باك سبيس يا نايل موتورزية

[Samah AbdAllah]

بالظبط
معظم المواضيع الحريمي
تلاقي أول الردود فيها ...من البنات
....

وبعيد عن الموضوع خالص
أنا ليا ملحوظة صغيرة خااااااااالص
البنات مش عاوزين يعترفوا بالتفوق الفطري للرجل

بغض النظر عن ان ده مش موضوعنا وممكن يزعل علا مننا
الا انى هرد عليك يا احمد
مش ممكن ننكر ان فى فرق بين الرجل والمرأة
وفى تفوق فطرى للرجل فى امور
هناك امور يتحملها الرجل لا تتحملها المرأة
وامور قدرها الله للمرأة لا يتحملها الرجل
ولهذا عندما جاء رجل إلى النبي صلى الله عليه وسلم يسأله: من أحق الناس بصحبتي؟ قال: أمك. قال: ثم من؟ قال: أمك. قال: ثم من؟ قال: أمك. قال: ثم من؟ قال: أبوك

صدق رسل الله صلى الله عليه وسلم

[dr-mohamed]

طبعا انا عارف صاحبة الموضوع تقصد موضوع ايه بكلامها ومتفق معاها في معظم كلامها عن حالة التربص للاخر والقاء الكلام دون الانتباه لتأثيره على الاخر مما يولد رد فعل معاكس من الاخر لنستمر في سلسلة من الفعل ورودود الفعل لا تنتهي عادة الا بحذف الموضوع او ايقاف بعض الاعضاء بعد تجاوزهم الحدود في النقاش عضو يقول الستات اللى مش عاجبها (كلامه طبعا) تاخد بالجزمة وعضوة تقول البلد مفيهاش رجالة ردود قمة في الاستفزاز للطرفين وبالتالي لا تنتهي سلسلة الفعل ورد الفعل
بس على فكرة يا علا لو دورتي شوية هتلاقي مواضيع تانية كتيرة كانت بنفس الطريقة ولكن يمكن موصلش فيها مستوي الحوار للدرجة دي لان اللى كانوا بيتكلموا فيها كانوا بيدافعوا عن قضايا حقيقية كل منهم مؤمن بيها تماما بس ميمنعش ان كان فيه ضرب تحت الحزام كتير من المثقفين من الطرفين

ده غير سطحية زائدة فى بعض الردود و ليس لها ادنى علاقة بالعمق او الفكر
و كمان فى حالة تنمر مش بس فى المنتدى ...لأ ده فى الحياة عموما و المنتدى ماهو الا مجتمع صغير يعبر عن المجتمع ككل
يارب حالنا يتصلح

مظنش

لان ليا يومين مشوفتش شكل السرير

استني عليا اما انام واصحي

يا ابني يا حبيبي انا كل ما اشوفك يا اما عايز تنام يا اما راجع من خناقة
مستنيك لما تصحي يا يوقت

اذا ذكرت المرأة ذكر عدو المرأة
بس انا بحب مشاركاته رغم هجومه الدائم

اهو ده مثلا يا بسكوتة ضرب تحت الحزام

رشدي أباظه في فيلم عدو المرأة..صح؟؟
لما نادية لطفي رحتله والدنيا بتمطر .. وقفت على باب البلكونة
بس هيا صعبت عليه في الأخر ..وسابها تدخل
علشان تعرفوا إن الراجل حنين أهه..مع إنه عدو المرأة

جبت التايهة ما تكمل لنا بقية الفيلم يا فارما مانت غاوي افلام من ايام الانقلاب اللى كنت بتعمله على كريم وفشل
واحشني يا دكترة

حالة الاختناق والتحفز بعد عند كل المجتمع
والمنتدى جزء من المجتمع
وللاسف بيعكس السلوك السائد بين الناس دلوقتى

أنا ليا ملحوظة صغيرة خااااااااالص
البنات مش عاوزين يعترفوا بالتفوق الفطري للرجل

جبته لنفسك هيدخلك حداية (تأنيث حد) من بتوع تحرير المرأة وحقوق المرأة والرجالة ظلمة وهيخشوا النار تسود عيشتك دلوقت بسبب الجملة دي

+1
فعلا لو الواحد بعد ما كتب الرد قراه هيغير رده
انا اوقات كتيير كنت بكتب ردود وبعد ما اقرها لو حسيت انها ممكن تدايق حد بعدلها كلها تاني
الواحد اوقات مبيخدش باله من ال بيكتبه
وبرضو مش لازم كل واحد ياخد الكلام على صدره
يعني يحاول يتوقع نية سليمة للكاتب الكلام

نتكلم تاني جد
عندك حق يا على جدا في كلامك المفروض الواحد يراجع نفسه قبل ما يدورس زرار ارسال لان الارسال معناه ان تنتظر الاستقبال وبقدر حدتك بقدر ما ستكون حدة الاخر
واذا كانت مشاركة الاخر تحتمل حسن النية نفسرها بحسن نية مش لازم دايما تبقي بسوء نية

وزي ما قال البعض وبتفق معاهم تماما حالة الاحتقان والتربص الموجودة في الفترة الاخيرة ما هي الا انعكاس لحالة الاحتقان والتربص والاحباط والفشل الاقتصادي قبل كل شئ والذي يتبعه فشل اجتماعي وانساني في المجتمع في الفترة الاخيرة بوجه عام
بجانب طبعا الاحباطات الشخصية التي قد تنعكس على ردود البعض

[magyver]

مع اني مشفتش الموضوع
او ممكن اكون شغتة ومش واخد بالي
بس اكيد ايا كاان الكل ش بيتفق علي شئ
لازم يكون فية معارضة وفية والعكس

[Samah AbdAllah]

اهو ده مثلا يا بسكوتة ضرب تحت الحزام:c_laugh[1]::c_laugh[1]::c_laugh[1]:

ما فارما قالك رشدى اباظة
عديها بقا
بس على فكرة انا موجهش كلامى لحد فى المنتدى الا لما اكون بكنله احترام خاص مهما كان الاختلاف فى وجهات النظر

[dr-mohamed]

بغض النظر عن ان ده مش موضوعنا وممكن يزعل علا مننا
الا انى هرد عليك يا احمد
مش ممكن ننكر ان فى فرق بين الرجل والمرأة
وفى تفوق فطرى للرجل فى امور
هناك امور يتحملها الرجل لا تتحملها المرأة
وامور قدرها الله للمرأة لا يتحملها الرجل
ولهذا عندما جاء رجل إلى النبي صلى الله عليه وسلم يسأله: من أحق الناس بصحبتي؟ قال: أمك. قال: ثم من؟ قال: أمك. قال: ثم من؟ قال: أمك. قال: ثم من؟ قال: أبوك

صدق رسل الله صلى الله عليه وسلم

ايوة كدة الكلام يبقي صح يا بسكوتة ولو كل واحد مننا عرف الكلام ده واقتنع بيه مكناش هنشوف موضوع زي اللى بتتكلم عنه علا
كل انسان ربنا وهبه قدرات لا يتمتع بها غيره بنفس الدرجة
وكل من الرجل والمرأة ربنا منحه قدرات منحها للاخر بدرجة اقل
الرجل مكانه في الخارج في الشارع للتعب والقرف والتعامل مع الناس وجلب الرزق وعلشان كدة ربنا وهبه القدرة الجسدية والعقلية التي تساعده على القيام بما هو مطلوب منه
والمراة مكانها في الداخل في المنزل للمعاناة مع الاطفال ثم الزوج حين يعود من العمل والحمل والولادة والرضاعة وكلها امور لا يستطيع الرجل بما خلق به من قدرات ان يتحمل القيام به على عكس المرأة المهيأة نفسيا وجسديا للقيام بها
كل الطرفين يسعي ويجتهد من اجل الاخر ليكونا في النهاية كل واحد

[pro_samir]

يا ريت

يمكن في الواقع الواحد لو اتسرع وقال كلمه مش هيعرف يرجعها تاني ، لكن هنا الرد بيتكتب ويتقري مره واتنين قبل اضافة المشاركه والمفروض الواحد يفكر في كلامه قبل ما يتسرع بالرد

اوقات كتير بكتب مشاركات ومبضيفيهاش أصلا بالرغم من انها احيانا بتكون مشاركات طويله

بس جميل إضافة الآيه اللي مكتوبه فوق ديالوج الرد السريع

*=== (( ما يلفظ من قول إلا لديه رقيب عتيد )) ===*

المهم الناس تاخد بالها منها دايماً

[dr-mohamed]

مع اني مشفتش الموضوع
او ممكن اكون شغتة ومش واخد بالي
بس اكيد ايا كاان الكل ش بيتفق علي شئ
لازم يكون فية معارضة وفية والعكس

مكانتش معارضة واختلاف في الراي يا ماجيفر
كان ضرب وخناق وزعيق ومتهيالي الناس دي لو كانت ادام بعضها وبتتكلم بالطريقة دي اكيد كان هايبقي فيه مصابين و رهائن وقتلى ومجلس امن ومحكمة مجرمي الحرب وشغلانة

اه ربنا يخلي لك ال125 رفيقة الدرب السابقة

[magyver]

مكانتش معارضة واختلاف في الراي يا ماجيفر
كان ضرب وخناق وزعيق ومتهيالي الناس دي لو كانت ادام بعضها وبتتكلم بالطريقة دي اكيد كان هايبقي فيه مصابين و رهائن وقتلى ومجلس امن ومحكمة مجرمي الحرب وشغلانة

اه ربنا يخلي لك ال125 رفيقة الدرب السابقة

والله ياباشا انا مشفش الموضوع اساسا
اة ال25 دة بقي حاجة تانية دة الحتة اللي جوة وعربية غالية عندي جدااا

[azmeralda]

انا عندى اقتراح
فى مشكلة موجودة برضه هى التعميم اللى بيتكلم يقول بداية الجملة: ستات اليومين دول وبعدين بوم طراخ تش

او الستات وخلاص يعنى بيشمل الكل
مش ممكن يقول فى ستات بتعمل كذا او بعض الستات

واللى بتتكلم عن الرجالة كذلك

لأن الكلام بالأسلوب السابق طبيعى يحفز اللى مش متحفز


ومش طبيعى برضه ان اللى حصل له تجربة شخصية او حتى شاف 10 اشخاص بمواصفات معينة يسحب المواصفات دى على الرجالة كلهم او على الستات كلهم وينزل فيهم اهانة وتهزيق
طب بعد كده نتقابل وناكل عيش وملح مع بعض ازاى

حتى لو واحدة غلطانة وتفكيرها بايظ خالص مينفعش واحد يتكلم عليها ويقول تتعدل ببوز جزمة ولو كانت عضوة اللى اتكلمت بالأسلوب ده عن اى رجل مهما كان مخطىء كان اهدر دمها يعنى اكيد لو اتكلمت زى اللى قال وقلت رجالة اليومين دول وبوم طراخ تش القيامة هتقوم لكن انا عمرى ما هتكلم بالطريقة دى لأن مفيش حاجة اسمها كده
زى لو حد قال على بلد معينة انهم بخلاء مينفعش خالص او مهنة معينة ان كل اللى فيها سمعتهم وحشة برضه التعميم غلط تماما

بيتهيألى مبدئيا لو كل حد خد باله من الحكاية دى الخناقات ووقف الأعضاء هيخف كتير

دايما هيفضل فى رجالة وستات زى الفل وبالأخلاق اللى ربنا يرضاها ودايما هيكون فى رجالة وستات ندعى ان ربنا يهديهم ان شاء الله

[dr-mohamed]

حتى لو واحدة غلطانة وتفكيرها بايظ خالص مينفعش واحد يتكلم عليها ويقول تتعدل ببوز جزمة ولو كانت عضوة اللى اتكلمت بالأسلوب ده عن اى رجل مهما كان مخطىء كان اهدر دمها ه

بتفق معاكي في كل كلمة من كلامك لكن ما فيه عضوة قالت البنات مش بيتجوزوا علشان مش لاقيين رجالة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب بذمتك دي كلمة تتقال في منتدي 90% من الموجودين فيه رجالة مصريين ؟

يعني هما مش رجالة ؟؟؟؟؟؟؟

ده كلام مستفز ولا لا ؟

ومحدش اهدر دمها ولا حتي قدم شكوي فيها

[azmeralda]

بتفق معاكي في كل كلمة من كلامك لكن ما فيه عضوة قالت البنات مش بيتجوزوا علشان مش لاقيين رجالة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب بذمتك دي كلمة تتقال في منتدي 90% من الموجودين فيه رجالة مصريين ؟

يعني هما مش رجالة ؟؟؟؟؟؟؟

ده كلام مستفز ولا لا ؟

ومحدش اهدر دمها ولا حتي قدم شكوي فيها

هى بتقول ان قصدها على العرسان اللى اتقدموا للبنت انهم كانوا عيال ملقتش فى واحد منهم المواصفات الحقيقية للرجولة من تحمل مسئولية ..الخ ( يعنى بمعنى ان الرجولة صفات وانها فى اللغة تطلق على المرأة والرجل والصبى لو توافرت الصفات الجميلة دى فيهم)
وان خانها التعبير ومش قصدها على الرجال بصفة عامة

وعالعموم احنا ننسى كل اللى فات من الطرفين ونفتح صفحة جديدة محدش يعمم فيها الكلام وكل واحد يحافظ على انه يكون محدد وبكده كلامه لا يشمل الأعضاء ولا يشمل الجنس الناعم كله ولا الخشن كله

وصافى يالبن
بس لو حد خالف بقى انتو اللى تكلموه

[dr-mohamed]

هى بتقول ان قصدها على العرسان اللى اتقدموا للبنت انهم كانوا عيال ملقتش فى واحد منهم المواصفات الحقيقية للرجولة من تحمل مسئولية ..الخ ( يعنى بمعنى ان الرجولة صفات وانها فى اللغة تطلق على المرأة والرجل والصبى لو توافرت الصفات الجميلة دى فيهم)
وان خانها التعبير ومش قصدها على الرجال بصفة عامة

وعالعموم احنا ننسى كل اللى فات من الطرفين ونفتح صفحة جديدة محدش يعمم فيها الكلام وكل واحد يحافظ على انه يكون محدد وبكده كلامه لا يشمل الأعضاء ولا يشمل الجنس الناعم كله ولا الخشن كله

وصافى يالبن
بس لو حد خالف بقى انتو اللى تكلموه:s_thum1[1]:

يا ازميرالدا يعين لما واحد من الرجالة قال كلمة غلط ومحدش من الرجالة وافقه عليها كان غلطان واتعملت موضوعات بسببه
ولما ست غلطت تبقي مش قصدها وخانها التعبير

يا ازميرالدا لو عايزين الصفحة تبقي بيضة فعلا يبقي اللى غلط نقول انه غلط ويبقي الكل باك سبيس مش نتحيز ونحلل

[MotorX]

يا ازميرالدا يعين لما واحد من الرجالة قال كلمة غلط ومحدش من الرجالة وافقه عليها كان غلطان واتعملت موضوعات بسببه
ولما ست غلطت تبقي مش قصدها وخانها التعبير

يا ازميرالدا لو عايزين الصفحة تبقي بيضة فعلا يبقي اللى غلط نقول انه غلط ويبقي الكل باك سبيس مش نتحيز ونحلل

فعلا ده جزء كبير من المشكلة وللأسف الشديد البعض لما بيغلط بيحاول يوجد تفسيرات للغلط ده و ما يعترفش بغلطه.

تحياتي.

[medo_2060]

يا ازميرالدا يعين لما واحد من الرجالة قال كلمة غلط ومحدش من الرجالة وافقه عليها كان غلطان واتعملت موضوعات بسببه
ولما ست غلطت تبقي مش قصدها وخانها التعبير

يا ازميرالدا لو عايزين الصفحة تبقي بيضة فعلا يبقي اللى غلط نقول انه غلط ويبقي الكل باك سبيس مش نتحيز ونحلل

اتفق معاك 100%
الستات مش فاهمين ان كلمه مفيش رجاله دى فى ناس تحب تتضرب ومتتقلهمش بجد.. ومش مبرر توضيح وتحريف وجهه النظر...
معلش انا كان لازم اتكلم فى النقطه دى من غير زعل....

[Imhotep]

للاسف الشحن الزائد و التحفز بل و التربص اصبح السمة العامة للكثيرين جدا و لن اقول الكل حتى لا اقع فى خطأ التعميم..... و ه>ا ما جعلنى اعمل لنايل موتورز كله باك سبيس من دائرة اهتماماتى و اصبحت امر مرور الكرام بدلا من حرصى على المشاركة الفعالة