أمير الصعيد .... شيخ العرب همام الهواري ....

[MaZaGAngeE]

شيخ العرب الأمير همام بن يوسف بن احمد بن محمد بن همام إبن أبو صبيح سيبةولد في ( (1121 هـ) - وتوفي ( 7 ديسمبر 1769 م - ثامن شعبان من سنة 1183 هـ )
الجناب الأجل والكهف الأظل، الجليل المعظم والملاذ المفخم الأصيل الملكى ملجأ الفقراء ومحط الرجال الفضلاء والكبراء
شيخ العرب الأمير شرف الدولة همام بن يوسف بن احمد بن محمد بن همام إبن أبو صبيح سيبة ... عظيم بلاد الصعيد ومن كل خيره يعم القريب والبعيد"
بهذه الكلمات رثى الجبرتى

طبعا المسلسل عشان زود حاجات و شال حاجات من القصة الحقيقية .........

اللي عايز يقرا القصة الحقيقية ممكن يرجع للمصادر دي ::

006568.pdf مكتبة المصطفى الالكترونية تحميل كتاب -الصعيد في عهد شيخ العرب همام-ليلي عبد اللطيف احمد-كتب عربية

i000639.pdf مكتبة المصطفى الالكترونية تحميل كتاب -عجائب الاثار في التراجم و الاخبار-جـ 03-عبد الرحمن الجبرتي الحنفي-كتب عربية

[SHNORY]

دا احسن مسلسل شوفته في رمضان
منتهي الاحترام والدقه في التمثيل
والف شكر ليك علي القصه الاصليه باذن الله انزلها واقراها

[hugan]

كان في مسلسل قديم لنور الشريف في السبعينات
اسمه مارد الجبل
تم افراد جزء من المسلسل لهمام الفرشوطي
لكن اخدو 30 سنه علشان يعملو مسلسل خاص بهمام

[Donzi]

المسلسل فعلا محترم اوي و مافيهوش اسفاف

شكرا على القصة اعتقد هاتبقى ممتعة فعلا

[mr_sameh]

مسلسل جميل جدا

[mostafabakry]

العمل الوحيد المحترم في رمضان السنة دي

و بصراحة انا متابعة باهتمام شديد جدا جدا

يحيي الفخراني و صابرين و عبدالعزيز مخيون و ريهام عبد الغفور و سلاااااام كل طاقم العمل بصراحة مالهمش حل قمة في الأداء و خصوصا الشاب اللي بيقوم بدور سلام فعلا الواد دا موهوب و يتقال عليه فنان

[MaZaGAngeE]

صحيح المسلسل أجمل ما يمكن مشاهدته في رمضان و لكن

اللهجة مش بتاعة العرب و لا الصعايدة في زمن همام و لا حتى دلوقتي دي لهجة اخترعها المخرج

بعض الديكورات مش مناسبة للزمن الحقيقي للأحداث

الزيادة و النقص في الأحداث مالهوش لازمة و كان كفاية الأحداث الحقيقية ....

[MaZaGAngeE]

خصوصا الشاب اللي بيقوم بدور سلام فعلا الواد دا موهوب و يتقال عليه فنان

عندك حق الواد ده أجمل شخصية في المسلسل

[MaZaGAngeE]

ملخص سريع للقصة الحقيقية ::::

قصة حياة امير الصعيد الامير همام بن يوسف - منتديات الفراشطة

[engahmedsamy]

احسن مسلسل في رمضان

[نور القمر]

كنت داخلة اقول عل مدحت تيخة ((الشيخ سلام )) انه افضل شخصية في المسلسل وزعلت عليه لما مات كأنه مات بجد
ليهم حق يكتبوا في التتر نجم المستقبل
مع ان يحى الفخراني رخم لكن ممثل مبدع وكمان صابرين وريهام وعجبني جدا دور عمر الحريري كان مقنع جدا وكنت بمو من الضحك كل ما يشتم يقول ابن المركوب او اولاد المراكيب لانه بيفكرني بشخصية لصعيدي جارنا الله يرحمه كان ديما يقول اللفظ ده
بس مش عاجبني تبرج صابرين لانها مدام اتحجبت كان مفروض تلتزم بحجابها ومكنش في داعي لبعض الاحضان بينها وبين الفخراني اللي اساءت لها عموما ولوكونها محجبة خصوصا
لكن المسلس فعلا من اققوى الاعمال
وبالمناسبة انا ليا فرع من عيله هوارة

[medo_2060]

انا شوفت حلقه واحده بس من المسلسل دا عشان زميل ليا هيمثل فيها وكان طالع فى دور واحد اسمه سليمان بيك تقريبا... ايه رأيكم فى تمثيله بما انكم متابعين المسلسل؟......
وعموما مقدرش احكم على المسلسل لانى مش متابعه.

[mostafabakry]

صحيح المسلسل أجمل ما يمكن مشاهدته في رمضان و لكن

اللهجة مش بتاعة العرب و لا الصعايدة في زمن همام و لا حتى دلوقتي دي لهجة اخترعها المخرج

بعض الديكورات مش مناسبة للزمن الحقيقي للأحداث

الزيادة و النقص في الأحداث مالهوش لازمة و كان كفاية الأحداث الحقيقية ....

اللهجة دي هي بتاعة الصعايدة حاليا و خصوصا صعايدة شمال قنا نجع حمادي و فرشوط و ابو تشت
انا من قنا و بصراحة اول مسلسل تكون اللهجة زي بتاعتنا فعلا في الصعيد بعد ذئاب الجبل و نوعا ما الضوء الشارد

انا معاك ان بعض الديكورات مبالغ فيها و مش بتاعة الفتره اللي بيتكلم عنها المسلسل

بس مجمل العمل كويس و بصراحة انا معجب جدا بيه و خصوصا يحيي الفخراني تممثيله راااءع و بيعيش الشخصية بشكل مبدع و طبعا كل الممثلين اللي معاه رائعين


انا لو قدرت اشوفه اكتر من مره في اليوم بشوفه

[ghada_zaky]

انا مش عارفة انزل القصة من الينكات اللى موجودة
الصفحة بتتفتح كلام هيروغريفى

[BomBom]

انا مش عارفة انزل القصة من الينكات اللى موجودة
الصفحة بتتفتح كلام هيروغريفى

في نص صفحة التحميل تقريبا فيه جدول من سطر واحد مكتوب اوله Click لرقم معين ، و ليكن 70 مثلا ، و باقي الجدول مجموعة ارقام عشوائية من ضمنها الرقم المذكور بعد كلمة Click ، يتم التأشير بالماوس + كليك على الرقم ليبدأ التحميل .