سؤال عن الدبلومة الأمريكية علشان في واحد مجننا

[Ahmed Samy]

دلوقتي يا جماعة الخير

في شاب صغير قريبي خلص "بالسلامة" اولى ثانوي

و بدأ يصطدم بموجات دروس الثانوية العامة

و هو من الأخر مش بتاع تعب و لا بتاع مذاكرة

طبعا في امال من والده ووالدته انه يدخل احد كليات القمة لأنه الولد الوحيد على 3 بنات
اظن الصورة واضحة

البيه الصغير بتاعنا مش عاجباه الثانوية العامة بسلاطاتها بباغنوجها

و مؤمن تماما انه لو دخلهل هايفشل


ليه ؟ هو كده اصلها صعبة قوي

المهم ان واحد زميله عملها و قدم في الدبلومة الأمريكاني

و من ساعتها وهو على نغمة واحدة

ماخدوش يابابا ...ماخدوش يابابا .... ماخدوش يابابا

و محسسنا الدبلومة دي جنة الله في الأرض (زي ما زميله فهمه)

انا قريت عنها شوية بس كلام نظري من شرح المناهج و الامتحانات

بس انا عايز اعرف اراء حية من خبرات او معرفة

فين الخازوق في الموضوع ده

هو في الانجليزي

ولا نسبة القبول

ولااااااااا

الحوار ده خازوق فري زي عروض اتصالات ؟؟؟؟؟؟؟!!!!!!!!!!


طبعا انا رأيي مطلوب و قلت استعين بأصدقائي اللي عارفين دبة النملة بالصلاة على النبي

[Dr.Karim Emam]

بص يا سيدي

أولا المدارس اللي فيها الدبلومه الأمريكيه مابترفضش حد عشان بيقبضوا جامد

الديلومه الأمريكيه دي بتنقسم لحاجتين SAT 1 & SAT 2
SAT 1 ده بيكون English & Math
طبعا الEnglish مش ساهل يعني لو كان في مدرسه عربي هيعاني جدا
أما لو كان في مدرسة انجليزي فهيقدر يتعامل مع الدراسة

ال Math مش صعب يعني لو يشغل مخه هيجيب درجه عاليه

SAT 2 ده بيبقى عبارة عن 2 مواد هو بيختارهم على حسب الكليه اللي هو عاوز يدخلها
يعني لو عاوز طب بيختار مثلا Biology و ده لازم و ياخد معاها مادة تانيه بيحبها عشان ترفعله المجموع كيمياء بقى فيزياء تاريخ أي حاجه
لو عاوز هندسه يبقى يختار MATH 2 و ياخد معاها برده ماده كما سبق

و لو هو مش محدد عاوز يدخل كلية إيه يبقى ياخد BIOLOGY & MATH 2 عشان يبقى مسك العصايه من النص

و طبعا المواد دي مش بصعوبة ولا بغباء الثانويه العامه
يعني مفيش حاجه اسمها احفظ و خش اطرش اللي انت حفظته في الامتحان

الأسئلة كلها MCQ(Multiple Choice Questions) وا عدا الانجليزي بيبقى فيه كتايه و MCQ

هو المفروض في Grade 11 اللي هي تانيه ثانوي بيدخل الSAT 1 و في Grade 12 بيدخل SAT 2 (جرى العرف على كده)

السنه بيبقى فيها 6 امتحانات و بيبقى يوم السبت
هو من حقه يخش ال6 امتحانات لو عاوز يزود مجموعه
لكن لو هو شايف انه جاب اخره و مش عاوز يدخل مافيش مشكلة
و بياخدوا اعلى درجه جابها في الامتحانات كلها
الامتحان بحوالي 100 - 150 دولار (مش متأكد من اللرقم بالظبط)

طبعا لازم ينجح في SAT 1 عشان يدخل SAT 2

و في الآخر مجموع SAT 1 بيتجمع مع SAT 2 و بيتحدد مجموعه

المدرسه بيكون ليها 40% من الدرجه النهائيه كأعمال سنه
و الSAT عليه 60%

و ليهم طبعا تنسيق لوحده هما و ال أي جي و الجماعة بتوع الدول العربيه تحت مسمى الشهادات المعادلة

[SHNORY]

الخازوق في الثانويه العامه
اللي بتتعملها ميزانيه دوله صغيره علشان الدروس
وبدل ما ياخدله دروس خصوصيه في 12 ماده
بيتهيالي فلوس البدلومه الامريكيه حتكون اقل من فلوس الثانويه العامه الحكوميه بدورسها
اللي بيتباع علشانها دهب البيت والناس بتقاطع اللحمه وملذات الحياه
علشان البيه ثانويه عامه

[نور القمر]

الحوار ده خازوق فري زي عروض اتصالات ؟؟؟؟؟؟؟!!!!!!!!!!

ليه جر الشكل ده
دلوقت تلاقي اللي يدخل الموضوع وياخد تار اتصالات منك

[nabaster]

بص يا سيدي

أولا المدارس اللي فيها الدبلومه الأمريكيه مابترفضش حد عشان بيقبضوا جامد

الديلومه الأمريكيه دي بتنقسم لحاجتين SAT 1 & SAT 2
SAT 1 ده بيكون English & Math
طبعا الEnglish مش ساهل يعني لو كان في مدرسه عربي هيعاني جدا
أما لو كان في مدرسة انجليزي فهيقدر يتعامل مع الدراسة

ال Math مش صعب يعني لو يشغل مخه هيجيب درجه عاليه

SAT 2 ده بيبقى عبارة عن 2 مواد هو بيختارهم على حسب الكليه اللي هو عاوز يدخلها
يعني لو عاوز طب بيختار مثلا Biology و ده لازم و ياخد معاها مادة تانيه بيحبها عشان ترفعله المجموع كيمياء بقى فيزياء تاريخ أي حاجه
لو عاوز هندسه يبقى يختار MATH 2 و ياخد معاها برده ماده كما سبق

و لو هو مش محدد عاوز يدخل كلية إيه يبقى ياخد BIOLOGY & MATH 2 عشان يبقى مسك العصايه من النص

و طبعا المواد دي مش بصعوبة ولا بغباء الثانويه العامه
يعني مفيش حاجه اسمها احفظ و خش اطرش اللي انت حفظته في الامتحان

الأسئلة كلها MCQ(Multiple Choice Questions) وا عدا الانجليزي بيبقى فيه كتايه و MCQ

هو المفروض في Grade 11 اللي هي تانيه ثانوي بيدخل الSAT 1 و في Grade 12 بيدخل SAT 2 (جرى العرف على كده)

السنه بيبقى فيها 6 امتحانات و بيبقى يوم السبت
هو من حقه يخش ال6 امتحانات لو عاوز يزود مجموعه
لكن لو هو شايف انه جاب اخره و مش عاوز يدخل مافيش مشكلة
و بياخدوا اعلى درجه جابها في الامتحانات كلها
الامتحان بحوالي 100 - 150 دولار (مش متأكد من اللرقم بالظبط)

طبعا لازم ينجح في SAT 1 عشان يدخل SAT 2

و في الآخر مجموع SAT 1 بيتجمع مع SAT 2 و بيتحدد مجموعه

المدرسه بيكون ليها 40% من الدرجه النهائيه كأعمال سنه
و الSAT عليه 60%

و ليهم طبعا تنسيق لوحده هما و ال أي جي و الجماعة بتوع الدول العربيه تحت مسمى الشهادات المعادلة

الراجل ده جاب المفيد

بس معلش ابقي صغر صورة التوقيع شويه علشان تنسيق الصفحات

الحوار ده خازوق فري زي عروض اتصالات ؟؟؟؟؟؟؟!!!!!!!!!!

ليه جر الشكل ده
دلوقت تلاقي اللي يدخل الموضوع وياخد تار اتصالات منك

هتجيب الكلام لنفسك يا دكتور :)

ولو اني عارف ان الحساب بينكم مش بيكون هنا

بس انا عايز اعرف الخزوق كان في انهي عرض بظبط

لان الي اعرفه ان اتصالات عروضها مفيهاش (ان) هههههههههههه

A.Yakout

[osoliman88]

طيب عندي كام سؤال يا دكتور كريم باشا:
الأول: من سن كام ممكن الواحد يدخل إبنه الدبلومة الأمريكية،
السؤال الثاني: وما الفرق بينها وبين الدبلومة الكندية. وأيهما أفضل؟
السؤال الثالث: لو أنا عاوز أدخل إبني الجامعة الأمريكية - في رأيك - يبقى الأفضل الدبلومة الأمريكية من الثانوية العامة العادية؟
السؤال الرابع: المصاريف بتبقى كام تقريبا.
السؤال الخامس: كم عدد سنوات هذا النوع من الدبلومات؟

شكرا يا باشا على سعة الصدر، ومتأسف على الآسئلة الكتير، وكل سنة وحضرتك طيب؟

[Ahmed Samy]

ليه جر الشكل ده
دلوقت تلاقي اللي يدخل الموضوع وياخد تار اتصالات منك

هتجيب الكلام لنفسك يا دكتور :)

ولو اني عارف ان الحساب بينكم مش بيكون هنا

بس انا عايز اعرف الخزوق كان في انهي عرض بظبط

لان الي اعرفه ان اتصالات عروضها مفيهاش (ان) هههههههههههه

A.Yakout

لا لا

خازوق فري يعنى مافيهاش زي oil free كده

احنا نقدر نيجي جنب الناس بتوع منير برضه
و بعدين انا عميل more دلوقتي و باكلم 900 مش اي حد يعني




نرجع لموضوعنا بقى

المدرسه بيكون ليها 40% من الدرجه النهائيه كأعمال سنه
و الSAT عليه 60%

و ليهم طبعا تنسيق لوحده هما و ال أي جي و الجماعة بتوع الدول العربيه تحت مسمى الشهادات المعادلة

بجد بجد كلام جميل و مبسط

نيجي للعبة

يعنى المدرسة ممكن تفقع الواد ال40 و 60 المية دول كدهو سفلقه !!
وهل ده بيحصل لأنه يبقى الصراحة يعنى ........كويس ماهو قريبي برضه


النقطة التانية

هم ليهم كوته في التنسيق

الكوتة دي في مصلحتهم يعنى اماكن كويسة ولا بتخنق الأماكن عليهم

سؤاااااااال أخير هو المجموع الكلي من كام لأني شفت مثلا طب اسنان واخده من 114 و كسور كتيرة كده

[أحمد كمال]

ليه جر الشكل ده
دلوقت تلاقي اللي يدخل الموضوع وياخد تار اتصالات منك

الراجل ده جاب المفيد

بس معلش ابقي صغر صورة التوقيع شويه علشان تنسيق الصفحات




هتجيب الكلام لنفسك يا دكتور :)

ولو اني عارف ان الحساب بينكم مش بيكون هنا

بس انا عايز اعرف الخزوق كان في انهي عرض بظبط

لان الي اعرفه ان اتصالات عروضها مفيهاش (ان) هههههههههههه

A.Yakout

محدش فاهمك غيري يا سامي

يا جماعة خازوق فري يعني Khazoo2-Free (نعتذر عن استعمال الفرانكو للسيد المشرف و ذلك بشكل محدود و لتوضيح المعنى لا أكثر) يعني خالي من الخوازيق

يعني الراجل بيشكر في عروض اتصالات مش بيذم

[أحمد كمال]

الكوتة مش في مصلحتهم

لان الشهادات المعادلة (IGCSE, American Diploma, Abitur ...etc.) بالاضافة الى الوافدين (ابناء المغتربين الحاصلين على الثانوية العامة من الدول العربية و الاجنبية) كلهم على بعض ليهم 10% من المقاعد في أي كلية ......

[Ahmed Samy]

حلو ........

عددهم بقى اكتر من ال 10% دول ؟؟؟

[نور القمر]

لا لا

خازوق فري يعنى مافيهاش زي oil free كده

احنا نقدر نيجي جنب الناس بتوع منير برضه
و بعدين انا عميل more دلوقتي و باكلم 900 مش اي حد يعني
:s_thum1[1]:

محدش فاهمك غيري يا سامي :y_hi_3[1]:

يا جماعة خازوق فري يعني khazoo2-free (نعتذر عن استعمال الفرانكو للسيد المشرف و ذلك بشكل محدود و لتوضيح المعنى لا أكثر) يعني خالي من الخوازيق

يعني الراجل بيشكر في عروض اتصالات مش بيذم :c_laugh[1]:

خسارة كان نفسنا في خناقة

[البرنس]

أنا بقي أقولك الخازوق فين و بكل أمانة لأني كنت دبلومة أمريكية و بعدين دخلت الجامعة و أديني في 4 أهو
بص هما خوازيق مش واحد بس لوحده
أولا الأمريكن فيها دروس في مواد SAT1 اللي هما ال English و ال Math زي الثانوية العامة بالظبط و لو مخادش دروس ادي دقني لو فلح فالموضوع نفس موضوع الثانوية العامة بخصوص الدروس بس الفرق إن هنا بتاخد في مادتين بس , بس نسبة الدروس بتختلف من واحد ميح دا بياخد دروس كتير و واحد بيفهم و يذاكر و تمام دا ممكن يمشي حاله بحاجة بسيطة و خلي بالك إنت ممكن تفتكر إنو أية يعني دا إنجليزي و حساب و أنا مدارس لغات و الكلام ده هيبقي سهل لا بالعكس دا هيبقي غير أي إنجليزي شوفته في حياتك و هو تقريبا أصعب حاجة في الأمريكن كلو بس الحساب بيكون عادي مش خزعبلي و لا حاجة

نييجي للخازوق التاني هو إنك بتتخرج معاك كمية معلومات بسيطة أقل بكتير من بتوع الثانوية العامة و تروح داخل الكلية تلاقي إن مواد سنة أولي الناس خدتها في Ig و ثانوية عامة و إنت يا عيني عليك أول مرة تشوف الكلام دا دا غير إن الدكاترة بيكونوا متخيلين إنك مفروض تكون واخد الكلام دا قبل كده و هتلاقي نفسك بتلف حوالين نفسك علشان تفهم و لو إنت بتاع دلع مش بتاع مذاكرة أولي دي ممكن تشيلها لا قدر الله فتاخد بالك من الموضوع ده و علي فكرة الكلام ده في أول سنة بس بعد كدة بقيت السنين مبتفرقش كله بيبقي سواسية

نيجي للخازوق التالت بقي إنه ممكن يجيب نمرة وحشة في ال SAT ساعتها هيقولك دخلني جامعة خاصة و إدفع بقي يا معلم و يبقي دفعت دم قلبك في الأمريكن و في الجامعة الخاصة وممكن برضوا يبص يلاقي إصحابة داخلين جامعات خاصة يقولك أنا عايز ادخل معاهم و دي برضو مشكلة بس الحل إنو يا إما يذاكر كويس يا إما يدخل ثانوي و بعدين يجيب اللي يجيبه و يدخل بيه جامعة خاصة عل طول فا لازم تقعد معاه قبل ما يدخل و تفهمه النقطة دي

نيجي بقي لاخر خازوق خلاص الحمدلله المحروس إتخرج من الأمريكن و جاب مجموع عالي يدخله صيدلة القاهرة و جيه و قالك أنا سمعت إن الجامعة الألمانية مثلا بتعمل تخفيضات و منح للمتفوقين و أنا عايز اروح اقدم و تروح بقي تصتدم بالحقيقة المرة إنهم بيعملوا الموضوع دا لبتوع ثانوية عامة أكتر حاجة يعني ممكن تبقي جايب 96 و لا حاجة و تاخد 50% خصم و هي اصلا مدخلكش صيدلة أما لو جايب مجموع صيدلة القاهرة في امريكن و راح يقدم في الألمانية مش هايخد ولا تعريفه خصم لازم تكون جايب مجموع خزعبلي علشان يدخلوك بخصم

ودي يا باشا كل الخاوازيق بس في مجملها هي سهلة أسهل من الثانوية العامة بكتيييييييير بس بس ياخد بالو من الخوازيق و كلة هيبقي تمام

[Dr.Karim Emam]

طيب عندي كام سؤال يا دكتور كريم باشا:
الأول: من سن كام ممكن الواحد يدخل إبنه الدبلومة الأمريكية،
من اول أولى حضانة و ممكن بيبي سكول كمان
السؤال الثاني: وما الفرق بينها وبين الدبلومة الكندية. وأيهما أفضل؟
بصراحه ماعرفش انا اول مره اسمع عن الكنديه دي؟!!
السؤال الثالث: لو أنا عاوز أدخل إبني الجامعة الأمريكية - في رأيك - يبقى الأفضل الدبلومة الأمريكية من الثانوية العامة العادية؟
هو طبعا مادام حضرتك ناوي على الجامعة الامريكيه فقدامك حل من اتنين
اولهم تدخله الدبلومه الامريكيه من الحضانه و تريح نفسك من اول المشوار
او تدخل مدرسه لغات او انترناشيونال محترمه و لو عاوزه ياخد ثانويه عامة ماشي بس ماتقرصش عليه قوي عشان كده كده المجموع مش هيفرق معاه قوي

و بصراحه انا مانصحش بالدبلومه الامريكيه من الحضانه عشان ماتزعلش لما تلاقى ابنك خلص ما يوازي المرحله الابتدائيه و مش عارف يقرا كلمتين عربي على بعضهم عشان مابيهتموش بالعربي قوي طبعا
السؤال الرابع: المصاريف بتبقى كام تقريبا.
طبعا بتختلف من مدرسة لاخرى بس مش اقل من ١٠٠٠٠-١٥٠٠٠ على ما اعتقد
السؤال الخامس: كم عدد سنوات هذا النوع من الدبلومات؟

هما 12 Grade
شكرا يا باشا على سعة الصدر، ومتأسف على الآسئلة الكتير، وكل سنة وحضرتك طيب؟
و حضرتك طيب

[Dr.Karim Emam]

أنا بقي أقولك الخازوق فين و بكل أمانة لأني كنت دبلومة أمريكية و بعدين دخلت الجامعة و أديني في 4 أهو
بص هما خوازيق مش واحد بس لوحده
أولا الأمريكن فيها دروس في مواد SAT1 اللي هما ال English و ال Math زي الثانوية العامة بالظبط و لو مخادش دروس ادي دقني لو فلح فالموضوع نفس موضوع الثانوية العامة بخصوص الدروس بس الفرق إن هنا بتاخد في مادتين بس , بس نسبة الدروس بتختلف من واحد ميح دا بياخد دروس كتير و واحد بيفهم و يذاكر و تمام دا ممكن يمشي حاله بحاجة بسيطة و خلي بالك إنت ممكن تفتكر إنو أية يعني دا إنجليزي و حساب و أنا مدارس لغات و الكلام ده هيبقي سهل لا بالعكس دا هيبقي غير أي إنجليزي شوفته في حياتك و هو تقريبا أصعب حاجة في الأمريكن كلو بس الحساب بيكون عادي مش خزعبلي و لا حاجة

نييجي للخازوق التاني هو إنك بتتخرج معاك كمية معلومات بسيطة أقل بكتير من بتوع الثانوية العامة و تروح داخل الكلية تلاقي إن مواد سنة أولي الناس خدتها في Ig و ثانوية عامة و إنت يا عيني عليك أول مرة تشوف الكلام دا دا غير إن الدكاترة بيكونوا متخيلين إنك مفروض تكون واخد الكلام دا قبل كده و هتلاقي نفسك بتلف حوالين نفسك علشان تفهم و لو إنت بتاع دلع مش بتاع مذاكرة أولي دي ممكن تشيلها لا قدر الله فتاخد بالك من الموضوع ده و علي فكرة الكلام ده في أول سنة بس بعد كدة بقيت السنين مبتفرقش كله بيبقي سواسية

نيجي للخازوق التالت بقي إنه ممكن يجيب نمرة وحشة في ال SAT ساعتها هيقولك دخلني جامعة خاصة و إدفع بقي يا معلم و يبقي دفعت دم قلبك في الأمريكن و في الجامعة الخاصة وممكن برضوا يبص يلاقي إصحابة داخلين جامعات خاصة يقولك أنا عايز ادخل معاهم و دي برضو مشكلة بس الحل إنو يا إما يذاكر كويس يا إما يدخل ثانوي و بعدين يجيب اللي يجيبه و يدخل بيه جامعة خاصة عل طول فا لازم تقعد معاه قبل ما يدخل و تفهمه النقطة دي

نيجي بقي لاخر خازوق خلاص الحمدلله المحروس إتخرج من الأمريكن و جاب مجموع عالي يدخله صيدلة القاهرة و جيه و قالك أنا سمعت إن الجامعة الألمانية مثلا بتعمل تخفيضات و منح للمتفوقين و أنا عايز اروح اقدم و تروح بقي تصتدم بالحقيقة المرة إنهم بيعملوا الموضوع دا لبتوع ثانوية عامة أكتر حاجة يعني ممكن تبقي جايب 96 و لا حاجة و تاخد 50% خصم و هي اصلا مدخلكش صيدلة أما لو جايب مجموع صيدلة القاهرة في امريكن و راح يقدم في الألمانية مش هايخد ولا تعريفه خصم لازم تكون جايب مجموع خزعبلي علشان يدخلوك بخصم

ودي يا باشا كل الخاوازيق بس في مجملها هي سهلة أسهل من الثانوية العامة بكتيييييييير بس بس ياخد بالو من الخوازيق و كلة هيبقي تمام

فعلا الجزئية بتاعة الجامعة الخاصه دي مهمة جدا لانه هيلاقي مستويات عالية و ناس مش فارقه معاها الفلوس و يدخلوا جامعات خاصة
انا و الله العظيم اعرف ناس كانوا بيدفعوا حوالي ٣٠ الف في السنه في الاميريكان و كانوا ادبي
يعني اخدوا في SAT 2 تاريخ و اي حاجه تانيه
ناس داخله تريح دماغها

لكن طبعا في نفس الوقت هتلاقي ناس دافعة دم قلبها عشان الواد يدخل طب او هندسه

[Dr.Karim Emam]

بجد بجد كلام جميل و مبسط

نيجي للعبة

يعنى المدرسة ممكن تفقع الواد ال40 و 60 المية دول كدهو سفلقه !!
وهل ده بيحصل لأنه يبقى الصراحة يعنى ........كويس ماهو قريبي برضه
هو غالبا الدرسه بتدي درجاتها كلها
يعني الواد الضايع اللي ضاربها طبنجه هياخد ٣٦ او ٣٧
لكن المدرسه ماتقدرش تقرب ناحية ال٦٠%بتوع امريكا عشان لو اللجنة بتاعة الامتحانات في امريكا شمت خبر الرخصة هتتسحب من المدرسه فورا

النقطة التانية


هم ليهم كوته في التنسيق

الكوتة دي في مصلحتهم يعنى اماكن كويسة ولا بتخنق الأماكن عليهم

سؤاااااااال أخير هو المجموع الكلي من كام لأني شفت مثلا طب اسنان واخده من 114 و كسور كتيرة كده
هو طبعا فرصتهم افضل من الثانويه العامة بس طبعا مع زيادة الاعداد كل سنة الفرص بتقل

المجاميع فعلا بتبقى عاليه كده عشان هي ليها حسبة معينه
يعني اللي مايجبش فوق ال١٠٠% ده بيبقى حمار و يستاهل محاكمة عسكرية