نقل الاثاث فى المعادى

[mfarag]

السلام عليكم

انا عرفت ان عربيات النقل ممنوع تدخل المعادى
طبعا المنع دة ليلا ونهارا

مش عارف مين العبقرى اللى طلع القرار دة

طيب انا دلوقتى عايز انقل اثاث فى المعادى اعمل اية

يا ريت اللى مر بتجربة او عندة حل اكون شاكر لية

وكل سنة وانتم طيبين

[HAMZAWY]

ممكن تقولى فين فى المعادى بالظبط وحتبقى جاى منين

[aboalm]

المنع نهارا فقط و باقول فقط ليلا بقى بشرط تفتيح دماغك

[mfarag]

ممكن تقولى فين فى المعادى بالظبط وحتبقى جاى منين

النقل هيكون بين المعادى و القاهرة الجديدة

[Kareem_A]

لأ ازاى بقا !! , ينفع ليلا طبعا

العربيات النقل بتاعت الرمل و الحديد و الكلام دة كانوا بيخشوا بليل عادي جدا

و بصراحة , كانوا بيخشوا الصبح , بس بقرشين كدة

[mfarag]

المنع نهارا فقط و باقول فقط ليلا بقى بشرط تفتيح دماغك

فعلا البلد دى عظيمة كل حاجة بشرط تفتيح المخ

يعنى ما فيش فايدة غير تفتيح المخ

حسبنا اللة ونعم الوكيل

[mh2222]

ممكن تدخل من عند الاوتوستراد عند صقر قريش أو شارع المدابغ لو رايح المعادي الجديدة أو من عند زهراء المعادي لو رايح دجلة

[NFS]

تقريباً بتطلع تصريح.

[FunnyMickey]

ولا تصريح ولا بتاع
كده كده حتتقفش
بس الصبح رخصك حتتسحب لانه حيكون عنده حق
خليك بالليل عالساعه 12 كده

تديهم اللي فيه النصيب وربنا معاك

انا كنت داخل ببضاعه حديد علي عربيه 6 متر
وظبطتهم
25 جنيه وركب عسكري معايا عشان يوصلني كمان

مشي نفسك عشان متتخنقش

[zago]

مش المعادي بس
الزمالك والمهندسين كمان وامبابه
هههههههههههههههه
امبابه لا

[mfarag]

مش المعادي بس
الزمالك والمهندسين كمان وامبابه
هههههههههههههههه
امبابه لا

المشكلة فى المعادى ان المنع دة ليلا ونهارا

مش متاكد دة موجود فى مكان تانى ولا لا

لازم تصريح او تفتيح مخ

[Adham]

المنع للنقل بالنهار في القاهرة الكبرى كلها من سنة و نص بقرار حكومي

منع النقل في المعادي ليل و نهار بقرار أمني و ربنا يخللي لنا السفير الاسرائيلي اللي ساكن في المعادي

[mfarag]

المنع للنقل بالنهار في القاهرة الكبرى كلها من سنة و نص بقرار حكومي

منع النقل في المعادي ليل و نهار بقرار أمني و ربنا يخللي لنا السفير الاسرائيلي اللي ساكن في المعادي

فعلا عقلية مصرية مبدعة

لو كل سفير سكن فى منطقة البلد هتقف

بس مش مهم

مدام الكبار معندهمش مشكلة ---- يولع الشعب