ايه رايك فالارتباط من عالنت سواء بنت او ولد ( المناقشة مفتوحة )

[mr_vampire]

لف حواليك كدا يافندم وشوف كم حاجه في حياتنا حرام
ماهو مفروغ منه انه علاقات النت حرام وكمان علاقات الجامعه حرام والفلوس الي بندفعها في المخالفات للعسكري حرام وتطليع الرخص بالواسطه حرام والتجاره في العربيات والنصب الي فيها حرام والاغاني الي قاعدين نشغلها واحنا صايمين طول رمضان حرام والشباب الي ماشي مفنجل عنيه على كل بنت معديه حرام وبرده البنات ربنا يسامحهم الي بيلبسوا لبس مثير لنظر كل الناس حرام عليهم


ربنا يهدينا كلنا يارب ,, على الأقل انا معترف اني بعمل حاجات كتير حرام وطمعان في رحمة ربنا
لكن ارجوا ان محدش يتشدد ويقولك لا مش حرام ويدافع عن ذنوبه علشان ربنا ميعاقبهوش
خلينا كدا معترفين بخطأنا يمكن ربنا يرحمنا

اولا:اهم حاجة انا عايز تبقي عارف اني مش بهاجمك بصفة شخصية خالص والله احنا بنتناقش مناقشة ودية واخوية وانا مش بروج للفكرة بس امر واقع فقولت نشوف الناس شيفاه ازاي.

ثانيا: بخصوص الحرام والحلال متهيالي الكلام العام المطلق مينفعش لان الاساس فيها الشخص اللي بيستخدم الحاجة بمعني تليفونك ممكن تستخدمه في حلال وممكن تستخدمه في حرام. عربيتك ممكن تستخدمها في حلال وممكن حرام وكذلك النت ممكن حلال وممكن حرام. حتتتتتتتتتتتتتتتتي علاقتك ببنت متقدم لخطوبتها ووالدتك اللي جيبهالك وعارفين اصلها وفصلها ( ومش من النت ) ممكن يبقي فيها حرمانية لو انتا فكرت تمشيها في اتجاه معين وتقول ماهي هتبقي زوجتي. فكله فيه احتمالية الحرام والحلال واصحاب العقول هي اللي بتميز تتصرف ازاي.

اخر حاجة نصيحة اخوية ومش تعالي عليك بالنصيحة والله ابدا: اوعا في حياتك تقول حاجة غلط عملتها بحجة انك ( معترف بالخطا ) ده (مجاهرة بالذنب) وعقوبتها كبيرة اوي يوم القيمة ربنا يعافينا جميعا. معترف بالذنب او بالخطا يبقي بينك وبين ربك وتتوب عن الفعل عشان ربنا يغفرلك. انما معترف بالذنب ادامي او ادام اي انسان مينفعش مش هنفيدك بحاجة بالعكس ممكن تحرضني عليها وانتا مش واخد بالك وتشيل معايا ذنب. ياريت تتقبل النصيحة بصدر رحم او تعتبرها متكتبش لو دايقتك

[mr_vampire]

طيب تعالى أسألك سؤال
هو انت شايف ان الي بيحب واحده علشان شافها في الجامعه جميله وفاتنه يبقا ده مش قلبه صافي؟

مش فاهم السؤال معلش ياريت توضيح اكتر.

[noctis]

طيب تعالى أسألك سؤال
هو انت شايف ان الي بيحب واحده علشان شافها في الجامعه جميله وفاتنه يبقا ده مش قلبه صافي؟

على العموم من غير مترد انا هقول لك حاجه

الانسان من حقه قبل ميحكم على واحده انه بيحبها ولا لا انه يتأكل ان قلبه بيحبها وعينيه بتحبها وكل حاجه فيها عاجباه مش بس الشخصيه
لا لازم تكون جمالها مالي عينيا والا ممكن ابص لغيرها ولازم شخصيتها تعجبني ومستواها الاجتماعي وتعليمها وكل الي يهمني الاقيه فيها
ده العربيه الي بنشتريها تقعد معانا خمس سنين ولا 10 بالكتير بنتأكد من كل حاااااااااااااااااجه فيها
يبقا الانسانه الي تعيش معايا حياتي كلها متأكدش من كل حاجه فيها؟
يبقا اكيد من حقي اشوفها وتعجبني قبل ما اقول اني بحبها
لكن متقوليش احبها من على الشات ماهو الجامعه مليانه والي تعجبك جمد قلبك وتوكل على الله

[noctis]

اخر حاجة نصيحة اخوية ومش تعالي عليك بالنصيحة والله ابدا: اوعا في حياتك تقول حاجة غلط عملتها بحجة انك ( معترف بالخطا ) ده (مجاهرة بالذنب) وعقوبتها كبيرة اوي يوم القيمة ربنا يعافينا جميعا. معترف بالذنب او بالخطا يبقي بينك وبين ربك وتتوب عن الفعل عشان ربنا يغفرلك. انما معترف بالذنب ادامي او ادام اي انسان مينفعش مش هنفيدك بحاجة بالعكس ممكن تحرضني عليها وانتا مش واخد بالك وتشيل معايا ذنب.

كلامك صح فعلا انا يمكن قلت الكلام بحسن نية لكن فعلا كلامك صحيح وانا الي مخطيء شكرًا على اللإفادة

ياريت تتقبل النصيحة بصدر رحم

واضح ان مش انا بس الي بغلط في الكتابه ,,, دي بقا قبال تلاته مالهمش تالت بتاعتي

اسمها صدر رحب ياعم ,, انت ايه مسمعتش رحب حوش صحبك عني؟

[mr_vampire]

علي فكرة هي تمشي الاتنين ( صدر رحم ) رحيم وميكونش رد الفعل مش كويس. او ( صدر رحب ) بصدر واسع ويفهم الكلام صح. وعموما هي مش من المنزلات والخطء فيها حرام ده مقولة عادية . وعلي فكرة اني عمرررررررررررررري ماسمعتها ( صدر رحبببببببببب ده خالص ) او ممكن مبركزش في اخر حرف .

[noctis]

علي فكرة هي تمشي الاتنين ( صدر رحم ) رحيم وميكونش رد الفعل مش كويس. او ( صدر رحب ) بصدر واسع ويفهم الكلام صح. وعموما هي مش من المنزلات والخطء فيها حرام ده مقولة عادية . وعلي فكرة اني عمرررررررررررررري ماسمعتها ( صدر رحبببببببببب ده خالص ) او ممكن مبركزش في اخر حرف .

خلاص ماليش دعوه يبقا تلاته ملهمش تالت صح برده

[magyver]

فعلا كل حاااجة فيها مبدا استخدام الحلال والحلااااااااام
والنت ممكن يكون كوسيلة زي ممكن تشوف بنت في الشاارع
وتجيب اصلها وفصلها عشان تسال عنها
هيا ممكن تكون وسيلة والشخص اللي بيحدد اية اللي بيتم بعد كدة بقي

[human]

للمره المليون الموضوع ده حرام....حرام.....حرام

و لو اتجوزها يبقى حرام برضه؟
زى الاستاذ اللى افتى ان ده باطل و ما بنى على باطل باطل

هيه كلمه حرام سهل كل واحد يرميها كده؟؟؟ و يحرم على الناس عيشتها حتى لو حد بيعمل حلال!!

[zakiali]

يعتبر لعب بالنار

[ahmad--ezzat]

للمره المليون الموضوع ده حرام....حرام.....حرام

اعصابك يعم مش كده احنا عايزينك

[AshTurbo]

زي أي حاجة في الدنيا هي مسألة قابلة للنجاح وقابلة للفشل ولكن في رأيي هي طريقة غير جيدة للأرتباط وبيئة غير صحية لتطور علاقة حب بين شخصين تقدر تستمر لفترات طويلة .

[sherif_84]

اولا كل سنة وانتم طيبين
ثانيا كل حاجة فى الدنيا دى فيها الحلو وفيها الوحش بمعنى :
النت فيه الكويس و الوحش / زواج الصالونات فيه الكويس و الوحش / معرفة الجامعة او العمل فيها الكويس و الوحش
هو ربنا خلق الدنيا كده وفى نفس الوقت ادانا اعظم نعمة وهى العقل فى ناس بتبقى داخلة تتعرف على بنت بقصد الزواج و هو اكيد بيلاحظ من البنت اللى بيكلمها دى جادة ولا بتاعت تسلية وخلاص نفس الكلام للشاب
ممكن يكون داخل يتسلى مع اى بنت ويظبط معاها خروجة
فى موقع اسمه بنت الحلال ده موقع زواج محترم ومش عشان بقول كده يبقى كل اللى فيه كويسين لا طبعا فى بنات ممكن تبعتلك رقم تليفونها مباشرة من غير مانت تقولها وفى بقى انت لو عايز ترتبط بواحدة وجاد فعلا
بتبحث فى المواصفات البنت المطلوبة وربنا بيوفقك للبنت الكويسة لان نيتك اصلا كويسة ياريت تكونوا فهمتوا قصدى

أخوكم شريف

[mr_vampire]

فعلا كل حاااجة فيها مبدا استخدام الحلال والحلااااااااام
والنت ممكن يكون كوسيلة زي ممكن تشوف بنت في الشاارع
وتجيب اصلها وفصلها عشان تسال عنها
هيا ممكن تكون وسيلة والشخص اللي بيحدد اية اللي بيتم بعد كدة بقي

بالظبط كدة يامعلم هو ده اللي بحاول اقوله. شكرا لمرورك ياباشا

و لو اتجوزها يبقى حرام برضه؟
زى الاستاذ اللى افتى ان ده باطل و ما بنى على باطل باطل

معلش مين اللي قال كدة. شيخ ولا ايه ؟؟؟

هيه كلمه حرام سهل كل واحد يرميها كده؟؟؟ و يحرم على الناس عيشتها حتى لو حد بيعمل حلال!!

هو فعلا الحرام بين والحلال بين بس الفرق بينهم شعرة والشخص هو اللي بيحددها تمشي ازاي.

يعتبر لعب بالنار

برده الشخص الاساس.

اعصابك يعم مش كده احنا عايزينك

معلش ياصاحبي بستازنك تبقي الردود احسن من كدة عشان المناقشة تبقي مثمرة وتحقق اللي عيزينه في اننا نفهم دماغ الناس . لاننا مش بنهاجم او بنعترض علي اشخاص . فكل واحد يقول اللي عايزه بس يقنعنا بوجعة نظره.

[mr_vampire]

زي أي حاجة في الدنيا هي مسألة قابلة للنجاح وقابلة للفشل ولكن في رأيي هي طريقة غير جيدة للأرتباط وبيئة غير صحية لتطور علاقة حب بين شخصين تقدر تستمر لفترات طويلة .

صح كدة يامعلم زي ماانا بقول وسيلة زي اي وسيلة وبعدها المعاملة بتظهر الشخصيات علي حقيقتها. وفي نقطة انها بيئة غير صحية ( تشبيه حلو علي فكرة عجبني جدا ) عندك حق فيه بس احنا اللي خلناها غير صحية باستخدامنا الغلط للنت والشات وعشان كدة اخد سمعة وحشة حتي من الناس اللي متعرفوش. بس علي فكرة دلوقتي البيئات الغير صحية في كل مكان طبعا كلنا بنمشي فالشارع وبنشوف. شكرا ياجميل لمرورك

اولا كل سنة وانتم طيبين
ثانيا كل حاجة فى الدنيا دى فيها الحلو وفيها الوحش بمعنى :
النت فيه الكويس و الوحش / زواج الصالونات فيه الكويس و الوحش / معرفة الجامعة او العمل فيها الكويس و الوحش
هو ربنا خلق الدنيا كده وفى نفس الوقت ادانا اعظم نعمة وهى العقل فى ناس بتبقى داخلة تتعرف على بنت بقصد الزواج و هو اكيد بيلاحظ من البنت اللى بيكلمها دى جادة ولا بتاعت تسلية وخلاص نفس الكلام للشاب
ممكن يكون داخل يتسلى مع اى بنت ويظبط معاها خروجة
فى موقع اسمه بنت الحلال ده موقع زواج محترم ومش عشان بقول كده يبقى كل اللى فيه كويسين لا طبعا فى بنات ممكن تبعتلك رقم تليفونها مباشرة من غير مانت تقولها وفى بقى انت لو عايز ترتبط بواحدة وجاد فعلا
بتبحث فى المواصفات البنت المطلوبة وربنا بيوفقك للبنت الكويسة لان نيتك اصلا كويسة ياريت تكونوا فهمتوا قصدى

أخوكم شريف

وانت طيب ياشريف. وهو ده فعلا اللي بقوله ان في كل شيء الكويس والوحش والحلال والحرام والاشخاص هما اللي بيحددو يمشوها ازاي. شكرا ياباشا علي تفصيلك لوجهة نظرك

[m_elkhishin]

و لو اتجوزها يبقى حرام برضه؟
زى الاستاذ اللى افتى ان ده باطل و ما بنى على باطل باطل

هيه كلمه حرام سهل كل واحد يرميها كده؟؟؟ و يحرم على الناس عيشتها حتى لو حد بيعمل حلال!!

يا أخي الفاضل انا لم أقل حرام أو حلال، لأني زي مانت تفضلت لا املك اني افتي.
انا قلت رأيي في الوسيلة نفسها انها وسيله في وجهة نظري خاطئة لما تحتويه من سلبيات وفتح الباب للشيطان ليقوم بافعاله.
ولما قلت ما بني على باطل فهو باطل لم اكن اقصد بطلان الزواج لأن ده له شروط لو استوفاها خلاص يبقى صحيح، وانما قصدت ان توابع هذه العلاقة ممكن يكون فيها مشاكل - بس يمكن التعبير خانني شوية-

يعني حديك مثل ممكن يكون بعيد شوية بس فيه تشبيه، لو واحد اتعرف على واحده في كباريه، واتزوجها انا في وجهة نظري ان ما بني على باطل فهو باطل ( بالنسبة لتبعات الزواج) على الرغم من ان زاجهم ده صحيح 100*100 شرعا

أرجو اني اكون وضحت وجهة نظري