تربيه عسكريه 28/8

[beetleMOSH]

مين فى دوره التربيه العسكريه 28 /8
اللى هاتبدتى كمان كام ساعه
جامعه عين شمس
انا حاسس انهم بيعذبونا والله
يعنى فى رمضان و عز الحر
و تروح عشان تعمل انتباه و صفا و معرفش ايه
و اى كلام و حلاقه دقن كل يوم
و صحيان بدرى و وجع قلب
اللى فى الدوره دى يقووول
و اهو ممكن كلنا نتجمع و نبقى مع بعض كمان يبقى منتجى و تربيه عسكريه
و اهو نهون على بعض الوقت
(شكلى انا اصلا اللى لابس فى الحوار ده لوحدى )
هههههههههههههههههههه
مستنى الردود و عايز الاقى المنتدى كله فى الدوره دى
هههههههه
تحياتى

[youssefmustang]

احلى حياة الحياة العسكرية والله
مثال بسيط :
عندنا فى شارعنا شاب بلطجى وبتاع مخدرات والذى منه
دخل الجيش ولسه مقابله انهارده وهو مسافر الوحدة بتاعته فى السلوم (على حدود ليبيا)
بقى فعلا راااااااااااااااااااجل زى ما بيقولو
التزام ما بقاش يهزر ولا يعمل مشاكل وبقى فى حاله
ده غير ان صحته بقت احسن من الاول
بسم الله مشاء الله
ياريت الواحد يروح سنة الجيش ويعيش على التمارين والحياة الناشفة دى

[Mohamed.Ramah]

انا جارى اسموا هيثم النحاس دفعتك بقى ههههههههههههههه رايحها وقاعد مخنوق ومش طايق وحيقفوكوا فى الحر والصيام دة مش عارف لية ربنا يكون فى عونكم جميعا مصر امانة فى ايديكم ياجماعة

[devilishtigers]

ربنا معاك انا صحابي قالولي وانا قولتلهم لأ خليها في نص السنة احسن.
في واحد صحبي سبقنا السنة اللي فاتت وخدها. وقالي بتبقى حلوة وهتخلص بسرعة على حسب الناس اللي معاك لو كانوا حلوين وكان في وهزار وضحك ما بينهم .
وعلى العموم كله هيفوت بس الوقت فعلا رخم. ربنا معاك

[korkor]

احلى حياة الحياة العسكرية والله
مثال بسيط :
عندنا فى شارعنا شاب بلطجى وبتاع مخدرات والذى منه
دخل الجيش ولسه مقابله انهارده وهو مسافر الوحدة بتاعته فى السلوم (على حدود ليبيا)
بقى فعلا راااااااااااااااااااجل زى ما بيقولو
التزام ما بقاش يهزر ولا يعمل مشاكل وبقى فى حاله
ده غير ان صحته بقت احسن من الاول
بسم الله مشاء الله
ياريت الواحد يروح سنة الجيش ويعيش على التمارين والحياة الناشفة دى

واضح انك فاهم الجيش غلط على الاخر

[youssefmustang]

واضح انك فاهم الجيش غلط على الاخر

فاهم قصدك يا معلم قصدك الشتيمة والاشكال اللى جوه بس معلش انت راجل متعلم مش هحطوك مع اللى معاهم ابتدائية وكده

[mr_safwt]

فاهم قصدك يا معلم قصدك الشتيمة والاشكال اللى جوه بس معلش انت راجل متعلم مش هحطوك مع اللى معاهم ابتدائية وكده

لا بيحطوك انا صحبى فى علوم كميا معاة ناس مبتعرفش تقرا او تكتب
وربنا يستر على انا كمان عشان لو نجحت فى الكشف الطبى الجاى يبقى لبست جيش انا كمان

[alaasaid]

السلام عليكم

بص هى شر لابد منه و ان شاء الله هتعدى بسرعة و تخلص منها و متقلقش هما بيراعوا موضوع رمضان و الصيام

[elassar2010]

الافضل انك تاخدها فى اجازة نصف السنة
هتكون 10 ايام غير لو السما مطرت وانتوا واقفين ممكن يديكم افراج وتروحوا

دة الى حصل معايا

[korkor]

فاهم قصدك يا معلم قصدك الشتيمة والاشكال اللى جوه بس معلش انت راجل متعلم مش هحطوك مع اللى معاهم ابتدائية وكده

اصل الموضوع على قد الشتيمه تبقى بسيطه الشتيمه مش بتلزق لكن كفايه اقولك حكم النفس على النفس وبالذات لما تكون اشكال واطيه ومتعقده اما بالنسبه لموضوع انك متعلم والجو ده مش بيفرق فى الجيش , الجيش ده انت وحظك انا كنت فى كتيبه مهندسين وكل الظباط كانوا مهندسين والحمد الله المعامله لى كانت كويسه بس دى صدفه او بركه دعاء الوالدين لان فى نفس الكتيبه كان معايا مهندسين تانيين متبهدلين لغايه ماربنا ساعدنى وعرفت اجيبهم فى الحته اللى كنت فيها . ثم بالنسبه لموضوع التدريبات ده مش كل وحدات الجيش بتعمله ده برده حسب السلاح ونوع الوحده وكده فى الاخر انا لا اتمنى لاى حد يمر بالتجربه الهباب اللى كنت فيها

[mr_safwt]

اصل الموضوع على قد الشتيمه تبقى بسيطه الشتيمه مش بتلزق لكن كفايه اقولك حكم النفس على النفس وبالذات لما تكون اشكال واطيه ومتعقده اما بالنسبه لموضوع انك متعلم والجو ده مش بيفرق فى الجيش , الجيش ده انت وحظك انا كنت فى كتيبه مهندسين وكل الظباط كانوا مهندسين والحمد الله المعامله لى كانت كويسه بس دى صدفه او بركه دعاء الوالدين لان فى نفس الكتيبه كان معايا مهندسين تانيين متبهدلين لغايه ماربنا ساعدنى وعرفت اجيبهم فى الحته اللى كنت فيها . ثم بالنسبه لموضوع التدريبات ده مش كل وحدات الجيش بتعمله ده برده حسب السلاح ونوع الوحده وكده فى الاخر انا لا اتمنى لاى حد يمر بالتجربه الهباب اللى كنت فيها

طب شكرا طمنتنى
معاك مهندس اتصالات مرشح ظابط احتياط

[beetleMOSH]

الف شكر يا رجاااااااااااله على المسانده و رفع الروح المعنويه
بس انا كنت حاسس انى هابقى لوحدى
هههههههههههههههههههههه
و انا ماروحتش انهارده اصلا راحت عليا نومه
ههههههههههههههههه
و انا رابعه اصلا يعنى مفيش بقى دى اخر فرصه
يلا ربنا يقدرنا و اهى ايام و تعدى

ربنا يخليكوا ليا يا شباب

[korkor]

طب شكرا طمنتنى
معاك مهندس اتصالات مرشح ظابط احتياط

ربنا يكون فى عونك ان شاء الله وتنزل عسكرى وتروح حته كويسه بس على العموم الكلام ده من 10 سنين يمكن الحال اتغير

[mr_safwt]

ربنا يكون فى عونك ان شاء الله وتنزل عسكرى وتروح حته كويسه بس على العموم الكلام ده من 10 سنين يمكن الحال اتغير

الله يخليك ادعيلى يمكن اخد اعفاء فى الكشف الطبى بتاع الظباط لانى محول لجنة طبية عليا

[korkor]

الله يخليك ادعيلى يمكن اخد اعفاء فى الكشف الطبى بتاع الظباط لانى محول لجنة طبية عليا

ان شاء الله تاخد اعفاء باذن الله