مذكرات موقوف هههههه

[ابو ليلى]

السلام عليكم و رحمة الله و بركاته

غالبا , انا اللى مقصود بالكلام ده , أو على الأقل ده اللى أنا حسيته, ممكن يكون احساسى ده صح و ممكن يكون غلط .

على العموم , أنا فى المشاركة بتاعتى قولت رأيى بمنتهى الاحترام و الأدب و بدون المساس بأى حد, و أنا اعتقد أن حرية الرأى و التعبير بالأسلوب الخاص بكل عضو , هو حق مكفول لكل الأعضاء طالما انه فى حدود المعقول و الأدب و المنطق و ببساطة , لو كان رأيى مش عاجب الادارة , فممكن تحدفه و خلاص و حتى بدون ابداء أسباب .

شكرا و جزاكم الله كل خير .

hamann

وعليكم السلام ورحمة من الله وبركاته

استاذى الفاضل عندما ذكرت بعض الحالات التى حدثت فى الموضوع بالطبع لم اقصدك لشخصك ....ولكن من خلال قراتى للموضوع وجدت ان الموضوع خرج عن اطاره الطبيعى وهذا ما وضحته فى مشاركتى ..
.ولذلك وجب عليا وعلى اى عضو عندما يرى هذا ان يلفت النظر حتى لا تتطور الامور ويحدث وقف لاى عضو وللاسف الشديد وهو ما حدث واتوقف عضو فاضل معانا لمدة اسبوع وهذا ما كنت اخشى منه .

اما عن حضرتك فمن حقك ان تكتب وتبدى وجه نظرك فى اى موضوع هنا ولكن يجب ان لا ننسى اننا فى منتدى خاص للسيارات فقط ومع ذلك ادارة المنتدى مشكورة قامت بانشاء قسم خاص لغير السيارات ( القسم الاجتماعى ) للكتابة فيه فى اى شى بعيدا عن السيارات .
حضرتك ذكرت موضوع وانا شخصيا تألمت له جدا ولكن فى نهاية حديثك قارنت بين ما حدث مع صديقك ( الله يكون فى عونه ) وما حدث هنا فى المنتدى .....وهذا الذى اقصده فى سياق حديثى ان هنا ليس المكان المناسب ولا يصح من الاساس ان تتم المقارنة .
وفى النهاية اهلا وسهلا بيك بيننا فى بيتنا الثانى نايل موتورز .

[hamann]

حضرتك ذكرت موضوع وانا شخصيا تألمت له جدا ولكن فى نهاية حديثك قارنت بين ما حدث مع صديقك ( الله يكون فى عونه )...............

السلام عليكم و رحمة الله و بركاته

أنا متشكر جدا لمرورك الكريم و جزاك الله كل خير .

بس ماتقولش صديقى لبتوع أمن الدولة يسمعوك يفتكرونى معاه و أتشقط انا كمان

HAMANN

[mido1979]

* * * * تعوى والسيراتو تسير :)


تم حصولك على انذار مع عقوبة الوقف لمدة اسبوع لمخالفة القاعده 12
مشرف 12 أ
17/9/2010

شكرا

[night_phoenix]

شكرا

لا تعليق

[م. عمرو شرف]

فعلا الوقف فى المنتدى دا ظالم ومفترى ومحسسنى كده زى ما انتو بتقولوا إن أمن الدولة هى اللى بتخطف الأعضاء لله فى لله - هواية يعنى، كأن المشرفين بيدوروا على أى حد يتلككوله ويتوقف كده حبا فى الغلاسة

معرفش إيه ده .. إدارة فظيعة مش بتسمع حد ولا فيه قواعد ماشية عليها والقواعد المكتوبة مش بتتطبق على الكل .. تقريبا على المظاليم زيك وزى كريم منير و بس

حتى موضوع عبارة "القافلة تسير والكلاب تعوى" انا مش فاكر انه اتطبق إلا على حوالى 1000 واحد قبل صاحب الموضوع بس حاسس كأنه بيتطبق لأول مرة على الدكتور!

مش كده وبس .. دا حتى لو حد اتكلم وقلت له "القافلة تسير" حتى من غير أى حاجة بتعوى مش بيزعل ولا بيبعت تقرير مشاركة سيئة ولا عمر حد اشتكى من العبارة دى بالذات

إمتى هنخلص من الإدارة الظالمة دى مش عارف

دكتور / اسامة حمدا لله على سلامتك ومنور بيتك وكنا مفتقدينك كتير وحصل خير
.

الادارة فعلت ما عليها ورات ان الجملة فيها اهانة تطبيقا لما موجود فى قوانين المنتدى
.
..

أنا مش عارف قوانين الأداره لكن أيه رأى الأداره فى واحد (أو واحده ) كل ما الدكتور أسامه يكتب كلمه يعلق بأستهزاء زى المجموعه أللى جمعتها فى موضوع واحد لعضو واحد وداخل بـ 3 أسماء ( برجاء مراجعة كل مشاركات الدكتور أسامه فى كل مواضيع المنتدى )

هو أنا ممكن أدخل بأكتر من أسم؟ وفى وقت واحد
سؤال كمان
هو ممكن أحط أى صوره تحت كتابه لأى عضو

منتظر الرد وشكرا

:t_thum1[1]:

ابقى سلم على رمزيه

:t_thum1[1]::t_thum1[1]:

[م. حاتم السباعي]

السلام عليكم
انا بس بنشط الموضوع علشان حد يرد

و عليكم السلام ورحمة الله و بركاته

م.حاتم السباعي

[Dr Ahmed]

الظاهر د أسامة عارف مين اللى بيعمل كده فمش بيشتكى ولا بيعلق
------------------

ممكن أعرف من الأخ sharafconsult هو مقتبس مشاركتى ليه؟
هى لسه مش مفهومة لحد دلوقت صح؟

[م. حاتم السباعي]

وانا متوقع ان الدكتور اسامه زهق من هذه الافعال
وااثر السكوت لدماثة خلقه مش لانه يعلم مين صاحب التعليقات
السخيفة اللي لازم تتوقف حتي يسلم الاعضاء منها
او ان يظهر صاحبها علينا و يفهمنا ما نجهله من رموز يمكن حاجات حلوه واحنا منعرفش
زي رسالة الدكتور احمد اللي الناس كانت مفسراها غلط
حتي ان احد الاعضاء قال له اه والله عندك حق ميعرفش ان ده الحكومة كلها هههههه
عموما زي ما كلنا هنا اخوات نتمني ان من يعلق علي اي احد ان يعلق بما يحب و يرضي ان يعلق الاعضاء علي مشاركاته ان كان له مشاركات اصلا مش بس مجرد
وسلملي علي رمزيه الا هي مين رمزيه دي حد يعرف

م.حاتم السباعي

[Karim_Monir]

عشان كتبت مثل عربي فصيح شهير جدا اشهر من نار علي علم اكتبه تاني ولا دي فيها اعدام
استغربت بصراحه جدا و اتضايقت جدا جداااا بس مش مهم

ده خاص بالسيد المشرف الي اوقفني:
ممكن افهم حضرتك اوقفتني ليه؟
ويعني ايه "ادب عام" ؟ ومين الي بيحكم ان ده ادب عام خروجا او مطوقا به؟؟
وهل المثل العربي الفصيح القديم الي كتبته خروج عن الادب العام؟؟؟ برغم اني استعلمت نقاط بدا من كلمه "الكلاب" حتي تبدو اكثر لطفا وبطبع الحال المثل العربي الفصيح ليس سبه او قذف و اعتقد ان حضرتك تعلم هذا

فاذا كانت الاجابه بطبيعه الحال هي نعم حيث انكم اوقفتموني فماذا يحدث اذا علقت علي احدهم بمثل " علي نفسها جنت براقش" او اردفت معلقا " ان البغاث بارضنا يستنسر" وما يكون تعليقكم في حال كتابي: "ان الجبان حتفه من فوقه"" وهناك الالاف من الامثله الفصحي التي اتمني ان تنتشر حرصا علي لساننا العربي الفصيح الي اراه يخبو و يضيع واري اقوالنا العربيه الاصيله تذبل و تذوي في مواجهه عبارات ما انزل الله بها من سلطان
حقيقه احس بالغضب و الانزعاج لما قمتم به
لا اعلم اذا كان الجزء الاخير سوف يتسبب في ايقافي مرة اخري ام لا؟
وشكرا للجميع

وعليكم السلام ورحمه الله دكتور اسامه
ازاي بتقول انك بتحافظ على لغتنا العربيه لانها شيئ جميل
والاولى اننا نحافظ على صلتنا بالناس بتتعب وتسهر على راحتنا بدون مقابل
المشرف وقفك طبعا عشان المثل العربي اللي انت بتقول عليه
القافلة تسير والكلاب تعوي
ممكن تفسرلي مين هما الكلاب اللي قصدتهم في المثل اللي استشهدت بيه
لان ايا كان قصدك من اي عضو معانا يبقى الادارة عندها حق
ولو اللي في باللي بقى الموضوع اكثر من ذلك وهايخد منحنى اخر لا احبذه
للاسف لم اتوقع منك هجومك الاخير على ادارة المنتدى
منك انت خاصة وانت تعلم ما تفعله الادارة لك
تحياتي
كريم منير

[yasso0101]

حصل خير يا جماعه
و الدكتور اسامه نيته كانت خير و ادارة المنتدى نيتها برده خير بس المشكله ان كل واحد فهم غلط التاني و على العموم احنا كلنا اسره واحده و انتهى الموضوع وخلص الدكتور اسامه معانه و الحمد لله

[night_phoenix]

السيد كريم

وعليكم السلام ورحمه الله دكتور اسامه
ازاي بتقول انك بتحافظ على لغتنا العربيه لانها شيئ جميل
والاولى اننا نحافظ على صلتنا بالناس بتتعب وتسهر على راحتنا بدون مقابل
المشرف وقفك طبعا عشان المثل العربي اللي انت بتقول عليه
القافلة تسير والكلاب تعوي
ممكن تفسرلي مين هما الكلاب اللي قصدتهم في المثل اللي استشهدت بيه
لان ايا كان قصدك من اي عضو معانا يبقى الادارة عندها حق
ولو اللي في باللي بقى الموضوع اكثر من ذلك وهايخد منحنى اخر لا احبذه
للاسف لم اتوقع منك هجومك الاخير على ادارة المنتدى
منك انت خاصة وانت تعلم ما تفعله الادارة لك
تحياتي
كريم منير

السيد كريم طبعا الموضوع اصبح قديم لكن من حين لاخر بيتفتح
انا طبعا هاخد رساله حضرتك علي محمل طيب وان كنت حاسس فيها بهجوم لا احبذه لكن اعتقد وسيادتك متاكد اني بحافظ علي صلتي بالناس الي بتتعب و تسهر وطبعا حضرتك ود/احمد برضه عارف كويس ان مهنتي من اكتر المهن الي بتقدر و تفهم ده كويس اوي يعني ايه تعب و سهر وحرص علي راحه انسان و تخليصه من المه و مرضه في الحياه الواقعيه وبالتاكيد انا مش منتظر حد يفكرني بده و كل الاعضاء المحترمين كده برضه وحضرتك سيد العارفين ان المثل لما بيذكر بيكون امر مطلق وليس مقيد فاكيد انا لا اقصد احد بوصف كلب لان ده هوة الخروج عن الادب ولا اقصد فئه عينه تملك سيارة معينه او غيرة وفي الحاله دي يبقي الادارة معندهاش حق. ده بوصف كلامك (لان ايا كان قصدك من اي عضو معانا يبقى الادارة عندها حق) حيث اني لا اقصد احد
فطبيعي اني مش هقول علي حد كلب ده اكيد انت متاكد منه وو الدكتور احمد برضه متاكد منه وان كان هوة ميعرفنيش و انا كمان معرفوش و حسيت من رسالته بشويه سخريه هوة اكيد ميقصدهاش ولا انا غلطان؟؟

اما الي الجزء ده فانا الي محتاج من حضرتك تفسيرة (ولو اللي في باللي بقى الموضوع اكثر من ذلك وهايخد منحنى اخر لا احبذه) واتمني الجزء ده ميخلنيش انا ازعل من حضرتك لان لو توضيح حضرتك كان في حاجه تعتقدها في اسلوبي او اخلاقي يبقي انا كده الي ازعل والامر هياخد مني منحني انا الي لا احبه
اما هجومي الاخير بوصف سيادتك فده مش هجوم ده ابدا راي بقوة قد يبدو هجوم لكن هوة مش كده
واعتقد ان من حق اي عضو انه يعترض او يبدي استيائه من قرار اخده عضو من الادارة طالما الاعتراض هادي و موقر
وحضرتك طبعا بتفكرني بالي عملته الادارة وانت متاكد اني مش بنسي المواقف الكويسه المحترمه : اعتقد ان نزلت شكر خاص باسمك و الادراة اعترافا مني بتعاونها معي في موضوع العضو الي قامت بالتعليقات الي مش اد كده و دي فرصه اشكر حضرتك مرة تانيه علي انكم قمتم بالرد علي ايميلي و الاستجابه فورا و مسح التعليقات و قبول تغير اسم عضويتي و ان حضرتك فضلت ترد علي الايميل بتاعي لوقت متاخر
شكرا مرة تانيه لحضرتك و الادارة
اتمني اكون وضحت كلامي
تحياتي

[م. عمرو شرف]

الظاهر د أسامة عارف مين اللى بيعمل كده فمش بيشتكى ولا بيعلق
------------------

ممكن أعرف من الأخ sharafconsult هو مقتبس مشاركتى ليه؟
هى لسه مش مفهومة لحد دلوقت صح؟

أنا مش عارف قوانين الأداره لكن أيه رأى الأداره فى واحد (أو واحده ) كل ما الدكتور أسامه يكتب كلمه يعلق بأستهزاء زى المجموعه أللى جمعتها فى موضوع واحد لعضو واحد وداخل بـ 3 أسماء ( برجاء مراجعة كل مشاركات الدكتور أسامه فى كل مواضيع المنتدى )

هو أنا ممكن أدخل بأكتر من أسم؟ وفى وقت واحد
سؤال كمان
هو ممكن أحط أى صوره تحت كتابه لأى عضو

منتظر الرد وشكرا

د/أحمد أنا فاهم مشاركتك من الأول
وسبب وضعى لمشاركتك ومشاركة صديقى العزيز أبو ليلى لأنها بتتكلم عن قوانين المنتدى علشان كده قلت فى الأول أنا مش عارف قوانين المنتدى
فسؤالى عن وضع العضو أللى بيستهزأ بأى مشاركه للدكتور أسامه وهل قوانين المنتدى تمنع ده .
يعنى لو حد سخر من كتابه ليا لازم أشتكى ولا الأداره بتتصرف لوحدها وخصوصا لو ملاحظه أن العضو بيكرر أسمه 3 مرات فى مشاركه واحده وبنفس الأسم ونفس الصوره
ودى الأسئله أللى سألتها وكتبت تحتها منتظر الرد وشكرا

يعنى لو أبو ليلى صديقى العزيز بعد ما كتب الرد بتاعه رحت أنا علقت على الرد بتاعه بالرمز ده أو الرمز ده لازم هو يشتكى ولا الأداره بتتصرف لوحدها وخصوصا لو ده على كل تعليق له.
فى النادى لو حد من الأعضاء عمل تصرف خارج أدارة النادى بتوقفه بغض النظر لو فيه عضو أشتكى أو لأ .
مع تحياتى
م/عمرو شرف

[yasso0101]

وحدوا الله يا رجاله وصلوا على النبي كده الموضوع رجع تاني مصدقنا قفلناه خلاص بقى وياريت محدش يرد علشان الموضوع يختفي

[م.محمد علاء]

:t_thum1[1]: :t_thum1[1]:

إنت يا عم إنت عايز توصل لإيه؟؟؟؟؟؟؟؟؟؟خمس مشاركات وتلت عضويات عشان عايز إيه ؟؟؟؟؟؟؟
بتستفز الناس؟؟؟؟انا تابعت مشاركاتك..لقيتها ملهاش لازمه....
هل عندك حاجه مفيده تقولها ولا إنت داخل تلفت الإنتباه وبس؟؟؟؟

[Karim_Monir]

السيد كريم طبعا الموضوع اصبح قديم لكن من حين لاخر بيتفتح


اما الي الجزء ده فانا الي محتاج من حضرتك تفسيرة (ولو اللي في باللي بقى الموضوع اكثر من ذلك وهايخد منحنى اخر لا احبذه) واتمني الجزء ده ميخلنيش انا ازعل من حضرتك لان لو توضيح حضرتك كان في حاجه تعتقدها في اسلوبي او اخلاقي يبقي انا كده الي ازعل والامر هياخد مني منحني انا الي لا احبه

يمكن الموضوع قديم لكن اللي احياه كثرة التقارير السيئة التي وصلت بشانه ومجملها بيقول انه موضوع يحمل استهزاء بادارة المنتدى وده اللي لفت نظري له ليس اكثر

اما المقصد الاخر فانتفى بتوضيحك لمقصدك بالمطلق العام بالمثل
وان كان ايضا غير مرغوب به على صفحات منتدانا
فانت اكثر العالمين اننا نود الحفاظ على صفحات منتدانا راقية بما يكفي ويكفينا ما نعانيه من الشارع وما يرد الينا منه

اما عن شكرك لي فلم افعل الا ما يمليه على ضميري
تحياتي
كريم منير