ذكريات تهم مواليد السبعينات

[OlaOsman]

"ومازال النيل يجري" كان بتاع فردوس عبد الحميد وهشام سليم ونجوم كتير كدة (كان مسلسل دعائي لتنظيم الأسرة)

و المسلسل ده كان بداية إنطفاء الثنائي الشهير محمد فاضل و فردوس عبد الحميد و كان آخر عمل تغني فيه فردوس - صوتها كان أولريدي فقد بريقه - و المسلسل كمان شهد ظهور متميز لأشرف عبد الباقي و متهيألي كمان محمد سعد (مش متأكدة من دي أوي).

بمناسبة المسلسلات لقيت نفسي باغني النهاردة:
قلب الطاحونة حجر .. قلب الزمن صواااااااااان
يطحن قلوب البشر .. أشكال على ألوان
الدنيا سكة سفر ... ولكل حي أواااااااااااااااااااان

زمن و فيه العجب.. بيدي من غير سبب
و يلم و يفرق و ينجي و يغرق
ولا عمره بيفرق.. بين التراب و الدهب
و لا الحسب و النسب..
و لا الجناح اتكسر..
و لا قابل الرهاوان..
الدنيا سكة سفر..
و لكل حي أواااااااااااااااااان

[OlaOsman]

بسم الله ماشاء الله ...
إش إش إش
....
عال .... عال
الحمد لله اني عشت لليوم اللي اشوفك فيه بتصححي الأغاني ......
فعلا يا علا ......
لكل مجتهد نصيييييب ....
احنا كنا فين وبقينا فيييين
ايوة كدة ..... ده انتي المفروض تروحي بقي للناس اللي جايين من برة ... تقوليلهم الحاجات اللي هما مش عارفينها ...

علي رأي يونس شلبي الله يرحمه

لااااااااااااااا ده انا اتنجرت خالص و اتنورت و ممكن كمان أقول لك باقي أغنية أيوب البحر.. خد عندك يا سيدي: بعد الكوبليه ده على طول يدخل الكورال و يقول:
شد حبال المرررررررركب
م الفجر للمغررررررررب
جدك صابر.. صابر
عشك عش الطير الصابر يا صبرة و صابرين..
يا أيوب البحر.. مالك يا أيوووووووووووب
راح تنحت في الصخر و لا ناوي تتوووووووووب؟

[aif]

لااااااااااااااا ده انا اتنجرت خالص و اتنورت و ممكن كمان أقول لك باقي أغنية أيوب البحر.. خد عندك يا سيدي: بعد الكوبليه ده على طول يدخل الكورال و يقول:
شد حبال المرررررررركب
م الفجر للمغررررررررب
جدك صابر.. صابر
عشك عش الطير الصابر يا صبرة و صابرين..
يا أيوب البحر.. مالك يا أيوووووووووووب
راح تنحت في الصخر و لا ناوي تتوووووووووب؟

براوه عليكي يا علا

[TaoTao]

كان فيه أغنية مكسرة الدنيا في أول الثمانينات أمشي في الشارع اسمعها، أركب المواصلات اسمعها وفي المحلات، وحتى في الحضانة ألاقي العيال (الزملاء) بيغنوها بدل أغاني محمد ثروت .. مكسرة الدنيا ولا أغاني فلتة زمانه "محمود الحسيني" دلوقتي :d الأغنية كانت بتقول:
"تمثيلية .. تمثيلية
الحب عَنْدي وعَنْدك عندك تمثيلية"
أو حاجة شبه كدة :d:d

الصراحة مش فاكر حاجة من الأغنية غير الكلمتين دول وماعرفش اسم المغني بس هي تقريباً كانت بداية دخول هذه الأصوات الرديئة والكلمات الركيكة للغناء المصري

[TaoTao]

اللي فكرني بأغنية "تمثيلية" موقف حصل لو سمحتولي أحكيهولكم .. في وسط الكلام مع الأصدقاء ورد على لساني كلمة "على إيدك ياسطى" ودي كلمة باستعملها لاستيقاف الباص بس الظاهر الكلمة دي صارت عتيقة تنتمي للسبعينات لأن ماحدش فهمها من الشباب اللي كانوا معايا كأني باتكلم هيروغليفي :)
قلتلهم إن دي كانت كلمة مشهورة جداً وإنها بقت أغنية (كنت أقصد أغنية عُمر فتحي الشهيرة "على إيدك اتعلمنا" بس مارضيتش اجيب سيرته احسن يعتبروني عجوز من أيام "عبده الحامولي" :))

بس ومن بعدها سيل ذكريات من أغاني "عُمر فتحي" اللطيفة انتهى بتذكري لأغنية "تمثيلية" المزعجة .

إيه رأيكم؟ حد فاكر "عُمر فتحي" وأغانيه اللطيفة زي "على إيدك" و "ابسط ياعم" ؟

[د.أبونضال]

أغنية تمثيلية دي كانت بتاعة "حسن الأسمر " أول ما طلع ولا باين بعد ما طلع بشوية وكان له أغنية تانية بردة كانت منتشرة جدا اسمها "كتاب حياتي" كان بيقعد يعيط فيها وكان زمايلي في المدرسة بيغنوهم كتير قوى.
كان فيه برده أغنيتين محبوبين جدا في الثمانينات ، أغنية "عراف وداير أنا أوشش الأصداف ... شغلت عيوني صبية بكامل الأوصاف ...بدر البدور لو طل يحلف بعمره ما شاف " لمحمد الحلو
وأغنية فرقة عمار الشريعي إللي كان اسمها "يوم بعد يوم بتجينا موضات أولوفات أولوفات .... تبقى جديدة وبعد ساعات تبقى ........ (الكلمة اللي باقية دي عمرى ما عرفت هي إيه".
أما عمر فتحي فكان له أغاني كتير حلوة ، الحقيقة بعد جيل محمد الحلو ومحمد ثروت ومدحت صالح لغاية "كوكب تاني" ما عدش فيه كلمات حلوه .

[TaoTao]

أغنية تمثيلية دي كانت بتاعة "حسن الأسمر " أول ما طلع ولا باين بعد ما طلع بشوية وكان له أغنية تانية بردة كانت منتشرة جدا اسمها "كتاب حياتي" كان بيقعد يعيط فيها وكان زمايلي في المدرسة بيغنوهم كتير قوى.
كان فيه برده أغنيتين محبوبين جدا في الثمانينات ، أغنية "عراف وداير أنا أوشش الأصداف ... شغلت عيوني صبية بكامل الأوصاف ...بدر البدور لو طل يحلف بعمره ما شاف " لمحمد الحلو
وأغنية فرقة عمار الشريعي إللي كان اسمها "يوم بعد يوم بتجينا موضات أولوفات أولوفات .... تبقى جديدة وبعد ساعات تبقى ........ (الكلمة اللي باقية دي عمرى ما عرفت هي إيه".
أما عمر فتحي فكان له أغاني كتير حلوة ، الحقيقة بعد جيل محمد الحلو ومحمد ثروت ومدحت صالح لغاية "كوكب تاني" ما عدش فيه كلمات حلوه .

ياااه، الصوت كان في ذاكرتي مألوف وحاسس إني سمعته بعد كدة، طلع "حسن الاسمر" :)

بالنسبة للأغنية كانت بتقول:
يوم بعد يوم بتجينا موضات أولوفات أولوفات .... تبقى جديدة وبعد ساعات تبقى "ديموديه"
يعني Old Fashion :)

وشكراً ع الرد السريع

[Chicco]

اللي فكرني بأغنية "تمثيلية" موقف حصل لو سمحتولي أحكيهولكم .. في وسط الكلام مع الأصدقاء ورد على لساني كلمة "على إيدك ياسطى" ودي كلمة باستعملها لاستيقاف الباص بس الظاهر الكلمة دي صارت عتيقة تنتمي للسبعينات لأن ماحدش فهمها من الشباب اللي كانوا معايا كأني باتكلم هيروغليفي :)
قلتلهم إن دي كانت كلمة مشهورة جداً وإنها بقت أغنية (كنت أقصد أغنية عُمر فتحي الشهيرة "على إيدك اتعلمنا" بس مارضيتش اجيب سيرته احسن يعتبروني عجوز من أيام "عبده الحامولي" :))

بس ومن بعدها سيل ذكريات من أغاني "عُمر فتحي" اللطيفة انتهى بتذكري لأغنية "تمثيلية" المزعجة .

إيه رأيكم؟ حد فاكر "عُمر فتحي" وأغانيه اللطيفة زي "على إيدك" و "ابسط ياعم" ؟

عبده الحامولي مين يا عم تاو .....عمر فتحي و عماد عبد الحليم و هاني شاكر دول شباب .....ولاد أول امبارح ....باعتباري عجوز زايك من أيام زماااان :)

أبسط يا عم ديه فاكرها طشاش :o

أبسط يا عم
ما تشيلش هم
ما هي ماشية معاك أخر حلاوة
بس إنت أبقى افتكرنا
ما تحبش حد غيرنا
نصحي نلاقيك هجرنا
و اتعلمت الشقاوة ........

[OlaOsman]

أغنية تمثيلية دي كانت بتاعة "حسن الأسمر " أول ما طلع ولا باين بعد ما طلع بشوية وكان له أغنية تانية بردة كانت منتشرة جدا اسمها "كتاب حياتي" كان بيقعد يعيط فيها وكان زمايلي في المدرسة بيغنوهم كتير قوى.

الأغنية دي أصلا تووووووووووووحفة.. المفروض انها كئيبة و حزينة جدا، انما كلماتها تفطس من الضحك.. فالواحد أيامها الصراحة ما كانش عارف يتعاطف مع المطرب و لا يضحك على الكلمات و لا يكونش هو كان قصده يعمل أغنية كوميدية بالطريقة دي؟ لو كده فعلا.. ده يبقى عبقري

[OlaOsman]

بالنسبة للأغنية كانت بتقول:
يوم بعد يوم بتجينا موضات أولوفات أولوفات .... تبقى جديدة وبعد ساعات تبقى "ديموديه"
يعني Old Fashion :)

وشكراً ع الرد السريع

آهي دي بأه انا كنت باسمعها "تبقى دي موديل" يعني دي تبقى موديل

[ahmedfd]

نسيب الإعلانات شوية..
فاكرين Knots Landing
فاكرين
Abby, Val, Karen and Mack and Gary Ewing and Paige
كانت بتيجي يوم الأحد تقريباً الساعة 9 على القناه التانية... مش كدة؟

[human]

طب فاكر يا احمد فالكون كريست؟ اللى كان فيها الواد لانس

[مواطن مصرى]

اللي فكرني بأغنية "تمثيلية" موقف حصل لو سمحتولي أحكيهولكم .. في وسط الكلام مع الأصدقاء ورد على لساني كلمة "على إيدك ياسطى" ودي كلمة باستعملها لاستيقاف الباص بس الظاهر الكلمة دي صارت عتيقة تنتمي للسبعينات لأن ماحدش فهمها من الشباب اللي كانوا معايا كأني باتكلم هيروغليفي :)
قلتلهم إن دي كانت كلمة مشهورة جداً وإنها بقت أغنية (كنت أقصد أغنية عُمر فتحي الشهيرة "على إيدك اتعلمنا" بس مارضيتش اجيب سيرته احسن يعتبروني عجوز من أيام "عبده الحامولي" :))

بس ومن بعدها سيل ذكريات من أغاني "عُمر فتحي" اللطيفة انتهى بتذكري لأغنية "تمثيلية" المزعجة .

إيه رأيكم؟ حد فاكر "عُمر فتحي" وأغانيه اللطيفة زي "على إيدك" و "ابسط ياعم" ؟

و هل ينسى احد عمر فتحى و اغانيه و البوماته التى تبدأ كلها بكلمه (على) : على ايدك - على فكره - على سهوه - على كيفك

مطرب لن يتكرر فى هذا الزمن كصوت و الحان و امكانيات و تواضع

خلى الشباب يسمعوا مطربين رد السجون مثل تامر حسنى او مطربين الغناء فى الحمام

[ahmedfd]

طبعاً و Melissa و Angela Channing .. مش دي كانت مرات ريجان الأولانية باين؟ و Chase Gioberti و مراته Maggie كانت طيبه قوي و وشها مريح..

[OlaOsman]

مين فاكر مسلسل بيت صغير في البراري؟ http://www.youtube.com/watch?v=5F3NH...eature=related