مبروك لمصر التعادل في الماتش ضد سيراليون

[zalpany2000]

أنا رأيي التغييرات اللي عملها شحاته
ماكنتش في محلها اطلاقا
وافتكر المشكلة الاساسية ان نص الملعب كان ضايع و محتاج بني ادم بيفهم ... ومش فاهم احمد زفت ده بينيل ايه ... الواد ده اناني اناني بشكل مستفز .. الله يلعن ابو المجد الشخصي اللي بيودي في دهية
و بعدين وليد سليمان اللي نزل جنب ابو تريكة؟؟؟ عطل ابو تريكه وخسرنا فرصة اننا ننزل striker تاني
عموما الحمد لله انها جت علي كده وربنا يسترها في اللي جاي

[zalpany2000]

يا جماعة عشان نكون منصفين
مصر لعبت شوط اول كويس جدا و كان فية توازن في الدفاع و الوسط و الهجوم لكن مكنش فية توفيق

و مننساش النقص في الهجوم

اما الشوط التاني حصل تغيير لمراكز بعض اللاعبين فمأدوش المستوي المطلوب و هو عدم التوفيق
يعني اجمالا لعبنا ماتش معقول و موفقناش فاتعادلنا
ان شاء الله الماتشات اللي جاية نكسب

و انا متفائل جدا اننا نكسب جنوب افريقيا في ملعبها ان شاء الله بسبب ملاعبها
و دة من حظنا الكويس ان ربنا موقعناش في مجموعة كل ملاعبها وحشة
"يعني ممكن نلعب في جنوب افريقيا احسن ما نلعب في استاد القاهرة بكتير ان شاء الله بس ربنا يسهل "

يا باشا بس المشكلة انه مايبقاش ابني علي كتفي و ادور ادور عليه
يعني ماتضمنش ممكن يبقي الوضع هناك ازاي .. تلاقي مجموعة جزائريين بيشجعوا جنوب افريقيا ويروقونا :)

[Magdyahassan]

المشكله هى غدم احترام الخصم والثقه الزائده

[MRBEBO]

بصراحة ماتش فضيحة وانا مش مصدق لغاية دلوقتي ...... مش عارف ايه ابطال افريقيا 3 مرات ومش عارف ايه ال 9 على العالم هههههههه اهو كلام وخلاص..... دي اللعيبة بتاعت سيراليون اي كورة بتلبس في رجليهم بتبقى بين ال 3 خشبات ........ الا صحيح مين سيراليون دي :)

[Sharky]

مش احنا مع نيجيريا وجنوب افريقيا فى نفس المجموعة وفريق واحد اللى هيصعد؟
طب كل عام وانتم بخير

النيجر يا دوك مش نيجيريا

هو طول عمره المنتخب كده ......
الاهلي فوق المنتخب فوق .....الاهلي تحت المنتخب تحت ....
الاهلي هجومه زفت المنتخب هجومه زفت .....
وتتوالى.............

الكلام دا صح

[Abo_Lina]

إحنا بتوع دورات مجمعة بس ..
إنما نظام مجموعات و لعب على مدة زمنية طويلة ..بنعاني

و حاجة برة الموضوع جوزيه أحسن مدرب جه في تاريخ مصر ..و لا يمكن مقارنته بأي مدرب في مصر سواء مصري أو أجنبي ..بما فيهم حسن شحاتة ..

[ahmed_mido1889]

يا جماعه اصابه احمد حسن برباط صليبي
ربنا يشفيه ويرجعه بالسلامه

[human]

البدرى بهت على لاعيبه الاهلى اللى فى المنتخب
حسن شحاته محتاج فتره طويله على بال مايعدلهم تانى
الله يكون فى عونه

[SeiffoZ]

بردوا مش هنروح كاس عالم