توشيبا العربى (السيط ولا الغنى)

[D . a .\ AYMAN]

انا للاسف اشتريت تلاجه توشيبا ولاكن اظاهر ان السيط ولا الغنى
فجاءه بعد شراء الثلاجه بسنتين حصل بيها تائكل فى الجسم الداخلى للثلاجه
واذا بلشركه تحضر ماده لسد مكان التائكل اكثر من ثلاث مرات
وحضر مره اخرى الفنى المسئول على الصيانه وقرر سحب الثلاجه الى المصنع
وبعد مهاترات مع خدمه العملاء وقسم الشكاوى لمده شهر قررت الشركه الموقره
...انداب المشكله لقسم الصيانه الذى قرر عدم صحب الثلاجه لان تاريخ الصنع 2004
علما ان الثلاجه فى الضمان ولو حبيت يجيبو نفس الماده السابق زكرها الى ان يخلص الضمان وبعد مايخلص الضمان ارميها لان الفنى التابع للشركه الموقره قرر ان هذا العيب لايمكن اصلاحه

:_alshmokh08[1]::_alshmokh08[1]::_alshmokh08[1]:

أنا شايف إنك لازم تتصل بيهم وتلمح بإنك لو الموضوع ده ماإتحلش هاتروح لجهاز حماية المستهلك .. وحاول تكلم حد مسئول هناك لأن فعلا زي ما الأخوة قالوا بيكون عندهم مهندسين زي قلتهم .. بل قلتهم أحسن

ولو ماعملوش حاجة لازم تروح جهاز حماية المستهلك .. إنت راجل معاك الفاتورة بتاعتك ومعاك ضمان ولسة ساري .. يبقى دي مشكلتهم همة مش مشكلتك إنت خالص ومطلوب منهم همة حلها .. حتى لو بتلاجة جديدة

[SeiffoZ]

فاكس صناعة مصرية

[maka]

أنا شايف إنك لازم تتصل بيهم وتلمح بإنك لو الموضوع ده ماإتحلش هاتروح لجهاز حماية المستهلك .. وحاول تكلم حد مسئول هناك لأن فعلا زي ما الأخوة قالوا بيكون عندهم مهندسين زي قلتهم .. بل قلتهم أحسن

ولو ماعملوش حاجة لازم تروح جهاز حماية المستهلك .. إنت راجل معاك الفاتورة بتاعتك ومعاك ضمان ولسة ساري .. يبقى دي مشكلتهم همة مش مشكلتك إنت خالص ومطلوب منهم همة حلها .. حتى لو بتلاجة جديدة

+1

انا لو مكانك هعمل كده هاهدد باللجوء لحماية المستهلك معملوش حاجة هروح لحماية المستهلك بالصور + الضمان + الفاتورة

[aymanay32]

ماتسيبش حقك و انته غلطان انك سيبته يلحموه بالمنظر العفش دة

[A7MED_PHARMA]

أنا كان عندي تليفزيون توشيبا ..بالألوان
قديم جداااااا..يعني أكتر من 20 سنة على الأقل
وفضل شغال معايا زي الفل في البيت..ولما جبته الصيدلية
ولما الكهربا بدأت تستهبل الأيام إلي فاتت دي...سلم الراية وإنتحر حرقا بالنار
فرقع
بس كتر خيره والله
وبالنسبة للتوكيلات..حدث ولا حرج نصب مابعده نصب
أنا لما كنت شغال مع والدي في مجال التكييف والتبريد زمااان
كنت أعرف إن بتوع التوكيل بييجوا يغيروا على طووول..من غير مايصلحوا ..وطبعا كله على حساب العميل
وده مش في توكيل توشيبا بس..لاااا
ده في كل التوكيلات

[tananybasha]

جهاز حماية المستهلك
ده عيب صناعه واضح

[Abo_Lina]

حاول تبعت ميل لتوشيبا العالمية ..
لكن منتجات توشيبا المنزلية توب فعلا

[ahmedaliaeg]

انا فعلا عملت شكوى فى حمايه المستهلك والجهاز اخطر الشركه
واعطاهم فرصه خمسه ايام للتصالح الوضى
او الجوء للقضاء بعد 5 ايام
المشكله الحقيقيه ان المفروض ان الشركات تحترم العميل وحقوقو
دون الجوء لاى جهه واحترمهم للضمان الممنوح من قبل الشركه
لاكن للا سف اصبحت معايير الجوده فى المنتجات المصريه حدث ولا حرج
لاكن غياب الدور الرقابى للدوله وعدم وجود مواصفات لاى منتج فى مصر سبب الانتكاسه الحاليه فى جميع الصناعت

[Abdelrahman.H]

يا باشا هات وايت وييل
أفضل و أحسن أجهزة منزلية بناء على تعاهل معاها 10 سنوات

+999999

عندى الديب فريزر وايت وييل ما شاء الله مبقالوش كتير بس ممتاز الصراحه و واسع و بيجمد صااااااااااروخ مع الsuper freeze

أنا جايب تلاجة وايت ويل 18 قدم زي اللي في الصورة .... تحفة تحفة بكل المقاييس >>> واسعة جدا و تسقيع رهيييب .. وهادية جدا مش بأسمعلها أي صوت و الفريزر بتاعها كبييير ... هاتها و إدعيلي

[ahmedaliaeg]

شكرا ليكم وكل عام وانتم بخير

[amrnagy]

تابع مع جهاز حماية المستهلك ومتسيبش حقك

[ahmedtalat]

بشتغل فى توشيبا العربى

السلام عليكم و رحمه الله و بركاته

انا احمد و بشتغل فى شركه توشيبا العربى و بعد 11 سنه عمل فى الشركه احب اقوللكم ان شركه توشيبا اكبر شركه فى مصر لصناعه الأجهزه المنزليه بتطبق معايير الجوده فى فحص الواردات و اثناء التشغيل و بعد الأنتهاء من الأنتاج بصوره غايه فى الدقه.

اما ما حدث لسيادتكم من مشاكل فهو وارد فى اى شركه فى العالم و بنسبه بسيطه جدا

عموما قد يكون سؤ سلوك من الفنى - غشيم او بيستهبل و دى عقوبتها عندنا فى الشركه قطع رقبه لو حد كبير عرف
كلم تانى حدمه العملاء و او اتصل [المهندس ابراهيم العربى شخصيا على الرقم ده 0128007000 و اشتكى له
ساعات و ستكون المشكله محلوله

هدف الشركه هو الرضاء التام للعميل لأننا لينا هدف اساسى هو رضاء الله تعالى فيما نصنع دى تعليمات الحاج محمود العربى و هى جد جدا لا تقبل النقاش او الهزار

عموما انا لا اعمل فى مجال الأنتاج او الجوده و لكن انا اعلم جيدا معايير الجوده فى الشركه هدفنا رضاء الله تعالى ثم سيادتكم

[haroun707]

ده احنا عندنا تلفزيون بقاله 20 سنه
ومره واحده فصل
طلبنا الصيانه
وجه المهندس فتح التلفزيون وصل حاجات بالكاويه كده
وبقعدين بنقوله كام
قالنا مفيش فلوس طالما مركبتش قطعه غيار يبقي ببلاش

بعد 20 سنه

ده انا ان شاء الله ناوي اجيب هدوم الجواز توشيبا
ههههههه

فعلاً الكلام ده سليم ميه فى الميه وحصل معايه بالظبط
والله على ما اقول شهيد
انا طلبته وكنت فاكر ان التلفزيون بايظ ولما جه قالى لا ده الرسيفر ومرضيش يأخد اى فلوس علشان الصيانه عندهم مجانية وهما بياخدوا قطع الغيار بس
اولا اجهزة محترمة جداً وصيانة كمان وسمعتها سبقاها

لو حصل مع حضرتك تقصير حاول توصله لمحمود العربى نفسه وانا واثق ان شاء الله انه حيحلها

[M_Marwan]

التتقفيل المصرى سىء جدا الأيام ديه

نصيحه لوجه الله ايلى عاوز يجيب أجهزه هما 2

white whale

LG

غير كده كله سىء

[MaZaGAngeE]

السلام عليكم و رحمه الله و بركاته

انا احمد و بشتغل فى شركه توشيبا العربى و بعد 11 سنه عمل فى الشركه احب اقوللكم ان شركه توشيبا اكبر شركه فى مصر لصناعه الأجهزه المنزليه بتطبق معايير الجوده فى فحص الواردات و اثناء التشغيل و بعد الأنتهاء من الأنتاج بصوره غايه فى الدقه.

اما ما حدث لسيادتكم من مشاكل فهو وارد فى اى شركه فى العالم و بنسبه بسيطه جدا

عموما قد يكون سؤ سلوك من الفنى - غشيم او بيستهبل و دى عقوبتها عندنا فى الشركه قطع رقبه لو حد كبير عرف
كلم تانى حدمه العملاء و او اتصل [المهندس ابراهيم العربى شخصيا على الرقم ده 0128007000 و اشتكى له
ساعات و ستكون المشكله محلوله

هدف الشركه هو الرضاء التام للعميل لأننا لينا هدف اساسى هو رضاء الله تعالى فيما نصنع دى تعليمات الحاج محمود العربى و هى جد جدا لا تقبل النقاش او الهزار

عموما انا لا اعمل فى مجال الأنتاج او الجوده و لكن انا اعلم جيدا معايير الجوده فى الشركه هدفنا رضاء الله تعالى ثم سيادتكم

يعني انا لو جبت جهاز من عندكم لازم تبقى ايدي على قلبي عشان لو حصل حاجة أكلم مديرين الشركة عشان مشكلة صغيرة ممكن فني متوسط الخبرة يحلها !!!!!! بقى ده كلام برضه

على فكرة واحد زميلي جاب لابتوب توشيبا و انا كنت ناوي اجيببه برضه لما عجبني و بعد اسبوع وداه الصيانة قعد عنده 5 ايام و خده تاني يوم لقي نفس العيب ... رجعه و لحد دلوقتي عندهم من اسبوعين

كده انا ممكن اجيب اي حاجة الا توشيبا ..............