المقابر في مصر

[Miss_Pharma]

كل سنة وانتم طيبين ..
معلش انا عارفة ان مش وقته خالص الموضوع ده ..
بس كما جرت العادة ان فيه ناس بتروح تزور المقابر اول يوم العيد مع انه مكروه ..

السؤال بقى هل مقابر مصر شرعية ؟ عملية وضع جسد الميت في غرفة تحت الارض ده كده شرعي ؟
حد يعرف هل توجد مقابر شرعية في مصر ولا لا ؟
كتير مننا بيفكر في حياته وهيسكن فين ولكن القليل من فكر في مماته وهيدفن فين ..

والمقابر الشرعية سواء كانت دفن (شق ) او لحد هي حفرة في اتجاه القبلة في الارض واهالة التراب عليها .. يعني ان يكون الجثمان بكامله تحت سطح الارض على الجنب الايمن وتوضع قطعة من الحجر او كومة من التراب يستند عليها بخده الايمن ووجهه تجاه القبلة ويقول واضعه: "باسم الله وعلى ملة رسول الله صلى الله عليه وسلم" ويحل أربطة الكفن ويغطى بالكامل بالتراب وتسوى الارض تماما وترفع شبرا من على الارض ويوضع حجر او علامة يستدل بها على وجود قبر ..

اما مايحدث في مصر هو وضع جسد المتوفي في غرف تحت الارض دون تغطيته بالتراب ويترك معرضا للهواء الطلق وترك جثته تتعفن وتفوح منها الرائحة !! ( اين الدفن في هذه الحالة ؟؟ ) .. وعند ازدحام الغرفة يتم تجميع عظام الموتى القدامى ( الذين مضى عليهم فترة طويلة - أي تآكلت أجسادهم ولم يبقى سوى العظام فقط ) ، ثم يقوم التربي بتجميعها على جنب لوضع الجثث الجديدة !!!
وارتفاع القبر مسافة متر او متر ونص وتزيينه بالرخام والالوان المبالغ فيها في بعض الاحيان .

فهل يوجد في مصر مدافن شرعية ؟ ولا كلها كده ؟

[hany_mohamed]

كل سنة وانتى طيبة
هاخد بس جزء زيارة اول يوم العيد للمقابر
ان شاء الله انا نازل اصلى العيد ثم اذهب لزيارة اهلى المتوفيين ومدفونين بالمقابر
لان انتى عارفة الواحد المفروض يزور اهله فى العيد
طب اعمل ايه انا وكل اهلى متوفيين

[youssefmustang]

الشرعى هو (اللحد) وهو عبارة عن حفرة لا تزيد عن متر تقريبا
والصعيد اغلبه بيدفن بالطريقة الشرعية
لكن المقابر بتاعتنا دى مش شرعية

[MaZaGAngeE]

ايوة توجد مقابر شرعية في الصعيد لكن كلها في غرب او شرق الصعيد في مناطق العرب مش الفلاحين

[أبومعاذ]

في مقابر شرعية في طريق بلبيس قريبا من العبور وفي تبع الجمعيةالشرعية في اكتوبر

[faragebraheem]

اولا كل سنة وانتم طيبين بالنسبة لموضوع زيارة القبور فهومكروه اول ايام العيد لانه يوم فرحه وبهجة وسرور ومايحدث من النساء فى هذااليوم فى المقابر هو ماجعله مكروها فقدحولو يوم الفرحة التى جعلهاالله لعباده الصائمين الى يوم خزن وعويل وبكاء امااذاكانت الزيارة زيارة عظه وعوده ورجوع الى اللهفلابأس بها مع انها غيرمحببة ايضابالنسبة للدفن الشرعى فى اللحدفيحدث فى مصرفى الصعيدوالمناطق الصحراوية اوالتى بها ظهيرصحراوى امابالنسبةلمناطق الدلتافيحدث الدفن كماذكت حيث لايصلح الدفن الشرعى باللحدلان التربة طينية وكلماقمت بالحفر فى الارض وتعمقت نشعت المياه الجوفية فلايصلح الدفن مع ذلك

[M.Radwan]

المشكلة ان في الفلاحين مينفعش طريقة الدفن الشرعي لسبب
الرطوبة فى الأرض عالية جدا والارض طينية
فلو الميت اندفن بالطريقة الشرعية الذئاب (الديابة) بتحفر التراب وتطلع جثة الميت
بعدها بساعات فاضطروا يعملو المقابر بالشكل ده،
(ده كلام سمعته من الوالد الله يرحمه)
ومع ذلك الميت مش بيتساب وخلاص داخل الغرفة، لأ، الميت بيتحفرله حفرة ولكن مش عميقة وبيتحط عليه التراب،

الموضوع فكرني بأبيات جميلة قوي افتكرتها:

غيرُ مجدٍ في ملّتي واعتقادي=نوح باكٍ ولا ترنم شاد
وشبيهٌ صوت النعيّ إذا قِي =س بصوت البشير في كل ناد
أبَكَت تلكم الحمامة أم غ=نّت على فرع غصنها الميّاد
صاح هذي قبورنا تملأ الرُح=بَ فأين القبور من عهد عاد
خفف الوطء ما أظن أديم ال=أرض إلا من هذه الأجساد
وقبيح بنا وإن قدُم العه=د هوان الآباء والأجداد
سر إن اسطعت في الهواء رويداً=لااختيالاً على رفات العباد
رُب لحدٍ قد صار لحداً مراراً=ضاحكٍ من تزاحم الأضداد
ودفينٍ على بقايا دفين=في طويل الأزمان والآباد
فاسأل الفرقدين عمّن أحسّا= من قبيلٍ وآنسا من بلاد
كم أقاما على زوال نهار=وأنارا لمدلج في سواد
تعبٌ كلها الحياة فما أع=جب إلا من راغبٍ في ازدياد

وآسف على الإطالة بس جيتي على الجرح فعلا!

[نور القمر]

انا مكنتش اعرف طريقة الدفن في القاهرة غير من فترة قريبة شهرين تقريبا واستغربت منها
وفكرت في طريقة الدفن في الصعيد عندنا عبارة عن مقبرة لفرد واحد ويجوز اتنين لو محارم والمتوفي يدفن فوق الارض
فسألت ليه مش تحت الارض عشان يبقه شرعي
فعرفت ان في سبب منطقي ووجيه لكدة
ان الارض في بلدنا فيها نسبة رطوبة عالية
فجايز هنا في القاهرة في نفس المشكلة إلا اذا كانت المقابر في الصحراء

[بحري]

يمكن فعلا في الأرياف والأماكن البعيدة تكثر الهوام المؤذية لجثث الموتى..لكن بلاشك الدفن الشرعي هو اللحد وهو ما يميز دفن أمة الإسلام..قال النبي صلى الله عليه وسلم: (اللحد لنا والشق لغيرنا)..عندنا في المقابر القريبة من سكني يلحدون للموتى بلا مشاكل برغم كون المقابر على البحر مباشرة..

[M.Radwan]

يمكن فعلا في الأرياف والأماكن البعيدة تكثر الهوام المؤذية لجثث الموتى..لكن بلاشك الدفن الشرعي هو اللحد وهو ما يميز دفن أمة الإسلام..قال النبي صلى الله عليه وسلم: (اللحد لنا والشق لغيرنا)..عندنا في المقابر القريبة من سكني يلحدون للموتى بلا مشاكل برغم كون المقابر على البحر مباشرة..

مهو برضه بيتم اللحد والدفن بطريقة شرعية..بس القضية فى القباب اللى فوق القبر
لان دي مكروهه فى الاسلام..ولكن احنا فى الحالة دي بنتبع قاعدة الضرورات تبيح المحظورات،

[بحري]

يمكن أن تتم مصلحة حفظ القبر وتمييزه برفع البناء عليه بما لا يزيد عن شبر أو شبرين وهو ما تفعله في المقابر عندنا، أما ما يفعله غالب الناس من رفع المقابر بما يزيد عن ذلك وبناء القباب عليها فهو منهي عنه بنفسه وحكمه التحريم وليس مجرد الكراهة..حيث يتنافى تماما مع عظة الموت..حيث يتعالى الناس في البنيان ويزينونها ويجعلونها سببا للتفاخر..ولا أعلم كيف يتعظ الإنسان وهو يمشي بين البيت المبنية المضاءة بالأنوار الخضراء والمزينة بأنواع الزينة من الأقمشة والزخارف وقد نهى النبي صلى الله عليه وسلم عن (تجصيص القبر) وهو طلاؤه بالجير فمن باب أولى النهي عن سائر الزينات

[M.Radwan]

يمكن أن تتم مصلحة حفظ القبر وتمييزه برفع البناء عليه بما لا يزيد عن شبر أو شبرين وهو ما تفعله في المقابر عندنا، أما ما يفعله غالب الناس من رفع المقابر بما يزيد عن ذلك وبناء القباب عليها فهو منهي عنه بنفسه وحكمه التحريم وليس مجرد الكراهة..حيث يتنافى تماما مع عظة الموت..حيث يتعالى الناس في البنيان ويزينونها ويجعلونها سببا للتفاخر..ولا أعلم كيف يتعظ الإنسان وهو يمشي بين البيت المبنية المضاءة بالأنوار الخضراء والمزينة بأنواع الزينة من الأقمشة والزخارف وقد نهى النبي صلى الله عليه وسلم عن (تجصيص القبر) وهو طلاؤه بالجير فمن باب أولى النهي عن سائر الزينات

جزاك الله خيرا على التصحيح، ويظهر الأمر اختلط على..شكرا جزيلا،

[أبو عبدالله]

بما اني من المنصورة بلد في وسط الدلتا وكلها اراضي زراعية وليا تجربة في الموضوع ده فأنا احب ان اطرح عليكم تجربتي
بعد وفاة والدي الله يرحمه هو وجميع المسلمين
تم دفنه في مقابر عاديه اللي هيا عبارة عن مبني بارتفاع حوالي متر ونصف عن الأرض وفيها فتحه صغيره بتدخل منها ولكن الأرض من الداخل بتبقى اقل ارتفاعا عن الخارج بحوالي متر ونصف تقريبا ولكن بيوضع الجثمان على وش الأرض وتطلع من الفتحة وتقفلها وعلى هذا
وبما ان والحمد لله المقابر كانت قديمه ومتهالكة فكان ولابد بعد مرور سنه من وفاة والدي اعادة بناء المدفن خصوصا ان في الجزء الخاص بالنساء وقع منه جزء من السقف فعلا

المهم من هنا بدأت مسألة التفكير في بناء مدفن شرعي مهما كلف الأمر
المدفن عندنا كان عبارة عن جزئين جزء على يمينك وهو البناء الذي يتم الدفن بداخله والجزء الأخر على شمالك وهو تقريبا نفس المساحة الأخرى وبزيادة كمان وهيا عبارة عن ارض فاضية لا يوجد بها اي شئ
فقولت انا هحفر القطعة الفاضية دي واعمل فيها المدفن الشرعي بحيث لما اخلصها انقل فيها رفات الموتى في المدفن القديم وبعدين اشتغل في المدفن القديم وقد كان

اولا : حفرنا بعمق 2 متر تقريبا وعملنا قميص خرساني على حواف القطعه كلها وبعدين جزئتها جزئين
جزء على اليمين وجزء على الشمال وبينهم طرقة صغيرة ده كله في الجزء الفاضي من المادفن فقط وليس المدفن كله يبقى قطعة الأرض الفاضية دي دلوقتي بقت عبارة عن جزئين
بدأت ابني بطوب اسمنتي وليس طوب احمر
وحددت مكان للدفن في الجزئين وبعد ما تم بناء الجدران بارتفاع تقريبا حوالي 80 سم من القاع اللي هو بعمق 2 متر تقريبا من الأرض
بدأت اعمل صبه خرسانية فوق كل جزء بحيث يغطي على كل جزء ولكن لو افترضنا ان المساحات اللي اتعملت كانت كالتالي 2 متر طول في 80 سم ارتفاع في 1.4 متر عرض
فالصبة الخرسانية كانت نفس المقاسات ولكن العرض اقل يعني مثلا بدل ما يكون عرضها 1.4 متر يكون 1.2 متر او 1.1 متر فقط
بكده هيكون الصبة الخرسانية من فوق راجعه للخلف وده لسبب اني بعمل دور تاني فوقيهم ايضا وفوق الصبة دي هيتحط رمل وبرضه هتعمل ارتفاع 80 سم تقريبا وتعمل صبة سقف على كل المدفن وبعد كده هتردم فوقه التراب ويبقى كله تحت الأرض مع العلم ان الفاصل بين الجزئين المشار اليهم عبارة عن طرقة لا يتم صب فيها اي صبة خرسانية يعني بتبقى مفتوحه للسما علشان تقدر تنزل فيها وتدفن من خلالها على يمينك وشمالك فوق وتحت
يبقى الجزء ده دلوقتي بقه اربع اجزاء كل واحد منهم ياخد من اتنين الى ثلاثة
وسبب اني بعمل كده علشان لا يتم تحريك احد الموتى بعد ذلك من مكانه يعني اللي يدفن خلاص محدش يحركه ولا يفتح عليها الا لو بيدفن احد معاه فقط
اما غير ذلك فلا

وده افضل حل قدرت اوصل اليه في وضع بلدنا بسبب المياه الجوفية الغزيرة جدا
ملحوظة الدور الثاني بيبقى ارضيته اللي هيا سقف الدور الأول مش مقفولة كلها للآخر لأني تركت جزء حوالي 0.4 سم مفتوح الى الأرض بحيث ميبقاش معزول خرسانيا تماما وبكده يبقى له تنفيس للأرض

انا عارف ان الموضوع شرحه مش اد كده ولكن اي استفسارات او توضيحات انا موجود ان شاء الله

[zago]

كل سنة وانتى طيبة
هاخد بس جزء زيارة اول يوم العيد للمقابر
ان شاء الله انا نازل اصلى العيد ثم اذهب لزيارة اهلى المتوفيين ومدفونين بالمقابر
لان انتى عارفة الواحد المفروض يزور اهله فى العيد
طب اعمل ايه انا وكل اهلى متوفيين

ابقى زور اصحابك
ربنا يعينك
معلش
صعبت عليا
طب ابقى تعالى زورني وانا افسحك ياباشا
كمان فعلا يوم العيد واهلك متوفيين كده يبقى نكد وهم كبير قوي على حضرتك
معلش ياباشا الله يعينك

[hany_mohamed]

ابقى زور اصحابك
ربنا يعينك
معلش
صعبت عليا
طب ابقى تعالى زورني وانا افسحك ياباشا
كمان فعلا يوم العيد واهلك متوفيين كده يبقى نكد وهم كبير قوي على حضرتك
معلش ياباشا الله يعينك

شكرا يا باشا على شعورك صحابى يا اما بيزورا اهاليهم او اهاليهم بتزورهم مينفعش ابقى بارشوت
وهو لا نكد ولا حاجة ده قضاء ربنا ولا راد لقضائة
الفكرة بس افتقاد حنية الكبير الاب -الام -الجد الجدة -العم او الخال
اما الاخوة ومن من منزلتهم من الاصدقاء فدول مليين الدنيا عليا فعلا
والصورة مش قاتمة اوى برضه
لان ربنا موجود
وكتر خيرك على دعوتك لى وكل سنة وحضرتك طيب