حياتي ادمرت تمامااااااااا....القولون العصبي

[IBS]

السلام عليكم
قبل ما احكي حكايتي انا فكرت كتير قبل ما اكتب هنا بس فعلا مالقتش احسن من المنتدي هنا عشان افضفض فيه الناس هنا ما شاء الله بحس اني وسط اهلي و كأني في بيتي (انا اصلا عضو معاكم هنا في المنتدي بس بأسم تاني معلش مش هقدر اذكرة)
بداية انا مصاب بمرض القولون العصبي (يا رب يبعدكم عنة) من و انا عندي 4 او 5 سنين (انا دلوقتي 20 سنة) يعني 15 سنة و انا بعاني معاناة رهيبة ربنا ما يوريها لحد و المشكلة انها بتزيد مع تقدم العمر
انا فاكر و انا صغير و انا بدخل KG1 طبعا كل الاطفال الي في سني مش بيبقوا عاوزين يروحوا المدرسة و بيخافوا عشان بتبقي اول مرة اهليهم هيسيبوهم و كدا دا الطبيعي بس مش الطبيعي ان الخوف يوجعلك بطنك بطريقة رهيبة و يخليك علي طول عاوز تدخل الحمام و هنا كنت اول مره احس اني مختلف و فيا حاجه غلط
و مرت الايام و السنين مع المعاناة و الخوف الي بيحصلي كل ما ابقي داخل حصه مثلا في المدرسة او خارج او راكب عربية (ايييييي حاجة تخليني مقدرش ادخل الحمام برحتي في الوقت العاوزة علي طول تبدأ الاعراض و الخوف و وجع البطن و بالتالي ببقي عاوز ادخل الحمام فعلا)
و الحمد لله خلصت ثانويه عامة و طبعا نفس المعاناه في الدروس و كل حاجه في حياتي بس كنت بتأقلم و خلاص
الجديد بقي في الموضوع (معلش انا عارف اني طولت) انا الحمد لله دلوقتي في كلية هندسة (السنة الي هنخشها ان شاء الله ديه بكالريوس) و كنت متفوق في الدراسة ايام المدرسة رغم كل المعاناه الي بشوفها بس الي حصل انة من سنه بالظبط الموضوع زاد عندي اوي اوي اوي بقي وسواس قهري لدرجة ما بقتش قادر احضر المحاضرات من الخوف ان بطني توجعني و ابقي عاوز اخش الحمام و انا داخل المحضارة (نفس الوسواس) و دا خلا زمايلي ياخدوا بالهم و ليه مش بتحضر و كدا و مش بحب اققول لحد علي السبب فكل مرا بتبقي بتلكليكه طبعا و طبعا درجاتي قلت جدا عشان الحضور و اعمال السنة و محدش بيشرحلي و مش بقدر اخد كورسات لنفس السبب و الدكاتره بقو ياخدوا فكره عني وحشة و اني مش بحضر و كدا مش عارف اخرج مع صحابي لنفس السبب رغم اني بطبعي اجتماعي بس دلوقتي كتير من صحابي بيدديقوا مني بقوا و فكرني مش عاوز انزل معاهم مش عارف اسافر مش عارف اعمل تدريب في اي حته مش عارف اخد كورسات في اي حاجة ببساطه مش عارف اعيييييييييش حياتييييييييي
انا بقالي 3 شهور في اكتئاب رهييييييييب و وصلت اني بقالي اسبوع كل يوم بعد اعيط بعيط علي حياتي الي بتروح بن ايدي و مستقبلي و مش عارف اعمل اي حاجة, مش عارف هعمل ايه السنه الي جايه في الدراسة لما بفكر و لو خلصت انا ازاي هشتغل كدا ازاي هتجوز ازاي ازاي هعمل اي حاجه في حياتي (لازم يبقا معايا حمام علي طول عشان احس بالطمئنان و الراحة) حاسس ان المستقبل بتاعي مش موجود و الله و الله انا كل يوم بفكر في الانتحار كتييييييييير لأن انا مبقتش عايش خلاص
رغم اني من جوايا ليا طموووح كتير و كان نفسي اعمل حاجات كتير اوي بس طبعا خلاص حاسس انه كله راح
مفيش غير اهلي الي عارفين المشكله و مش قادرين يستوعبوا المعاناه النفسيه الي انا فيها فاكرين القولون يعني وجع بطن و خلاص
لو علي الالم هستحملة ما طول عمري مستخمله بس هو كدا دمررررررر حياتي نفسيا و كل حاجة انا مجرد ما افكر اني هنزل من البيت بطني بتوجعني اييي مكان اروحه لازم اول حاجه اطمن عليها الحمام و لازم ابقا مطمن اني اقدر ادخل في اي وقت سعتها مش ببقا تعبان ولا اي حاجه دي الحاله الوحيدة
و دا موقع لقيته ناس بتكتب عن حالتها و دا عملي حالة بؤس و اكتئاب اكتر لأن محدش بيتعالج منه حتي الي عندهم و من هما شبابا و دلوقتي 60 سنة و الي ساب المدرسة و الي ساب الشغل و الي بطل يسوق (عشان نفس الوسواس انه ممكن في زحمه مثلا يقف و ميعرفش يدخل الحمام) و انا مش هقدرررررررررر اكمل حياتي كدا فعلا مش هقدر
IBS ruined my life
انا اسف لو كنت طولت عليكم بس و الله دا جزء صغير اوي اواي اوي اوي اوي من المعاناة و اسف لو الموضوع مش مرتب و الكلام عام اوي و مش منسق بس عشان الكلام دا مرجيعتش عليه كنت بفضفض معاكم الي بحس بيه و بفتكره بقوله
يا ريت يا ريت تسعدوني بأي حاجه اي اقتراحات اي حاجة
الف شكر علي وقتكم معايا و اسف مره اخري علي التطويل

[mr_sameh]

اعتقد ان موضوعك نفسي اكتر منه مرضي وكمان الواضح انك بعيد عن ربنا شويه قوم صلي ركعتين واقرا قرءان تاكد انك هتستريح نفسيا وكمان انت لسه صغير والحياه قدامك متخليش اي حاجه تهزمك ونصيحه متخفش من بكره لان بكره بين ايادي الله

[grumby78]

انا مقدر معاناتك جدا . وده اولا وقبل كل شيء ابتلاء من الله . ولكن الحياه لازم تستمر واعلم ان فيه ناس كتير مبتلاه بكثير من الامراض الخطيره جدا ولكن الصبر ياعزيزي والتأقلم هو الحل . اخيرا الدعاء والتقرب لله حل لمشاكلنا .

[hazoom2006]

كلنا كدة انا لما بيكون عندى امتحان بكرة بطنى بتوجعنى جدا بس لما بنزل من البيت خلاص انسي

حاول تزود ثقتك بنفسة انت عامل ارهاب لنفسك من خيالات واوهام مالهاش وجود خايف مثلا الدكتور يسالك متعرفش تجاوب خايف حد يهزر معاك هزار تقيل متعرفش ترد عليه وتبقى محرج كل دة عادى

ابتسم واضحك وزود ثقتك فى نفسك و وكل المواقف دى عادى وبتحصل لنا كلنا

[shaddadfalcon1]

اعتقد ده وسواس من الشيطان
متحطش في دماغك اي حاجه وتوكل علي الله واحضر محاضراتك وعادي انك تتكلم او تفهم الدكاتره ويمكن ده في حد ذاته يديك ثقه اكتر لانك وقتها مش هتضطر تقلق خالص

يعني مش لازم تكتم في قلبلك وتسكت وتسيب الناس تسيئ الظن بيك

وان شاء الله ربنا يشفيك

[shady_hamdy]

القولون العصبى اكتر حاجة مربوطة بالتفكير فية يعنى كل ماتفكر فية اكتر هتتعب اكتر انسى و عيش حياتك و انصحك ب (كلونا )لانة فية مادة بترفع من المعنويات شوية

[تامر.محمد]

همممم
ما فكرتش في العلاج النفسي ؟
باتكلم بجد و الله
موضوعك واضح جدا انه وسواس

[mazagngi2010]

فكرتنى بالعجوز اللى بيحب يتكلم عن مرضه كتير وبيتلذذ بكلامه عن الموت اكتر حتى اسمك حاسس ان له علاقه بمرضك كانك بتقول انا اهو والموقع اللى بتدخله يخللى المتفائل بالحياه يقتل نفسه كمدا
اولا بدعيلك ربنا يشفيك
ثانيا فيه مثل بيقول اللى يشوف بلاوى الناس تهون عليه بلوته احمد ربنا ان عقلك شغال مش معوق ذهنيا وكمان مش راكب كرسى متحرك دى بتكون اصعب واصعب 100 مره على اللى انت فيه تخيل انك مش عارف تعمل حمامك لوحدك ولازم حد يساعدك وتخيل اكتر لو انت معاق وعندك القولون كمان
قول الحمد لله واصحى الصبح وبوس ايدك وش وضهر وحمد ربنا انك عايش وعاقل لكن هتدخل جو الكابه يبقى متزعلش منى موت نفسك احسن ويبقى خسرت دنيتك واخرتك علشان سايب نفسك لشيطانك
وياريت متزعلش من كلامى

[محمد عز]

شفاك الله وعفاك يا اخى

سلم امرك لله

وادعوه بعشم

وبعد كده اسعى للعلاج النفسي والتاقلم

لان طول ما انت مكتئب حالتك هتزيد

لان القولون العصبى مرض نفسي وليس عضوى

يعنى مثلا

حاول ترصد حالتك وترتب حياتك على وضعك الحالى

واكيد انت بتعمل كده

انت عارف انك مثلا بتدخل الحمام كل ساعه او كل ساعتين

فتقدر تظبط مواعيدك

مثلا الكليه قبل المحاضره ادخل الحمام وبعد المحاضره

لا تكتئب

[ASKAFRAWY]

والله انا مجرب مرض القولون دة و عارف تعبه...بس انا من سنه ابتدأت معاناتى معاه...لكن احب اأكدلك انه مرض نفسي قبل ما يكون عضوى و دة فعلا حصل معايا و كنت كل لما نفسيتى تتعب يبدأ الوجع والالام تزداد و فعلا عشت اسوأ سنة فى حياتى لدرجة انى فقدت الثقة ان ممكن اقوم بمهام شغلى مرة ثانية و خصوصا ان طبيعة شغلى بتطلب سفر كتير جدا و ممكن طول اليوم اكون برة البيت و دة كان سببلى قلق لدرجة انى خوفت جدا لما رجعت الشغل و كل ما كنت اقلق او اخاف كان الوجع يزيد لدرجة لا تحتمل و كنت بهرب من الوجع دة بالنوم...
لحد ما الحمد لله قعدت مرة مع ابن خالتى و هو يكبرنى فى السن و عنده نفس المرض و هو البدأ ينصحنى و قالى لازم تتجاهل الالام دى لان لو استسلمت عمرك ما هتقدر تعمل حاجة
و قالى ان معظم الاعراض القولون العصبى سببها القلق و اول ما بيبدأ الالام انا كنت بقلق جدا جدا و تبدأ اعراض تانية تظهر زى ضيق تنتفس و دوخة و زغللة و و تقلصات فى المعدة مش بتخلينى اقدر اتحرك
بعد رجوعى الشغل ابتديت مع كثرة المسؤوليات انسي الام و ابدأ ادخل فى المووود تانى بعد ما كنت معتقد استحالة رجوعى شغلى ابتديت اسافر تانى انتابنى فى البداية قلق شديد و الكل كان ملاحظ ان عندى قلق و خوف غير عادى
لكن نصيحة اوعى تخلى مرض القولون دة يتغلب عليك بالعكس انت كل ما هتتناساه هو كمان هينساك
حاول جديا تغيير حياتك و اقصد نفسيا لان دة مرض نفسي اولا و اخيرا
حاول تزود من الدعاء و حاول انك تداوم على صلاة الجماعة و الدعاء بالشفاء
انا بصراحة ما حاولتش اراجع طبيب نفسي مع ان كتير نصحونى بكدة لكن انا اعتدمدت على تجاهل المرض و كنت بحاول ان اتناسي
و لحد دلواتى لما بقلق او بضايق بيبدأ اعراضه تظهر و بشدة

[mohamedrabia]

[justify]
علي فكرة انا تقريبا بقالي 5 سنين بتعالج من القولون العصبي والمعده ومشاكل كتير في الجهاز الهضمي وكنت زيك بالظبط بحس بكل الي بتقوله وانعزلت عن الدنيا بس اكتشفت حاجة لما ببقا مع الناس واتعامل بنسي بشيل من دماغي الموضوع بالتدريج والانسجام وبقربك من ربنا والقران الكريم والهدوء لان المرض ده نفسي اكتر منه عضوي خد بالك ده خوف مش اكتر انت طبيعي وخد دواء اسمة لابركس ده هيخليك كويس جدااا لانه بيعالج العصب الحائر الي بيسبب الخوف وبجد انت سليم ومعندكش اي حاجة عيش حياتك انت في احسن ايام حياتك بجد اهتمامك باي شي تاني بتحبه هينسيك كل همومك وتعبك عن تجربة وقرب اووي من ربنا بجد هو الوحيد القادر علي اخراجك من الي انت بتحس بيه وافتكر كلامي ولا تنساني بالدعاء وبع عن افكار الانتحار والكلام ده عيش حياتك كم هي ربنا ابتلاك بشيء لانة بيحبك وبيطهرك في الدنيا فاصبر علي الابتلاء وكمان قبل ما انسي بلاش تاكل اكل يتعب القولون زي منتجات الالبان واللحوم وكل اكل مشوي بدون بهارات وبلاش الشطة هتبقي زي الفل ان شاء الله
[/justify]

[rodyA113]

والله انا مجرب مرض القولون دة و عارف تعبه...بس انا من سنه ابتدأت معاناتى معاه...لكن احب اأكدلك انه مرض نفسي قبل ما يكون عضوى و دة فعلا حصل معايا و كنت كل لما نفسيتى تتعب يبدأ الوجع والالام تزداد و فعلا عشت اسوأ سنة فى حياتى لدرجة انى فقدت الثقة ان ممكن اقوم بمهام شغلى مرة ثانية و خصوصا ان طبيعة شغلى بتطلب سفر كتير جدا و ممكن طول اليوم اكون برة البيت و دة كان سببلى قلق لدرجة انى خوفت جدا لما رجعت الشغل و كل ما كنت اقلق او اخاف كان الوجع يزيد لدرجة لا تحتمل و كنت بهرب من الوجع دة بالنوم...
لحد ما الحمد لله قعدت مرة مع ابن خالتى و هو يكبرنى فى السن و عنده نفس المرض و هو البدأ ينصحنى و قالى لازم تتجاهل الالام دى لان لو استسلمت عمرك ما هتقدر تعمل حاجة
و قالى ان معظم الاعراض القولون العصبى سببها القلق و اول ما بيبدأ الالام انا كنت بقلق جدا جدا و تبدأ اعراض تانية تظهر زى ضيق تنتفس و دوخة و زغللة و و تقلصات فى المعدة مش بتخلينى اقدر اتحرك
بعد رجوعى الشغل ابتديت مع كثرة المسؤوليات انسي الام و ابدأ ادخل فى المووود تانى بعد ما كنت معتقد استحالة رجوعى شغلى ابتديت اسافر تانى انتابنى فى البداية قلق شديد و الكل كان ملاحظ ان عندى قلق و خوف غير عادى
لكن نصيحة اوعى تخلى مرض القولون دة يتغلب عليك بالعكس انت كل ما هتتناساه هو كمان هينساك
حاول جديا تغيير حياتك و اقصد نفسيا لان دة مرض نفسي اولا و اخيرا
حاول تزود من الدعاء و حاول انك تداوم على صلاة الجماعة و الدعاء بالشفاء
انا بصراحة ما حاولتش اراجع طبيب نفسي مع ان كتير نصحونى بكدة لكن انا اعتدمدت على تجاهل المرض و كنت بحاول ان اتناسي
و لحد دلواتى لما بقلق او بضايق بيبدأ اعراضه تظهر و بشدة

+11111111111111111111111111111111
السلام عليكم
اولاا من خلال كلام حضرتك الموضوع عندك واخد حيز نفسي كبيرررر وحسه ان ده اتربي معاك منذ الصغر زي ما الساده الأفاضل وضحولك ان الموضوع نفسي هو فعلا نفسي عضوي وعلى فكره في ميديكال تابلت كتيره بتعالج او تحفف من اعراض القولون العصبي .بس حضرتك خليته يسيطر عليك بقي هو اللي بيتحكم في تصرفاتك والرهاب النغسي اللي انت دخلت في دائرته لازم تخرج نفسك منه . انت طالب في هندسه واي ان كان تخصصك انت عارف ان معظم شغلك يبقي وقوف وحركه ومفيش تنازل عن ده . لازم تقرر هتسيب نفسك القولون يتحكم فيك؟ ها هتفضل كده بقيه حياتك؟ حدد قرارك لازم تعرف هتعمل ايه ؟ وحساك وحيد ؟ وده خطا تاني لازم يكون جنبك حد يشجعك ويزود ثقتك بنفسك ومتبعدش عن اصحابك انت مش عندك حاجه تضايقك ومتهطش في دماغك ده.شوف صديق او حد قريب منك وبيقدر يفهمك يساعدك من الخروج من الأزمه دي بس اولا واخيرا انت صانع قرار نفسك لازم تخرج من حيز الرهاب ده .انت مش هيحصلك حاجه عادي ممكن ادخل الحمام قبل ما انزل ومره في الكليه واكمل ولو احتجت بعد المحاضره واكمل هو ايه يعني اللي حصل فين ثقتك بنفسك..فين انت وفين قرراك ...وبعدين انت من النوع اللي اقل حاجه بتوترك ليه؟ عيزاك تزود من العبادات ادي كل حاجه حجمها وعيزاك تتدرب وبالصلاه ياله هتصلي التراويح اوك ركز وخلص اول اربع ركعات وابعد تفكيرك خالص عن الموضوع ده وركز في القران كانك بتغهمه وتخيل انك بتصلي لربنا لوحدك انت وهو بس اخشع قووووي وخلص اول اربعه واستريح لو محتاج تروح الحمام روج وعاود الوضوء مش محتاج يبقي جميل ونكمل اربعه والشفع والوتر فرصه جميله واحنا في ايام تساعدنا على ده اهرب من التفكير في الموضوع ده وحاول تاخد علاجك لو في تابلت بس الرك عليك اولا واخيرا ...مستنيه ان شاء الله تقلي وصلت لفين واحنا معاك ان شاء الله بس فكر في كلامي كويس وحدد هدفك وهو انك مش هتعيش كده وتخلي الموضوع ده يتحكم فيك زود ارادتك وثقتك بنفسك.. ربنا يشفيك ويعفيك من كل شر

[PoweRPassioN]

القولون العصبى اكتر حاجة مربوطة بالتفكير فية يعنى كل ماتفكر فية اكتر هتتعب اكتر انسى و عيش حياتك و انصحك ب (كلونا )لانة فية مادة بترفع من المعنويات شوية

همممم
ما فكرتش في العلاج النفسي ؟
باتكلم بجد و الله
موضوعك واضح جدا انه وسواس

شفاك الله وعفاك يا اخى

سلم امرك لله

وادعوه بعشم

وبعد كده اسعى للعلاج النفسي والتاقلم



حاول ترصد حالتك وترتب حياتك على وضعك الحالى

واكيد انت بتعمل كده

+11111111111111
كمان في ادويه بتعالج الامراض النفس جسميه ومنها او على رأسها القولون العصبي
وبتحسن الحاله جدا عن طريق تزبيط بعض المواد المسئوله عن التوصيلات العصبيه في الجسم
زي Buspirone HCL اسمه ف مصر Buspar او الادويه المماثله
الدواء دا بيزبط السيروتونين اللي زيادته بتجيب قلق وقلته تجيب اكتئاب
من اعراض الزياده فيه القلق واعراضه وتداعياته ومنها القولون العصبي
ولو اخدت ادويه تقلله (السيرتونين) ممكن تدخل ف اكتئاب

لازم تتابع مع دكتور نفسي علشان الموضوع بسيط اوي ي ي لو عرفت ديته وتم علاجه بطريقه صحيحه

لاتخجل من مرضك فمن لا يمرض
واحمد الله على انه لم يكن اكبر من ذلك وانه لم يكن في دينك وان الله يثيبك "يزيد ثوابك و حسناتك" عليه

وفي الاخر هديك مثال بسيط عن

أحد السلف كان أقرع الرأس أبرص البدن أعمى العينين مشلول القدمين واليدين وكان
يقول: 'الحمد لله الذي عافاني مما ابتلى به كثيراً ممن خلق، وفضلني تفضيلاً'.
فمر به رجل فقال له: مما عافاك؟ أعمى وأبرص وأقرع ومشلول فمما عافاك؟
فقال:ويحك يا رجل؛ جعل لي لساناً ذاكراً، وقلباً شاكراً،وبدناً على البلاء صابراً،

اللهم ما أصبح بي من نعمه أو بأحد من خلقك فمنك وحدك لا شريك لك،
فلك الحمد ولك الشكـر

وبالتوفيق لحياه افضل

[n_i_t_e]

والله انا مجرب مرض القولون دة و عارف تعبه...بس انا من سنه ابتدأت معاناتى معاه...لكن احب اأكدلك انه مرض نفسي قبل ما يكون عضوى و دة فعلا حصل معايا و كنت كل لما نفسيتى تتعب يبدأ الوجع والالام تزداد و فعلا عشت اسوأ سنة فى حياتى لدرجة انى فقدت الثقة ان ممكن اقوم بمهام شغلى مرة ثانية و خصوصا ان طبيعة شغلى بتطلب سفر كتير جدا و ممكن طول اليوم اكون برة البيت و دة كان سببلى قلق لدرجة انى خوفت جدا لما رجعت الشغل و كل ما كنت اقلق او اخاف كان الوجع يزيد لدرجة لا تحتمل و كنت بهرب من الوجع دة بالنوم...
لحد ما الحمد لله قعدت مرة مع ابن خالتى و هو يكبرنى فى السن و عنده نفس المرض و هو البدأ ينصحنى و قالى لازم تتجاهل الالام دى لان لو استسلمت عمرك ما هتقدر تعمل حاجة
و قالى ان معظم الاعراض القولون العصبى سببها القلق و اول ما بيبدأ الالام انا كنت بقلق جدا جدا و تبدأ اعراض تانية تظهر زى ضيق تنتفس و دوخة و زغللة و و تقلصات فى المعدة مش بتخلينى اقدر اتحرك
بعد رجوعى الشغل ابتديت مع كثرة المسؤوليات انسي الام و ابدأ ادخل فى المووود تانى بعد ما كنت معتقد استحالة رجوعى شغلى ابتديت اسافر تانى انتابنى فى البداية قلق شديد و الكل كان ملاحظ ان عندى قلق و خوف غير عادى
لكن نصيحة اوعى تخلى مرض القولون دة يتغلب عليك بالعكس انت كل ما هتتناساه هو كمان هينساك
حاول جديا تغيير حياتك و اقصد نفسيا لان دة مرض نفسي اولا و اخيرا
حاول تزود من الدعاء و حاول انك تداوم على صلاة الجماعة و الدعاء بالشفاء
انا بصراحة ما حاولتش اراجع طبيب نفسي مع ان كتير نصحونى بكدة لكن انا اعتدمدت على تجاهل المرض و كنت بحاول ان اتناسي
و لحد دلواتى لما بقلق او بضايق بيبدأ اعراضه تظهر و بشدة

lمحدش هيرد أحسن منك :)
IBS لاحظت من كلامك أن طريقة التفكير فى المستقبل و القلق و الخوف من اللى جاي و الحزن على نفسك هى السبب فى موضوع القولون.
طب ليه ميبقاش العلاج مزدوج. بجانب علاج النتيجة اللى هو القولون العصبى علاج السبب و هى طريقة التفكير. طريقة التفكير دي كلنا بنمر بيها لأنها جزئ من طبيعية النفس البشرية يعنى موضوع نفسي..و أي حاجة نفسية أنا شايف علاجها أولا Self treatment بالعلاقة مع الله .. الواحد لو يعرق انه مفيش قوة تمنع رزقه و أن مستقبله هيدبر زي مستقبل مليارات قبله هيطمن و مش هيقلق من شغله و جوازه و على رأي المثل If God put you in it, God will get you through it
و لو منفعتش أولا دي بأن نفسك مش قادرة تحل الموضوع ده مع نفسها بيكون فى استعانة بطبيب نفسى بس انا متأكد أن نفسك أقوي كفاية انها تحل موضوع التحكم فى القلق.
و أنا أعرف اتنين زمايلى عندهم الموضوع ده شفاهم الله و عافانا و عايشين حياتهم عادي و متجوزين و بأولاد و واحد منهم كمان متجوز اتنين ...ففعلا زي ما استاذ أشرف قال الموضوع كله التحكم فى القلق..و ابشرك أن الموضوع ده هيتحسن فى المستقبل لأن انت لسه عندك 20 سنة و فى السن ده القلق و الخوف و الهموم بتكون جامدة أوي و بتقل مع الوقت...يعنى كل لما الوقت بيعدي عليك هتكون مطمن اكتر و هتتقبل الموضوع بحساسية أقل بكتير و ده هينعكس على تقليل أثر الموضوع نفسه و يخليه حاجة مهمشة

[ابو سيف]

الموضوع مأثر على نفسيتك سلبا بشكل رهيب
عموما ربنا يكون في عونك
اظن ان ممكن كل حاجة تبقا زي الفل
بس انت يكون عندك استعداد انك تساعد نفسك
ممكن تتابع مع دكتور يقللك الموضوع دا شويه
و في ((((((نفس)))) الوقت لازم تتباع مع دكتور نفسي يزيل من عندك الخوف الرهيب و الوسواس من الموضوع دا

ضدقني الموضوع بسيط

جرب مش هتخسر حاجة !!

لو احتاجت اسم دكتور اقدر انصحك بيه هيفيدك جدا ممكن تبعتلي رساله اقولك

ربنا يشفيك و ان شاء الله هترجع زي الفل