المدارس والتعليم

[iunknown]

ابني أحمد داخل على 3 سنوات. وبدأت ادور على مدارس من دلوقتي مش عارف اتاخرت ولا ايه. هو كان في حضانات صغيرة (Nurseries) ودلوقتي عايز اوديه مدرسة بداية من السنة الجاية ان شاء الله. يا ترى ايه تجارب الأخوة مع المدارس وايه افضل المدارس في مدينة نصر وما حولها (القاهرة الجديدة) .
التعليم و الاسعار وكل حاجة
أنا أصلا مش قاهري بس مقيم في القاهرة بقالي حوالي 8 سنوات دلوقتي. معنديش معرفة خالص بموضوع المدارس ده وان كان البعض بيرشحلي
1- الفاروق بالقاهرة الجديدة
2- المستقبل في ذاكر حسين

ياريت اللي عنده خبرة ينصحني ويقولي ايه كويس وايه وحش وايه اللي ادور عليه في المدرسة اللي هودي ابني فيها

[GoldenManEye]

شكل الأعضاء لسه موصلوش للمرحلة دى :)

عموماً انا دلوقتى بدور على حضانة :)

[iunknown]

يااه هو أنا عجوز كده :)

[OlaOsman]

منارة الفاروق

[iunknown]

دي فين دي يا اخت علا.
التجمع الخامس ولا اول الدائري عند اكاديمية الشرطة ؟

[OlaOsman]

اللي في التجمع

[aif]

انا رايي ان لو تقدر تدخله مدرسة قريبة من البيت وما يحتاجش باص يكون افضل لأن الباص دة بيهلك العيال ساعة ونص رايح وساعة ونص جاي بصراحة عذاب
انا اولادي دخلتهم سانت فاتيما العباسية ... 200 متر من البيت ومدرسة محترمة
وباحاول اشوفلهم شيخ يحفظهم قرأن في البيت .. انا لقيت دة افضل كتيييير من المدارس الازهرية لأن مستواها التعليمي مش بيعجبني حتي المستوي الرفيع منها
انت متصور مدي الراحة ان الولاد بينزلوا من البيت الساعي 7.45 الصبح يعني قبل المدرسة بربع ساعة بس .. دي نعمة من ربنا