ذكريات تهم مواليد السبعينات

[waled369]

آه صحيح.. أنت ليه فاكر كل الكوارث دي؟ :D

شفتي قلبتي عليا المواجع
يعني يا ست (علا)هوه كان فيه حاجة حلوة علشان افتكرها كلها أيام بؤس و هم جاتنا نيلة في حظنا الهباب .

[Lion_Heart]

كارتون القرية الأليفة

فطوطة

واخدين بالكوا من ايد الراجل ده؟ اهو ده بطل المسلسل اللي كان اسمه Man from Atlantis

اهو هو ده

انا فاكر كويس كان اسمه فى المسلسل ( مارك ) وقوته كانت بتزيد لما ينزل الميه

[OlaOsman]

انا فاكر كويس كان اسمه فى المسلسل ( مارك ) وقوته كانت بتزيد لما ينزل الميه

كان اسمه مارك هاريس :)

[Lion_Heart]

الكتاب ده كان مسخررررررررررررة.. كنت باقراه بالليل و انا لوحدي.. أفضل اضحك و احاول صوتي ما يطلعش في ظلمات الليالي كده و مش باقدر :D

كلم يا شيكو

هات الفينو

خدلك نصه

شيل اللبابه

متحط البيفي

وعدي يا وعدي

بيفي من بلدي

وعدي يا وعدي

بيفي من بلدي

متنسوش برضة محمود ايه ده يا محمود .........

[OlaOsman]

متنسوش برضة محمود ايه ده يا محمود .........

على فكرة فيه موضوع كامل هنا برضه كله عن ذكرياتنا مع إعلانات زمان .. ده بأه فيه دُررررررررررر :D

[TaoTao]

كان في المسلسل برضه بتاع "انا البرادعي يا رشدي" بس مش فاكر اسمه ايه كان فيه عبدالله غيث و سهير البابلي و كان سخصيات المسلسل "عبدالستار و ناهد " يااااااااه و مسلسل كوكي كاك ز برامج فنون و كارتون بتاع بابا ماجد و برنامج "كل اطفال العالم" ياااااااه و الله ايام و كارتون جونكر

أظن المسلسل اسمه "وتوالت الأحداث عاصفة" بطولة عبد الله غيث في دور رشدي وسهير البابلي -وأظن أحمد توفيق كان البرادعي- المسلسل ده عمري ما شفته :D

مسلسل كوكي كاك فاكر أغنية منه ابني بينام عليها لما باغنيهاله (بصوتي العذب الرخيم :))
وانا في الكوكو كومبو .. كومبو كومبويوتر
زي ابو جلمبو ... في الإمبوه الووتر
:D:D:D
حد فاهم حاجة؟ :D:D الأغنية دي ماعرفتش افسرها غير بعد 15 سنة(صحيح فيه الموضوع بتاع الأغاني المفهومة غلط ممكن نكمله بالمناسبة) :D

[Lion_Heart]

أنا البرادعى يا لطفى مش هو كان اسمة لطفى برضة

انا البردعى يا رشدى

[OlaOsman]

أظن المسلسل اسمه "وتوالت الأحداث عاصفة" بطولة عبد الله غيث في دور رشدي وسهير البابلي -وأظن أحمد توفيق كان البرادعي- المسلسل ده عمري ما شفته :D

صح، ده كان اسم المسلسل.. انما ازاي عمرك ما شفته و فاكر اسمه؟ مع ان اللي شافوه مش فاكرين منه غير انا البرادعي يا رشدي :D

مسلسل كوكي كاك فاكر أغنية منه ابني بينام عليها لما باغنيهاله (بصوتي العذب الرخيم :))
وانا في الكوكو كومبو .. كومبو كومبويوتر
زي ابو جلمبو ... في الإمبوه الووتر
:D:D:D
حد فاهم حاجة؟ :D:D الأغنية دي ماعرفتش افسرها غير بعد 15 سنة(صحيح فيه الموضوع بتاع الأغاني المفهومة غلط ممكن نكمله بالمناسبة) :D

دي أصلا الأغنية الوحيدة اللي فاكراها من المسلسل و كل ماافتكره الاقي نفسي باغني الأغنية دي من عير مااحس.

الموضوع المذكور تلاقيه مستخبي في حتة في الاجتماعي و عايز شوية بحث :)

[aif]

دي أصلا الأغنية الوحيدة اللي فاكراها من المسلسل و كل ماافتكره الاقي نفسي باغني الأغنية دي من عير مااحس.

كنتي بتغنيها ازااااي .... اكيد كنتي بتقولي كلام تاني خالص مالوش علاقة بالاغنية الاصلية ....
زي سعد بن نبيهه.... حفظه الله واطال عمره :D

[OlaOsman]

كنتي بتغنيها ازااااي .... اكيد كنتي بتقولي كلام تاني خالص مالوش علاقة بالاغنية الاصلية ....
زي سعد بن نبيهه.... حفظه الله واطال عمره :D

هههههههههههه لأ دي كنت باقولها زي الناس الطبيعية الحمد لله :D

[TaoTao]

http://www.sawari.com/torath/21/Dr_Radi/FM/9.mp3

حسانييييييييييييين ومحمدين .. زينة الشباب الاتنين :)
أنظر حولك .. من أشهر إعلانات تنظيم الأسرة للفنانة الرائعة فاطمة عيد (برضه تنفع في موضوع الإعلانات)

[TaoTao]

صح، ده كان اسم المسلسل.. انما ازاي عمرك ما شفته و فاكر اسمه؟ مع ان اللي شافوه مش فاكرين منه غير انا البرادعي يا رشدي :D

أنا شفت لقطات منه في برنامج من البرامج وفعلا نفسي اشوفه كامل .. شكله كان كله سَسبنس :)

دي أصلا الأغنية الوحيدة اللي فاكراها من المسلسل و كل ماافتكره الاقي نفسي باغني الأغنية دي من عير مااحس.

مسلسل كوكي كاك فيه أغاني لطيفة جدا بس برضه مش فاكر منها أي حاجة غير طشاش كدة .. وإيمان الطوخي كان ليها كذا عمل حلو للأطفال زي "يُحكى أن"
أيام حلوة

[نور القمر]

انا فاكرة يوم مقتل السادات كنت بتفرج على فيلم ولما قطعوا الفيلم عشان يبثوا خبر الحادثة كنت متغاظة اوي ههههههههههههههههه
طيب هو مات احنا ما نشوفش الفليم ليه:k41:
عقل عيال بئه:err:

[نور القمر]

طيب حد فيكم بقى فاكر أحداث الأمن المركزي اللي كانت أيام وزير الداخلية أحمد رشدي و حادث محاولة اغتيال النيوي اسماعيل و حسن أبو باشا و اغتيال رفعت المحجوب (شفتوا البلاوي اللي أنا فاكرها تدخل المعتقل) و حد فاكر القلم (الصفعة) الشهيرة على خد اسم النبي حارسه و صاينه (زكي بدر) و اللي طرقع له كانت طلعت رسلان عضو مجلس الشعب عن حزب الوفد .
يا خبر اسود دا كل اللي في ذاكرتي زفت و قطران كفاية كده .
يلا يا علا مش كنتي عايزة حاجة نهرب بها من قرف الحياة الحالية آهو ده اللي عندي .

انا فاكرة احداث الامن المركزي كنت في ابتدائي ورايحة المدرسة زمايلي قابلوني في السكة قالوللي في حرب
فرحت اوي هههههههههههههه عشان هارجع ومش هاروح المدرسة
روحت قلت لبابا طبعا مش مصدقني وافتكرني بقول كدة عشان اغيب من المدرسة وقالي خلاص غيبي ما تروحيش

وفاكرة الالم على وش زكي بدر بصراحة كنت زغنونه بس كنت شمتانة فيه من غير ما اعرف اسباب

[TaoTao]

يوم مقتل السادات كان والدي يقومان بشراء ملابس العيد لحضرتي .. بس أنا ماوعاش ع الموضوع ده :)