الى خبراء أبنى بيتك !!

[M_Marwan]

يا جماعه انا معروض عليا أرض 150 متر فى مشروع ابنى بيتك ب 30 ألف جنيه


أتا عاوز ابنيها وأبيع الشقق بعد كده فهل ده أستثمار كويس ؟؟

[redawilliam]

لااااااااااااااااااااااااا

[SeiffoZ]

أظن إنه ممنوع بيع الشقق فيه

[devilishtigers]

كويس ان حضرتك فتحت الموضوع دا علشان انا بفكر فيه بجدية تامة لنفسي
علشان بدل ما اشتري شقة ابني شقتي على مزاجي
ياريت يا جماعة اللي عنده اي معلومات عن المشروع او يعرف حاجة يقولنا
بس انا فعلا سمعت انه مش للبيع

[fouady]

+1111 متابع

[SHNORY]

انا مره روحت سالت عن المشروع ده
ولما حسبت التكاليف لقيت انها بتمن شقه في مكان معقول
طبعا انا سالت من اكتر من سنه ومش فاكر الكلام كان ايه بالظبط بس من المساوئ الي حصلت للناس
1: لازم تبني في مده معينه ولو اتجاوزتها الارض ترجع للحكومه
2: العماله غاليه لانك شغال في الصحرا واليوميه دوبل
3: النقل غالي لنفس اسباب العماله
4: ممكن حاجتك تتسرق لو مدفعتش الاتاوه للعرب او لقاطني وحامي حمي المكان
5: الارض مساحتها 120 متر تبني علي 65 متر منهم بس
6: مينفعش تبيعها غير بعد فتره معينه
7: حد اقصي تبني 3 ادوار
8: المرافق زفت
اللي عنده استعداد يروح يتكل علي الله وربنا يكرمه
بس اللي اعرفهم في الموضوع ده اتبهدلوا
هما مش كتير بس اتبهدلوا

وده مثال من وسطنا

http://www.nilemotors.net/Nile/82789-a.html

[أبو_يوسف]

تقدر تبيع بمجرد انك تنتهي من دفع الأقساط.. بدون فترة زمنيه محددة ..
والموضوع مربح بالطبع بدليل ان في شركات مغرقة الدنيا اعلانات عمالين بيشتروا في اراضي ابني بيتك..
غير ان سعر الارض نفسها بيزيد مع الوقت..