ايه افضل مشروع الواحد ممكن يعمله

[smsm_nabawy]

Hello,
Please, have a look at the following link:

http://www.nilemotors.net/Nile/175194-a.html

موضوع جميل

[MaDaaa]

بعد الردود المشجعة دية اعتقد انا عايز انتحرررررررررررررررررررر

[ashraf_msd]

العقار افضل استثمار لو احسنت الاختيار

[smsm_nabawy]

بعد الردود المشجعة دية اعتقد انا عايز انتحرررررررررررررررررررر

ليه بس كده

يا جماعة و الله الحمد انا شايف شوية ردود فعلاً آرائهم كويسة ،، و والله كل شيء في مصر ممكن يجيب فلوس ،، بس أهم حاجة تقوى الله .. ثم تقوى الله ،، ثم تقوى الله ..بسس و ساعتها ربنا حيكرمك كرم مفيش زييه ،، بص لأبو ربيع بتاع الفول و الفلاقل ،، أبتدى أزاي ،، و ربنا كرمه و بقى أيه دولقتي ،، ولا أحمد حسنين ،، و ده أصلاً من المنطقة بتاعتي ،، و والدتي دايماً تحكيلي أد ايه هو أبتدى بداية بسيييطة جداً ،، بس أتقى الله و أتقن عمله ،، و ربنا أكرمه بعد كده ،، و بقى أي حد يجي الأسكندرية لازم يجيب هريسة من عنده

[Haitham10]

ياجماعة الواحد بيدخل يفتح موضوع هنا عشان يسأل اخواته

فبلاش تخلوا الواحد يتوه اكتر ماهوه تايه الله يكون في العون بجد

الحمدلله انا بقالي فترة في اكتئاب حاد بسبب القصة دي

[M.Elsheikh]

أن تضيء شمعة صغيرة خير لك من أن تنفق عمرك تلعن الظلام

[venomixus]

احسن مشروع انك تسافر برة مصر

mmamdouh

مين قال ان بره مصر عاوزيننا .. دلوقتي بيفضلوا العماله الهندية عن المصرية.. للأسف المصري بقى رخيص قوي جوه بلده وبره.. ربنا يصلح الحال يا رب

[misoalex]

واضح جدا بردة انك مش عارف انت بتوجة الكلام لمين ليا انا ؟؟؟

اه ليك انت
ومدام ليا انا جايب اقتباس لكلامى ورادد علية وجايب اقتباس لصاحب الموضوع ورادد علية بردة والاتنين خالط ما بينهم وجايب كلامى من فوق ورادد علية تحت الاول احب اوضح نقطة مهمة جدا

اولا انا مجبتش اقتباس من كلام صاحب الموضوع ده اقتباس من كلامك واقتباس من كلامى الى زعلك بس يظهر انت مقرأتش ردى عشان كده واخد الكلام بسطحيه بدون الدخول فى معناه

انااااااااااا مش صاااااااااحب الموضوووووووووووووع دة اولا

امال الجمله دى معناها ايه

الله الوكيل انا كنت متفائل جدا وانا بفتح الموضوع لانى بفكر بردة فى مشروع وقلت حنلاقى مشاركات ووجهات نظر كتير
الله الوكيل انا اتخنقت من الردود دى والله العظيم نفسى اتسدت

اى حد حيقرأها حيفتكر ان حضرتك صاحب الموضوع واسف لو اختلط على الامر بس ده مخليش حضرتك تكلمنى كده بالاسلوب ده

ياريت بقى حضرتك لو بتوجهلى الكلام تعرف الاول ان الاقتباس التانى بتاع التظبيط دة مش كلامى

واضح جدا من الجمله دى ان برضه انت الى مش عارف ده اقتباس مين وده يدل ان حضرتك اخدت ردى بسطحيه ومكملتهوش وفهمت معناه او المقصود من كلامى
وعموما انا حرد فى الجزء اللى يخصنى
ايوة الجملة اللى قلتها ضايقتنى لانها مش صح وعيب

مش صح ممكن لانك اخدتها من معنى سطحى لكن مش حضرتك حتقوللى ايه العيب
وحكاية انى مليش دعوة بالناس اللى فى الموقع ما هم الا مثال للبشر اللى فى مصر شغالين ولا اللى فى الموقع من اثيوبيا ؟؟؟؟؟ فبلاش مدخلش الناس

ايوه لما تحب تكلم حد وتقنعه بحاجه متجمعش او متدخلش ناس تانيه فى الكلام وتخرج الموضوع عن الى حضرتك عاوز توصله للى ادامك
ومش عارف اية

ده برضه اسلوب حوار

المفروض ان احنا مش صغيرين على الكلام دة انا برد عليك ولا هوة كل ما واحد ينتقد رد او توبيك يبقى ضــــــــــــــــد دة اسمة نقد يا استاذى

اظن انا تقبلت نقدك وكلمتك بكل زوق وشرحتلك انا اقصد ايه لكن حضرتك برضه اخدت ردى وكلامى بسطحيه وعاوز تتكلم وبس

وياسيدى الفاضل انا قلتلك حكم خبرتك اية مش بانك شغال من وانت عندك 8 سنين

وهو ايه مفهوم الخبره من وجهه نظر حضرتك !!!! ولا حضرتك تقصد انهى خبره بالظبط ياريت توضح انت كنت تقصد انهى خبره عشان ارد على حضرتك يمكن انا فهمت انت بتسألنى عن خبرتى فى ايه غلط

(ماهو الاسطى بلية بيشتغل من وهو عندة 5 سنين بيطلع لما يكبر بيفهم حاجة ؟؟؟ بردة بلية بس كبير شوية )

لا حضرتك غلطان جداا او يظهر متعرفش ميكانيكيه عندهم اكبر ورش و سمعتهم ماشاء الله لانهم شغالين بليه وهم عندهم 5 سنين

وعلى العموم انا الحمد لله موصلتش انى اشتغل بليه والحمد لله كنت بشتغل فى المحل بتاعنا وماسك الحسابات وده الى ادانى الخبره فى التعامل مع كل انواع البشر من الحراميه حتى الى الناس المحترمه الى تخاف ربنا واتعلمت ازاى احكم على الناس و خبرات تانيه

الموضوع مش باشتغلت من وانت قد اية ولا عملت كام مشروع والكلام اللى ملوش اساس من الواقع اللى احنا فية الواقع بيقول ان الواحد ربنا ادالة مخ يفكر بية علشان يبقى كائن منتج مش مستهلك
وبس

هههههه وانت لو حضرتك مشتغلتش وتاعملت مع البشر واشتغلت فى اكتر من مجال وكذا سنه حتجيب الخبره منين حضرتك وحيبقى ازاى البنى ادم كائن منتج مش مستهلك وقاعد فى البيت جنب والدته ياكل ويشرب ويتفرج على التلفزيون
برضه يظهر ان حضرتك فاهم الخبره غلط

نرجع لنقطة انا بقى خبرتى قد اية لان واضح انها زعلتك اوى

بالعكس جدا مزعلتنيش وانا كنت بتناقش مع حضرتك واعرفك خبرتى فى الحياه العمليه الى انا عشتها فى التعامل مع البشر اظن لما حضرتك تفتح اكتر من مشروع وتفتح اكتر من محل وتتعامل مع جميع انواع البشر الى خلقه ربنا سواء جوه مصر او بره وتفهم طريقه تعامل وعيشه الناس وغيره وغيره هى دى مش خبره
برضه نفسى اعرف حضرتك كنت تقصد انهى خبره بالظبط

ودة شىء ايجابى لان ميصحش انك تقول مفيش شغلانة حلال دلوقتى غير بيع المصاحف والكلام دة

ممكن يكون قصدى الى ورا الجمله برضه موصلش لحضرتك

لان الجملة دى متخرجش من شخص مسؤل فى منتدى من افضل المنتديات فى مصر معظم روادة ان مكنش كلهم مبيبيعوش مصاحف وفى نفس الوقت شغلهم حلال

ومين الى قال لحضرتك انى مسؤل فى المنتدى
عموما مش موضوعنا انا حقولك خبرتى قد اية
انا ياسيدى الفاضل اخوك الصغير وبتعلم منك وعندى 29 سنة ومهندس كمبيوتر وعندى شركة صغننة كدة على قدى (بس مش جايبة همها لان الموضوع كتر ولم ومبقاش تخصص اساسا زى الموبيلات كدة فى وقتها اى حد يفتح اى حاجة علشان كدة الموضوع دة شجعنى انى ادخل اقراة يمكن الاقى افكار جديدة :((( ) بجانب الوظيفة الحكومية ومتزوج
اهلا وسهلا بحضرتك
ومبشتغلش من وانا عندى 8 سنين ولا حاجة كنت عيل صغير بيلعب كورة فى الشارع مع اصحابة عادى جدا زى بقيت الخلق :)

اه ده على اساس ان الى بيشتغل وهو صغير مش من بقيه الخلق ؟!!
يظهر ان حضرتك ضد ان الواحد يخرج للدنيا بدرى و يتعامل مع ناس ويبقى مسؤل ويقف فى محل ويحاسب عمال و يكسب احلى خبره فى الدنيا ويفهم الناس والدنيا ماشيه ازاى وهو صغير حضرتك لو كنت جربت الاحساس ده مكنش يبقى ده ردك
انك تبقى صغير بس راجل مسؤل فى مكان عن مال وتجاره وزيك زى صاحب المحل يبقى دى مش خبره فى ناس بتدفع فلوس وبتدرس سنين عشان تاخد خبره وممكن جدا خبرتها تبقى اقل من خبره واحد بيفك الخط بالعافيه بس عنده خبره وتجاره بملاين ومش عارف حضرتك احتكيت بحد كده ولا لا

وعلى فكره انا مهندس اليكترونيات واشتغلت فى الكمبيوتر فتره كبيره وسيبتها برضه لنفس السبب الى حضرتك بتشتكى منه بس انا سبتها فى 2002 لان كان عندى نظره لبعيد ان فعلا المجال ده حيقع ادام شويه وحاليا فى شغال فى صيانه المحمول وعارف برضه ان المجال ده اقترب للنهايه
وزى حضرتك برضه بدور على اى مجال تانى

تحياتى واتمنى انك متكونش زعلت

لو طريقه حضرتك فى النقاش افضل من كده مكنتش زعلت

ياريت حضرتك تفهم كلامى عشان متاخدهوش بطريقه تانيه زى محصل فى الردود الى قبل كده

[ashrafsadany]

انا بصراحه شديده شايف امامى ناس كتيره من نجاح الى نجاح الحمدلله وبتحمد ربنا وربنا بيزدهم فى ناس بتقع فى النص بس نسبتهم قليله وده حال الدنيا لاكن اغلب الى بيتعب وبيجنهد ربنا بيكرمه وحال الناس حولينا من الاصدقاء والاقارب الناجحين كتير بس مش وهما قاعدين يندبو حظهم شقيانيين وتعبانين وبيحاربو واعتقد دى سمات الرجال عدم الاستسلام والانهزاميه

[Ahmed Anwer]

انا بصراحه شديده شايف امامى ناس كتيره من نجاح الى نجاح الحمدلله وبتحمد ربنا وربنا بيزدهم فى ناس بتقع فى النص بس نسبتهم قليله وده حال الدنيا لاكن اغلب الى بيتعب وبيجنهد ربنا بيكرمه وحال الناس حولينا من الاصدقاء والاقارب الناجحين كتير بس مش وهما قاعدين يندبو حظهم شقيانيين وتعبانين وبيحاربو واعتقد دى سمات الرجال عدم الاستسلام والانهزاميه

+ 1

متصدقشي الكلام اللي بيتكب ده خالص ،،،

سوق الأعمال في مصر و إن مكنشي عادل بس سوق واعد و فيه فرص كتير

شوف السوريين و الصينين و الأتراك اللي مغرقين مصر

البلد و الحكومة حالها يقرف ،،،، ماشي بس البلد مليانة فلووس

نصيحة أخيرة مينفعشي تسأل أعمل مشروع أيه ده لازم يكون نابع من نفسك و خبراتك و الفرص اللي بتتاح ليك و ثقافتك و كده

[mahdyez]

عايزين نحط ايدينا على الموضوع صح وناخد الرد من اصحاب الخبره
و انا حاطط كلام سيدنا محمد امامى تسع اعشار الربح فى التجاره واى تجارة مهما كان نوعها ان شاء الله فيها مكسب تصديقا لكلام سيدنا محمد
انا عايز اعمل مشروع الوميتال وماعنديش فكره عن الموضوع ...
انا عايز اعرف الخطوات اللى امشى عليها يعنى اجيب ايه وايه اللى مطلوب فى السوق ومنين اجيب ارخص سعر
فكل من عمل مشروع نريد ان يشرح لنا بدا ازاى وعمل ايه والخطوات اللى مشى عليها ده اللى عايزين نعرفه

[smsm_nabawy]

عايزين نحط ايدينا على الموضوع صح وناخد الرد من اصحاب الخبره
و انا حاطط كلام سيدنا محمد امامى تسع اعشار الربح فى التجاره واى تجارة مهما كان نوعها ان شاء الله فيها مكسب تصديقا لكلام سيدنا محمد
انا عايز اعمل مشروع الوميتال وماعنديش فكره عن الموضوع ...
انا عايز اعرف الخطوات اللى امشى عليها يعنى اجيب ايه وايه اللى مطلوب فى السوق ومنين اجيب ارخص سعر
فكل من عمل مشروع نريد ان يشرح لنا بدا ازاى وعمل ايه والخطوات اللى مشى عليها ده اللى عايزين نعرفه

ردد رااااااااااااااااااااااائع

و أرجو لك التوفيق فيما تبغاه