اسمك وتوقيعك = ؟؟؟؟؟؟؟؟

[medo_2060]

موضوع جميل
انا عامل النيك نيم بتاعى medo_2060 عشان اول ما موضه ايميلات ياهو طلعت كنا بنسجل فيها وطبعا medo مكانتش نافعه فجربت سنين لحد ما وصلت ل 2060 هههههههههههه
ومن يومها الموضوع دا بقاله اكتر من 8 سنين اى اشتراك بعمله كدا ايميلات او منتديات
وصوره التوقيع بغيرها كل فتره حسب الظروف المحيطه بنا.

[AboELsoud]

الــــNicke Name
اسم العائله / محمود ابو السعود AboELsoud
اما التوقيع فمبحبش احطه لاني كل فتره لازم اغيره وانا بطبعي كسلااااااان جداااا

[FunnyMickey]

موضوع ظريف ومهم
الأول أنا أصلا كنت عاوز أسألك يا ميكي عن اسمك الحقيقي كذا مرة قبل كده ودايما بانسى...

اسمي أحمد
والمعرف بحري..نابع من حبي الشديد للبحر..وأحلى وأصعب أوقات في حياتي كان للبحر فيها نصيب ..إما قعدة روقان أو قعدة عكننة على أمل الروقان..وده كان بيحصل غالبا والبحر بيخليني أفك مهما كنت متضايق..وكان لي مكان ثابت على البحر اللي كان عاوزني بيلاقيني هناك قبل عصر المحمول..غير كده بيتي قريب جدا من البحر

بالنسبة للتوقيع بيبقى غالبا انعكاس لحالة ما غالبا سياسية أو اجتماعية أو رسالة ما أود توصيلها لرواد المكان في صورة آية أو حديث أو قول مأثور أو من كلماتي شخصيا..ونادرا جدا جدا لما تكون مناسبة التوقيع شخصية

انا اسمي الحقيقي صبحي محمد

وانا مشترك معاك جدا جدا في موضوع البحر ده
وبستغل اي وقت ببقي في مصيف واحط الام بي ثري في ودني واتمشي عالبحر
اما اسكندريه دي فهيا حبي الاول
بحبها من وانا طفل صغير
وقضيت فيها 3 شهور في فرقه كان بياخدها ابويا هناك
وكانوا احلي 3 شهور في حياتي
وفاكرهم لحد دلوقتي

[نور القمر]

طيب ايه رأيك نتكلم عن الباس ورد كمان
يعني كل واحد يقول اختار النك نيم ليه ويقول الباس ورد ايه واختاره ليه
انا اخترت نور القمر لاني بحب شكل القمر وهو بدر وخصوصا لو في مسطح مائي ونوره منعكس على الميه
وكل حاجة عندي نور القمر زي الاميلات وحتى البلوتوث نور القمر

[FunnyMickey]

مكنتي اتكلمتي انتي عالباص طيب وافتتحتي الموضوع
عالعموم انا عارف الباص وورد بتاعتك

سفندي طبعا

[shiko85]

واضح ان التربية العسكرية اثرت فيك :ta_clap[1]:

بصراحه جدا جدا جدا جدا

[shiko85]

انا اسمي الحقيقي صبحي محمد

وانا مشترك معاك جدا جدا في موضوع البحر ده
وبستغل اي وقت ببقي في مصيف واحط الام بي ثري في ودني واتمشي عالبحر
اما اسكندريه دي فهيا حبي الاول
بحبها من وانا طفل صغير
وقضيت فيها 3 شهور في فرقه كان بياخدها ابويا هناك
وكانوا احلي 3 شهور في حياتي
وفاكرهم لحد دلوقتي

ماشى يا صبحى روح اسكندريه و حبها كمان بس اسأل على صحابك اللى فالجيش مثلا

[FunnyMickey]

لا حول لا قوه الا بالله
انتا رشقت ياشيكو
ليه كده ياابني بس
وربنا ما اعرف

الجيش للجدعان ياشيكو
الجيش مصنع الرجال
انا لو منك اعمل رينجات وابيعها للظباط الروشين اللي هناك

عسكري بس اهم حاجه ولا ظابط
فضلت حاطط seal team
افرح ياعم
اديك حتعاشرهم
:)

[shiko85]

لا حول و لا قوه الا بالله
انت رشقت ياشيكو
ليه كده ياابني بس
وربنا ما اعرف

الجيش للجدعان ياشيكو
الجيش مصنع الرجال
انا لو منك اعمل رينجات وابيعها للظباط الروشين اللي هناك

عسكري بس اهم حاجه ولا ظابط
فضلت حاطط seal team
افرح ياعم
اديك حتعاشرهم
:)

انت ناسى انا طيران يعنى لا مفر
ظابط
يعنى انت شايف انى اشيل الــ Seal team يمكن اطلع ؟؟؟

[fineart607]

fineart607
لانى كنت بحب الرسم وكنت برسم لوحات واخش مسابقات واكسب على مستوى الجمهوريه الحمد لله وكنت بحب الرسم اوى اوى اوى 607 لانى بحب العربيات اوى اوى وخاصة ايام لما كنت بعمل الميل بتاعى كانت بيجو 607 احسن عربيه فى نظرى

ومن يومها اى اسم لى هو fineart607

[esam_comm]

انا بقي اسمي essamوالنك نيم بتاعي esam_comm وده لاني مهندس اتصالات communication فاكده مزيج بين الاتنين
بالنسبه للتوقيع مافيش احسن من ذكر الله

[MaZaGAngeE]

اسم مزاجانجي ده أنا جبته من فيلم الكيف و سبب كده قدرة محمود على اقناع أخيه يحي الفخراني بصناعة الحشيش من الحنة و كمان كل حاجة هوه عايزها بيقدر يقنع اللي قدامه بيها بأسلوب ساحر ...
أما الصوره بتاعة ثعبان الكوبرا فده بسبب انها حية ألوانها جميلة جدا و ناعمة و هادية جدا لكن أول ما تقلب ( لما حد ينكشها أو يضايقها مش من نفسها كده ) تموت على طول مش تعور بس ...
أما التوقيع فده رأيي في أحوال بلدنا و كان توقيعي قبلها '' نسيبها و نروح فين ''

[FunnyMickey]

اسم مزاجانجي ده أنا جبته من فيلم الكيف و سبب كده قدرة محمود على اقناع أخيه يحي الفخراني بصناعة الحشيش من الحنة و كمان كل حاجة هوه عايزها بيقدر يقنع اللي قدامه بيها بأسلوب ساحر ...
أما الصوره بتاعة ثعبان الكوبرا فده بسبب انها حية ألوانها جميلة جدا و ناعمة و هادية جدا لكن أول ما تقلب ( لما حد ينكشها أو يضايقها مش من نفسها كده ) تموت على طول مش تعور بس ...
أما التوقيع فده رأيي في أحوال بلدنا و كان توقيعي قبلها '' نسيبها و نروح فين ''

عشت زخرا للأمه يامزاجانجي
وتعيش الكيمي كيمي كا

متشوفلنا مزاجنجي طيب يقنع واحد صاحبي ان البلد دي وحشه يمكن يمشي
هههههههههههه

[FunnyMickey]

fineart607
لانى كنت بحب الرسم وكنت برسم لوحات واخش مسابقات واكسب على مستوى الجمهوريه الحمد لله وكنت بحب الرسم اوى اوى اوى 607 لانى بحب العربيات اوى اوى وخاصة ايام لما كنت بعمل الميل بتاعى كانت بيجو 607 احسن عربيه فى نظرى

ومن يومها اى اسم لى هو fineart607

وقاعد ساكت ليه ياعم
ارسم لوحه الخشخاش
وقولهم لقيتها في الزباله
واقفش من عمو ساويرس المليون

وطير يامعلم
انا معاك في المهمه دي
ومستعد اجبلك الوان علي حسابي

بس بالنص
انا شريك بالالوان
ومستعد اجبلك الموديل اللي حترسمه
ههههههههههههههههه

[FunnyMickey]

انت ناسى انا طيران يعنى لا مفر
ظابط
يعنى انت شايف انى اشيل الــ Seal team يمكن اطلع ؟؟؟

والله لو عملت فيها محمد هنيدي مانتا طالع
هوا دخول الحمام زي خروجه ولا ايه