مذكرات موقوف هههههه

[Dr Ahmed]

قلبك جامد قوي ياباشا
نشوف وشك على خير
لا تقلق ستظل ذكراك في قلوبنا ما حيينا في هذا المنتدى
:c_laugh[1]:

والله منا عارف أرد على حضرتك أقول إيه

حضرتك جايز مش متابع الأقسام التانية غير كيا

--------

[FrozenFire]

اهلا اهلا بالساده الكرام اصدقائي الاعزاء اكتب اليك بعد العوده من منفي سيشيل مع الاخووة الاحرار و اخوة جيفارا الثوار والناس الحلوة دي
انا كنت قاعد في امان الله و بعد ما رديت علي اختي و نواره المنتدي الاستاذه لولي جاي ببص علي المنتدي من البلكونه لقيت باسم الله الحفيظ مقبوض عليا و قال ايه انت منفي و محظور ادور انا كتبت ايه ؟ عملت ايه؟ مش لاقي نطيت جري علي اخر مشاركه مع لولي قلت يا نهار اسود لكون كتبت حاجه بالغلط وانا تعبان من المذاكرة و الحمد لله لقيت كله سليم
المهم من هنا لهنا وكلت محامي و قرا الحكايه وعرف سر شويبس. طلع اني اتوقفت ليه ؟؟؟!!!!!!!!!!!!!
عشان كتبت مثل عربي فصيح شهير جدا اشهر من نار علي علم اكتبه تاني ولا دي فيها اعدام
استغربت بصراحه جدا و اتضايقت جدا جداااا بس مش مهم

انا متشكر جدا جدا لااداره لانها اوقفتني و ده اداني فرصه اشوف اصدقائي الاعزاء بيسالوا عليا و الحمد لله ده بيبين ان احنا عيله واحده
بجد متشكر جداا لكل من سال عليا و اتصل بيا و بشكر الاستاذه الرائعه نواره المنتدي و دينامو كيا الاستاذه لولي وطبعا عزيزي الطيب جدا المهندس حاتم والمهندس عمرو دول حكايه تانيه
وطبعا عزيزي جوست و الحلاوة الي كان بيبعتها مع الثوار وتامر باشا عزيزي ومحمد بك حمدي و الف مبروك علي الخطوبه و عقبال الجواز و خسارة اني كنت في الاسر لاني لو كنت هنا نبهتك قبل ما تقع في الجواز و الكلام ده و لو انه تكفير ذنوب يالا قضي اخف من قضي و ربنا يقويك
ابو زمل ازيك طبعا السجن للجدعان وكفايه واحد من الدكاترة بقي سوابق خلي بالك من نفسك انت بقي
yasso0101, M.ABDEEN متشكر بجد وزيارتكم للمنفي برضه عملت شغل
ابو ليلي دعواتك كانت بتوصلني وانا نايم علي البورش في المنفي هناك بلبس البحر ههههههه خلت الجو طراوة و اسمك عمل شغل جامد وواسطه عند السجان
عزيزي Khaled_Nowaihy انا زيك مش عارف ليه عشان ايه وازاي بس ماشي ومتشكر لذوقك و اهتمامك بجد

ده خاص بالسيد المشرف الي اوقفني:
ممكن افهم حضرتك اوقفتني ليه؟
ويعني ايه "ادب عام" ؟ ومين الي بيحكم ان ده ادب عام خروجا او مطوقا به؟؟
وهل المثل العربي الفصيح القديم الي كتبته خروج عن الادب العام؟؟؟ برغم اني استعلمت نقاط بدا من كلمه "الكلاب" حتي تبدو اكثر لطفا وبطبع الحال المثل العربي الفصيح ليس سبه او قذف و اعتقد ان حضرتك تعلم هذا

فاذا كانت الاجابه بطبيعه الحال هي نعم حيث انكم اوقفتموني فماذا يحدث اذا علقت علي احدهم بمثل " علي نفسها جنت براقش" او اردفت معلقا " ان البغاث بارضنا يستنسر" وما يكون تعليقكم في حال كتابي: "ان الجبان حتفه من فوقه"" وهناك الالاف من الامثله الفصحي التي اتمني ان تنتشر حرصا علي لساننا العربي الفصيح الي اراه يخبو و يضيع واري اقوالنا العربيه الاصيله تذبل و تذوي في مواجهه عبارات ما انزل الله بها من سلطان
حقيقه احس بالغضب و الانزعاج لما قمتم به
لا اعلم اذا كان الجزء الاخير سوف يتسبب في ايقافي مرة اخري ام لا؟
وشكرا للجميع

إسمح لي أنا حتكلم في حاجة تانية خالص بعيد عن موضوع الوقف
إسمح لي أن أشد على يدك وأرجو أن تتقبل لهيب يدي من كثرة التصفيق لك، فلكم أعجبتني غيرتك على لغتنا العربية التي إندثرت كنمور اللامور الآسيوية. فكما أنه لم يتبقى من تلك النمور سوى 400 نمر فأيضا تبقى أقل من 400 إنسان يعشقون ويدافعون عن لغتنا العربية.
رغم إجادتي التامة للإنجليزية والفرنسية، ومعرفتي الغير قليلة بالألمانية والأسبانية، إلا أنه لا يمس قلبي ولا يبكي عيني ولا يأخد بلبي سوى وقع كلمات العربية على أذني.
والسلام ختام

[night_phoenix]

دكتور حبيب قلبى العائد و الله واحشتنى أوى و أسف على تقصيرى مع سعادتك لأنى أخر 10 أيام فى رمضان كنت معتكف و كذلك كنت مشغول جدا بعد العيد و يادوب النهاردة بدأت أظهر .

و لو إن أنا واخد على خاطرى منك لأنى حضرت الكحك و البيتى 4 و إستنيت سعادتك تدينى العنوان بس سعادتك إديتنى سكه و أدى وش الضيف ....... وقال على رأى المثل : ....... ولا أقولك بلاش لحسن قانون الطوارىء شغال على ودنه .

ألف حمد لله على سلامتك ياغالى يا منورنا ....... و سعد سعد يحيا سعد سعد سعد يحيا سعد

يا حبيبي سامحني انا اتقفشت فجاه 60 قلم علي غفله ههههههههههههههه
وكمان بتقول علي راي المثل ....ههههه هيا نمور كيا اشترت حته في سيشل ولا ايه
لالا كده هنتخانق علي المنفي هوة عشان بقولكم كنت بلباس البحر وكده اه بس دي سيشل برضه
وبعدين ملكش عذر يا باشا عنواني معروف: سيشل الدور التاني

كل سنه ونت طيب

يا دكتور المنتدى نور
كمان إيه حكاية مقابلة فوق الاربعين دي مينفعش الكلام ده
لازم يبقى فيه استثناءات
ونظبط برده مكان محايد في المعادي بس بعيد عن الدور الثامن :)

ده نورك يا استاذه الي منور كيا و المنتديات الي حولها
و ياباشا انتي الي تعملي لينا استثناء مش احنا
انتي شاوري بس علي المكان و احنا تحت امرك ده شي يسعدنا كلنا يا استاذتنا الكريمه

الف حمد لله على سلامتك يا دكتور

مش تقولنا كنا فرشنالك الكيبورد بالسجاد الاحمر وفرشنا الماوس بالورود و كنا زينا الاسكرين بالورود و الله المنتدى نور بيك و انا مستهلش الكرم ده منك .

ونورت بيتك وكفاره يا كبيييييييييييييييير

وبالنسبه لموضوع الامثال العربيه انا حسيت ان المشرف اخد بظاهر الكلمه ( .......... ) مخدش معنى المثل العربي كله في الميزان.

وانا حسيت ان ده نوع من انواع درء الشبهات و الاخذ تحرى عاطل مع باطل والله اعلم يا ترة هنتوقف احنا كمان بسبب اللي احنا كتبناه ولا لاء

بس ده راي واشهد الله عليه

اشوف وشكم على خير ( احتياطي)

هههههههههههه يا جماعه ايه الحكايه المنتدي بقي عصابه كيا الثوريه ههههههههههههههههههههههه
عارف خايف يبقي الاصل ان احنا موقوفين والي يكون مسموح ليه ده نتخض عليه و نسال عليه
شويه و يكون موقعنا الرسمي سيشل دون نت
نشوفك علي خير كمان 15 بيبس (كنا في كليه الاحتياط الي ياخد 5 ايام حجز نقول اخد 5 بيبسي)
الفرشه جاهزة يا باشا وهما متوقعين حد مننا يوميا

[dak3]

هههههههههههه يا جماعه ايه الحكايه المنتدي بقي عصابه كيا الثوريه ههههههههههههههههههههههه
عارف خايف يبقي الاصل ان احنا موقوفين والي يكون مسموح ليه ده نتخض عليه و نسال عليه
شويه و يكون موقعنا الرسمي سيشل دون نت
نشوفك علي خير كمان 15 بيبس (كنا في كليه الاحتياط الي ياخد 5 ايام حجز نقول اخد 5 بيبسي)
الفرشه جاهزة يا باشا وهما متوقعين حد مننا يوميا

[night_phoenix]

إسمح لي أنا حتكلم في حاجة تانية خالص بعيد عن موضوع الوقف
إسمح لي أن أشد على يدك وأرجو أن تتقبل لهيب يدي من كثرة التصفيق لك، فلكم أعجبتني غيرتك على لغتنا العربية التي إندثرت كنمور اللامور الآسيوية. فكما أنه لم يتبقى من تلك النمور سوى 400 نمر فأيضا تبقى أقل من 400 إنسان يعشقون ويدافعون عن لغتنا العربية.
رغم إجادتي التامة للإنجليزية والفرنسية، ومعرفتي الغير قليلة بالألمانية والأسبانية، إلا أنه لا يمس قلبي ولا يبكي عيني ولا يأخد بلبي سوى وقع كلمات العربية على أذني.
والسلام ختام

اسمحلي انا الاي اشكرك وعلي فكرة انا زميل سعادتك _ مدرس م جراحه maxillofacial_ وصدقني انا حاسس بالاسي لكلام حضرتك اكن العربيه الفصحي دي عار انا الحمد لله الانجليزي بتاعي زي العربي بس الفرنسي ابيييييض وسعيد ان حضرتك ملم وتتقن اللغات دي كلها ومع ذلك العربيه لسه اللغه الام والله حرام اللغه دي المظلومه معانا... هنعمل ايه يا سيدي الكريم لله الامر من قبل ومن بعد
يالا علي راي احد الاعزاء مجتش علي دي

[dak3]

اسمحلي انا الاي اشكرك وعلي فكرة انا زميل سعادتك _ مدرس م جراحه maxillofacial_ وصدقني انا حاسس بالاسي لكلام حضرتك اكن العربيه الفصحي دي عار انا الحمد لله الانجليزي بتاعي زي العربي بس الفرنسي ابيييييض وسعيد ان حضرتك ملم وتتقن اللغات دي كلها ومع ذلك العربيه لسه اللغه الام والله حرام اللغه دي المظلومه معانا... هنعمل ايه يا سيدي الكريم لله الامر من قبل ومن بعد
يالا علي راي احد الاعزاء مجتش علي دي

ابقى سلم على رمزيه

[yasso0101]

هههههههههههه:s_thum1[1]: يا جماعه ايه الحكايه المنتدي بقي عصابه كيا الثوريه ههههههههههههههههههههههه
عارف خايف يبقي الاصل ان احنا موقوفين والي يكون مسموح ليه ده نتخض عليه و نسال عليه
شويه و يكون موقعنا الرسمي سيشل دون نت
نشوفك علي خير كمان 15 بيبس (كنا في كليه الاحتياط الي ياخد 5 ايام حجز نقول اخد 5 بيبسي)
الفرشه جاهزة يا باشا وهما متوقعين حد مننا يوميا

والله شكلها هيبقى في حركة اسما ( كفايه ........ سيراتوا )
هههههه
والله نورت و وصيتك المنتدى يا دكتور انا استحمل المنفى لكن انته يا دكتور منقدرش نستغنا عنك

اشوف وشكم على خير ( احتياطي )

[NoRmAl]

نورت المنتدى من جديد يا دكتور
وكفاره :)
مش عايزينك بقى تحط أى حاجه فى بالك وتهدى كدا يا دوك علشان متغبش عنا تانى :)
وبلاش تعليق على الوقف علشان مندخلش فى وقف تانى :))
أهلا بيك مجددا ونورت كيا كالعاده

[Dr Ahmed]

اسمحلي انا الاي اشكرك وعلي فكرة انا زميل سعادتك _ مدرس م جراحه maxillofacial_

فى أى كلية يا ترى؟

[ابو ليلى]

دكتور / اسامة حمدا لله على سلامتك ومنور بيتك وكنا مفتقدينك كتير وحصل خير

فى بعض الاعضاء دخلت فى كلام انا شايف انه مش مكانه هنا وهو التحدث بلهجه غريبة عن قوانين المنتدى وعقوباتها واسلوبها فى الادارة ....وارى اايضا تشبيهات غريبة وامثلة اغرب .

لان بكل بساطة لانعرف ما لنا وما علينا وتتحكم العواطف فى تقدير الامور والحكم عليها

الادارة فعلت ما عليها ورات ان الجملة فيها اهانة تطبيقا لما موجود فى قوانين المنتدى

ولذلك لا داعى مطلقا ان يتحول الموضوع من تهنأ بعودة د / اسامة الى نقد فى القرار .

[Samah AbdAllah]

قلبك جامد قوي ياباشا
نشوف وشك على خير
لا تقلق ستظل ذكراك في قلوبنا ما حيينا في هذا المنتدى
:c_laugh[1]:

على فكرة حضرتك
دكتور احمد عبدالغنى احد اعضاء مجلس ادارة المنتدى

[NoRmAl]

على فكرة حضرتك
دكتور احمد عبدالغنى احد اعضاء مجلس ادارة المنتدى

هو كان فاكره بيتكلم جد على الاداره ومفهمش أنه كان بيسخر من التلميح أن الاداره بتوقف على كفها

أنا مع أبو ليلى
الموضوع "كان" من المفترض يبقى ترحيب بعضو أتوقف ورجع
ولكن التعليق على الوقف "ودا مرفوض من الاساس" هو الى خلى الموضوع يحيد عن هدفه
علشان كدا أنا قلت لدكتور أسامه متعلقش على الوقف والى حصل حصل
خلينا نهنى دكتور أسامه على العوده من الوقف و let's keep it that way وبس

[yasso0101]

دكتور / اسامة حمدا لله على سلامتك ومنور بيتك وكنا مفتقدينك كتير وحصل خير

فى بعض الاعضاء دخلت فى كلام انا شايف انه مش مكانه هنا وهو التحدث بلهجه غريبة عن قوانين المنتدى وعقوباتها واسلوبها فى الادارة ....وارى اايضا تشبيهات غريبة وامثلة اغرب .

لان بكل بساطة لانعرف ما لنا وما علينا وتتحكم العواطف فى تقدير الامور والحكم عليها

الادارة فعلت ما عليها ورات ان الجملة فيها اهانة تطبيقا لما موجود فى قوانين المنتدى

ولذلك لا داعى مطلقا ان يتحول الموضوع من تهنأ بعودة د / اسامة الى نقد فى القرار .

انا موافقك يا ابو ليلى

حمد لله على السلامه يا دكتور

[mohamedwahid]

الحمد لله على رجوعك

[hamann]

فى بعض الاعضاء دخلت فى كلام انا شايف انه مش مكانه هنا وهو التحدث بلهجه غريبة عن قوانين المنتدى وعقوباتها واسلوبها فى الادارة ....وارى اايضا تشبيهات غريبة وامثلة اغرب .

السلام عليكم و رحمة الله و بركاته

غالبا , انا اللى مقصود بالكلام ده , أو على الأقل ده اللى أنا حسيته, ممكن يكون احساسى ده صح و ممكن يكون غلط .

على العموم , أنا فى المشاركة بتاعتى قولت رأيى بمنتهى الاحترام و الأدب و بدون المساس بأى حد, و أنا اعتقد أن حرية الرأى و التعبير بالأسلوب الخاص بكل عضو , هو حق مكفول لكل الأعضاء طالما انه فى حدود المعقول و الأدب و المنطق و ببساطة , لو كان رأيى مش عاجب الادارة , فممكن تحدفه و خلاص و حتى بدون ابداء أسباب .

شكرا و جزاكم الله كل خير .

hamann