35 مليون جنية أجر عمرو دياب رمضان 2011

[megamoudy]

نعيب علي الزمان و العيب فينا و مال الزمان عيب سوانا

العيب علي الزباين مش التجار

عمرو دياب سلعه و يتاجر فيها تجار الذنوب
السلعه عليها طلب شديد من مدمني الذنوب

لا حول و لا قوة إلا بالله

و المسلسل في رمضان القادم

اللهم لا تؤاخذنا بما يفعل السفهاء منا

الله ينور عليك يا استاذ جلال

انا دايما بعد اقولهم ف البيت لماما وبابا يعني ان مصر دي انا مش بحبها وبكرهها

ماما ردت عليا قالتلي اذا كان القران قال ( ادخلوها بسلام امنين )

بس الانسان هو ظالم لنفسه

كل اللي بيصيبنا بذنوبنا وبعدنا عن ربنا

وبعدين في حاجة كمان انا حاسس ان الغلاء والاويئة اللي ف مصر مش عشان الذنوب وبس لا عشان المجاهرة بالمعصية البنات العريانه ف الشارع وهي متحجبة الشباب اللي بيتفاخر انا زنيت انا شربت حشيش انا شربت بانجو

المدير اللي ظلم ومبسوط وحاسس انه راجل وكذا وكذا

انا عاوز اقول بس حاجة ليه دول الخليج فيها خير عننا وانا هكلم بالاخص على الفترة اللي انا عشتها ف السعودية من سنة 92 الى 2000 جايز بعد كده الاحوال اتغيرت

البلد كلها ماشية بطاعة ربنا ساعة الصلاة المحلات تقفل وهيئة الامر بالمعروف والنهي عن المنكر الستات اللي لابسين اسود ف اسود حتى لو زي رسمي اهوم مجبرين بيه ومين اللي فتحلهم باب التعري مصر ماحنا اللي سمحنا بكده

اكيد طبعا ف السعودية معاصي وذنتووببس المجاهرة بيها مش كتير بالمنظر زي عندنا

العيب من الانسان

ان الله لا يغير ما بقوم حتى يغيروا مابأنفسهم

ربنا يرحمنا يارب

[elassar2010]

ودة هيصرفهم فى اية؟؟

[m_car]

فلوس حرام رايحة لناس حرام

[hemalotfy]

ياترى من يعيش للسنه اللي جايه

حسبي الله ونعم الوكيل

[SeiffoZ]

فلوس حرام رايحة لناس حرام

يا راجل؟؟؟!!!!!!!

حرام إنك تدعى على الناس و تقول فلوس حرام ..

مش جايز المسلسل يطلع هادف و كويس أو حتى مسلى بأدب و محترم ؟؟؟

[Ahmed Nouh]

انا بصراحة مش شايف اى مشكلة فى أجره على المسلسل

او فى أجر اى رقاصة او فنان , ده ملوش علاقة بالفقر اللى احنا فيه ولا الفساد اللى فى البلد علشان ده الوضع الطبيعى فى كل بلاد العالم المتحضرة ان الناس دى بتقبض كدا

انما اللى ينتقد ويفقع هو مرتبات الحكومة فى ظل مطحونية ومديونية الشعب , زى المدام السكرتيرة اللى بتاخد 36 ألف جنيه فى الشهر ( اعانها الله ) , وطقم السكرتارية لوزير تانى برده كل شهر ليهم مكافأة 100 ألف جنيه

ده بعيدا عن ملايين الوزراء اللى الواحد بيقعد فيهم على الكرسى 5 ولا 6 سنين يضرب فيهم ثروة عمرو دياب مرتين

[mfarag]

العملية متصلة ببعضها

تفتكر لية الحكومة اللى بتتكلم عن تخفيض او الغاء الدعم بتبقى كريمة اوى مع المسلسلات و الكورة

و معندهاش مشكلة تدفع اى مبلغ و بتختفى الكلام عن اننا بلد مفيهاش فلوس

عشان دى المخدرات اللى بيدوها للشعب عشان هما يسرقوا براحتهم

وطول من الناس مشغولة بمين احسن عمرو دياب ولا تمورة

و اللاعب دة راح الاهلى ولا الزمالك و مرتضى وشوبير خلاص مش مهم يبقى فية كهرباء غير وقت المباراة او المسلسل - ( و لا مهم اللى غرقوا فى العبارة بتاعة السلام قدام انجازات الكورة)

بس احنا نستاهل - طول انا احنا معندناش وعى يبقى ملايين تتصرف على التلفزيون والكورة وخلافة

والبلد بتغرق - مش مهم - المهم الدورى.

الدول المتقدمة الناس بتشتغل 5 ايام فى الاسبوع مقدمهاش غير الشغل و يبقى من حقهم يروحوا عن نفسهم يوم الاجازة - و السوال هل دة هو حالنا هنا

الدول المتقدمة النادى مشروع اقتصادى مستقل يكسب او يخسر من جيب اصحابة اما الدول التيييت فالدفع من ميزانية الدولة االى مش مكفية ابسط متطلبات الشعب


طبعا مفيش مانع يجى واحد مستثمر يدفع و حتى لو عمرو طلب 100 مليون حقة - مدام الناس الحلوة الطيبة بتتفرج عادى

كل سنة و انتو طيبين

[aliabutaleb]

ممكن اعرف مصدر حضرتك إيه؟

على فكرة نفس المصدر المطلع إياه قاللي إن منير واخد مليون جنيه في الإعلان :)