ذكريات تهم مواليد السبعينات

[TaoTao]

هذه السيدة الفاضلة كان اسمها ليلى موسى .. وهي أول من فتح أعين جيلنا على ألمانيا ..
كانت لها لكنة محببة ، وكانت تأتي بألعاب تشرحها لنا تنمي الذكاء .. وكانت تتكلم عن ألمانيا كثيراً وتأتي بمواد فيلمية عنها في الوقت الذي لم نكن نعلم عن ألمانيا شيئاً سوى العربيات المرسيدس ، والمواد الدعائية من كتب ومجلات فاخرة توزع على رواد معرض الكتاب في جناح ألمانيا الشرقية عندما كان المعرض يقام بأرض المعارض بالجزيرة مكان دار الأوبرا المصرية حالياً

أنا فعلاً فيه ذكرى قد تكون وحيدة لهذا البرنامج وكانت تقدم فيه نموذج لبندول مكون من 5 كرات ثقيلة ملساء مشدودة بخيوط ناعمة داخل صندوق زجاجي، وعند اصطدام الكرة بأخواتها تتحرك الكرة المقابلة لها في حركة بندولية جميلة .. وأظنها شرحت فكرة الصندوق الزجاجي وقاعدة نيوتن التي تقول أن الصندوق لو مفرغ من الهواء ستستمر حركة الكرات بلا نهاية .. وطبعاً أنا مش فاهم حاجة .. ماهو الصندوق فاضي اهه أفرغه من إيه؟ :)
قد تكون الأفكار الصعبة بالنسسبة لسني الصغير وقتها هي ما دفعني لعدم متابعة هذا البرنامج المتميز.
وشكراً للمعلومة يا دكتور أحمد

[homme49]

بس إيه رأيك في الزنة؟ بتدي طعم تاني للإذاعة جامد :)
ده غير الـ 3 Band Radio اللي مالهومش أي لازمة غير الباند المتوسط MW اللي كان عليه كل المحطات المصري .
أيام :)

أختلف معك فى الرأى بالنسبة للموجات القصيرة short waves حيث أنها كانت بالنسبة لى المصدر الثمين لمعرفة ماذا يدور فى الخارج فى الدول الأخرى
كما هو الحال حاليا بالنسبة للإنترنت التى أصبحت نافذة واسعة لمعرفة ماذا يدور فى العالم

[TaoTao]

ماحدش اتكلم عن علامة من علامات الغناء في السبعينات والثمانينات، سمير الإسكندراني، أنا مش عارف الراجل ده ماكملش في اللون بتاعه المميز ليه؟ أغانيه ليها طعم ودمها خفيف جداً.
أنا رشحتلكم أغنية "دوسة" من كلمات العبقري حسين السيد وأظن ألحان سمير الإسكندراني شخصياً

http://www.mawaly.com/file/play/26282.html

[TaoTao]

أختلف معك فى الرأى بالنسبة للموجات القصيرة short waves حيث أنها كانت بالنسبة لى المصدر الثمين لمعرفة ماذا يدور فى الخارج فى الدول الأخرى
كما هو الحال حاليا بالنسبة للإنترنت التى أصبحت نافذة واسعة لمعرفة ماذا يدور فى العالم

آه هي لو كانت شغالة عندي كنت أكيد استخدمتها، بس للأسف أول حاجة بتتكسر في الراديوكاسيت ده الإريال يادوب يومين وينكسر ومايستقبلش غير ال MW
وبعدين ال SW كان فيه لغات غريبة ولهجات عجيبة ماتابهتش منها أي حاجة.
وشكراً ع التعقيب

[TaoTao]

هو مافيش غيري في الموضوع ده ولا ايه؟!
ع العموم النهاردة بيحتفلوا بمرور 45 سنة على برنامج "طريق السلامة" هو بصراحة برنامج رائع وثقفني مرورياً. الله يرحم "آيات الحمصاني" وبالمناسبة المقدمة بصوت "نجاح سلام" زي ماقلت في مشاركة قبل كدة:

شوية نقط كدة هفوات بسيطة عدت في موضوع الراجل اللي كاتب موسوعة 40 سنة :)

"وقبل النزول كان برنامج طريق السلامة وكانت مقدمته الغنائية بصوت شادية تقول بالسلامة ياحبيبي بالسلامة وصوت المقدمة بصوت صفوت الشريف"

أظنها نجاح سلام .. شادية؟!.

[OlaOsman]

هو مافيش غيري في الموضوع ده ولا ايه؟!
ع العموم النهاردة بيحتفلوا بمرور 45 سنة على برنامج "طريق السلامة" هو بصراحة برنامج رائع وثقفني مرورياً. الله يرحم "آيات الحمصاني" وبالمناسبة المقدمة بصوت "نجاح سلام" زي ماقلت في مشاركة قبل كدة:

هو بجد قال شادية؟

آيات الحمصاني رحمها الله توفت سنة 95 أو 96، أصلها كانت خالة مامة زميلتي في الكلية و ساعتها زعلت عليها اوي.

[TaoTao]

علا هانم شخصياً يا أهلا وسهلاً ، فينك؟
آه الراجل كان قال شادية، والنهاردة سمعت الراديو -ضمن الطقوس اليومية- واتأكدت إنها نجاح سلام فقلت انشر المعلومة عشان التصحيح :)

[نور العمر]

أنا كنت بحب فوازير فطوطة قوي وبابا جابلي صورة كبيرة لفطوطة عاشت معايا سنين وسنين معلقاها على سريري كان سرير معدن بتاع بابايا وهو صغير .. لحد ما اخي الصغير لما كبر شوية قطعها أعدت ابكي كتيير قوي ... وفاكرة طبعا فوازير نيللي وطبعا بوجي وطمطم واكيد ماما نجوى وبؤلظ واخترنا لك وجاولة الكاميرة و، وكنت بحب قوي جداً احتفلات اكتوبر واستنى اغاني محمد ثروت من السنة للسنة ( كل بلاد الدنيا جميلة لكن اجمل من وطني لا ... لالالالالالالا )وكان في مسلسلات نوتس لاندينج ...
ملاهي السندباد أول ما فتحت كانت وهم طبعاً ساعتها.
وعمرو دياب أول ما ظهر شوقنا أكتر شوقنا ، ولطيفة أرجوك اوعى تغيير وانغام في الركن البعيد الهادي.... ومحمد فؤاد ( في السكة في السكة في السكة )
أياااااااااااااااااااااااااااااااااااااااااااااااا اااااااااااااااااااام
معنديش أرشيف صور استرجع به ذكريات ... البركة فيكو
:k8:

[نور العمر]

أغنية بالسلامة .... كنت دايما اسمعها في الراديو وانا نازلة رايحة المدرسة
وكان طريق مدرستي الابتدائي شارع طويل كله شجر كثيف وجميل وفيلات وزقزقة العصافير كانت أجمل ايام.
الغلط الوحيد إني كنت عايشة ونفسي أكبر بسرعة .... وأديني كبرت
دلوقتي مش عايزة ولادي يكبروا عايزاهم بيبيهات علطول لان ده احلى سن ......

[TaoTao]

وعمرو دياب أول ما ظهر شوقنا أكتر شوقنا :k8:

"شوقنا" ميييييييين .. دي غناها لما لعبت معاه ، حد فاكر لما غنى الأغنية الشهيرة "الأميبا" ؟

[human]

حد فاكر الشرق الاوسط فى الراديو
روح يا بردت طوبه للدبه الدبدوبه وابعد عن حبيبى وكل اللى فى سنه
امشى يا برد عنو روح للدبه نانو ديه الدبه ديه كبيره وتستحمل عنو

[TaoTao]

حد فاكر الشرق الاوسط فى الراديو
روح يا بردت طوبه للدبه الدبدوبه وابعد عن حبيبى وكل اللى فى سنه
امشى يا برد عنو روح للدبه نانو ديه الدبه ديه كبيره وتستحمل عنو

الشرق الأوسط كانت قلما يتم سماعها في المنزل (لما يكون فيه مسلسل معين أو الفترة بتاعة بابا حسن تقريباً) احنا بنشجع البرنامج العام :)
بس الأغنية دي لعفاف راضي من ثاني ألبوم مخصص للأطفال لها (أشهر أغنياته "سوسة" و"إصحي يادنيا")، وكانت كلماتها -على ما افتكر-:

امشي عنه .. روحي للدبة نانو (بتشديد النون الثانية)
دي تخييييييييينااااااااا .. وتستحمل عنه
روح يا برد طوبة .. للدبة الدبدوبة
وابعد عن حبيبي .. وكل اللي في سنه

[ahit]

هههههههه
و الله موضوع تحفة و جميل جداً
أن قرأت شوية فى الموضوع و إن شاء الله أكمله كله بس حبيت أحيى كل اللى شاركو
شكراً لجميع الأعضاء و لصاحبة الموضوع

[ahmed_k_s]

أنت فكرتنا بأيام الزمن الجيل شكرا للك

[kh_talaat]

اقتباس:
أرسل أصلا بواسطة نور العمر
وعمرو دياب أول ما ظهر شوقنا أكتر شوقنا

"شوقنا" ميييييييين .. دي غناها لما لعبت معاه ، حد فاكر لما غنى الأغنية الشهيرة "الأميبا" ؟

الأميبا خليه نونو بيدائيه صغيره
تتحور تتكور زي اجرام السما

صح كده يا باشا