خبطه مالهاش اي لازمه دلوقتي

[khaled_bibo]

قدر الله و ما شاء فعل النهارده قولت اودي اختي درسها قولت عشان الصيام بقى و نزلت انا ووالدي و اختي ركبنا العربيه طلعت اللي حصل اني المفروض هدخل اول شمال في يمين و اكمل علطول قولت عشان طريق احسن لسه هابتدي الف الدريكسون و ادخل جه ميكروباص وقف قدام الدخله و معرفتش ادخل روحت عادل الدريسكون و قولت ادخل الدخله اللي بعديه اللي حصل بقى الطريق رايح جاي و كله مكسر هديت و اديت اشاره شمال و كان التاكسي مهدي راح واقف و شاورلي اعدي قولت قشطه جدا لسه هدخل الطريق واحده و عيالها عدت من قدام عربيتي فجأه استنيتها و بصيت لسواق التاكسي لقيته لسه واقف المهم الست عدت و لسه بادي اول و هاطلع سمعت صوت خبطه قولت بقى هنزل هلاقي اخرها حكه ببص لاقيت الباب خد خبطه وحشه اوي نزلت قولتله انت مش شايفني داخل يا حج و مسكت اعصابي عشان معايا ناس و السواق راجل كبير سواق التاكس نزل يعتذر جدا و يقولي انا تحت امرك و ممكن اديك تصلحها انا اصلي كنت باصص ورا و دوست بنزين من غير اما ابص قولتله انا مابقبلش عوض و سبته و مشيت
صور الخبطه









رأيكوا بقى مين اللي هيكون غلطان ؟ !! لأني والدي مقتنع ان انا اللي غلطان

مع اني سواقتي هاديه جدا و مش بتاع غرز و لا تخميس و لا اي حاجة من ديه

من وجهة نظري بقى ان لو انا غلطان سواق التاكس مش هيكلمني بالطريقه
ديه خالص خصوصا ان انا سني صغير (16 سنه ) و مامعيش رخصه فكان يقدر يطلع مني ب 200 جنيه عافيه مع ان عربيته بولونيز محصلهاش حاجة

تاني حاجة بقى الخبطه ديه تتكلف كام عشان انا ناوي افك الباب يتسمكر و يترش ؟

اسف عل الاطاله

[mahfouz1983]

دي حاحجة بسيطه متقلقش هتروح للسمكري يظبطهالك وبعدين تروح للبهيجي حاحجة بسيطه مش ههتتكلف في حدود من 100 الي 150 جنيه مش اكتر ويمكن اقل كمان

[khaled_bibo]

شكرا ليك طمنطني بس ايه رأيك بترش عادي و لا فرن و فرق التكلفه يكون قد ايه ؟!!

[hugan]

دي حاحجة بسيطه متقلقش هتروح للسمكري يظبطهالك وبعدين تروح للبهيجي حاحجة بسيطه مش ههتتكلف في حدود من 100 الي 150 جنيه مش اكتر ويمكن اقل كمان

+11111111111