كريم منير ...........وحشتنى

[wesam_salom]

انا شايف انها حاجه كويسه جدا

ده دليل على العدل فى المنتدى

وعلشان كل الاعضاء تعرف ان مفيش كبير على قوانين المنتدى

والاعضاء القديمه اللى بتعمل اكتر من كده وبتزعل من الوقف

بس انا شايف ان الموضوع كان محتاج عتاب مش وقف

لان المشكله كانت من عضو متضايق انه مش مرتاح فى بيته اللى هوالمنتدى بس اسلوبه كان مش لائق

وكريم رد عليه بحده مش متعودين عليها منه لانه ياما استحمل رخامتنا وتعب علشان المنتدى

وكلهاساعتين ويرجعوا يصالحوا بعض وينوروا المنتدى

[nabaster]

فعلا إتوقف!!!!
ولو عرفت موضوع الوقف ممكن يجيلك الضغط والسكر وكل حاجة!!!
وأدينا مستنينه لما يرجع

احمد

الموضوع اتحكم فيه من اللجنه

انا واحد من الناس مكنتش شايف ان رد كريم جه رد علي سكاي

ومصدقتش الحكم لما شوفته

بس الص حصل ده يبين مصدقاية المنتدي

ودي لينكات المواضيع الي ممكن تعرف الناس معلومات اكتر

ده لينك الشكوي

http://www.nilemotors.net/Nile/175491-a.html

وده لينك تاني كنا بنتكلم فيه علي موضوع الديموقراطيه في نايل موتورز

http://www.nilemotors.net/Nile/175658-a.html

A.Yakout

[medo_2060]

لأغن العضو لما إشتكى غلط أكتر بكتير من رد كريم (الي كان فيه عصبيه) لكن لما تقول واحد الملكيه المنتدى غيرت نفسيته وشويه كلام تناي ملوش معنه ويجي في أحد المشاركات يقول إن لجنة فض المنازعات مش هترد على الشكوي يبقى الإتنين ما يتساوش أنا مبقلش إن كريم مغلطش لكن العضو سكاي بيرد غلطة أكبر بكتير!!!

ولو حد كان تابع الموضوع (كفاية اعلانات جوجل بالشكل المستفز ده) ده لأخرة كان عرف انا بقول كده ليه

استاذ يوكو احنا مش معارضين كلامك بس لجنه فض المنازعات مطلعه على القوانين اكتر منى ومنك ومن اى عضو ... يعنى هما اكيد هيقدروا الموقف صح والى عملوه دا يكبر المنتدى فى عينينا اكتر واكتر لانهم مفرقوش بين مالك المنتدى وعضو.... يعنى الى اقصده بكلامى احنا مش مسؤلين اننا نقترح ونقول فلان يتوقف وفلان مايتوقفش والكلام دا لان دى وظيفه لجنه فض المنازعات.
تحياتى

[heshamzaky]

متشكر يا يوكو و والله يا رجالة لو نقرأ ما بين السطور نفهم انة راجل محترم جدا و لو كان الموضوع دة مثلا فى الحياة العادية كان من المستحيل ان يتوقف يوم واحد و لا دقيقة واحدة انا بصراحة أديلة مليون على 10 لأدبة و حسن فطنتة و ذكائة الحاد بجد عاش يا باشا انت كدة تكسب بأكتساح و أثبت انك تصلح فعلا للقيادة السليمة الحكيمة بالمناسبة أقسم بالله العظيم انا لا عمرى تحدثت معة و لا شوفتة رؤى العين بس لمست ذكاء و أدب مية مية و الموضوع دة مش يزعلة بالعكس دة يدخل فى سجل تقدمة

[Mzeid]

في إنتظار بشمهندس كريم
و أيضا سكايبيرد و يتصالحوا علشان بجد بتضايق من الخلافات اللي بين الاعضاء و بعضهم بغض النظر عن مكانة أي واحد فيهم

و شكرا نايل موتورز :)

[fadod]

الناس اللي بتقول بلاش الموضوع يقلب ديموقراطية ...مش فاهم إيه قصدهم،

كريم بشر ممكن يتنرفز ويغلط ، ولو غلط يتعاقب .إيه اللي فيها يعني ديه قمه الديموقراطية
ولو اني كنت مستغرب شوية من لقب مالك المنتدي ، لأني كل ما كنت بقرأ ال-title داه في تعليقات كريم أحس الأعضاء كلهم تحولو لملكية أو أملاك.
كنت أفضل لقب مؤسس المنتدي أو عميد المنتدي أو مدير المنتدي ..علي العموم مش فارقه، لأن كريم انسان جدع جدا وكفاية إنه جمع هذا الكم من الاعضاء المحترمين في منتدي واحد.


السؤال الوقف داه كام يوم ؟؟؟ ترجع بالسلامه يا كريم

أسف للأطاله

[nabaster]

أسف للأطاله

علي فكره

كريم التيتل بتاعه اتغير بقي رئيس مجلس ادارة المنتدي

والوقف كان يوم واحد هيتنتهي اساعه 11

A.Yakout

[SeiffoZ]

كريم منير إتوقف ؟؟؟ !!!

ربنا يرجعه بالسلامة هو و العضو سكاى بيرد و يتصالحوا

[A.Saad]

الناس اللي بتقول بلاش الموضوع يقلب ديموقراطية ...مش فاهم إيه قصدهم،

كريم بشر ممكن يتنرفز ويغلط ، ولو غلط يتعاقب .إيه اللي فيها يعني ديه قمه الديموقراطية


السؤال الوقف داه كام يوم ؟؟؟ ترجع بالسلامه يا كريم

على فكرة انا الناس اللى قالت بلاش الموضوع يقلب ديمقراطية
لان الموضوع فكاهى وهزار ومنعا لوجود مشاحنات بين الاعضاء وغرضه المزاح مع كريم
والناس فى المنتدى اسمهم اعضاء
الحب بيجمعنا والمودة والتفاهم
ولو حضرت مقابلة لينا هتعرف قصدى ايه

واما صاحب الشيء ومؤسسه يتوقف
ده فيه ديمقراطية ومعناه ان فبه افراد بيديروا المنتدى بحيادية
زى ما فى الدول المحترمة لو وزير او رئيس وزرا غلط بيتحاسب
على فكرة
فيه عضو معانا اتوقف نهائى فى منتدى تانى لانه جادل واحد من الادارة هناك فى مسألة فنيه عن قوة سيارة وسعة محركها

[fadod]

على فكرة انا الناس اللى قالت بلاش الموضوع يقلب ديمقراطية

والناس فى المنتدى اسمهم اعضاء

كلامك كله كويس وانا عارفه وحاسه حتي ولو أنا مبحضرش مقابلات ...ودة اللي بيخليني متمسك جدا بالمنتدي دة


أنا بس وقفت علي موضوع ناس وأعضاء،لأنك حسستني انها كلمه غير لائقه،أو سوقية أو دونية ..لو إنت حاسس بكده ياريت توضح لي حتي ولو علي الخاص

[A.Saad]

كلامك كله كويس وانا عارفه وحاسه حتي ولو أنا مبحضرش مقابلات ...ودة اللي بيخليني متمسك جدا بالمنتدي دة


أنا بس وقفت علي موضوع ناس وأعضاء،لأنك حسستني انها كلمه غير لائقه،أو سوقية أو دونية ..لو إنت حاسس بكده ياريت توضح لي حتي ولو علي الخاص

هيا لا سوقية ولا دونية
هيا بس ضايقتنى شوية
جايز علشان انا عجوز شوية هههههههههه

[FunnyMickey]

انا لو من كريم اول ما اخش المنتدي اوقفلي بتاع 100 عضو احتفالا بالرجوع
:) :) :)

ترجعلنا بالسلامه يامدير

[ahmed_mido1889]

كله يستخبي الكبير جاي كمان دقائق

[nabaster]

اترفع الوقف عن استاذ كريم عقبال استاذ اسكاي

A.Yakout

[SHNORY]

بقينا بنتكلم اكتر من ما بنعمل
وكل واحد عنده كلمتين بيدخل يقولهم في اي موضوع وخلاص
ولو لقي الموضوع مش مناسب لكلامه
بيحول مسار الموضوع علشان يقول اللي عنده وخلاص
انا كنت ناوي ادخل اشارك في الموضوع
بس للاسف نفسي اتسدت عن المشاركه في المواضيع
هي مسدوده من فتره كبيره
بس اتقفلت خالص