هل تعتقد أن الله (سبحانه و تعالى) غضبان على مصر؟؟؟؟؟؟

[mikho83]

بصوا يا جماعة ما تزعلوش من الكلام اللي هاقوله ده، إحنا كلنا قاعدين منتظرين اللي يجيب لينا القمح ويمحو الفساد من البلد واللي مش قادرين نستوعبه إن احنا اللي لازم نعمل كده ولو ما عملناش كده يبقي ما فيش تغيير في حياتنا أبدا عارفين من غير زعل هانبقي عاملين زي مين؟؟؟؟؟؟؟
هانبقي عاملين زي ما بني اسرائيل كانوا بيعملوا مع الأنبياء "قالوا يا موسي إنا لن ندخلها ابدا ما داموا فيها فاذهب أنت وريك فقاتلا إنا هاهنا قاعدون" " يا موسي ادع لنا ربك يخرج لنا مما تنبت الأرض من بقلها وقثائها وفومها وعدسها وبصلها"
الشاهد إنهم عايزين كل حاجة علي الجاهز بصراحة زينا بالضبط. أنا آسف للإطالة

[n_i_t_e]

ايه الكرابيج دي؟؟ خلاص بقينا أوحش ناس فى الدنيا و بنتحاسب على الجرايم اللى بنعملها؟ و اللى فتح عينه عالدنيا من كام سنة و الوضع كده بيعانى منه بيتحاسب برضه؟ على أساس انه لحق أصلا يعمل خير أو شر!

عايزين نصيحتى متحملوش نفسكم فوق طاقتها....أحنا فى المنتدي هنا اللى مخلي تفكيرنا متقارب اننا بننتمي للطبقة المتوسطة اللى عليها ضغط جامد جدا فى المجتمع ده. يعنى أنا عايز أقول أن كلنا حاسيين نفس الأحساس من نفس الوضع. ليه ناخد الموضوع سوء ظن بالله سبحانه و تعالى؟. الرحمن بيقول فى حديث قدسي (أنا عند ظن عبدي بى..فليظن عبدي بى ما يشاء). ممكن يكون فى تقصير مننا بس احنا احسن من غيرنا و ربنا سبحانه و تعالى لا يريد بنا السوء و مش شرط يكون غضبان علينا. لو مطلوب منى أقدم تفسير للموضوع ده هأقول مش عارف أحنا وضعنا ايه ادام ربنا بس مش هخلى بالى يروح للتفكير السلبى ده. ممكن التفكير ده يوصل ببعضنا من اليأس و تأثر الحالة النفسية...صح؟ :)

[SaberMan]

صح كلامك يا استاذ mikho83 ياريت نكون من الناس البتحاول تصلح فى الدنيا ما فسد

[kok3]

فيه ايه بتقول ولقد خلقنا الانسان فى كبد والله انا ساعات بحس ان الايه دى نزلت للمصريين بس اشمعنى يعنى قطر ولا الكويت ولا السعوديه وغيرهم كتير مش عايشين فى كبد ولا كبد دا بتاع الشعب المصرى بس لما كبده اتهرى بجد من اللى بيحصل

[hamann]

فيه ايه بتقول ولقد خلقنا الانسان فى كبد والله انا ساعات بحس ان الايه دى نزلت للمصريين بس اشمعنى يعنى قطر ولا الكويت ولا السعوديه وغيرهم كتير مش عايشين فى كبد ولا كبد دا بتاع الشعب المصرى بس لما كبده اتهرى بجد من اللى بيحصل

السلام عليكم و رحمة الله و بركاته

أنا ماسفرتش دولة فى الخليج الا السعودية و كنت بحس أن رغم أن فيهم ناس كتير عصاة و جهلة و ظالمين, الا أن ربنا كارمهم و موسع عليهم, عشان هما بيحرصوا على أنهم يطبقوا شرع ربنا فى الأرض بقدر الامكان و ليس بشكل كامل ,و أنهم لا تنطبق عليهم الآيه اللى بتقول ( إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ), لأنهم مش زينا, لأن أنا بعتبر أننا من المجاهرين بالفاحشة من أول المراقص و الكباريهات اللى فى شارع الهرم و المساخر اللى بتحصلفيه و فى شرم الشيخ و أماكن تانية كتيييييييييييييير جوه مصر و تجارة الخمور اللى القانون لا يجرمها و باقى البلاوى اللى بتتعمل فى مصر , أنا أحيانا بحس أننا و العيادبالله , زى مانكون بنعاند مع ربنا ( سبحان الله و تعالى عما يقولون علوا كبيرا )

ربنا يهدى حكامنا الى مافيه الخير لنا و للمسلمين .

hamann

[ahmed88hassan]

الله اعلم

+1

[youssefmustang]

ربنا أكيد غضبان على الفساد
و بالتالي غضبان على الشعب اللي سايب الفساد براحته

مظبوط واضيف كمان فئة من الشعب والشباب عاجبها الفساد حشيش وحريم وبلطجة وخروج عن القانون
مصر عايزة قنبلة ذرية فكرة عشان الشعب يتعدل
الشعب المفروض يغير فكرة "لا يا عم خلينى فى حالى ورا الحيط"

[MaZaGAngeE]

الإجابة ؛ لا
نتيجة الفساد من بداية الثوره المشؤمة لحد النهارده اللي بيحصل طبيعي . لكن ربنا بيرسل لينا اشارات انه خلاص كده الانهيار على جميع المستويات يا مصريين معناه انه جاء الوقت للثوره الشعبية البيضاء لأن صبركم اكتر من كده معناه بداية غضب الله علينا ....

ربنا من رضاه علينا بيقولنا اتحركوا بقى