وائل جمعه في مصر و سونج في الكاميرون

[Samir Elshahawy]

بعد مشاهدة مباراة اليوم مع سيراليون و من قبل مع الكونغو طلعت بالنتيجة التالية ...
وائل جمعة يكرر نفس اخطاء لاعب الكاميرون سونج و التي تسببت في أقصاء الكاميرون من قبل في نهائي كأس الامم بغانا عام 2008

بهذه الطريقة سوف يكون وائل جمعة السبب الرئيسي في أقصاء منتخب مصر عن التصفيات و لأول مرة بسبب أخطائه المتكررة

خلاص يا وائل ... كفاية كده و أعتزل اللعب الدولي و كمان المحلي

أرجو أن يكون حسن شحاته قد أستوعب الدرس جيدا قبل فوات الاوان ... ده أذا ماكانش فات فعلا

مع خالص تحياتي
م/ سمير الشهاوي

[bmya]

ليه بس يابشمهندس
على فكره الفريق النهارده كله كان بيهبل في حاجه غلط رغم ان مصر كانت مستحوزه على لكره بس الاخطاء بتاعتهم كتيير اوي ومفيش تركيز خالص مش هو ده منتخبنا ابدا وبصراحه بالمستوى ده ربنا يسترها علينا

[abdelaziz-waleed]

للاسف الشديد كلامك كله صح
انا اهلاوي جدا وكنت بحب وائل جمعة جدا جدا
بس هو لازم يحس انه خلاص مش هينفع يكمل لأن المدافع لازم يكون سريع
دلوقتي اي مهاجم عنده 22 ولا 23 سنة هيعمل اسبرنت مع وائل جمعة هيعدي منه بسهولة بفعل فارق السن
وللاسف كتير من الاهداف اللي دخلت في الاهلي الفترة الاخيرة كان سببها وائل جمعة ومنها هدف الشبيبة في الجزائر.
بصراحة وائل جمعة عمل اللي عليه وزيادة وكتر خيره وكفاية قوي جدا
ولو ما حصلشي تجديد في الدفاع يبقى قول على الاهلي والمنتخب يا رحمن يا رحيم
فيه ولد مدافع في الحرس ممتاز جدا وسنه صغير مش فاكر اسمه ليه ما ياخدوش ويجهزه ل 2014