ذكريات تهم مواليد السبعينات

[SS]

جزء صغير من مقدمة مسلسل لا إله إلا الله

في الثواني بتوع الفيديو دول هتلاقوا على التتر اسم الكاتبة أمينة الصاوي الله يرحموا، و بعدين بطولة هدى سلطان الله يرحمها و بعديها ليلى فوزي الله يرحمها.. اللي بيغني تتر المقدمة بأه هو محمد رشدي.. الله يرحمه :)

هو مفيش اى حد طيب من اللى شاركو فى المسلسل ده ...فلت ...ولسه عايش ؟؟؟؟!
ربنا يسترعلى المشاركين فى الموضوع اللى مذكور فيه المسلسل:k16:

[homme49]

هو مفيش اى حد طيب من اللى شاركو فى المسلسل ده ...فلت ...ولسه عايش ؟؟؟؟!
ربنا يسترعلى المشاركين فى الموضوع اللى مذكور فيه المسلسل:k16:

كل من عليها فان و لا يبقى إلا وجه ريك ذو الجلال و الإكرام

[TaoTao]

هو مفيش اى حد طيب من اللى شاركو فى المسلسل ده ...فلت ...ولسه عايش ؟؟؟؟!
ربنا يسترعلى المشاركين فى الموضوع اللى مذكور فيه المسلسل:k16:

جمال سلامة (ملحن الأغنية الرائعة) حي يرزق :)
والله يرحم كل هؤلاء المبدعين

[TaoTao]

انتوا سخنتونى بصراحه يارجاله وادى بدايتى معاكم
فاكرين كارتون هاتسو والفتى برهان انتوا نسيتو الفتى برهان :k41: اللى كان بيعطس على طول كان بييجى فى القناه التالته العصر
كان صوت عبدالرحمن ابو زهره وسيد عزمى


هوباااااااااااااااااااااا
من منكم نادانى الان
اسمى هاتسووووووو يافتيان
انا الفتى برهان
فقد عطست الان
هاتسو هاتسو هاتسو
فى خدمتكم يامن عطسوا
هاتسو هاتسو هاتسو
ان تعطس اخرج من حجرى
تامرنى اخضع للامرى
ماذا ماذا تقول؟؟؟؟؟؟؟؟؟:k41:
ان اعطس
اخرج من حجرى
اامرك
اخضع للامرى
اسبح فى البحر وفى البر
واحلق ببساطى السحرى
واطيع الامر ولا اقسو
هاتسو هاتسو هاتسو هاتسو هاتسو هاتسو
هاتسوووووووووووووووووووووووووووووووو


وادى رابط المقدمه وللاسف مش لاقى حلقات خالص
http://www.youtube.com/watch?v=j3sVGPn5_Us

انت فكرتني بالكارتون القديم وصوت سيد عزمي الظريف والمميز جداً :)
وعبد الرحمن أبو زهرة كمان وإنعام سالوسة وصفاء ابو السعود.
امبارح كان عيد الطفولة، وفي آخر احتفال بعيد الطفولة (من حوالي 10 سنوات) كانوا كرموا يونس شلبي وهالة فاخر باعتبارهم قدموا بوجي وطمطم بينما أنا كنت شايف إن ده ظلم لناس كتير أولهم سيد عزمي وإنعام سالوسة لأن مجمل أعمالهم للأطفال أكتر بكتير جداً من يونس شلبي وهالة فاخر ..
ماعلينا المهم إنك فكرتني بسيد عزمي وصوته اللذيذ وعبد الرحمن أبو زهرة وأداؤه السلس الممتع، وشكراً ع الكلمات والرابط

[mazagngi2010]

انت فكرتني بالكارتون القديم وصوت سيد عزمي الظريف والمميز جداً :)
وعبد الرحمن أبو زهرة كمان وإنعام سالوسة وصفاء ابو السعود.
امبارح كان عيد الطفولة، وفي آخر احتفال بعيد الطفولة (من حوالي 10 سنوات) كانوا كرموا يونس شلبي وهالة فاخر باعتبارهم قدموا بوجي وطمطم بينما أنا كنت شايف إن ده ظلم لناس كتير أولهم سيد عزمي وإنعام سالوسة لأن مجمل أعمالهم للأطفال أكتر بكتير جداً من يونس شلبي وهالة فاخر ..
ماعلينا المهم إنك فكرتني بسيد عزمي وصوته اللذيذ وعبد الرحمن أبو زهرة وأداؤه السلس الممتع، وشكراً ع الكلمات والرابط

والله عندك حق الناس دى مظلومه خصوصا انعام سالوسه كفايه تمثليات الراديو اللى كانت فيها وسيد عزمى بتاع بقلظ وبرهان وحاجات كتير
بس تعمل ايه دى مصر ياريس

[د.أبونضال]

لسه النهارده شايف حته من مسلسل "شرارة" فاكرينه ، أنا مكنتش فاكر اسمه إيه بس لما الحلقة خلصت قريت اسمه "برج الحظ" كان مشهور قوي في جيلنا وكان كل واحد نتشائم منه أو نحس انه وشه وحش زي ما بيقولوا نسميه شراره...

[OlaOsman]

لسه النهارده شايف حته من مسلسل "شرارة" فاكرينه ، أنا مكنتش فاكر اسمه إيه بس لما الحلقة خلصت قريت اسمه "برج الحظ" كان مشهور قوي في جيلنا وكان كل واحد نتشائم منه أو نحس انه وشه وحش زي ما بيقولوا نسميه شراره...

معلش تعالى مازعلش يا شرارة يا شرارة..
الدنيا بخير ما تفكرشي يا شرارة يا شرارة..

كنت باحب اتفرج على نادية فهمي في المسلسل ده جددددددددددددا

كان محمد عوض في نفس الفترة ليه مسلسل كان اسمه ماشي يا دنيا ماشي بتاع حسن عابدين و متهيألي فردوس عبد الحميد و احمد بدير كان كل شوية يقول لأبوه - حسن عابدين - أطخه يابوي

[نور القمر]

هههههههههههه والله النهاردة كنت في مول وسمعت اغنية شراره قعدت اضحك
قلت هو لسه شرارة دي بتيجي
كنت بحبها اوي وانا صغيرة بجد كانت تحفة مع اني مش فاكرة اي تفاصيل ولا ممثلين غير محمد عوض
واللي ضحكني اكتر اني وانا صغيرة قلت لواحدة قريبتي ان جوزها يشبه شراره هههههههههههههه هي ضحكت بس بعد كدة قالت لي متقوليش كدة تاني
مكنتش فاهمة هي حاجة عيب ولا ايه المشكلة
كل الافكار دي دارت في مخي للحظات وضحكتني

[human]

طيب مين فاكر
مع السلامه يا عصفور افندى بكره هتحلى و تبقى تمام

[MoToRiZeR]

سيد عزمي و شخصية بقلظ بجد كان جامد فيها جداَ انا كنت بحب أتفرج عليه و انا صغير "طبعاَ مع إقتناعي إن بقلظ هو بقلظ مش سيد عزمي"

[نور القمر]

طيب مين فاكر
مع السلامه يا عصفور افندى بكره هتحلى و تبقى تمام

ايوة بتاع حسن عابدين
كنت بحبها هي كمان بس طبعا الزهايمر ضيع كل التفاصيل

[نور القمر]

سيد عزمي و شخصية بقلظ بجد كان جامد فيها جداَ انا كنت بحب أتفرج عليه و انا صغير "طبعاَ مع إقتناعي إن بقلظ هو بقلظ مش سيد عزمي"

بقلظ اكتر حاجة كانت بتعجبني فيه انه مكنش مجرد برنامج اطفال for fun كانو بيعلمونا المباديء والقيم بطريقه غير مباشرة
انا بالصدفة شوفت حلقة في رمضان اللي فات من مسلسل اطفال جرجير وظاظا وكانت شخصية بتشتم تقريبا مش فاكرة بالظبط
قلت في نفسي ايه التخلف ده .. هو ده اللي بيعلموه للاطفال!!
فين ايام بقلظ وبوجي وطمطم اعمال هادفة وناجحة

[OlaOsman]

ايوة بتاع حسن عابدين
كنت بحبها هي كمان بس طبعا الزهايمر ضيع كل التفاصيل

أهلان.. اهلا اهلا اهلا اهلا بالسكان.. أهلان..

لو عايز شقة خالية الشقة مش بعيد
أهم حاجة عندي تفيد و تستفيد
و تنور العقار و تآنس الجيران

نحجز لك شقة فورا لو جيبك كان مليان و نقابلك ع السلالم و ناخدك بالأحضان.. أهلاااااااااااااان

لفيت و جيت و هاسكن مش لاقي حل تاني
و الشقة شئ ضروري و ظروفي (مأجراني) - باسمعها كده :)
ايه يعني خلاص يا عالم؟ خلاص ماليش مكاااااااااااان

هو ده كان من الذاكرة.. من آخر مرة اتذاع فيها المسلسل على قناة أرضية

و الله كانت مسلسلات لذيذة :)

[نور القمر]

ههههههههههههههههه علا ماشاء الله فاكرة السونج كمان
على فكرة قدرت افتكر اجزاء من التمثيليه من السونجاية
كان فيها سباك غني متجوز بنت استايل وديما يقول هتسلك

[MoToRiZeR]

بقلظ اكتر حاجة كانت بتعجبني فيه انه مكنش مجرد برنامج اطفال for fun كانو بيعلمونا المباديء والقيم بطريقه غير مباشرة
انا بالصدفة شوفت حلقة في رمضان اللي فات من مسلسل اطفال جرجير وظاظا وكانت شخصية بتشتم تقريبا مش فاكرة بالظبط
قلت في نفسي ايه التخلف ده .. هو ده اللي بيعلموه للاطفال!!
فين ايام بقلظ وبوجي وطمطم اعمال هادفة وناجحة

فعلا اللي يبص علي برامج الكارتون و البرامج العادية بتاعة زمان يلاقي المبادئ و القيم متنطورة في كل حتة .. حتي الحاجات القائمة علي القتال و الحرب زي مازنجر و جريندايزر .. لازم الحلقة يبقي وراها هدف و تخلص بحكمة .. مش معمولة كدة و خلاص .. إنما كارتون دلوقت للإبهار فقط .