هل تقاطع المنتجات الدنماركيه

[ahmed1981]

يعنى ليل نهار بيغلطوا فى الأديان ... الإسلامى و المسيحى

عمري ما سمعت عن إستهزائهم برموز الدين المسيحي
هل في حد فيهم عمل كاريكاتير لنبي الله عيسى عليه السلام مثلا أو تعدى عليه باللفظ ؟؟

[meza]

عمري ما سمعت عن إستهزائهم برموز الدين المسيحي
هل في حد فيهم عمل كاريكاتير لنبي الله عيسى عليه السلام مثلا أو تعدى عليه باللفظ ؟؟

الرد على حضرتك ذكره الأستاذ توت و الأستاذ برو فوق

[Hassan Khalil]

السادة الافاضل اللي مش عاجبهم فتوي العلماء .. و بيقولوا عليها كلام فارغ .. و مش عاجبهم المقاطعة .. و برضه طلعت كلام فارغ .. و مش عاجبهم سلوك المسلمين ..و مش عاجبهم .. و مش عاجبهم ..
ياريت يقولولنا .. سلوك مين اللي عاجبهم .. و مادام الصور اتنشرت تاني علشان كان في جماعة اصدرت حكم بالاعدام علي الرسام ..طيب يقولولي ..اتنشرت ليه اول مرة ؟؟؟!!! كان في حكم بالاعدام برضه علي حد ؟؟
و ليه في كل مصيبة نلاقي اللي طالع يقولنا علاشان المسلمين بيعملوا كذا يبقي لازم ياخدوا فوق دماغهم .. هما المسلمين دول كلهم وحشين .. مفيش حد بص علي الغرب خلص قبل كده بيعملوا ايه .. و اللا هو قصر نظر ..؟؟؟!!!
و سلوك اليهود في فلسطين ..برضه علشان المسلمين و لاد مش عارف ايه و وحشين و عايزين يتضربوا بالنار و يتشردوا ..
و اللي بيحصل في كوسوفا و الشيشان برضه عشان هما وحشين ؟؟

دا اليهود نفسهم عملوا مقاطعة .. و مع مين .. تخيلوا .. مع شركة كوكا كولا ..لما خفضت نسبة التبرع ( الاتاوة ) التي كانت تمد بها الكيان الصهيوني .. لغاية ما رجعت تاني زي ما كانت ..
الزملاء اللي بيتكلموا و مش عاجبهم حاجة ..قوللنا نعمل ايه ..اصل ما ينفعش نقعد حاطين ايدينا علي خدنا ..ايه الدور اللي ممكن نقوم بيه .. ادينا اقتراحات .. و خلي كلامك اكثر عملية و ايجابية .
يا ريت اللي عايز يناقش يناقش . و االي عايز ينقد الذات ..ينقد مفيش مانع .. لكن منحولش نقض الذات الي جلد الذات ...و بعدين نقوم راميين كلام لا يودي و لا يجيب .. و كل اللي بيعمله انه بيزود نسبة الاحباط اللي عند البني ادمين .
و كفاية كلام الاحباط اللي خلي نفسيتنا في الحضيض .. و نحاول نشوف الجوانب المنيرة من حياتنا و مجتمعنا حتي و ان كانت الضلمة طاغية ..
احنا اصلا عايشين علي الامل في الله عز وجل .. و حنفضل عايشين بهذا الامل .. لغاية ما ربنا يخرجنا منها علي خير ..ان شاء الله
تصبحوا علي خير

[meza]

السادة الافاضل اللي مش عاجبهم فتوي العلماء .. و بيقولوا عليها كلام فارغ .. و مش عاجبهم المقاطعة .. و برضه طلعت كلام فارغ .. و مش عاجبهم سلوك المسلمين ..و مش عاجبهم .. و مش عاجبهم ..
ياريت يقولولنا .. سلوك مين اللي عاجبهم .. و مادام الصور اتنشرت تاني علشان كان في جماعة اصدرت حكم بالاعدام علي الرسام ..طيب يقولولي ..اتنشرت ليه اول مرة ؟؟؟!!! كان في حكم بالاعدام برضه علي حد ؟؟
و ليه في كل مصيبة نلاقي اللي طالع يقولنا علاشان المسلمين بيعملوا كذا يبقي لازم ياخدوا فوق دماغهم .. هما المسلمين دول كلهم وحشين .. مفيش حد بص علي الغرب خلص قبل كده بيعملوا ايه .. و اللا هو قصر نظر ..؟؟؟!!!

إذا كان قصد حضرتك على كلامى اللى ذكرته قبل كده
فأعتذر لأن ذلك ما لم أقصده متلقاً

أنا مقلتش إنهم مش غلطانين .... يا راجل ده الغلط راكبهم من ساسهم لراسهم
الفكرة إن معالجة الغلط بالغلط هو غلط
يعنى إبتدوا بإستفزاز مشاعر المسلمين ..... فكان رد الفعل مقاطعة و ما إلى ذلك و خلاص لحد هنا كويس .... لكن لما تم الكشف عن مخطط القتل ... إتخذوها ذريعة لإثبات وجهة نظرهم الخاطئة..... يعنى بإختصار ساعدناهم على إثبات صحة وجهة نظرهم بدل ما نحاول نثبت إنها غلط.

ده كل اللى كنت أقصده يا أستاذ حسن :)

[sa3dawy]

على ااى اساس اقاطع منتجات دولة كاملة علشان واحد قلييل الادب كتب حاجة فى مجلة فيها؟

[Hassan Khalil]

العفو يا استاذي الفاضل ..
انا مش بقصد حد معين ..
و انما اقصد النبرة اللي بقي بعض الناس بيتكلموا بيها رايح جاي .. من غير ما ياخدوا بالهم من كم الاحباط و الارف اللي بينقلوه للي حواليهم .. كل حاجة العيب فينا ..كل مصيبة عشان احنا اللي جبناه لنفسنا .. كل كارثة ماهولازم ناخد فوق دماغنا علشان نتعلم .!!!
الصور المسيئة .. احنا اللي غلطانين !!!
الاعتداء علي غزة .. احنا اللي غلطانين !!!
المقاطعة ... كلام فارغ !!!
فتوي العلماء ..كلام فارغ .. لأ .. دا مفيش افرغ من كده !!!
المقاطعة .. ملهاش لازمة .. و مبتعملش حاجة !!!
...ارجع تاني و اقول .. ليه مبنشوفش الا عيوبنا بس .. ليه مبنشوفش مميزاتنا .. و نشوف عيوب الاخرين ..؟؟؟
.........
عذرا يا استاذ meza بس اصله كلام ينرفز .

[Hassan Khalil]

على ااى اساس اقاطع منتجات دولة كاملة علشان واحد قلييل الادب كتب حاجة فى مجلة فيها؟

الاستاذ الفاضل .. سعداوي
يا ريت حضرتك ترجع للموضوع من اوله .. حتلاقي العبد لله و الاخوة الافاضل كاتبين ما معناه ..
ان ده مش تصرف واحد قليل الادب ..دي الجرايد الرسمية للبلد ..الجرايد .. و ليست جريدة واحدة .. و التصرف ده محمي من حكومتها بدعوي حرية الرأي ..
حبيت بس اوضح انه مش تصرف فردي.

و بعدين التصرف ده ( سواء فري او جماعي ) نتج عنه اهانة لنبينا الكريم .. مش اهانة لوزير و لا رئيس دولة .. بل لرمز الدين الاسلامي ..
و احسب ان لو في كاتب سعودي و لا كويتي واللا كوالالمبوري كتب حاجة مش ولا بد عن رمز من رموز دولتنا الموقرة .. تاني يوم حتلاقي الجرايد و التلفزيون .. و انت عارف الباقي ..
فما بالك بصحافة دولة تتطاول علي سيدنا النبي .. !!!
اللهم صلي و سلم و بارك عليه

[Karim_Monir]

يا سبحان الله
اسمائكم احمد ومحمد على اسم اشرف الخلق وبتستهزؤا بفتوة صادرة من لجنة علماء افاضل بتحرم وتحذر التعامل مع تلك الدولة
عشان تاكل شوية جبنة او تقول ان سلاح المقاطعة مش بيجيب نتيجة
اعتقد انكم لازم تراجعوا كلام علماء الاقتصاد عن سلاح المقاطعة
واهمهم كلام علماء الدين عن تكذيب والاستهتار بكلام العلماء
اما عن المقاطعة وبتقولوا نقاطع دولة عشان واحد غلط
ماهي الدولة دي بكل المؤسسات اللي فيها والسلطات رفضت تنزع الرسوم واعادت نشرها تاني
يبقي كلهم سبوا نبينا
عارفين مين نبينا
اتمنالكم بعد كلامكم ده انه يسامحكم ويشفع فيكم لما تروحوا تسالوة الشفاعة

[محمد ابراهيم 1]

أرجو ان يكون هناك احترام لكلام علماء اجلاء
والا يكون ردنا مثل هذا
فنحن لا نقاس بهم لكي على الأقل نتكلم بمثل هذا الكلام

ولا اعرف ما هو المفروض عمله من ناحيتهم لكي يكون الكلام يودي ويجيب ؟؟

كل يؤخذ منه ويرد إلا محمد صلى الله عليه وسلم
مفيش داعى للمبالغه فى وصف المفتين
فالإفتاء حاليا ليس الا رأى سياسى يدعم دينيا
ويستطيع المفتى أن يفتى لك الرأى وعكسه على حسب الأحوال والأمثله كثيره
والمطلوب من ذوى الأمر كثير جدا ليس اطلاق الشعارات والتصريحات العنتريه بل هو البحث عن حلول واقعيه وعمليه تنهى هذه المهازل

[أبو عبدالله]

بصراحه الواحد مش عارف يقول ايه للأخوة اللي معترضين على المقاطعه وصعبان عليهم ميكلوشاكل الدنمارك
أحب ان اقول اروي قصة معروفة لدى الجميع ولكن اذكرها للتذكير منها والتدقيق على معانيها الجليلة التي غابت عنا في هذه الأيام المظلمة للأسف
ولو كان هذا حدث لأب احد منا او احد المعترضين ما كان هذا سيكون رده على المقاطعة ولكن ان لله سنن كونية
واترككم مع القصة

قصة صبيان لم يقبلا إساءة على نبيهم صلى الله عليه وسلم, انظر ماذا عملا؟

أخرج الإمامان البخاري ومسلم – واللفظ له – من حديث عبد الرحمن بن عوف رضي الله عنه أنه قال : بينما أنا واقف في الصف يوم بدر . نظرتُ عن يميني وشمالي .
فإذا أنا بين غلامين من الأنصار . حديثة أسنانُهُما . تمنيتُ لو كنت بين أضلعَ منهما . فغمزني أحدهما.
فقال : ياعم ! هل تعرف أبا جهل ؟
قال : قُلتُ : نعم . وماحاجتك إليه يا ابن أخي؟
قال: أُخبرتُ أنه يَسُبُّ رسول الله صلى الله عليه وسلم .
والذي نفسي بيده لئن رأيته لايُفارق سوادي سواده [أي شخصي شخصه .] حتى يمُوت الأعجلُ منَّا.
قال: فتعجبت لذلك .
فغمزني الآخر فقال مثلها .
قال :فلم أنشبْ أن نظرتُ إلى أبي جهل يزُول [أي يتحرك ولايستقر .] في الناس .
فقُلتُ : ألا تريَان ؟ هذا صاحبُكُما الذي تسألان عنه.
قال: فابتدراهُ , فضرباهُ بسيفيهما , حتى قتلاه .
ثُم انصرفا إلى رسول الله صلى الله عليه وسلم . فأخبراهُ .
فقال "أيُّكُما قتلهُ ؟ "فقال كُلُّ واحد منهما : أناقَتَلتُ .
فقال : هلْ مسحتُما سيفَيْكُما ؟ " قالا : لا .
فنظَرَ في السيفين فقال"كلاكُما قَتَلهُ"
وقضى بسَلَبه لمعاذ بن عمرو بن الجموح .
(والرجلان : مُعاذ بن عُمرو بن الجمُوح ومُعاذُ بن عفراء).
( صحيح مسلم , كتاب الجهاد)

منقول


قال رسول الله صلى الله عليه وسلم
والذي نفسي بيده لا يؤمن أحدكم حتى أكون أحب إليه من نفسه وماله وولده والناس أجمعين

[Hassan Khalil]

كل يؤخذ منه ويرد إلا محمد صلى الله عليه وسلم
مفيش داعى للمبالغه فى وصف المفتين
فالإفتاء حاليا ليس الا رأى سياسى يدعم دينيا
ويستطيع المفتى أن يفتى لك الرأى وعكسه على حسب الأحوال والأمثله كثيره
والمطلوب من ذوى الأمر كثير جدا ليس اطلاق الشعارات والتصريحات العنتريه بل هو البحث عن حلول واقعيه وعمليه تنهى هذه المهازل

ما دام كل يؤخذ منه و يرد عليه .. خذمن الكلام و رد عليه ... و هو ده المقصود باحترام الفتوي .. قل رايك .. و بعدين ناقش ..
لكن كونه كلام فارغ .. فهو ده المقصود بعدم احترام الفتوي ..

موضوع الحلول المطروحة مش مسئولية ذوي الامر بس يا سعادة الباشا .. و لو تركت كل شئ لذوي الامر مكنش حد فينا حيعرف يعيش .. بل الحلول مسئولية كل فرد حتي و ان كانت علي نطاقه الشخصي فقط .. مش لازم يعمل حملة علشان يقاطع او يتبرع او .. او ...

[أبو عبدالله]

كل يؤخذ منه ويرد إلا محمد صلى الله عليه وسلم
مفيش داعى للمبالغه فى وصف المفتين
فالإفتاء حاليا ليس الا رأى سياسى يدعم دينيا
ويستطيع المفتى أن يفتى لك الرأى وعكسه على حسب الأحوال والأمثله كثيره
والمطلوب من ذوى الأمر كثير جدا ليس اطلاق الشعارات والتصريحات العنتريه بل هو البحث عن حلول واقعيه وعمليه تنهى هذه المهازل

والله المبالغة دي انا شايفها في كلامك في افتراءك على العلماء والمشايخ

بدليل انك جعلت اجماع عدد كبير من العماء على راي واحد ان ده راي سياسي يراد به السياسة وليس خوفا من الله عزو وجل

وقد قال المولى عزو وجل في محكم اياته
((( إنما يخشى الله من عباده العلماء ))))

وللأسف كلام ربي عندي اصدق من اي شئ في الكون ولو كان كلام حضرتك

وبلاش انت المبالغه وانظر لمبالغاتك انت في حق فتاوي العلماء وقد جمعتها كلها في كفة واحده وجمعت كل العلماء في كفة واحده وكأن الله عزو وجل لم يسن ان يكون هناك علماء ربانيين يخافون الله عزو وجل وتنطبقك عليهم اياته التي ذكرناها من قبل


وشكرا

[محمد ابراهيم 1]

أولا أنا مش ضد المقاطعه
ثانيا يستحيل أن يصدر منى أى استهزاء بالدين
ثالثا أنا خريج كليه الشريعه والقانون بدرجه جيد جدا وحافظ للقرآن الكريم
رابعا ليس من حق اى حد اصدار احكام على آخرين واتهامهم بالسخريه من الأديان وخلافه فالله أعلم بالسرائر
خامسا أنا كان مقصدى هو البحث عن رد عملى قوى ومؤثر لا يضر المسلمين ويمنع تكرار هذه الإهانات وليس اصدار فتوى مثل هذه لن تقدم ولن تؤخر وده لأنى شايف أنها فتوى صعبه التنفيذ عملا

[محمد ابراهيم 1]

إنت يا أبو عبدالله لا تقبل أى رأى يخالفك وكثيرا ما دخلت فى مشاكل مع كثير من الأعضاء بسبب إستبدادك بالرأى وإعتقادك بأحتكار الصواب
فبلاش تغلط فى الناس وأنت لا تعرفنى حتى تهاجم بذلك الأسلوب

[أبو عبدالله]

إنت يا أبو عبدالله لا تقبل أى رأى يخالفك وكثيرا ما دخلت فى مشاكل مع كثير من الأعضاء بسبب إستبدادك بالرأى وإعتقادك بأحتكار الصواب
فبلاش تغلط فى الناس وأنت لا تعرفنى حتى تهاجم بذلك الأسلوب

انت فكر حضرتك كده بكلامك هذا حسستني اني فعلا انا كده

ياريت يكون كلامك على اد اموضوع اللي انت رديت فيه
وبلاش نخرج بره الموضوع وندخل في كلام على اشخاصنا
انت رديت باستهياف على الفتوي والحمد لله ان مش انا لوحدي اللي رد عليك
يعني فيه ناس فهمت اللي انا فهمته من الكلام ولست بألف كلام من عندي او اني مبحبش الرأي المخالف
فبلاش كلام مالهوش لازمه علشان تبرر موقفك به وتتهمني انا وفي النهايه اطلع اني انا اللي غلطان

راجع نفسك كده راحه وشوف كلام وشوف لو انت ذكرت فتوى لأحد العماء او راي لجمهور اهل العم ولقيت واحد بيقول ده كلام ولا بيدي ولا بيجيب

وبعدين انا رديت عل كلم وليس شخصك وجبتلك الدليل على عدم صحة كلامك وخطأه

فمتروحش محول الكلام الى شخصنه لأن ده بعتبره هروب من الحوار

وصدقني انا لست مثلما تقول ولكن أنظر لنفسك قبل ان تتهم الاخرين بأشياء ان اول من يفعلها