حد جرب Tefal Acti Fry ؟؟

[MRBEBO]

كل سنة والجميع بخير

حد يا جماعة اشترى او جرب Tefal Acti Fry

http://www.tefal.com/All+Products/.....ng+appliances/Fryers/Products/ActiFry/Actifry.htm

واللي ميعرفهوش ده جهاز بيقلي اي كيلو من اي حاجة بمعلقة زيت واحدة

يعني علشان نقلي مثلا كيلو بطاطس بنستخدم معلقة واحدة بس زيت للكيلو كله

طبعا فكرة خطيرة خصوصا للناس اللي بتعمل دايت او عاوزه تحافظ على وزنها وتبعد عن مشاكل الدهون والكوليسترول

انا شفت الجهاز ده عند العجيل تقريبا ب 1700 او اقل شوية هو سعره عالي فعلا بس بالمقارنة بفايدته اعتقد هيبقى كسعر معقول

السؤال هنا هل في حد اشترى الجهاز ده .... وهل فعلا الحاجة بتطلع منه زي المقلية عادي جدا .... واهم حاجة بتطلع مستوية كويس ولا ممكن تبقى نيه لو سميكة شوية

حد عنده فكرة عن فكرة عمل الجهاز ... يعني هل بيستخدم مثلا موجات زي الميكرويف ولا ايه الفكرة بتاعته بالظبط ؟

ياريت لو حد عنده معلومات يفدنا لاني مقاطع المقليات بكافة انوعها من يجي 6 شهور بسبب الدايت

ونفسي في طبق مسقعة معتبر بس منه لله الديت بقه طبعا البتنجان بيبقى شايل نص كيلو زيت

دي شوية فديوهات ليها

YouTube - Tefal Acti Fry

YouTube - Test Tefal Actifry

[human]

متابع باهتمام

يا ريت حد يقول خبرته

[aymanay32]

كمان عاوزين نعرف هل هو خطر على الصحة و لا لاء
يعنى مبيسببش امراض و لا ايه و هل بيبخر الزيت عشان القلى و لا نظام عمله ايه
انا شوفته كان فى عرض فى هايبر وان و كان نفسى اشترية بس خفت ليكون بيبخر الزيت عشان القلى و واحد قاللى انه لو بيبخر الزيتت يبقى خطر جدا على الصحة و كنت عاوز اتاكد لو حد عنده معلومة ياريت يقولها لنا

[MRBEBO]

ده لينك ليها على امازون

Amazon.com: T-fal FZ7000002 Actifry 2.2-Pound Low Fat Multi-Cooker and Healthy Fryer: Home & Garden

[human]

Amazon.co.uk: Customer Reviews: Tefal ActiFry Low Fat Electric Fryer

[MRBEBO]

ايه يا جماعة معقول محدش جرب الجهاز ده او سمع عنه ؟؟

[نور القمر]

اصحابي بيشكروا فيها
بس في مصر غالية جدا
لو عندك حد في الخليج يشتريهالك افضل

هناك انواع وماركات كتير وتعتبر بتراب الفلوس بالنسبة لسعرها في مصر

[human]

اصحابي بيشكروا فيها
بس في مصر غالية جدا
لو عندك حد في الخليج يشتريهالك افضل

هناك انواع وماركات كتير وتعتبر بتراب الفلوس بالنسبة لسعرها في مصر

مش فارقه كتير لو الفرق بين مصر و الخليج 300-400 جنيه خصوصا انك بتاخدى ضمان من هنا

انا نويت اشتريها عشان كمان العيال اللى بتحب البطاطس المحمره حرام كميه الزيوت اللى بياخدوها ديه

[MRBEBO]

مش فارقه كتير لو الفرق بين مصر و الخليج 300-400 جنيه خصوصا انك بتاخدى ضمان من هنا

انا نويت اشتريها عشان كمان العيال اللى بتحب البطاطس المحمره حرام كميه الزيوت اللى بياخدوها ديه

فعلا مش مشكلة الفرق ... مع ان الواحد لو دور كويس ممكن يجبها اقل ب 200 جنيه مثلا

بس هي عاوزه لفة محترمة في توكيل تيفال زهران وسبينس وكارفور وهايبر ... الخ

بجد يا جماعة انا تعبت من موضوع الدهون ده

تخيلوا بعد دايت قاسي جدا بسبب الكوليسترول عملت تحليل ولقيت برضوا الكوليسترول عالي

مع اني اخدت ادوية كتير زي الذكور والاتور ... الخ

الدهون دي داهية وكان ضغطي علطول مرتفع وعلطول مصدع تخيلوا بعد ما منعت الزيوت والدهون بطلت اخد دواء الضغط من 4 شهور تقريبا

ده غير مشاكل الجلطة وتصلب وانسداد الشريين .... الخ اللي انتشرت جدا الايام دي فعلا الواحد محتاج اي حاجة تساعده على موضوع الاكل الصحي

شكرا يا نور على المشاركة

[azmeralda]

انا نفسى فيها بس لازم ترخص شوية السعر ده اوفر

[MaZaGAngeE]

ازاي بقى كيلو بطاطس ياخد معلقة زيت ؟

[azmeralda]

ما هى دى التكنولوجيا انه ياخد معلقة زيت واحدة

[Ahmed Samy]

انا و الله بافكر فيها من زمان

مراتي لما بتقلي بتنجان أو بطاطس مرة جربت

و عصرت طبق البطاطس في كوباية


ربع كوباية زيت يا حضرات على فردين

تقريبا مرة يوميا

أه يا شراييني

[blazer]

انا و الله بافكر فيها من زمان

مراتي لما بتقلي بتنجان أو بطاطس مرة جربت

و عصرت طبق البطاطس في كوباية


ربع كوباية زيت يا حضرات على فردين

تقريبا مرة يوميا

أه يا شراييني

!
هو فعلا بيبقى كتير


خصوصا الباذنجان ممكن يعمل كوبايتين كمان
هى بصراحه ممتازه
بس هل ملهاش اى اضرار على الصحه
ولو ليها اضرار هتكون اقل ولا اكتر من ضرر الزيت

[sniperfox]

عن تجربه مبيقليش كويس والحاجه الى بتتقلى فيه بططلع فيها فرق كبير عن الى مقليه فى الزيت عادى من الاخر بحس انها ملهاش طعم