ليه مفيش وظائف لمهندسى الاتصالات بالذات؟

[medo_2060]

السلام عليكم
قسم هندسه اتصالات مالوش اى اعلان عالنت مطلوب
مواقع الوظائف الخاليه كلها اعلانتها مدنى واقسام اخرى لكن اتصالات والكترونيات نادر جدا
انا فعلا دورت فى اكتر من موقع مجمعتش 3 وظائف على بعض من الاف الوظائف وعايزين خبره كمان!!
كان القسم دا اتلغى ولا حاجه
ياريت لو حد يعرف السبب يا جماعه يقولى لانى مستغرب جدا جدا
والسلام ختام

[amrelsaqqa]

مهندسين اتصالات بيشتغلوا في الشبكات
بشهادات سسكو زي ccna و ccnp
وبيشتغلوا في شركات الموبايل لو معاك كورسات gsm و cdma و gprs و ....

وبيشتغلوا في شركات النت زي اتصالات و تى اي داتا ولينك ...

و ممكن تلاقى في شغل الـ gis و الـ SDH والحاجات دى بس دى طبعا محدودة جدا

[kemo0o]

How come

ياباشا زي ما الراجل اللي قبلي قال بالضبط شغلكم في

مهندسين اتصالات بيشتغلوا في الشبكات
بشهادات سسكو زي ccna و ccnp
وبيشتغلوا في شركات الموبايل لو معاك كورسات gsm و cdma و gprs و ....

وبيشتغلوا في شركات النت زي اتصالات و تى اي داتا ولينك ...

و ممكن تلاقى في شغل الـ gis و الـ SDH والحاجات دى بس دى طبعا محدودة جدا

ضيف على كده ايضا ان انت لازم يكون عندك دراية بلغات البرمجة وساعتها بقى هتلاقي شغل كتييييييييييييييييييييير لاتصالات

[Mzeid]

معلش ممكن أقول رأيي
حضرتك كان قسم إتصالات و إلكترونيات في هندسة كان مميز في السابق لأن اللي بيتخرجوا كانوا بيلاقوا وظائف جيدة بمرتبات جيدة فلما الطلاب لقوا كدة أعداد كبيرة دخلت اتصالات على امل الوظيفة فطبعا الكلام دة زود أعداد الخريجين

و بعدين حضرتك بتتكلم على مهندسين اتصالات طيب المهندسين البحريين يعملوا الي ما ذكروا في موقع واحد في أي منطقة في مناطق النت

[medo_2060]

مهندسين اتصالات بيشتغلوا في الشبكات
بشهادات سسكو زي ccna و ccnp
وبيشتغلوا في شركات الموبايل لو معاك كورسات gsm و cdma و gprs و ....

وبيشتغلوا في شركات النت زي اتصالات و تى اي داتا ولينك ...

و ممكن تلاقى في شغل الـ gis و الـ SDH والحاجات دى بس دى طبعا محدودة جدا

How come

ياباشا زي ما الراجل اللي قبلي قال بالضبط شغلكم في



ضيف على كده ايضا ان انت لازم يكون عندك دراية بلغات البرمجة وساعتها بقى هتلاقي شغل كتييييييييييييييييييييير لاتصالات

معلش ممكن أقول رأيي
حضرتك كان قسم إتصالات و إلكترونيات في هندسة كان مميز في السابق لأن اللي بيتخرجوا كانوا بيلاقوا وظائف جيدة بمرتبات جيدة فلما الطلاب لقوا كدة أعداد كبيرة دخلت اتصالات على امل الوظيفة فطبعا الكلام دة زود أعداد الخريجين

و بعدين حضرتك بتتكلم على مهندسين اتصالات طيب المهندسين البحريين يعملوا الي ما ذكروا في موقع واحد في أي منطقة في مناطق النت

شكرا لردكم واهتمامكم يارجاله
بس فى الكليه اتصالات بتبقى قسمين الكترونيات وحاسبات ودى المختصه بالبرمجه..
يعنى شغل البرمجه المفروض مش مجالى عشان اخد فيه دورات وكدا زى ما وضحتوا....
وكان قصدى ان مفيش اعلانات فعلا عالنت بغض النظر عن انى هاخد كورسات او غيره اما نادر لما اشوف اعلان ....
وبالنسبه للاخ Mzeid كلامك صحيح وفعلا فى وظائف كتير ملهاش اعلانات عالنت.
طب تنصحونى اكمل دراسات عليا ولا اخد دورات معينه؟
وكمان انا ان شاء الله هاخد دوره لغه(انجليزى) بس محتار لو حد مجرب مكان كويس وسعره معقول يعرفنى وياريت يكون فى المنصوره
اسف على الاطاله وهتعبكم
وشكرا مقدما

[hazemhany]

بص يا بشمهندس انت اكتر المجالات المفتوحة قدامك دلوقتي يا الكنترول وده مجال واسع ومطلوب بس محتاج منك بعض الدورا زي ال plc مثلا ..تاني مجال في اقسام ال IT في الشركات او البنوك ...بس لازم تقوي نفسك في البرمجة ومش معني انك اتصالات انك ملكش دعوة بالبرمجة لأ في الشغل كل الاقسام بتتداخل ,,,وع العموم ربنا معاك ويوفقك بس اهم حاجة متيأسش ..

[medo_2060]

بص يا بشمهندس انت اكتر المجالات المفتوحة قدامك دلوقتي يا الكنترول وده مجال واسع ومطلوب بس محتاج منك بعض الدورا زي ال plc مثلا ..تاني مجال في اقسام ال it في الشركات او البنوك ...بس لازم تقوي نفسك في البرمجة ومش معني انك اتصالات انك ملكش دعوة بالبرمجة لأ في الشغل كل الاقسام بتتداخل ,,,وع العموم ربنا معاك ويوفقك بس اهم حاجة متيأسش ..

شكرا يا استاذ حازم لردك واهتمامك...
وربنا يسهل ان شاء الله

[esam_comm]

انا خدتها من قصيرها ومن ساعه ماتخرجت شغال في مجال انظمه الحريق في توكيل شركه امريكيه لان لو ماشتغلتش في شركات الاتصالات اللي هي موبينيل وخلافه مش هاتلاقي تخصصك وفعلا في فرق بين اتصالات وحاسبا ت وحاول تدرس كنترول مجاله كويس جدااا وسيبك من شغل it لان ده بتوع الدبلومات بيعملوه
لو الزمن رجع بيا عمري ماهدخل القسم ده تاني كهرباء احسن منه مليون مره

[MaZaGAngeE]

فعلا قسم كهربا أو قسم تحكم آلي أحسن منه مليون مره
اتصالات أو الكترونيات ده قسم زي االلي رقص على السلم لا هوه مهندس حاسب و فاهم برمجة كويس و لا هوه مهندس تحكم و فاهم بي ال سي كويس و لا حتى مهندس كهربا باور
هوه شغله مش في مصر
انا متخصص في تصميم و تنفيذ الدوائر متناهية الصغر ( vlsi) و طبعا ده مجال مش موجود في مصر و انا رافض السفر اشتغلت في شركات المقاولات مهندس تنفيذ و بعد كده مهندس صيانة في صناعة كربونات الكاليسيوم
باختصار انت مهندس و المهندس يقدر يشتغل أي حاجة لأنه بيفكر و يحلل المشاكل و يضع ليها حلول ....

[Mzeid]

فعلا قسم كهربا أو قسم تحكم آلي أحسن منه مليون مره
اتصالات أو الكترونيات ده قسم زي االلي رقص على السلم لا هوه مهندس حاسب و فاهم برمجة كويس و لا هوه مهندس تحكم و فاهم بي ال سي كويس و لا حتى مهندس كهربا باور
هوه شغله مش في مصر
انا متخصص في تصميم و تنفيذ الدوائر متناهية الصغر ( vlsi) و طبعا ده مجال مش موجود في مصر و انا رافض السفر اشتغلت في شركات المقاولات مهندس تنفيذ و بعد كده مهندس صيانة في صناعة كربونات الكاليسيوم
باختصار انت مهندس و المهندس يقدر يشتغل أي حاجة لأنه بيفكر و يحلل المشاكل و يضع ليها حلول ....

بصراحة انا لا بحب كهربا و لا تحكم آلي
انا واحد ضاحبي معاه دورات سيسكو اللي هي CCNA و الحاجات دي و عايز يشتغل بيها لن طبعا وظائف مهندسيين الإلكترونيات مش موجود في مصر
بس احسن مجال الميكانيكا دة اللي بيشتغل اي حاجة أو من الآخر ميكانيكي

[mazagngi2010]

عليك وعلى شركات الاتصالات هتبدا صغير فى اى subcontractor وهتتسحل فى المواقع وان شاء الله ربنا هيكرمك بعد كده
ولو الزمن رجع بيا كنت هدوس ميكانيكا وش

[som3aa]

علشان المجال متشبع اوى و الشركات الكبيرة اللى بتشغل مهندسين الاتصالات 6 بس فى مصر , هيشغلوا كام واحد فى السنة 30 مثلا؟
الccna و الكلام دا بيبقى شبكات و فى منه it و طبعا سيبك مش شغل الit علشان اى حد ياخد الccna فى 3 شهور ممكن يشتغل IT.
معظم خريجى اتصالات بيشتغلوا حاجات تانية غير مجالهم , فى بيشتغل programming و فى بيخشوا فى مجال الشبكات و بيشتغل فى شركات زى orange و cisco و tedata و link و كدا علشان يوسعوا شوية مجالهم .

و فى طبعا اللى بيشتغلوا حاجات ملهاش علاقة اساسا بالمجال من قريب و لا من بعيد و فى اللى بيشتغل it

[medo_2060]

عليك وعلى شركات الاتصالات هتبدا صغير فى اى subcontractor وهتتسحل فى المواقع وان شاء الله ربنا هيكرمك بعد كده
ولو الزمن رجع بيا كنت هدوس ميكانيكا وش

علشان المجال متشبع اوى و الشركات الكبيرة اللى بتشغل مهندسين الاتصالات 6 بس فى مصر , هيشغلوا كام واحد فى السنة 30 مثلا؟
الccna و الكلام دا بيبقى شبكات و فى منه it و طبعا سيبك مش شغل الit علشان اى حد ياخد الccna فى 3 شهور ممكن يشتغل IT.
معظم خريجى اتصالات بيشتغلوا حاجات تانية غير مجالهم , فى بيشتغل programming و فى بيخشوا فى مجال الشبكات و بيشتغل فى شركات زى orange و cisco و tedata و link و كدا علشان يوسعوا شوية مجالهم .

و فى طبعا اللى بيشتغلوا حاجات ملهاش علاقة اساسا بالمجال من قريب و لا من بعيد و فى اللى بيشتغل it

يعنى افهم من كلامكم انى اخد دورات معينه بعيد عن مجالى زى ccna مثلا واشوف شغل برمجه... ولا اشوف اقسام تانيه زى ما بشمهندس mazagngi2010 وضح وياريت اعرف ايه هى الاقسام التانيه الى ممكن مهندس الاتصالات والاكترونيات يشتغل فيها عشان احاول اقدم السي فى لاى قسم تانى
وحضرتك نصحتنى بشركات الاتصالات او كبدايه فى subcontractor ممكن توضيح شويه وازاى اوصل ليهم لان كل طرق شركات الاتصالات فى مصر شبه مسدوده وربنا يكرم بقى.

[esam_comm]

بص ياباشمهندس ميدو
لو انت بتحب البرمجه والحاجات دي يبقي دوس واشتغل بقي في المجال ده لو انت عايز تشتغل مواقع او تنفيذي يبقي شوف شركات subcontractor واشتغل فيها وده اللي حصل معايا كنت بشتغل في شركه تركيبات وصغيره بس كانت متخصصه انظمه انذار الي ضد الحريق لحد ما كان في مشروع كبير كنت ماسكه وجات الشركه المورده لينا الاجهزه علشان البرمجه وبعد كده بعتولي واديني شغال معاهم بقالي سنتين
اهم حاجه بجد ونصيحه من اخ اكبر لازم تظبط نفسك في اللغه وسيبك من بعرف اعبر عن نفسي بالانجلش لازم تكون متمكن هاتفرق معاك كتيير
الهندسه دي الكليه الوحيده اللي ممكن بعد ماتخلصها تشتغل في اي حاجه بتفتح الدماااااغ
وبلاش شغل IT لان بجد خالي مهندس عجوز وقالهالي كلمه سيبك من الشغل اللي اي حد بينط عليه يعني ممكن تلاقي تجاره او حقوق وواخد كورسات هايقول علي نفسه مهندس شبكات مع احترامي لكل المهن طبعا كل واحد مهم في مجاله وتخصصه

[mr_safwt]

لا متقلقش هتلاقى السوق فاتح الايام الجاية
عشان انا من الدفعة الجديدة اللى اتخرجت السنة ولبست كلها جيش
فان شاء الله هتلاقى السوق فاضى