بمناسبة موضوع icehearted girl

[SHNORY]

أنا شوفت ناس كدة الهدوم الجديدة و هية لسة بكياسها بياخدوها يغسلوها ممكن يا اما علشان الصباغة يا وسوسة انا مش عارف لية صحيح يعنى

علشان ممكن يكون حد قاسها قبلك يا باشا
بس ماهو برضه ما انت لازم تقيس في المحل
ولا لو مقيستش وغسلتها ولبستها وملقيتهاش مقاسك حترميها ؟؟؟؟؟؟
ماهو مفيش محل حيرجعهالك بعد ما تتغسل
وكمان اللي يمشي علينا يمشي علي غيرنا
يعني لما انا اقيس وحد يلبس بعدي يبقي حلو ؟؟؟
علشان السبب ده انا مبحبش اشتري هدوم في الصيف غير في اضيق الحدود
علشان بتبقي مغسوله عرق من الناس الي قاسوها قبلك

[Ahmed Nouh]

ميه الحنفيه بتاعتنا اللي الواحد بيشربها يشبع من كتر الكائنات الي فيها اظن ملهاش جل
يبقي سيبكم من كل الي بتقولواه ده وتقولوا بسم الله وتاكلوا وتشربوا ومتبصوش
الحاجات دي حتعملكم مناعه لما تتعودوا عليها

والله مش الميه بس يا عم شنورى

الواحد ياما تغذى على كائنات حيه بشكل غير مقصود سواء المعروف منها او الغير مدرج فى سجلات الفصائل الزاحفه

واكيد كراجل بتاكل فى الشارع زى مريت بالتجارب دى :))

[SHNORY]

والله مش الميه بس يا عم شنورى

الواحد ياما تغذى على كائنات حيه بشكل غير مقصود سواء المعروف منها او الغير مدرج فى سجلات الفصائل الزاحفه

واكيد كراجل بتاكل فى الشارع زى مريت بالتجارب دى :))

هههههههههههههههه
عيب عليك يا نوح لما تسالني علي حاجه زي دي
انت ناسي موضوع الخفايا المبهمه ودليل نجوم الرمرمه ولا ايه
والف شكر يا حبيبي علي المكالمه الجميله دي وربنا ما يحرمني منك

[الغزالى]

هههههههههههههههه
عيب عليك يا نوح لما تسالني علي حاجه زي دي
انت ناسي موضوع الخفايا المبهمه ودليل نجوم الرمرمه ولا ايه
والف شكر يا حبيبي علي المكالمه الجميله دي وربنا ما يحرمني منك

اهو دة لوحدة كفيل انه يعملك مناعة احتياطى ,,, لا وعليهااااااا option ابن لذينة,,,, تلاقي الواحد من دول بعد اى اكلة من دول ماشى يلطش فى خلق الله وعنده صحة انه يهد بيت من اول لاخرة بس دة بعد اما يفوق من الصدمة الاول ويهضم الاكل
مفيش شندودتش سمين علينااا كدة يا شنورى
( ومتقفش فى كلمة سندوتش عشان انا قاصد ماشى )

[n_i_t_e]

ممممم موضوع حلو انا برضه بتغاظ ان البيئة اللى حوالينا مش نضيفة....
بالنسبة للفنادق لازم بيغيروا الفوط يوميا - ده لو فندق نضيف - حتى لو انا النزيل...يعنى مش يغسل الفوطة مرة لكل نزيل..ده مرة لكل يوم فببقى مطمن

موضوع الهدوم عندكم حق فيه بس انا مش بغسله على طول...لبسة أو اتنين و بعدين على الغسالة بس اعتقد الصح الغسيل قبل اللبس و بعد القياس

محلات العصير مبحبش ابداااااااااا اشرب من الكوبيات الازاز...بلاستيك بس
لكن لو كوبايات أخواتى مثلا فعادي لأنى واثق انهم نضاف و صحتهم الحمد لله كويسة لكن الله أعلم بالغريب

التواليت بره انا مبدخلش الا فى أضيق الحدود وباستعمل المناديل على القاعدة

المطاعم للأسف هنحل الموضوع ده ازاي؟ بمسح اللاعق و الشوك على أمل ان ده كفاية لو بأيدي أغسلهم كنت غسلتهم

لما بسجد فى الجامع برضه ممكن محل الايدين يكون مكان عطسة واحد تانى أو مطرح شرابه - ممكن يكون شراب متحلل و مليان ميكروبات - و المفروض لما أرجع البيت أغسل ايدي



مثلا فى الشغل موضوع بتضايق منه...ليه الناس فى الشغل يوميا تسلم على بعض...انا عارف ان المفروض نفشى السلام بس كفاية بالقول.عندنا مليون سبب لانتقال الأمراض من خلال المصافحة..لما واحد عنده مثلا ميكروب فى عينه و بعدين يدعكها بأيده و يسلم عليا و بعدين انا أدعك عينى..و هكذا قيس على هذا المثال..عشان كده بغسل ايدي وسط النهار بالصابون و انا فى الشغل

ايه تانى؟ اها...لما اقعد عالقهوة....بأضطر اشرب حاجة معلبة رغم انى مليش فيهم...مش بأثق فى غسلهم للكوبايات....لكن لو كافيه براند بطلب عادب اكيد نظافة الكوبايات عنده ضرورية للكوالتى و الحفاظ على السمعة..لكن لو رحت قهوة و سألتهم عالكوالتى بتاعتهم ممكن يطلعولى مطوة و يقولولى انت هتلبسلنا تهمة؟

[zrzr1]

'طب ايه رأى حضرتك انى كنت باكل فى مطعم واخد 4 نجوم من غرفة المنشآت السياحية وكنت بثق فيه جدا جدا فى يوم اخدت سندوتش تيك اواى وفى البيت اول حاجة طلعتها البطاطس المحمرة شكلها عجيب عليها دواير سودا كده زى ما يكون الزيت كان فى حاجة واتحمرت مسكت بطاطساية دققت فيها لقيت رجل صرصار انا توقعت ان الصرصار وقع فى الزيت واتحمر مع البطاطس يععععععع اععععععععع بععععععععع
انا فكرت اروح ابهدل الدنيا واقدم شكوى بس الناس قالت لى طالما مشيتى هيقولك ايه الدليل انه كان عليه عندنا

نجوووووووووووووووم الكلام ده لسه الشهر اللى فات الأسبوع اللى فات بقى صاحبتى حكت لى حكاية الصرصار اللى الجرسون مسكه بالشوكة اللى ناس بتاكل بيها ومطعم على المشايية برضه اللى تعتبر انظف مكان فى المنصورة يععععععع يعنى انا اللى على وشك وسواس قهرى وهحتاج دكتور يفك لى العقدة دى

بطني اتقلبت يا جماعه كفايه كده..
ممكن بس اعرف اسم المطعم لو سمحتي

[omar-saad]

ايه الوساوس دى كلها يجماعة
ان شاء الله كدا لا هناكل ولا هنشرب ونموت احسن
سموا الله الاول قبل الاكل
وقولوا بسم الله الذى لا يضر مع اسمه شيئا فى الارض ولا فى السماء
وياذن الله يبقى الاكل مبارك وكله صحة ويحميكوا من كل سوء

[dr.amr]

اااوووووووووووووووععععععععععععععععععععععععع

انا مابشربش بيبسي غير machine

ربنا يستر

[noctis]

لا طبعا هنا مفيش اى ضمير دةممكن هناك يكون عندهم ضمير اكتر من عندنا

اما بخصوص كل الحجاتدىطبعا الواحد بياخد بالة من الحجات دى

- الهدوم الجديدة بتتغسل الأول
- بالنسبة للحمامات دايما معايا سبراى ديتول فى الشنطة + وايبس ديتول وبغسل الحمام طبعا
- بالنسبة للفنادق مش بستخدم فوطهم بيبقى معايا حاجتى

يعني انا المفروض اشيل معايا شنطة على ظهري احط فيها كل الحاجات دي لما اجي خارج لأي مكان علشان خايف من نظافة المكان؟

[medociv]

ربنا يسترها

[icehearted girl]

فكرت بغض النظر عن اننا نكون بنقرف او لأ ايه الأحتياطات اللى بتخدوها فى حياتكو
يعنى مثلا لما تروحوا فندق بتستخدموا الفوط والملايات بتاعته ولا بتاخدو حاجتكو معاكو
لما بتشتروا هدوم جديدة لازم تتغسل الأول ولا بالبركة
لما تروحوا مطعم بتستعملوا كل ادوات المائدة عادى
لما بتدخلوا التواليت بره بتستعملوا الأكياس البلاستيك اللى بتتحط على القاعدة دى
وايه تانى بتعملوه يمكن نستفيد
...الخ

بعمل كل دا

[heshamzaky]

يا جماعة معلش فى الكلام انتم كدة موسوسين و بجد مناعتكم حا تبقى ضعيفة و دة مش حلو الاعتدال مطلوب بس كدة كتير انا كان ليا حد قريبى عارفين كان بيعملو اية فى البيت هههههههههههههههههه بغسلو البيض قبل ما يحطوة فى التلاجة ههههههههههه و بيغسلة البطيخة باليفة قبل ما تتقطع

[azmeralda]

ههههههههههههه طب ممكن تتفرجو على الكليب دة و الله وقتم من الضحك دى بتعمل طبق فولو لا بتعمل عملية جراجية و بتعقم الطبق و لا أية دى نظافة زيادة عن الازم [youtube]http://www.youtube.com/watch?v=8-EtPKrGY94&p=6C1485B584299F90&playnext=1&index=36[/youtube]

يا كليباتك طب ايه النظافة الزيادة هنا انا باكل الفول بتاع العلب ده وعندى بتاعة التوم دى بس مش عملية اصلا والجوانتيات الغير معقمة دى دايما اشترى علبة ال100 ب 16جنيه بس مش عشان المطبخ عشان
لا يمكن انضف مثلا حوض الحمام لو اضطريت يعنى الا لو لابسة جوانتى من ده حاجات زى كده
انت لازم تقولى بتجيب الكليبات دى منين

[azmeralda]

بطني اتقلبت يا جماعه كفايه كده..
ممكن بس اعرف اسم المطعم لو سمحتي

هو مكان اخضر فى اخضر عرفته:b4_388::b4_388:

[azmeralda]

اية حكايه غسيل الهدوم الجديدة, بتغسلوها ليه ؟!

انا شفت صورة عالنت لمرض جلدى اتنقل عن طريق قميص اتلبس عالجسم علطول بعد حد كان قايسه من يومها لا يمكن لازم الحاجة تتغسل الصورة كانت بشعة
وبعدين لما بتقيس بره بيبقى فوق هدومك عادة مش على جسمك مباشرة متعرفش غيرك بيعمل ايه ولو عديناها فى الملابس الخارجية شكلكو متعرفوش ان النوع التانى بيتقاس ويرجع ويتبدل وشفت بعينى فى المحلات