ذكريات تهم مواليد السبعينات

[Khalid_Mostafa]

ايوه بس انا فاكر انها كانت مش محجبه وكان اغلب لبسها اخضر بس كانت طيبة وحنينه جداً وفين ماما ساميه وماما نجوي و بقلظ





ورجل المستحيل

و البسكوت اللوكس الملفوف بروقة ذهبي وتفتحه انت وحظك يا تلاقي 4 بسكوتات يأما 5 بسكوتات والبوزو (الكاراتيه)
يااااااااااااااااااااااااااااااااااااااااااااااااا اااااااااااااااااااااااه

انا مش عارف اوصف الشعور الي انا حاسس بيه و انا بشوف الصور دي ..الواحد كان بسيط ساعتها والدنيا كانت سهلة مش معقدة زي دلوقتي
الله ينور عليكي والله يا علا وياريت تكملي

[KarimAbulEla]

انا سعادتى بمشاهدة ما سبق لا توصف ، بمجرد رؤية هذه الصور تذكرت ايام الماضى و ما صاحبها من راحة نفسية لم اجد له مثيل اطلاقا فى ايام الحاضر

[sab3aawy]

الأتوبيس ده كان شكله تعباااااااااااان
[/COLOR][/SIZE][/FONT]

الأوتوبيس ده إسمه بيجاسو وكان صناعة اسبانية، فى فترة السبعينات كان هو والأتوبيس النصر فقط هم اللى بيشتغلوا فى هيئة النقل العام، والأتوبيس البيجاسو ده كان احد معالم مصر فى السبعينات وياما طلع فى افلام ومسلسلات، اذكر منها فيلم الحفيد ومسلسل دموع فى عيون وقحة

بالمناسبة انا من مواليد اوائل السبعينات

[aif]

يا استاذ كريم
لو سمحت رجع صورة الأولاد ..لأنك لو مارجعتهاش .. انا مضطر انسحب من المنتدي!!!!
ولو علي الشيكولاتة .. ملحوقة في المقابلة الجاية ان شاء الله

[Akram]

شكراً يا علا على الموضوع الجامد ده ,
بصراحة انا حسيت براحة لما شفت الصور دي ,
يمكن من الضغوط اللي الواحد بيعاني منها و نستها شوية لما شفت الصور و التعليقات ,
على فكرة انا عرفت الصورة بتاعت ماما عفاف أول ما شفتها و البرنامج بتاعها كان مقدس عندي , و كمان برنامج اخترنا لك و عالم الحيوان ,
يا تري اول مصروف في سنة اولى ابتدائي كان كام و كان بتعمل بيه ايه ,
انا كنت باخد قرش أو قرشين تقريباً مش فاكر أوي و كنت طبعاً بشتري بيه الحلويات

[sab3aawy]

ركائب السبعينات

ودى مجموعة من ركائب اهل مصر فى السبعينات

[Moh.Fahmy]

الله ينور يا علا علي الموضوع الشديد قوي ده و علي فكرة ده اول موضوع اقراهولك لاني كنت متغيب فترة عن المنتدي لكن واضح من نوعية مواضيعك انك صاحبة فكر راقي
و لو انها جاية متأخرة قوي المنتدي منور بيكي و بكل الاخوة المستجدين

بالنسبة لموضوعك الشيق فيه برضه شيكولاته كورونا و لعبة بنك الحظ و كريم حلاقة انجرام اللي كانت اعلاناته مالية الدنيا
اخوكي محمد فهمي من الرعيل الاول لنايل موتورز و من قبله كونتكت كارز

[aif]

الله ينور عيك يا باشمهندس سبعاوي العربيات دي كان لها شنه ورنه زمان .. شوف دلوقت بقى .. بقت موضة عتيقة ..
فكرتني بابيات ابي تمام :
هي الايام كما شاهدتها دول .... من سره زمن ساءته أزمان

[TaoTao]

الأوتوبيس ده إسمه بيجاسو وكان صناعة اسبانية، فى فترة السبعينات كان هو والأتوبيس النصر فقط هم اللى بيشتغلوا فى هيئة النقل العام، والأتوبيس البيجاسو ده كان احد معالم مصر فى السبعينات وياما طلع فى افلام ومسلسلات، اذكر منها فيلم الحفيد ومسلسل دموع فى عيون وقحة

بالمناسبة انا من مواليد اوائل السبعينات

وبعدين الأوتوبيسات المرسيدس (المكببة) ودي كانت أعتقد هدية من إيران بعد حرب أكتوبر (مش متأكد من المعلومة وياريت حضرتك تأكدهالنا)

موضوع تحفة .. هو أنا كل مافكر في موضوع تحرقيه؟؟ :)
ربنا يجازيكي كل خير، سؤال بسيط، بتجيبي الصور منين؟؟

[Islam_galal]

موضوع رائعجزاك الله خيرا ، رجعتينا لذكريات جميلة حقيقي حسيت احساس جميل و انا باسترجع طفولتي

[sab3aawy]

ودى مجموعة من المشاهير اللى ارتبطوا بحياتنا فى السبعينات




فريق أبا


مايكل جاكسون ايام ما كان لسة بخيره


عبد الحليم


ماما نجوى


فايزة احمد


سعاد حسنى




المغنية تينا تشارلز (بتاعة دانس ليتل ليدى دانس)

فريق مودرن توكينج




وهذه لقطة نادرة للثلاثى الأشهر فى السبعينات السادات وكارتر وبيجن




الله يرحمك يا سادات

[aif]

علي فكرة يا اخت علا
زوجتي شافت الصور اللي انت باعتاها وعجبتها جدا وهي مصممه انك من عمرها لأن كل الذكرايات دي نفس ذكراياتها
بس بصراحة انتي موضيعك جامدة اوي وبتخرجنا من الجو الخانق اللي بنعيش فيه الي الماضي الجميل

[msoliem]

انا من اواخر السبعينات بس الصور دى رجعتنى لزكريات فى منتهى الجمال بس هوا انت بتجيبى الصور دى منين يا علا ؟ ولا انتى معاكى فريق اعداد يعنى زى اللى فى العاشرة مساءا والبيت بتك ؟

[Ayman_Abdullah]

موضوع جميل جداااااااااااااااااااااااا

[OlaOsman]

بصراحة انا مذهول ، وجبت أمي فرجتها على كل الصور دي ، وفعلا كل الحاجات دي انا فاكرها زي ماتكون كانت موجوده إمبارح ، واللي انا ملاحظه إن كل إللي كانوا اطفال في فترة السبعينات زي حالاتي يعني كان تقريبا هواياتهم واحدة وميولهم قريبة جدا ده حتى الاهل في الفترة دي كانوا بيوجهوا اطفالهم نفس التوجيه تقريبا ، ربنا يجازيكي خير فكرتينا بايام جميلة مش هاترجع تاني.

pcegypt.. صح.. كلنا كنا تلاقينا كده نفس الاهتمامات. سلامي إلى الوالدة :)

وفين

بيمبو

وشيكولاته إيكــــــا

وسر شويبس حسن عابدين

وكاراتيه

ومخمخ ومشمش ثنائي مدهش

والدتي بتقولي ساعة حادث المنصة كانت بتتفرج وانا عمال العب فا لاقيت الدبابات فقلتلها
هيا الدبابات مش هتضرب نار ودييييييييييب لاقيت الضرب اشتغل فا أمي قالتي اوعي تقول كده تاني

سرك بااااااااااتع يا هشام :D
الليستة اللي فوق دي جاي منها في الطريق ان شاء الله :)

موضوع جميل يا علا
بالرغم انى من الثمانينات - لكن فاكره حاجات كتير
بس حد يقولى مين دى اللى فى الصوره ؟
مش قادره افتكرها خالص

دي ماما عفاف الهلاوي يا سندريلا :)

جريندايزر
عالي عالي بطل فليد
هيا طر يا جريندايزر
كان جامد جدا الكارتون ده ومن حبي فيه جبت كل الحلقات كلها (74 حلقة) على الكميوتر
بس الواد احمد ماحبوش

ياااااااااااااااااااااااااااااااااااااااااااااه

هوا احنا كبرنا قوي كده

يالله حسن الختام

رامي (ابو احمد)

واضح ان كل جيل و ليه تفكيره الخاص بيه يا ابو احمد

موضوع ممتاز يا علا شكرا ليكي :)
بس فين صور ال Bee Gees
اشهر فرق الموسيقي في السبعينات و صورهم مع جون ترافولتا في فيلم حمي ليله السبت

لأ دول ما عدوش علية للأسف يا حازم

ييييييييااااااااااااااااااااه جامد جدا الموضوع ده

شكرا جزيلا يا ecybrarian

بجد موضوع جميل جدا يااااااااااااا ايام انا من مواليد 83 و فاكر ان زجاجة الحاجة الساقعة بيبسي او كوكا بــ 15 قرش الصغيرة و اول ما الكبيرة بدات تنزل كانت بــ ريال 20 قرش انا علي اد ما افتكر و بعد كده بدات في الغو 20 و 25 ... 25 و 30 .... 30 و 35 .... 40 و 50 الخ الخ و مش عارف الخ دي لغاية امتي اكيد في غيري يفتكرها ارخص من كده

انا كنت باشتريها ب 10 صاااااااغ :p

فى كمان البومات الصور بتاعة كاس العالم والبومات العربيات...كنا بنقعد نجمعها ونبدلالصور ونديلها اسعار... البادج بصورتين .. وبادج البرازيل كان البريمو بـ 5 صور

و دي كمان في الطريق ;)
أخويا كان مهووس بيها و مجنن ماما معاه :D

ياااااااا يا علا فكرتينى با أيام جميلة ولاهى - انا من مواليد السبعينات وبحس بحنين للفترة دى جدا لما بشوف فيلم فى التليفزيون من الفترة دى زى افلام محمود ياسين ونور الشريف ومحمد رضا بستمتع برويتة او حتى صورة تفكرنا يا أيامنا الجميلة . شكرا يا مؤرخة المنتدى وعوزين نعرف صورة الطفلة والسيدة الى فى الصورة تخص مين ؟

عرفت بأه دلوقتي هي تخص مين؟ :)
بس حلوة مؤرخة المنتدى دي