سؤال للفتيات (الفرح) ؟

[ahmedelshahawy]

لو عرض عليكى خطيبك أنه بدل ماتعملوا فرح تروحوا رحلة لمكان جديد سواء داخل مصر أو خارجها على حسب الماديات
هل هتكون فكرة مناسبة ؟
ولا الفرح بيتعمل مرة فى العمر و مليش دعوة لازم تعمل فرح

[opelawy]

ياااااااه كنت بفكر في مده و ظبطت ماليزيا و بعدها جه باباها و مامتها ضربوا كرسي في الكلوب
و قالوللي يعني نجوزبنتنا سوكيتي !!!!!

فركش و هنعمل الفرح ان شاء الله

اعتقدالموضوع في الاهل مش البنت
لانك ممكن تقنعها بمشوار واحج عند فلاي اماراتس في فندق المرديان في صلاح سالم !!!

[ghada_zaky]

غالبا انا اللى حقوله كده
انا مش أشد المعارضين لموضوع الفرح وعايزة اقضى شهر عسل حلو على اد ما امكانيتنا تنفع احسن من مليون فرح وهما كلهم ساعتين وخلاص

[ahmad--ezzat]

اانا ضد الافراح وضد ان الناس تبحلق وتفلي فيا انا ومراتى واحنا فى الكوشه....الافراح الاسلاميه كويسه جدا وكمان عشان ربنا يبارك لينا

وطبعا فلوس الفرح ممكن يتجاب بيها حاجه دهب او سفريه كويسه

[ahmedelshahawy]

هيا فعلا المشكلة غالبا فى الأهل

[icehearted girl]

لانك ممكن تقنعها بمشوار واحج عند فلاي اماراتس في فندق المرديان في صلاح سالم !!!

exactlyyyyyyyy

----------------

طب انا بقي طماعة وعاوزة الاتنين


للالالالالا عاوزة التلاتة

عاوزة الفرح

واسافر ماليزيا

واسافر مرسي علم

مليش دعوة

بس لو خيرت فعلا هختار ماليزيا

[ahmad--ezzat]

exactlyyyyyyyy

----------------

طب انا بقي طماعة وعاوزة الاتنين


للالالالالا عاوزة التلاتة

عاوزة الفرح

واسافر ماليزيا

واسافر مرسي علم

مليش دعوة

للاسف دة اللى بيبوظ 90 فى ال 100 من الجوازات...عشان كده البنات مبتجوزش والعرسان بتطفش :)

[powersha]

فرح ايه ونيله ايه الفرح ده للمعازين يكلو ويتريقو
عملت فرح كبير هيتريقو
عملت فرح صغير ههيتريقو
تخدها من قصرها ومتعملش خالص
كتب كتاب فى اى قاعه فى مسجد كبير واهل العريس واهل العروسه
وفلوس الفرح قضى بيها اسبوع بره مصر او جوه مصر
وهى ذكره سعيده

بس مين الى يقتنع ؟

[ahmad--ezzat]

فرح ايه ونيله ايه الفرح ده للمعازين يكلو ويتريقو
عملت فرح كبير هيتريقو
عملت فرح صغير ههيتريقو
تخدها من قصرها ومتعملش خالص
كتب كتاب فى اى قاعه فى مسجد كبير واهل العريس واهل العروسه
وفلوس الفرح قضى بيها اسبوع بره مصر او جوه مصر
وهى ذكره سعيده

بس مين الى يقتنع ؟

100 100

[Samah AbdAllah]

لالالالالالالالالالالالالالالالالالالا
الا الفرح
العب فى اى اوبشن تانى الا الفرح
الرحلة ممكن تتأجل وتعملها فى اى وقت تانى لما ربنا يرزق ويبقا فى فلوس
لكن مهما جالك فلوس بعد كده
هتعمل فرح بعدها ازاى ؟؟؟
فى حاجات مينفعش نسبتدلها لان مش هيكون فى فرصة لتكرارها
ماليزيا تتعوض لكن الفرح لأ
وايه المانع انى افرح انا واهلى
اللى مالوش خير فى اهله مالوش خير فى حد

[SeiffoZ]

بلا فرح بلا نيلة ... بلا جواز بلا نيلة ...

الأفراح بس هى العروسة عايزاها عشان تلبسلى فستان أبيض و تقعد ترقص قدام الناس و تغيظ إللى لسه متجوز أنا أهه لابسة فستان أبيض .. كأنه نوع من أنواع الإحتياجات للأنثى إنها تلبس فستان أبيض ... و ده مافيش بنت بتعارضه .. و أم العروسة عمرها ما ترضى إن ما يكونش فى فرح ..

بس هو حاجة تعبانة .. إنت مالك يا أخى انا إتجوزت ولا لأ!!! أنا حر !! أخد الفلوس أسافر , احرقها .. أوزعها .. حقى!

[rodyA113]

بصراحه الفرح مهم ده يوم ...بس بجد لو خيرت بين الفرح والعمره مثلا لا العمره او الحج مش ضامنه ونفسي ابدا حياتي كده وممكن استغني عن اي حاجه ..اروح ماليزيا بعدها في اي وقت... وممكن امسك العصيا من النص اعمل فرح عائلي ظريف المهم يكون جنبي الناس اللي بيحبوني وافرح ويفرحوا معايا ده يوم في العمرواروح برده المكان اللي انا عيزاه .و لو ضاقت ده قررانا احنا الإتنين لو قررنا السفر برده نعمل حاجه عائليه ونسافر مفيهاش حاجه ونتصور والبس فستاني وكله المهم اننا سوا واهلينا فرحنين بينا

[moody1]

طيب حضرتك لو نقاشنا الموضوع من زاوية ايه اللى ممكن يتعمل فاى وقت و ايه اللى لو معادها فات مينفعش تتعمل

الفرح حاجة ضرورية ديه مرة فالعمر و كفاية انك بيبقى معاك شريط الفيديو يعنى كذكرى لايام السعادة!!!!!!!!!

انما رحلة لباريس او ماليزيا او لندن اوحتى شرم ممكن تعملها فاى وقت سواء عندك 20 او30 او 40


مالاخر
الفرح يعنى حاجة واحدة بتتعمل مرة واحدة وضرورى تتعمل

[ainshouka]

اخواتى متجوزين من زمااااااااان ولا واحدة منهم بصوا على شريط الفرح حتى

وعلشان كده انا بقيت مقتنع انه ملوش اى لازمة

دا غير طبعا انه من الناحية الدينية وكم الفاسد اللى بتكون فيه

هو يتعمل فى الجامع وبس كده ويتاخد كام صورة للعريسين وكفاية

[SeiffoZ]

اخواتى متجوزين من زمااااااااان ولا واحدة منهم بصوا على شريط الفرح حتى

وعلشان كده انا بقيت مقتنع انه ملوش اى لازمة

دا غير طبعا انه من الناحية الدينية وكم الفاسد اللى بتكون فيه

هو يتعمل فى الجامع وبس كده ويتاخد كام صورة للعريسين وكفاية

هو إيه الفاسد إللى فى الأفراح ؟؟؟؟