رمضان عدى اوام

[age]

انا معاك فكلامك طبعا رمضان مختلف

انا قصدى ان الحجات اللى معرفناش نعملها فرمضان دة نعوضة مش نستنى لرمضان الى بعدة

ربنا يعينا على نفوسنا المقصره

[age]

أصعب رمضان عدى عليا طول عمرى والحمد لله
ربنا يتقبل منا جميعا ويغفر لنا ويكتب لنا ثواب ليلة القدر

عندك حق في الكلام ده

[pro_samir]

خدوني جنبكم في الطابور ، رمضان السنه دي غريب جدا

للأسف حتي في الصلاه في المسجد ، كل سنه المساجد بتبقي زحمه مع بدايه رمضان وتبتدي الكثافه تقل تدريجيا لحد العشر الأواخر وتزيد تاني خصوصا ليله 27 ، لكن السنه دي الأعداد بتقل فقط ، حتي ليله 27 قلت هروح المسجد بدري شويه احسن ملاقيش مكان ، وصعقت وانا داخل المسجد ساعه الأذان مكانش في غير صف واحد وانا وقفت في التاني وتقريبا المسجد كان ممتلئ لنصفه فقط ! ونفس الوضع في التهجد صفين فقط ، مع ان المسجد كان بيبقي مليان والساحه بتاع المسجد برضو كانت بتبقي مليانه

لكن حتي ليله 27 مفرقتش حاجه من باقي الليالي مع الناس زي ما بيحصل كل سنه

عموما كل اللي حاسس بتقصير لسه قدامنا انهارده وبكرا وبعده لعل وعسي

ربنا يتقبل منا ومنكم

[devilishtigers]

انا زعلان وفرحان
زعلان ان رمضان ما عملتش في حاجة كويسة ورمضان اللي فات احسن منوا بالنسبالي علشان تقريبا عملت في حاجة عن رمضان دا.
فرحان علشان من سنتين قررت انا وصحابي اننا بنجمع من فلوسنا وبنعمل عيش ولحمة ونوزعهم
اول سنة جمعنا 500 جنيه
والسنة اللي فاتت جمعنا من 850 ل 900
والسنة دي جمعنا 1440 جنيه بجد كنا فرحانين جدا ان كل سنة بتزيد والسنة دي بجانب العيش واللحمة اشترينا عصير ووزعناه على العربيات في الطريق ساعة الاذان.
بس هفضل زعلان على رمضان اللي عدى من غير ما اعمل حاجة بجد