استشارة فى اداب الزمالة الوظيفية من الاخوة الاعضاء ( خاصة كبار السن )

[Lion_Heart]

بص لكلامك اللي انت قولته يا احمد بصرحة دا بني ادم مش محترم (انا اسف)
رقم واحد انت روقت المكتب وظبته وهيأته لنفسك
رقم اتنين زي ما انت قولت دي مسألة مبدأ ومش ينفع تتنازل عن حقك

و حكاية انه يمسح شغله سواء كان فى فيرس او لأ من غير ما ينسخه او حتى يعرفه على الخطوة اللى هيعملها
دى قاتلة
و كمان بيحاول يتصل بيه عشان يعرف الباس وورد و التانى مطنش من غير ما يحاول يستقسر منه هوه عاوز ايه
او بعد ما عمل باس وورد يتصل بيه و يعرفهاله او يبعتهاله فى رسالة
ده كله ما بيدلش الا على سوء نية مقصود
فكل ده يتعرض على المدير و لازم تلوح بأنك ماشى و تقوله انك ما تقبلش تشتغل مع الاشكال دى اللى لا بتحترم زمالة و ما تعرفش يعنى ايه امانة
لازم تقلب الطرابيزة طالما انت تتمتع بالكفاءة اللى بتقول عليها
و بعد كده يا استاذ أحمد لازم تسيب شغلك على هارد خاص بيك و تخليه معاك لأن ممكن واحد من النوعية دى يحرق هارد الشغل او يفرمته
و معلش فى مثل بنقوله ان عدوك ابن كارك و ياما اتقرصنا من ناس كنا بنعلمها فخليك حريص دايما لما تعلم حد
و دايما اتق شر من أحسنت اليه
و زى ما سيادة العقيد ذكرنا
" ان لم تستئذب أكلتك الذئاب " .
والله الموفق

[human]

طالما part time و طالما مش قاعد فى عرينك كل يوم يبقى صعب انك تحتفظ بأى مكان الا لو المدير العام مظبطك
مافيش حاجه اسمها بقوم بالاداء الوظيفى من غير ورق مختوم بيحدد ده و عندك ورقه ممضيه ان ده مكتبك و مفتاحه معاك

غير كده - انت اتاكلت و مش هتعرف تعمل حاجه

و نصيحه بلاش تحكى للمدير العام مسحلى شغلى و الكلام ده عشان ده لعب عيال و الكلام مع ال IT هيقولوا كان مبوظ النيتورك و هما اللى قاله و هو هيقول انه مكانش يعرف - فمش هتوصل لحاجه و انت اللى غلطان الى مش عامل باكاب لشغلك خصوصا و انت عارف انك مش متواجد فى المكتب لفترات طويله



اسف لصراحتى

[Ahmed Nouh]

قصة أقدم في التعيين دي بطلت خلاص....إحنا مش في الحكومة

هى اى حجه ليه دفاعا فى وسط الغلط اللى شايله

بص لكلامك اللي انت قولته يا احمد بصرحة دا بني ادم مش محترم (انا اسف)
رقم واحد انت روقت المكتب وظبته وهيأته لنفسك
رقم اتنين زي ما انت قولت دي مسألة مبدأ ومش ينفع تتنازل عن حقك
رقم تلاتة لازم تكلم المدير ولو معملش حاجة يبقى لا تتنازل عن حقك.

هو مش محترم من البدايه علشان مجاش معاى عدل وقالى اللى عايزه بدون لف ودوران

دى الحاجه اللى مضايقانى فى الموضوع انى كنت بتعامل معاه بحسن نيه

و حكاية انه يمسح شغله سواء كان فى فيرس او لأ من غير ما ينسخه او حتى يعرفه على الخطوة اللى هيعملها
دى قاتلة
و كمان بيحاول يتصل بيه عشان يعرف الباس وورد و التانى مطنش من غير ما يحاول يستقسر منه هوه عاوز ايه
او بعد ما عمل باس وورد يتصل بيه و يعرفهاله او يبعتهاله فى رسالة
ده كله ما بيدلش الا على سوء نية مقصود
فكل ده يتعرض على المدير و لازم تلوح بأنك ماشى و تقوله انك ما تقبلش تشتغل مع الاشكال دى اللى لا بتحترم زمالة و ما تعرفش يعنى ايه امانة
لازم تقلب الطرابيزة طالما انت تتمتع بالكفاءة اللى بتقول عليها
و بعد كده يا استاذ أحمد لازم تسيب شغلك على هارد خاص بيك و تخليه معاك لأن ممكن واحد من النوعية دى يحرق هارد الشغل او يفرمته
و معلش فى مثل بنقوله ان عدوك ابن كارك و ياما اتقرصنا من ناس كنا بنعلمها فخليك حريص دايما لما تعلم حد
و دايما اتق شر من أحسنت اليه
و زى ما سيادة العقيد ذكرنا
" ان لم تستئذب أكلتك الذئاب " .
والله الموفق

انا فعلا برغم انى مبحبش اضغط على حد بكارت انا ماشى ده ابدا لكن المره دى مش هتعامل معاهم غير بالاسلوب ده

انا شغلى كله فى البيت واللى بعمله هناك باخده على الفلاشه وانا ماشى , انما الملف اللى اتمسح للأسف كان شغل معملوش المدير القديم وكنت انا بعمله من باب اكمال اساسيات العمل علشان اشتغل ومفيش ورايا مشاكل

وكان الشغل محتاج فتره كبيره من التعديل لحد ما يكتمل وده اللى خلانى للأسف منسختوش وكنت منتظر لما اخلصه خالص , وفعلا طبيعى جدا ان الواحد مع السن والخبره هيقابل مواقف من دى كتير

طالما part time و طالما مش قاعد فى عرينك كل يوم يبقى صعب انك تحتفظ بأى مكان الا لو المدير العام مظبطك
مافيش حاجه اسمها بقوم بالاداء الوظيفى من غير ورق مختوم بيحدد ده و عندك ورقه ممضيه ان ده مكتبك و مفتاحه معاك

غير كده - انت اتاكلت و مش هتعرف تعمل حاجه

و نصيحه بلاش تحكى للمدير العام مسحلى شغلى و الكلام ده عشان ده لعب عيال و الكلام مع ال it هيقولوا كان مبوظ النيتورك و هما اللى قاله و هو هيقول انه مكانش يعرف - فمش هتوصل لحاجه و انت اللى غلطان الى مش عامل باكاب لشغلك خصوصا و انت عارف انك مش متواجد فى المكتب لفترات طويله

اسف لصراحتى

بالعكس يا استاذ طارق انا بحترم صراحتك جدا

انا فعلا عدم تواجدى هو اساسا المشكله وكبرها انى كنت متساهل بمزاجى كمان فى فتح المكتب لغيرى

بخصوص الورق هو ولا انا ولا هو شغالين بتعيين رسمى والكلام ده بجانب ان المكتب حتى لو خدته مبيتقفلش علشان فى حاجات فيه تخص اقسام تانيه فمكنش حاكم الحكايه كلها غير مجرد الزماله واحترام حقوق بعض وده اللى اتضح عدم توفره

انا عارف انى غلطان بعدم نسخ شغلى بس انا لما سألت ال it قالوا ان هو طلب فورمات ولما سألوه اذا كان فى بيانات مهمه قالهم مفيش , يعنى هو ميقدرش ينكر انه مسح الشغل بدون الرجوع لى

فى الحقيقه الموضوع كله شغل عيال صغيره فلو محكيتش الجزء ده للسبب ده يبقى الاولى محكيش الموضوع كله وبالتالى اسيبله المكتب او نلعب بقا على مين يلحق يقعد وده ساعتها اللى هيبقى جو عيال صغيره ويبقى ترك الشغل اكرم

[n_i_t_e]

من كلامك فهمت انك من النوع straightforward و ملكش فى اللعب من تحت لتحت و الرد على الضرب تحت الحزام اللى هو بيعمله.
مش هألومك و أقولك مكنش لازم و مكنش المفروض تعمل. انا فاهم انك بتعامل الناس بطيبة لأن المفهوم عندك انك بتعامل ربنا سبحانه و تعالى من خلال الناس.
أنا حطيت نفسي مكانك و اتخيلت لو انا طنشت و سبتله المكتب و حاولت أقنع نفسى ان مش مستاهلة اعمل مشكلة عشان مكتب .. برضه عمري ما هستريح..كل لما أفكر انى أقابل عميل و مكتبى القديم يعجزنى هألوم نفسى...كل لما أفتقد حاجة فى المكتب الجديد و أنا على مكتبى و أفضل رايح جاي على المكتبين هألوم نفسى...كل لما أفتكر أن المدير السابق عطانى الباس كأنه بيقولى خد انت مكتبى هأتضايق....كل لما أشوف زميلك ده أصلا هأحس انى مولع و انه ضحك عليا و استغل طيبتى.
لنتفق على شىء... متسكتش و تتساهل لأن أعصابك هتتحرق بعد كده. أما الوسيلة بقى فأنت ادري بس طالما انت انسان مباشر أرشحلك الاسلوب المباشر زي ما بعض الأعضاء قالوا اطلع أتكلم مع المدير مثلا.
انا كنت زيك كده و لحد دلوقتى ساعات قليلة بتنازل بس ساعات تانية لما الأحساس بالظلم بلاقيه مسيطر عليا و أعصابى بتتعب بقول كل حاجة تهون بس مجيش على نفسى. و فى شغلى القديم كنت ساعات بلاقى معاملة سيئة من زملاء من أقسام تانية... بس كنت فى أقرب فرصة بأرد و أحرجهم بالأسلوب المباشر و لو قدام مديرينهم من كتر الغيظ - ساعتها بس كنت بستريح لأن فى ناس مينفعش معاها الطيبة

[ahmedhilmy]

لأاوعي تتنازل

[Hossam_Hassan]

امتيازاتك على قد اهميتك للشغل حتى لو بتروح ساعة فى الشهر و لو اتنازلت مرة هتفضل تتنازل علطول

[Ahmed Samy]

بص يا كبير .......

نتفق على حقائق

1 - انت طيب بزيادة

2 - انت الدور ده راح منك لأنك فرطت في حقك و محاولة استرداد المكتب عن طريق الشكوى للمدير هايكون في نظره "جوز موظفين هايفين بيتخانقوا على مكتب" .

و انك تقفش و تسيب الشغل تبقى كلت القفا كله و الباشا خد مكتبك و زحلقك من الشركة خالص

العقل ...
اعترف انك خسرت المعركة دي و فكك من المكتب دلوقتي "على الأقل"

اعرف صاحبك بقى و اركنه

ابدأ ابرز أداءك من ناحيتين 1 - حسن مجهودك وطوره 2 - بررروز شغلك و اتكلم عن انجازاتك زي أي واحد ناقص (بتجيب نتيجة للأسف)


ابدأ حط على الواد ده سلبا أو إيجابا (معلش استحمل انك تكون انسان مش نظيف لبعض الوقت)

و الأيام دول يا صاحبي مسيره يتكعبل تحت رجلك و ساعتها ...شوط راسه في التمانيات


و اديك عرفت ...انها زبالة قوي

[ashouhdy]

خلاص سيبلة المكتب بشغلة المقرف الصعب و انت اعمل الشغل البسيط واقرف زميلك و مديرك و خلى مديرك يبوس ايدك عشان ترجع تعمل الشغل الصعب تانى و ساعتها لو قلتلة ارفدلى البنى ادم دة او شغلة office boy عندى حيوافق عشان مصلحة الشغل فوق كل شىء

بص يا كبير .......

نتفق على حقائق

1 - انت طيب بزيادة

2 - انت الدور ده راح منك لأنك فرطت في حقك و محاولة استرداد المكتب عن طريق الشكوى للمدير هايكون في نظره "جوز موظفين هايفين بيتخانقوا على مكتب" .

و انك تقفش و تسيب الشغل تبقى كلت القفا كله و الباشا خد مكتبك و زحلقك من الشركة خالص

العقل ...
اعترف انك خسرت المعركة دي و فكك من المكتب دلوقتي "على الأقل"

اعرف صاحبك بقى و اركنه

ابدأ ابرز أداءك من ناحيتين 1 - حسن مجهودك وطوره 2 - بررروز شغلك و اتكلم عن انجازاتك زي أي واحد ناقص (بتجيب نتيجة للأسف)


ابدأ حط على الواد ده سلبا أو إيجابا (معلش استحمل انك تكون انسان مش نظيف لبعض الوقت)

و الأيام دول يا صاحبي مسيره يتكعبل تحت رجلك و ساعتها ...شوط راسه في التمانيات


و اديك عرفت ...انها زبالة قوي

+111 كلام مظبوط

[A.Saad]

الموقف فى وجهة نظرى كالاتى
من وجهة نظر الطرف الاخر هو يرى
انه احق بالمكتب لانه اقدم وانه موجود طول الوقت
الغلطات اللى عملها والتصرفات الصبيانية دى اسمها سخافة وبتبين انه لئيم ويكره الوضوح

من وجهة نظر احمد نوح
شغل احمد اهم حتى لو كان مش الوقت كامل

الموقف
شاب بييجى بعض الوقت ، حديث ، عمله مهم
شاب متواجد طول الوقت ، اقدم ، عمله ليس بذات الاهمية

العبرة بموقف المكان اللى انت شغال فيه
هل للاقدمية اعتبارات مطلقة
ام للكفاءة الاعتبار
وفى كل الاحوال
يجب ان يتم التوضيح للطرف الاخر ان ما فعله خطأ

[ashouhdy]

او ذى ماقلت سبلة الجمل بما حمل لحد مايفطس

[Mostafa.Ismail]

الحل:
1- عاملة بالمثل, فى الاوقات اللى هو مش موجود فيها اطلب تغير كلمة السر الخاصة بالجهاز وادعى اى سسب.
2- اطلب قفل جديد للغرفة بحجة الاوراق المهمة الخاصة بالشركة واقفل الغرفة فى ايام عدم وجودك مع التنبية على افراد الامن على اهمية عدم فتح الغرفة.

العين بالعين وبالتوفيق.

[thegoodhacker]

انا من رايي ان موضوع توزيع المكاتب و الكلام ده المفروض تكون من ضمن مسئوليات المدير .... فانت لازم تدخل للمدير و توضحله الموضوع كله و ان رئيسك المباشر السابق سابلك المكتب ليكون مكتبك حيث انه اكثر تناسبا مع طبيعة عملك و مقابلتك للعملاء و ان الموضوع ده مش حينفع خالص في المكتب الصغير و حيخلي شغلك ما يطلعش بالمستوي المتوقع منك ... و شوف راي المدير ايه و علي هذا الاساس تقرر ترضي بقرار المدير يا اما تشوفلك شغل في شركة اخري افضل بس ما تسيبش شغلك الحالي غير لما تلاقي فرصة عمل احسن ....

[Ahmed Nouh]

انا متشكر جدا جميعا على النصيحة والمشاركات الغالية دى . ربنا يبارك فيكم جميعا

انا عديت اول يوم شغل علشان كان فى قلق جامد وجيت تانى يوم دخلت للمدير بتكلم معاه فى شغل وجاب سيره الشغل اللى اتمسح بيقولى عملت فيه ايه

رحت قايله بقا الموضوع من اوله وان شغلى واقف بسبب اللى اتمسح والمكتب اللى اتاخد ودى مش اصول زماله وانا مرضيتش اتصرف الا لما ارجعلك , طبعا كان مستغرب جدا ازاى انا عديت الموضوع واستنيت يومين

قولتله علشان مصلحه الشغل وانا مش فارق معاى كبير من صغير بس هو المبدأ و واك واك واك وعيشت فى دور الموظف المثالى

النهاردة اجتمع بينا وبيقولى المكتب قولتله لا والله خلاص هو قعد عليه ابدا ما يقوم , بس معلش انا مش هفضل رايح جاى على الشغل خد انت كل الشغل اللى ليه علاقه بالمكان ده

المهم كان عايز ياخد شغلى كله لكن قولتله لا , انت قسمت المكاتب براحتك انا بقى اقسم الشغل براحتى , صدرتله ارخم واغلس واتنح حاجه فى كل الشغل اللى معاى واللى لوحدها بتاخد اكتر من نص وقت الشغل كله , مع العلم ان الغلطه فيها بإستماره 6 على طول وهو معلوماته صفر عنها ومتخيل انها سهله علشان مبيشوفنيش بتكلم عنها وبقعد امجد فى نفسى زى ما بيعملوا

ورجعت لمكتبى الصغير الهادئ بدون ضغط عصبى وبكمية شغل مريحة جدا وباقى الشغل اللى كان عايز ياخده كله مازال معاى متضمنا حاجات جديدة فيها اشراف كامل منى عليه , ان شاء الله كلها شهر ولما يجرب ويشوف اللى كنت بعمله هيقول حقى برقبتى

[أشرف فتحى]

هو كده انت ريحت نفسك من رخامه الشغل اللى اخده لكن انا فاهم من كلامك انك مبيت النيه انه يتفضح لما يفشل فيه...

يعنى..

يتكشف ويرجعلك الشغل تانى والمكتب...وده على فكره صعب شويتين تلاته...

يا إستماره 6 وتاخد المكتب....

يا شرييييييييييييييير...

[Ahmed Samy]

في التمانيات يا نوح ما تسيبوش