هل من علاج

[محمد بلال]

هل من علاج

هل من علاج لمرض هوس نتف الشعر ( يعنىوالعياذ بالله تقعد تنتف غصب عنك فى شعر ذقنك أو حاجبك أو شعر رأسك )

[Soma_Sooma]

هو يعتبر دة نوع من انواع التوتر زى قرقضة الضوافر كدة و ان شاء الله بيروح بس لازم تشوف دكتور يخرجك من حالة التوتر دى

[A7MED_PHARMA]

أنا كان عندي هوس إني ألعب في حواجبي أيام ثانوية عامة
طول منا قاعد بذاكر
إيد ماسكة القلم..والتانية ماسكة حاجبي الشمال
ههههههههههههههه
بس الحاجات دي فعلا زي ماقالت سوما
توتر وقلق محدود بوقت..وبيروح بعدها
إنت بس ماتحطش في دماغك..وهتلاقيك نسيتها


أنا كنت داخل ثانوية عامة بحواجب زي شنبات الصعايدة..دلوقتي بقو خفاف خاااااااالص

[محمد بلال]

أنا كان عندي هوس إني ألعب في حواجبي أيام ثانوية عامة
طول منا قاعد بذاكر
إيد ماسكة القلم..والتانية ماسكة حاجبي الشمال
ههههههههههههههه
بس الحاجات دي فعلا زي ماقالت سوما
توتر وقلق محدود بوقت..وبيروح بعدها
إنت بس ماتحطش في دماغك..وهتلاقيك نسيتها


أنا كنت داخل ثانوية عامة بحواجب زي شنبات الصعايدة..دلوقتي بقو خفاف خاااااااالص

للأسف المرض ده ليه اكثر من ست سنوات والواحد تعب منه على الاخر روحت لدكتور نفسى صرفلى مهدئات معملتش اى حاجه وانا اتخنقت من الوضع ده وبقى مسببلى احراج جامد

[Soma_Sooma]

للأسف المرض ده ليه اكثر من ست سنوات والواحد تعب منه على الاخر روحت لدكتور نفسى صرفلى مهدئات معملتش اى حاجه وانا اتخنقت من الوضع ده وبقى مسببلى احراج جامد

طيب هقولك على حل حلو انت طبعا مش بتحس بنفسك وانت بتعمل كدة . بس حاول تنتبة ان انت بتعمل الحركةدى و تبطلها وقتها و تعمل اى حاجة تانية تشغلك وتفضل تعمل كدة لحد ماواحدةواحدة تقل ان شاء الله

[grumby78]

زي كلام الي قبلي
حاول تركز في العاده دي وانتا بتعملها و تمنع نفسك منها ودائما ذكر نفسك انها منتقده من الناس وانك ماتحبش ان الناس تربطك بالحركه دي . السيطره على نفسك يعني . الموضوع حيكون متعب لمدة اسبوعين على الاكتر وبعد كده ستتخلص منها باذن الله . وتذكر انت اكبر من ان تسيطر عليك عاده غريبه .

[ASKAFRAWY]

طيب هقولك على حل حلو انت طبعا مش بتحس بنفسك وانت بتعمل كدة . بس حاول تنتبة ان انت بتعمل الحركةدى و تبطلها وقتها و تعمل اى حاجة تانية تشغلك وتفضل تعمل كدة لحد ماواحدةواحدة تقل ان شاء الله

انا متفق تماما مع الرأى دة,....لان انت اول ما هتبدأ تتوتر تبدأ تصرف اهتمامك بحبجة تانية..و صدقنى لو مارست نوع من الرياضة ولو حتى المشى هيقلل من موضوع التوتر دة

حل تانى بس من غير ضحك والله
انك تحلق زيرو و تحلق ذقنك لفترة معينة لحد ما تنسي العادة دى
انا و الله مش بهزرلان لو مكانك كنت هعمل كدة ما هم كدة كدة هيقعوا من النتف يبقى بيدى لا بيد عمرو

[rodyA113]

السلام عليكم
هو ردود بصراحه جميله بنعتبرها عندنا في علم النفس علاج سلوكي بس قبل ما ابدا اتكلم مع حضرتك ممكن تقلي سنك ولو متزوج وامتي حضرتك حصلك كده؟ ولاحظت ده امتي؟ وبدات بالقوه دي ولا بالتدريج لحد ما بقت عاده عند حضرتك؟ حضرتك عصبي ولا لا؟عندك مشكله تانيه زي تحريك او اهتزاز الأطراف؟

[ASKAFRAWY]

السلام عليكم
هو ردود بصراحه جميله بنعتبرها عندنا في علم النفس علاج سلوكي بس قبل ما ابدا اتكلم مع حضرتك ممكن تقلي سنك ولو متزوج وامتي حضرتك حصلك كده؟ ولاحظت ده امتي؟ وبدات بالقوه دي ولا بالتدريج لحد ما بقت عاده عند حضرتك؟ حضرتك عصبي ولا لا؟عندك مشكله تانيه زي تحريك او اهتزاز الأطراف؟

وهل يفتى و ملك فى نايل موتورز...اتفضل يا دكتور طبعا مفيش كلام بعد كلام علم النفس

[rodyA113]

الله يخليك ميرسي ربنا يشفيه يارب هو الشافي بسيطه ان شاء الله

[محمد بلال]

انا متفق تماما مع الرأى دة,....لان انت اول ما هتبدأ تتوتر تبدأ تصرف اهتمامك بحبجة تانية..و صدقنى لو مارست نوع من الرياضة ولو حتى المشى هيقلل من موضوع التوتر دة

حل تانى بس من غير ضحك والله
انك تحلق زيرو و تحلق ذقنك لفترة معينة لحد ما تنسي العادة دى
انا و الله مش بهزرلان لو مكانك كنت هعمل كدة ما هم كدة كدة هيقعوا من النتف يبقى بيدى لا بيد عمرو

والله حاولت انا بقعد انتف فى شعر لحيتى من غير ما أشعر ولما بشعر بالموضوع بتوقف مباشرة بس بعد فوات الاوان وانا بمارس رياضة ومع ذلك الموضوع ذى ما هو
قمت بحلاقة لحيتى فبل ذلك ولما كبرت لحيتى مرة أخرى رجعت ريما لعادتها القديمة

[محمد بلال]

السلام عليكم
هو ردود بصراحه جميله بنعتبرها عندنا في علم النفس علاج سلوكي بس قبل ما ابدا اتكلم مع حضرتك ممكن تقلي سنك ولو متزوج وامتي حضرتك حصلك كده؟ ولاحظت ده امتي؟ وبدات بالقوه دي ولا بالتدريج لحد ما بقت عاده عند حضرتك؟ حضرتك عصبي ولا لا؟عندك مشكله تانيه زي تحريك او اهتزاز الأطراف؟

عمرى 31 سنة تقريبا ومتزوج ومعايا ولد وبنت وحصلتلى الحالة دى من ست سنوات تقريبا ولاحظت الحكاية دى لما اعفيت لحيتى من اربع سنوات تقريبا ، وكان فيها نوع من التدرج ، أه انا عصبى نسبيا ، وعندى موضوع تحريك الاطراف بقعد احرك رجلى وانا قاعد على المكتب

[rodyA113]

عمرى 31 سنة تقريبا ومتزوج ومعايا ولد وبنت وحصلتلى الحالة دى من ست سنوات تقريبا ولاحظت الحكاية دى لما اعفيت لحيتى من اربع سنوات تقريبا ، وكان فيها نوع من التدرج ، أه انا عصبى نسبيا ، وعندى موضوع تحريك الاطراف بقعد احرك رجلى وانا قاعد على المكتب

السلام عليكم
حضرتك لما اعفيت لحيتك كنت مجبور على ذلك يعني مكنتش مقتنع بده ؟ وممكن مع تركيبه جضرتك الشخصيه انت انفعالي على فكره وده اللي بيخلي اي حاجه بسيطه تشد اعصابك وبتطلع انفعالاتك بشكل اسقاطي ولا شعوري على فكره هو في علاج ميديكال بس انا مش بفضله لانه معظمه بيعتمد على المهدئات وانا مقدرش اقول لحضرتك تاخد اي حاجه الا تحت اشراف الطبيب ...بس انا هساعد حضرتك بس محتاجه جهد منك وانا عارفه مدام عندك اصرار للحروج من حاله التوتر والعاده دي لازم اولا تهدي جهازك الانفعالي وتقلل من الكافيين باشكاله المتنوعه اوك...وتمارس رياضه حتي لو المشي تعود دائما التنفس بعمق انا حاسه ان حضرتك من النوع السريع في كل حاجه وعايز كل حاجه بسرعه بمعني انك نشط وبتنفعل بشكل سريع فحضرتك محتاح تتعود انك تتنفس بعمق وده تمرين سهل حضرتك افتكره وانت حتي قاعد قدام التي في او اول لما رجلك تهتز وقف الإهتزاز وغمض عيونك وتنفس لمده خمس دقايق بعمق وحاول تسترخي وشوف حضرتك النتيجه ان شاء الله وقولي

وهنبدا سوا كانها جلسات والله المستعان ها مستعد ياله بينا

اول 3 ايام
الإسترخاء التدريجي للعضلات:

- إجلس وتمدد بوضع مريح وأغمض عينيك، دع فكّك يسترخي وكذلك عينيك ولكن من دون إغماضهما بقوة.
- إفحص جسدك ذهنيآ، بدءآ من اصابع قدميك وببطء نحو رأسك ، وركّز على كل منطقة على حدة ، وتخيّل بأن التوتر يذوب تدريجيآ.
- شدّ عضلاتك في إحدى مناطق جسدك ، عدّ حتى الخمسة ، ثم أرخها وإنتقل إلى المنطقة التالية.

ثاني 3 ايام
التخيّل البصري:

- دع الأفكار تنساب في ذهنك من دون التركيز على أي منها ، أوحٍ إلى نفسك بأنك مسترخ وهاديء وبأن يديك دافئتان (أو باردتان إن كنت تشعر بالحر) وثقيلتان وبأن قلبك ينبض بهدوء.
- تنفسّ ببطء بإنتظام وبعمق.
- فور إسترخائك ، تخيّل بأنك في مكانك المفضّل أو أمام منظر أخّاذ.
- بعد 5 إلى 10 دقائق، إسحب نفسك من هذه الحالة تدريجيآ.

اخر 3ايام
مع الممارسة يصبح بمقدورك التنفس بشكل عميق ومسترخ.
في البداية مارس ذلك وأنت مستلق على ظهرك ، بينما ترتدي ملابس مرتخية على الخصر والبطن ،
وفور إعتيادك على التنفس بهذه الوضعية تدرب على ممارسته وأنت جالس ومن ثم وأنت واقف.
- تمدّد على سرير على ظهرك.
- باعد بين قدميك قليلآ ، أرح إحدى يديك على بطنك ، قرّب السرّة والاخرى على صدرك.
- إشهق من أنفك وإزفر من فمك.
- ركّز على تنفّسك لبضع دقائق بعد ذلك ، حاول أن تعي أيّآ من يديك ترتفع وتنخفض مع كل نفس.
- إزفر بلطف معظم الهواء الموجود في الرئتين.
- تنشّق وأنت تعدّ ببطء حتى الأربعة ، مايعادل ثانية بين كل رقم ، ومع التنشّق بلطف ، مدد بطنك قليلآ حتى يرتفع حوالي واحد إنش (ويجب ان تشعر بالحركة من خلال يديك), ولا ترفع كتفيك أو تحرّك صدرك أثناء ذلك.
- مع التنفس تخيّل بأن الهواء الدافيء ينساب في جميع أجزاء جسدك.
- إسترح لثانية بعد التنشّق.
- إزفر ببطء وأنت تعدّ حتى الأربعة ، وأثناء الزفير ستشعر ببطنك ينخفض ببطء.
- أثناء خروج الهواء ، تخيّل بأن التوتر يخرج معه.
- إسترح لثانية بعد الزفير.
- إن وجدت صعوبة في الشهيق والزفير حتى الأربعة ، قصّر الوقت قليلآ ثم تدرب تدريجيآ حتى الأربعة ، وفي حال شعرت بدوران ، ابطيء من تنفسك أو إجعل نفسك اقل عمقآ.
- كرر التمرين: شهيق بطيء ، إستراحة ، زفير بطيء، إستراحة ، من 5 إلى 10 مرات ، إزفر ، تنشّق ببطء ، 1 ، 2، 3 ، 4 ، إسترح ، ثم تابع بمفردك ، وإن واجهت صعوبة في جعل تنفسك منتظمآ ، خذ نفسآ أعمق بقليل ، وأمسكه لثانية أو ثانيتين ، ثم دعّه يخرج ببطء عبر شفتيك المنفرجتين خلال 10 ثوان تقريبآ.
كرر هذه العملية مرة أو مرتين ثم عاود التقنية الأخرى.

اليوم السابع رياضه وحروج للنادي او اي مكان متسع بحر اي مكان هيريح اعصابك اوك

عارفه انه محتاج تركيز بس لازم حضرتك تمشي عليه اطبعه وخاليه مع حضرتك وامشي عليه لوحدك هتلقيك بدات تبدل فيهم وتمارين التنفس هتلقيك اتعودت عليه المهم انك تبعد تفكيرك تمام عن موضوع العاده دي ولما تلاقي نفسك بدات تلعب فيهم تاني استرخي واعمل التمرين الأول مع التنفس وهتشوف ان شاء الله نتيجه جيده
متابعه مع حضرتك لحد ما تطمني الله المستعان يارب

[محمد بلال]

سيدتى rodyA113

اولا الف شكر على مساعدة حضرتك لى
ثانيا ردا على استنتاجاتك انا لما اعفيت لحيتى كنت مقتنع بيها تمام الاقتناع ومحدش حاول يجبرنى على اعفائها او حتى حلقها بعد ذلك ولله الحمد والمنه بس ربما القلق الامنى عندنا فى الصعيد من موضوع اللحية هو اللى كنت شايل همه قليلا . انا مش انفعالى بدرجة كبيرة يعنى مش بكسر الدنيا لما بنفعل بالعكس انا زى ما قولتك اننى انفعالى نسبياً يعنى يغلب على طابع الهدوء حتى ان اصدقائى لما بنفعل بيقولولى احنا مكناش متوقعين انك عصبى كده بمعنى اخر انا هادى بس لما بنفعل بيكون انفعالى زيادة عن اللزوم شوية ( الصراحه راحه ) .
على فكرة انا ماليش فى الكافيين خالص انا طول عمرى مبحبش القهوة ولا مشتقاتها وطبعا ماليش فى السجاير انا اخرى كوب شاى خفيف سكر زيادة ... ايوه انا بالفعل من النوع السريع في كل حاجه وعايز كل حاجه بسرعه ونشط
بالنسبة للجلسات انا داخل الاعتكاف يوم الاحد ودى فرصة كويسة اننى ابدأ الجلسات فيها لاننى بكون مرتاح نفسيا على الاخر فى الاعتكاف والله المستعان وهو الشافى المعافى وشكراً جزيلا لحضرتك

[dr.hazem]

عندي فكره ممكن تجربها
بس استحملها

ممكن تلف الصوابع اللي بتنتف بيها بلزق شفاف بحيث لما تيجي تنتف اللزق ناعم فمتعرفش تنتفه لحد اما تتعود ان صوابعك مش هتعرف تنتف بيها وبالتالي تبطل

ده اقتراح مني

تحياتي