مقال دمة خفيف

[buzaki]

كلامك بيلخص السياسه الأمريكيه اللى بيقولوا عليها البرماجياتيه الامريكيه

اللى بتقول ان الفقير مسؤل عن فقره بطريقه ما

بس انت شوفت وحده من الشعب

حاول كدا تشوف نفس العسكري ده فى الفيوم او الصعيد في اي حته محدوفه وانت تعرف هو ممكن يتحصل على كام حتى لو فتح مخه

العكسري ده هتلاقيه وصل انه يقف فى المكان ده اصلا بالواسطه

الحياه فى مصر صعبه بس علشان الناس عايزه تعيش بأي طريقه بتبان للي ميعرفش انها سهله

وبعدين انت جاي من الخليج عايز تقابل مين يعني

علي علوكه وأشرف كوخه

اسمع مولد السويسي ولا مولد العشرين علشان تعرف احنا وصلنا لفين

[dr_magdi2009]

راجل عبيط ايه الهرتله اللى بيقولها دى علشان شاف رشوه و سيراتو منتشره يبقى الشعب غنى طيب كان ناقص يشوف جراج كارفور وهايبر احسن
العربيات دى فىه نسبه منها شغاله ايجار لشركات واصحابها ممكن يتحبسوا فى اى وقت
انا حاسس ان اللى كاتب المقاله دى احمد عز
ساب كل الدنيا وراح فيصل مالحاجات اللى الناس لابساها دى جايه تهريب او مسروقه او تخليص حق انزل ياعم المدعى على قرى مصر والاقاليم وشوف الفقر اللى بجد
بلا قرف

على فكرة الراجل بينقد حالة الشعب بحالة ساخرة لابد الى القراءة بتمعن و معرفة مالين السطور .انظر دائما الى ماذا يقصد الكاتب و بلاش النظر الى الموضوع بسطحية

[Ahmed Samy]

على فكرة الراجل بينقد حالة الشعب بحالة ساخرة لابد الى القراءة بتمعن و معرفة مالين السطور .انظر دائما الى ماذا يقصد الكاتب و بلاش النظر الى الموضوع بسطحية

فعلا الكاتب بيطرح وجهة النظر المزيفة و يقول اسبابها

ان الناس ولو أظهر بعضهم مستوى معيشي معقول فهو من الحرام و التربح أو بمعنى أدق

هو الفساد الذي مارسه الكبار حتى اضطر الصغار لاحترافه ليستطيعوا العيش

احمد عز اللي بيقول الناس راكبة عربيات .......عارف هما راكبينها ازاي

و بما انها نفس طريقته في التربح فهو شايف ان كده fair و 100 100

[mazagngi2010]

على فكرة الراجل بينقد حالة الشعب بحالة ساخرة لابد الى القراءة بتمعن و معرفة مالين السطور .انظر دائما الى ماذا يقصد الكاتب و بلاش النظر الى الموضوع بسطحية

ده مش اسلوب واحد بيتكلم وينتقد الاوضاع بسخريه
او انى فهمته غلط وافتكرته بيتكلم بجد

[نور القمر]

انا فهمته على انه انتقاد لاحوال مصر بطريقة ساخرة

[Khaled_Nowaihy]

الظاهر اللى كتب المقال ده ماييشوفش الحاجات الكبيرة
لا شاف اتوبيس أو مينى باص زحمة
ولاشاف مترو الأنفاق والناس معجونة فى بعضها
ولاشاف الأغنياء اللى بيركبوا ميكروباص

[Car's Sniper]

مش عايز اغلط فى الراجل اللى كاتب المقالة
بس الظاهر ان عنده ضيق فكرى حبتين
احنا 80 مليون
لو قلنا ان 10 مليون اغنيا و70 مليون فقييييير
العشرة مليون هايعيشوا فى القرى ؟؟ اكيد لأ...هايروحوا يعيشوا فى العاصمتين القاهرة والاسكندرية
فلما تلاقى قدامك 5 مليون عربية سيراتوا فى مدينة يسكنها 16 مليون فماتستغربش وتقول ان الشعب اتصلح حاله
حد يقوله يحاول يشوف الناس فى الاقاليم حالهم عامل ازاى...ولا بلاش الاقاليم , يروح لعشوئيات القاهرة وهو هايشوف كوارث وهوايل واضعاف مضاعفة للعربيات السيراتو
ملاحظ كمان ان الراجل ده بيدعوا الشعب انه يظبط نفسه بالفهلوة والرشاوى
كفاية كدة لاحسن كلمة تنط غصب عنى