حق الزوجة عالزوج .....

[Soma_Sooma]

السلام عليكم جميعا،،،

المرة دى بقى انا مش فى الكافية قاعدة فى البيت

وانا كنت عمالة اقرأ لفت نظرى شىء مهم قوى

كان فى واحد كاتب موضوع عن الأحتياجات اللى ممكن يحتاجها العريس من لبس و الحجات دى وطبعا لقيت ناس كتير مش عارفة فا بما ان اخويا كان لسة متجوز كتتبت حجات.

بصراحة لفت نظرى ردود الرجال عالتوبيك كلو تقريبا بمعنى واحد تقريبا بيجيب كام حاجة كدة وخلاص وهات القديم يامعلم وكلام زى كدة ....

وبجد الموضوع دةمهم جدا للمناقشة فية

بالنسبة للبنات بتجيب حجات كتيرة موت وكل دة عشان زوجها المستقبلى طبعا حاجات بتتكلف الافات بجد ممكن توصل 30 الف جنية وكلها حجات هدوم وحجات كتيرة قوى لو عدناها مش هنخلص

نيجى بقى للرجال يقولك شورتين على تيشيرتين وشبشب ومعرفش ايه .... ايه دة والنبى قولولى

يعنى دولاب العروسة بيكون مليان على اخرة وهو جايب شورتين و تيشيرتين ،،،

الفكرة اللى بتكلم فيها مش مين جاب اكتر او أقل كلو طبعا على حسب امكانياتة فى الأخر،،،


لكن النقطة المهمة اللى لفتت نظرى هو عدم اهتمام الرجل بشكلة ولبسة لزوجتة لقيت كتير قال هات اى حاجةو الباقى قديم !!!! ايه دةبقى

هو مش المفروض البنت زى ما بتتجمل لزوجها الزوج بردو يتجمل ليها ؟؟؟

ولا هو المفروض هى تكون ملكة جمال وهو لابس لبس عادى ... ايه دة بقى ان شاء الله دة لو الجواز بالمنظر دة الواحد ميتجوزش احسن....


بليزلو سمحتم عايزين نتناقش بجد فى الموضوع دة لأنة بصراحة موضوع خطير و مستفز جدا ، ليه مطلوب من البنت انها تكون جميلة ؟ والرجل مطلوب منة ايه ؟؟ ماهو لازم يكون بردو جميل ولابس حاجات كويسة ليجزب زوجتة....

ولا انتم ايه رأيكم ؟؟؟؟

[n_i_t_e]

ردا على سؤالك الرجل المفروض برضه يكون مظهره كويس ادام زوجته مع أختلاف التفصيل
بمعنى....
المبدأ واحد..المفروض الزوج يهتم بمظهره و شكله ادام مراته...اشمعنى انا ببقى عايزها فى احسن صورة و فى المقابل بمهتمش انها برضه انها عايزة زوج يكون مثلا محافظ على صحته..مش عنده كرش..يكون نضيف و لبسه نضيف.
ده بالنسبة للمبدأ
بالنسبة للتفاصيل بيحصل أختلاف فى درجة تجمل كل طرف للتانى
الواحدة عندها غريزة طبيعية انها تهتم بشكلها لأقصى الحدود و الجمال يكاد يكون حكر على الجنس الناعم...عشان كده من قبل الجواز تلاقى البنت دولابها هيفرقع من كتر الهدوم بينما الرجل حاجاته أقل بكتير....البنت بتهتم بكل تفصيلة و لو جابت بلوزة لون معين يبقى تشتري قصادها طقم كامل مناسب لنفس اللون..جيبة و طرحة مرورا بالجزمة و الجاكت. الرجل هو كام قميص و تي شيرت و بنطلون و يشكل ما بينهم و خلاص
أنا قصدي....جواز أو من غير جواز..الواحدة بتبقى حاطة شكلها من أولوياتها و بيكون عنجها هدوم كتير و انا ذكرت السبب فوق أما الرجل فالموضوع أبسط من كده و مش معنى انه هيتجوز بلبس قديم يعنى مرقع و متوسخ... لأ...هى كل الحكاية انه بطبعه مش بيغير طقم اللبس كل يوم و مش محتاج كم هدوم جديد :)

[mr_vampire]

انا طبعا معاكي في ان زي مالزوجة بتتجمل لزوجها حق الزوجة علي زوجها انه يتجمل كمان ليها. بس ليا تعليق صغير بس في ان بتشتري حاجات توصل ل 30الف. هو بيبقي دافع اضعاف اضعاف المبلغ في الشقة وتجهيزاتها والشبكة والمهر وحاجات تانية اهم بكتير من اللبس . فمنجيش بقي نزودها علي دماغه ونقوله جيب لبس جديد كتير ( هو طبعا كدة كدة هيجيب لو امكانياته تسمح لان مفيش حد هيبقي عايز يبدء حياته ومع مراته بحاجة قديمة بس الظروف بتحكم )

فانا عندي الحل والله بقي لو البنات عايزين الولاد يبقو شييييييييييييييك ولبس جديييييييييييييييد في البيت وده حقهم طبعا يبقي يتنازلو عن حاجة . مهر مثلا شبكة مثلا مهر وشبكة مثلا

[michohat]

طبعا لكل طرف حق على الطرف الاخر
من حق كل طرف انه عندما ينظر للطرف الاخر يجده جميلا نظيفا وبه الصفات اللتى يتمناها واللتى لا تبعث على النفور
فطبعا كل طرف لازم يعد نفسه للطرف الاخر

[smsm_cato]

موضوع كويس انه ينطرح يا سومة ومحدش قال ان الراجل مبيحاولش انه يكون جميل قدام مراتة انما حتة اللبس دى الراجل سواء كان متجوز او لأ لبسه محدود شوية عن لبس البنات يعنى البنت لو جات تى شيرت عايزة شنطة وجزمة وطرحة تمشى معاه الراجل مش كده خالص مجموعة بنطلونات وقمصان وتيشيرتات وبيتبدل ما بينهم فى اللبس مع مرعاه تناسق الالوان والذوق العام وعلى فكرة فى بنات مبيهتموش بمظهرم فى البيت وبيتحججوا لازواجهم بانشغالهم بشغل البيت والاولاد ودى ظاهرة انتشرت قوى وبقت بتخلى الرجالة تبص برة

[hazoom2006]

انا طبعا معاكي في ان زي مالزوجة بتتجمل لزوجها حق الزوجة علي زوجها انه يتجمل كمان ليها. بس ليا تعليق صغير بس في ان بتشتري حاجات توصل ل 30الف. هو بيبقي دافع اضعاف اضعاف المبلغ في الشقة وتجهيزاتها والشبكة والمهر وحاجات تانية اهم بكتير من اللبس . فمنجيش بقي نزودها علي دماغه ونقوله جيب لبس جديد كتير ( هو طبعا كدة كدة هيجيب لو امكانياته تسمح لان مفيش حد هيبقي عايز يبدء حياته ومع مراته بحاجة قديمة بس الظروف بتحكم )

فانا عندي الحل والله بقي لو البنات عايزين الولاد يبقو شييييييييييييييك ولبس جديييييييييييييييد في البيت وده حقهم طبعا يبقي يتنازلو عن حاجة . مهر مثلا شبكة مثلا مهر وشبكة مثلا:e_braces[1]:

مبقاش فى مهر دلوقتى يا باشا كان زمان وقليل اوى لما تلاقى حد يتكلم فى المهر دلوقتى حتى الشبكة بتبقى حجات خفيفه
لو مهر وشبكة وشقة وفرش وفرح مكنش حد اتجوز

مستحيل البنت تجيب هدوم بس ب 30 الف الا لو الحاله المادية تسمح بكدة لكن لو العادى هيبقى كام الف كدة وخلاص فل اوى مش هيعدو 5 او 10 بالكتير

وكدة كدة البنات والستات بيحبو يشترو هدوم بطريقة غريبة او يشترو اى حاجة المهم تنزل تشترى اى حاجة لو حتى تشترى لب فمش هتفرق وهتشترى بعد الجواز براحتها

الست لازم تتزين لجوزها وتحط ميك اب و تعمل شعرها موزمبليط وكل دة عايز كريمات ومكياج وكدة
لكن الراجل لو يحب يظبط نفسة يحلق دقنه بمكنه جيليت وشوية كريم او جيل على شعره وشكرا علشان كدة مش بيشترى حجات ومستلزمات شخصية قبل الجواز غير مكن الحلاقة وكريم وبس

والله احنا لينا الجنه كمان بنوفر حتى فى الشياكة

[KHALED AYMAN]

مهو الزوج من يوم الخطوبه مش عارف يوفر فى حاجه
جاتله فرصه بقى ههههههههههههه
لا بجد زى ما الناس قالت ...البنت عامه بيكون اهتمامها بالمظهر اكتر من الراجل ...
ده غير ان لبسه القديم مش مقطع ...لبسه القديم ده الى قضى بيه فتره الخطوبه مثلا ...اشمعنى بقى وحش بعد الجواز ؟

[hany_mohamed]

العنوان ده له اجابات كتير ومتفرعة
يعنى حق الزوجة على الزوج المعاملة الطيبة و اتقاء الله فيها و تحمل مسئوليتها و إسعادها و أن يكون خير معين لها سواء فى تربية الاولاد او لو كانت بتكمل دراستها
وكذلك لا يجعلها تحتاج لاى شىء
وكمان يعينها على طاعة الله
وكمان يساعدها على صلة الرحم بأهلها ووالديها
أما بالنسبة لموضوع الملابس سؤال هام عارف اجابتة كل واحد اتجوز هى المساحة اللى العروسة هتسبها لعريسها فى الدولاب كام % من مساحة الدولاب

[azmeralda]

مبقاش فى مهر دلوقتى يا باشا كان زمان وقليل اوى لما تلاقى حد يتكلم فى المهر دلوقتى حتى الشبكة بتبقى حجات خفيفه
لو مهر وشبكة وشقة وفرش وفرح مكنش حد اتجوز

مستحيل البنت تجيب هدوم بس ب 30 الف الا لو الحاله المادية تسمح بكدة لكن لو العادى هيبقى كام الف كدة وخلاص فل اوى مش هيعدو 5 او 10 بالكتير

وكدة كدة البنات والستات بيحبو يشترو هدوم بطريقة غريبة او يشترو اى حاجة المهم تنزل تشترى اى حاجة لو حتى تشترى لب فمش هتفرق وهتشترى بعد الجواز

على فكرة لبس البيت لوحده بيعدى ال 5 الاف دول بمراحل وهى لو مشترتش لبس بيت كويس ليه هو مش هيرحمهاولسه لبس الخروج وشنط وجزم وطرح ولو مجبتوش كويس لا اهله هيسيبوها ولا زمايلها فى الشغل ولا هى نفسها هتحس انها عروسة مفروض انتو اللى تشترو بقى على حسابكو طالما مبتشتروش لنفسكو حاجة

[abou_ganna]

السلام عليكم
اولا الراجل علية بلاوى كتير من شقة وتجهيزها وعفش وشبكة ومهر وهدايا فى فترة الخطوبة يعنى بصراحة ربنا يكون فى عون الشباب اللى داخلة على الزواج وبعدين البنت مش كل اللى بتجيبة لبس دة شامل المفروشات
صح ولا انا غلطان بس مش معنى كده ان العريس يدخل بالقديم احنا بنقول على حسب ظروفة ومن حق الزوجة على الزوج انها تشوفة فى احسن حال
عن ابن عباس قال :
إني لأحب أن أتزين للمرأة كما أحب أن تتزين لي المرأه
بسم الله الرحمن الرحيم
( وَلَهُنَّ مِثْلُ الَّذِي عَلَيْهِنَّ بِالْمَعْرُوفِ

[mostafabakry]

السلام عليكم جميعا،،،



وبجد الموضوع دةمهم جدا للمناقشة فية

بالنسبة للبنات بتجيب حجات كتيرة موت وكل دة عشان زوجها المستقبلى طبعا حاجات بتتكلف الافات بجد ممكن توصل 30 الف جنية وكلها حجات هدوم وحجات كتيرة قوى لو عدناها مش هنخلص


ولا انتم ايه رأيكم ؟؟؟؟

واااااااااااه يا بووووووووووووووووي 30 الف جنيه حته واحدة ليه هيا هتشتري التوحيد و النور لوحدها و لا ايه هههه

انا معاكي ان كل طرف له حق عالتاني و لازم الراجل بكون مهندم و الرسول عليه الصلاة و السلام وصانا بكدا
بس الراجل عمره ما هيبقي زي المرأه في الموضوع دا

اما اعتراضك عن الأراء اللي بتقول انه مفيش داعي للإسراف في شراء ملابس جيدة للزواج فانا شايف انه دا كويس و الكلام دا للراجل و المراه معا لأنه بيرهق العريس و العروسة معا و همما في بدايه حياتهم و الحياة طويلة و مصانع الهدوم عمرها ما هتبطل دا بالعكس كل يوم فيه موضه جديدة

يعني انا مثلا شايف ان البنات بتبالغ جدا في الحاجات دي بدرجة بترهق الأسرة كلها و يمكن فيه حاجات من اللي اشترتها ممكن ما تستخدمهاش و تترمي ومع انها اشترتها بالتمن الفلاني و ما استفتش منها في الآخر


و ما تزعليش مني انا من كتر اللي بشوفه من اهتمام بالغ من بنات اليومين دول بموضوع الملابس و بالذات ملابس النوم و موديلاتها حسيت ان كل فكرتهم عن الزواج مقتصره فقط عن العلاقة الزوجية الحميمة و عن انها لازم تبقي حلوة و جميلة في عين زوجها و بس و كأن العلاقة الزوجية مافيهاش غير الحاجة دي بس


للأسف احنا كعرب مبذريت في كل حاجة

الشعوب الغربية ما اظنش انهم بيعملوا كدا مع انهم منبع الموضه

احنا بنستورد و بنبذر يعني كمان يا ريتنا بنصنعه لنفسنا

[kamalsalem]

بصفتي لسه متجوز جديد اقدر اقولكم انه البنت فعلاً بتبقى عايزة يبقى كل حاجة عندها جديدة وخصوصاً انه دي حياة كلها جديدة عليها

الراجل على ما بيكون وصل لمرحلة اللبس بيكون ع الجنظ خلاص... والغني والفقير سواء في الموضوع ده.. اللي معاه جنيه صرفه ع البيت واللي معاه مليون برضه صرفه ع البيت... وانا عن نفسي حاولت ادبر كام حاجة كده لحفظ ماء الوجه وفعلاً الحاجات اللي عندي اللي كان شكلها لسه محترم وديتها الشقة وقضيتها على كده

والجواز مش مظاهر... أكم من ازواج لابسين ومتلمعين ع الاخر تشوفهم تقول يا سلام لو انا ومراتي كده... لكن من جوه ناقصهم حاجات كتير جداً...

وأخيراً يا رب كل 2 عايشين مع بعض يبقوا سعداء كده وربنا يهدي سرهم... والفلوس واللبس بيروحول وييجوا... اللي بيفضل حسن العشرة والمعاملة الكويسة بين الطرفين... والله المستعان

[shaddadfalcon1]

المهم الدافع من ورا الحاجات اللي ب 30 الف دي ايه
هل فعلا عشان تعجب زوجها ولا عشان هي هتتجوز فلازم تجيب كل حاجه جديده ولازم كل حاجه مليون نوع؟

في حاجات كتييييييييييير البنات بتجيبها ومش بتتلبس اصلا بس هي بقت عاده ان البنت لازم تشتري مليون طقم ولازم اصحابها وقرايبها ينزلو يشترو معاها

بيتهيالي ان لو البنت فعلا عايزه تشتري حاجات عشان تسعد زوجها فالاولي انها تركز علي حاجات تانيه عشان اللبس مش كل حاجه

انا عندي دولاب واخد الحيطه كلها ولبسي انا يادوب واخد درج في ضلفه

وعلي فكره ممكن الحاجات الكتيييييييييير اللي البنت هتجيبها متعجبش زوجها او يبقي في حاجه معينه او ستايل معين هو عجبه قوي لما شفها لابساه وفي الحاله دي هتتمني انها مكنتش دفعت فلوس في كل الحاجات التانيه

انا شايف ان البساطه حلوه - يعني كام طقم يمشو الحال او كام شهر وبعد كده علي تشوف زوجها بيحب ايه وتبقي تشتريه وعلي الاقل يبقي كل شويه بتتجدد مش تجيب لبس ليها وللزمن

زي النيش اللي بيبقي سايح حاجات ومش بتطلع ولو حتي بعد 100 سنه واهو كله عشان المنظره وكلام الناس

انا دلوقتي بشتري شقه جديده غير اللي اتجوزت فيها وان شاء الله ناوي ان كل حاجه فيها برده تبقي جديده وبفكره اعمل كل اللي معملتهوش قبل كده في الفرح بس ادعولي

[AshTurbo]

بالنسبة للبنات بتجيب حجات كتيرة موت وكل دة عشان زوجها المستقبلى طبعا حاجات بتتكلف الافات بجد ممكن توصل 30 الف جنية وكلها حجات هدوم وحجات كتيرة قوى لو عدناها مش هنخلص

واضح أنكم داخلين على طمع من الأول لما الهدوم توصل ل 30 ألف امال الباقي هيتكلف كام ربنا يعيننا عليكم هتودونا التربة زحف .

[Soma_Sooma]

على فكرة كلكو اتكلمتو عالفلوس انا بتكلم فنقطة تانية خاااااااااااااالص

هى ان زى ما الزوجة بتتجمل وتهتم بنفسها لزوجها هو كمان مطلوب منة نفس الشىء