في النار إن شاء الله

زمن تساوى فيه الاطباء بالراقصات
اللهم ارحمنا برحمتك

كلامها ده بيدل إن مستواها الثقافى فى الحضيض
شكلها مش بتستخدم مخها عشان تفكر قبل ما تتكلم

إيه اللى جاب الرقص للطب ؟!!!! .... حتى لو هى شايفاه إن الرقص كويس ..... إيه اللى خلاها تفكر أصلاً إنه زى الطب ....... يا دى النيلة على العقول البايظة

هى بتهرتل كلام و خلاص
معلش يا جماعة زمن المشهور فيه هو اللى يشد الناس بكلامه الأهبل بالإضافة لحاجات تانية إنتم أكيد عارفنها.
يسلم فمك يا دكتور أحمد

ههههههههههههههههههههههه
احنا ايه اللي خلانا نذاكر
مش كنا لعيبة كورة احسن
لما عصام الحضري يسافر برة علشان ازمة مالية اومال احنا نعمل ايه مش لاقيين نشرب

ياجماعة ماحدش يستغرب ده الواقع اللي احنا عايشين فيه:

الرقاصة بتقارن نفسها بالدكتور
المثل الاعلى للشباب المصري تامر حسني وعصام الحضري والدفاع عنهم اصبح مهمة قومية
كان زمان يقولك من جد وجد ، دلوقت إللي له ضهر ما يضريش على بطنه
دا غير إن الناس اصبحت بتوقر السفيه وتسمع كلامة.

ربنا يرحمنا

[electroman]

والله انا شايف انها احسن من غيرها !
يعني حثالة متحركة و معترفة بذلك ! شكرا !
في غيرها كتير بقى " عايشين دور الناس المحترمة " و بموائد رحمن في رمضان كمان :)

و الله اسمحوللى ااقول كلام مختلف شوية من غير هجوم و تشنج ... اولا انا لا اعرف الست بوسى ديه غير مرة شفت صورتها بالصدفة
فى جريدة او مجلة و الصورة تظهر انثى جميلة لكن حتى معرفش ان كانت مغنية كليب و لا رقاصة و الا ممثلة و الا يه .. لكن واضح انها
داخلة المجال ده زى كتير غيرها عن طريق الشكل المثير او الواسطة لكن بدون موهبة فنية خصوصا اليومين دول اى حد بيغنى او يرقص او
يمثل ...لكن انا عن نفسى ارفض الهجوم على الفن كله و هناك فن حقيقى يقدم رسالة و امتاع بدون اسفاف ..حتى الرقص نفسه فهناك رقص
محترم كرقص الباليه و هو يحتاج لدراسة لعدة سنوات و هو فن راقى جدا ليس فيه اثارة لاى غرائز و تصاحبه ارقى انواع الموسيقى - الموسيقى
الكلاسيك - و هناك رقص الفلكلور و هو رقص معروف فى العالم كله و يعبر عن ميراث الشعوب و طرقها فى التعبير عن نفسها ..
نفس الكلام يمكن ان يقال على كل الفنون .. فهناك سينما محترمة تناقش قضايا اجتماعية او سياسية او فلسفية و هناك افلام بورنو
للاثارة و نفس الكلام يمكن ان يقال على كل الفنون .. مسرح - تليفزيون - ادب - شعر .. الخ

و كل شئ فى الحياة له جانبان او عدة اوجه و المهم هو كيف نستخدم هذه الوسائل و فيما نستخدمها.. السيارة ممكن ان تستخدمها للانتقال
و العمل و ممكن تستخدمها لتوصيل المخدرات او لالتقاط فتاة ليل ! .. العلم يمكن ان يستخدم فيما يفيد و ممكن يستخدم فى صنع اسلحة
نووية و كيماوية ..الخ .. الخ

اما من تدخل مجال و تقول عن نفسها فنانة بينما هى لا تقوم بأكثر من استخدام جسدها لاثارة غرائز و ربما لها وظيفة اخرى غير معلنه
فالعيب ليس على الفن بل على من يمتهن الفن و لا يبغى التعميم فى كل شئ خاصة و حياتنا لعدم الوعى او لنقص العلم و الثقافة سلسلة
من التعميمات فى كل شئ .. و كل شئ اما ابيض كامل او اسود كامل و لا وسط فى اى شئ !

و هناك جانب اخر غريب فى مجتمعنا العربى و هو التركيز على مسائل خاصة بالمرأة الزى و الجنس و التشنج فيها بينما نهمل
مسائل اكثر خطورة و اهمية تتعلق بوجودنا ذاته !

المجتمع يا سادة كتله واحدة و فعلا المجتمع .. كل مجتمع و اى مجتمع يحتاج الجميع : الطبيب و المهندس و التاجر و المحاسب و الموظف
الادارى و الميكانيكى و المدرس و مسئول المبيعات ..الخ .. و كذلك يحتاج الكاتب و السياسى و الشاعر و الفنان الذى يقدم فن صادق من رسم
او كاريكاتير او سينما او مسرح او حتى رقص اما التعميم بشأن الفنون او من يمارسون المهنة و يسئؤن اليها فشئ غير سليم ..

اما بخصوص ان الراقصة تحصل على مال كثير اكثر من الطبيب او المهندس ..فهذا مؤسف لكن ليس فقط الراقصات هناك اخرين يحصلون
ايضا على ملايين بل و بلايين لا يستحقونها و لا يقدمون للمجتمع ما يقدمه طبيب او عالم .. و مثلا سعد الصغير يحصل فى شريط واحد او اثنين على اكثر
مما حصل عليه عبدالوهاب او نجيب محفوظ و غيرهم .. و اخيرا تقديم المتعة و الترفيه ا لراقى و المحترم ايضا يحتاجه المجتمع .

على الله يكون كلامى مفهوم و ميطلعش واحد يفسره بأنه دفاع عن الست اياها !!!

[gade2]

العيب فى اللى بدفع ال700 جنيه

[MoToRiZeR]

ريهام سعيد محاورة فاشلة جدا جدا جدا جدا جدااااااااااااااااا و انا اما بشوف البرنامج بتاعها مبقدرش أتحمل جرعة الفشل اللي بتدلدق من الشاشة .. هي اللي معرفتش تزنقها في الكلام.

هو خلاص أي واحدة شكلها حلو بقت مذيعة !

[blazer]

دى واحده من كثيرات منحطين لدرجه انهم فاكرين نفسم مسج
العيب على القناه اللى استضافت واحده زى دى
بدل اما يستضيفوا دكتور ولا مهندس ولا عالم او شيخ
ينفع الناس بعلمه
حسبى الله ونعم الوكيل

[Goodle]

دى واحده من كثيرات منحطين لدرجه انهم فاكرين نفسم مسج
العيب على القناه اللى استضافت واحده زى دى
بدل اما يستضيفوا دكتور ولا مهندس ولا عالم او شيخ
ينفع الناس بعلمه
حسبى الله ونعم الوكيل

معاك حق يا أستاذ بليزر