ارجو المساعدة - الدخول للرجال فقط -

[maged]

من اقوال سيدنا سليمان الحكيم عن علاقة الرجل بالمرأة الاجنبية ( الغريبة)

يا ابني اصغ الى حكمتي امل اذنك الى فهمي* 2 لحفظ التدابير و لتحفظ شفتاك معرفة* 3 لان شفتي المراة الاجنبية تقطران عسلا و حنكها انعم من الزيت* 4 لكن عاقبتها مرة كالافسنتين حادة كسيف ذي حدين* 5 قدماها تنحدران الى الموت خطواتها تتمسك بالهاوية* 6 لئلا تتامل طريق الحياة تمايلت خطواتها و لا تشعر* 7 و الان ايها البنون اسمعوا لي و لا ترتدوا عن كلمات فمي* 8 ابعد طريقك عنها و لا تقرب الى باب بيتها* 9 لئلا تعطي زهرك لاخرين و سنينك للقاسي* 10 لئلا تشبع الاجانب من قوتك و تكون اتعابك في بيت غريب* 11 فتنوح في اواخرك عند فناء لحمك و جسمك* 12 فتقول كيف اني ابغضت الادب و رذل قلبي التوبيخ* 13 و لم اسمع لصوت مرشدي و لم امل اذني الى معلمي

[نور القمر]

انت طلبت الدخول من الرجال فقط
بس اسمحلي اشارك
انت محتاج تحس بالحنان ومفقتد ده من زوجتك ومش بتلاقي الحنان غير من والدتك ومن البنت اللي دخلت حياتك بنعومة الافاعي
هل انت معتقد ان حنانها ده حنان حقيقي ؟؟ طبعا لا وواضح انك فاهم حقيقتها
يبقه انت بتضحك على نفسك والشيطان بيصورلك ان هي دي اللي انت محتاجها
نروح لنقطة تاني
لازم لازم لازم تقعد مع زوجتك وتتصارحوا (( مش بخصوص البنت .. اوعى تجيب لها سيره )) انا اقصد تتصارحوا انك محتاج لها ومحتاج حنيتها وحبها صدقني هاتطلع هي كمان عندها نفس الاحتياج
لازم تملى الفراغ العاطفي اللي عندك وتسد الفجوة اللي بينكم
مش عيب تطلب من مراتك الحنان
وخلي بالك وحطها في دماغك كويس اوي كما تدين تدان واعذرني على اللي هقوله بس دي حاجة وارد حدوثها .. وزي مانت محتاج الحنان وعايز تعوضه مع اخرى وبتغضب ربنا ممكن تلاقي اعمالك بتتكرر مع زوجتك او بنتك
والله والله والله مفيش احلى من الحب الحلال كفاية راحة بالك وعدم تأنيب ضميرك
حب مراتك وقرب منها واطلب حبها وحنانها والحق نفسك قبل خراب البيوت وضياع الاطفال وادعي ربنا كتير بخشوع انه يبعد عنك الشر ويحببك في مراتك ويحبب مراتك فيك
والله ربنا هايستجيب لك لاني بتدعي بخير كبير
اتق الله يجعل لك مخرجا
وادعي ربنا اللهم اغنني بحلالك عن حرامك وبفضلك عمن سواك

[grumby78]

اولا اخي العزيز الظاهر ان حضرتك انسان طيب الاصل والبذره وده واضح من شعورك بالذنب وتحقيرك لنفسك لما بتشوف ابنك . وانت دلوقتي في صراع داخلي مابين الخير والشر ومش اي شر ده كبيره من الكبائر التي تستوجب التطهير. وهنا احب اقتبس قول المرأه التي زنت وتوجهت لرسول الله معترفة بالذنب وقد ضاق صدرها به قائلة " يارسول الله زنيت فطهرني "
كما وانه واضح ايضا انك تعلم في قرارة نفسك ليه اختارتك هذه المرأه ولاتبالي بكونك متزوج ..
وهنا احب اسألك سؤال واتمنى يتسع صدرك ليا : ايه موقفك امام الله اللي انعم عليك بنعم يحسدك عليها البعض لو مت على هذا الحال ؟ هو الموت مش قريب مننا كلنا ؟ مش دي تبقى سوء خاتمه والعياذ بالله ؟
حاجه كمان موقف حضرتك يتسم بالانانيه فحضرتك حسيت انها بتديلك حنان واشياء لمم تتعود عليها . طيب هو مش انتا كمان مسئول عن مدى دفء علاقتك بزوجتك ولا هيا المفروض المسئول الوحيد ؟ صدقني نحن الى حد كبير معشر الرجال قادرين على تحويل الزواج لعلاقة فاتره او علاقه يسودها الموده والدفء والحنان . وبعدين حضرتك ليه تستبدل الذي هو ادنى بالذي هو خير ؟ يااخي ده الحلال حتى طيب ومريح وكمان ربنا بيأجرك عليه
ايه موقف مراتك لو عرفت ؟ الخيانه لاتنسى بل وتفتح باب الشيطان على مصراعيه
المشكله كمان اننا بناخد حاجات في حياتنا على انها مسلمات موجوده ولانعرف قيمتها للاسف الابعد زوالها
وفي الوقت اللي بنطلب فيه النصح بنكون عارفين كويس قوي نعمل ايه . اتركها فورا وبلا تردد وتب الى الله ده ربنا بيحب رجوع عبده اليه ولا تتبع خطوات الشيطان .
ارجع الى زوجتك واولادك .... ارجع الى الله

[dr-mohamed]

متهيالي يا اخي العزيز اني هزود على اللى قاله الزملاء كتير
بس انا طبعا وغيري كتير عرفوا اللى حصل في العربية
وعارفين كمان ممكن الامور وصلت لايه
ومش هقولك نصايح ولا اعمل فيها الشيخ الشعرواي عليك
بس هقولك تجربة لواحد اعرفه وكانت البنت دي يعرفها قبل ما يتجوز وبيحبوا بعض ولكن اتجوزت واحد تاني لظروف ما وبعد سنتين تلاتة ظهرت في حياته مرة تانية وكان لسة متجوزش وعلموا علاقة من اياها مع بعض واستمر الوضع ده حتي بعد ما اتجوز لكن هو اقسم لي انه قبل ما يتجوز كانت بالنسبة له قمة الانوثة بعد ما اتجوز لما جه يقرب منها حس انه عاجز جنسيا وشعر بالقرف الشديد جدا منها واستمرت في مطاردته ومراته عرفت مش حست بس ومراته اتطلقت ورجعها تانى وعاشوا سنين في جحيم مستتر وفي النهاية ادرك الحقيقة ان مراته اغلي عنده مليون مرة من واحدة رضيت بيه واكيد رضيت بغيره ولما التفت لبيته قدر يحس لاول مرة بجمال مراته الحقيقي

بص يا سيدي البت دي مالهاش اهل ومش فارق معاها اي حاجة و زي ما عملت معاك عملت مع غيرك واوعي توهم نفسك انها بتحبك هي عايزة مصدر للاموال او عايزة انا اسف واحد مغفل تتجوزه ويشيل الليلة

طنشها تماما ولو اتصلت اديهم لها واقفل السكة في وشها وانتهت على كدة وارجع قضي يوم ظريف جميل مع مراتك وولادك بكل مشتملاته بسلطاته ببابا غنوجه بس بص لمراتك المرة دي على انها انثي مش على انها مراتك وصدقني والله هتلاقي فيها اللى ما تتخيله

حافظ على مراتك وابنك وبنتك علشان ربنا يحافظ لك عليهم

[medo_2060]

انا مقدر موقفك اوى ومفيش كلام يتقال بعد الكلام الى الاخوه المحترمين قالوه وعارف كمان ان الكلام دا صعب يتطبق والى ايده فى الميه مش زى الى ايده فى النار...
بس انت اكتر واحد عارف الطريق دا نهايته ايه فى ايدك تتجنبه من دلوقتى قبل ما يجى وقت تقول فيه ياريتنى...
ربنا يوفقك وارجع لعائلتك وخليك معاهم.

[mr_sameh]

لازم من وقفه مع نفسك

[ahmed_k_s]

حضرة المحترم
كما تدين تودان وتقى الله فى اهل بيتك
فى مسل زمان جدا كان يوقال هوا دقه بدقه ولو زت لازادا السقا و المعنى معروف ربنا يهديك ويكفيك شر نفسك و شر الناش و شر الوسواس الخناس ويحفظ عليك اهل بيتك ويكرمك فيهم

[محمد محمد]

مافيش كلام تاني يتقال بعد كلام الأعضاء كل الكلام اجماع علي ان اللى انت فيه ده غلط ....بفر من البنت دي فرارك من الأسد.

[زهير فكري]

ما هي المشكله انه ممكن زوجتك تكون شاعره انك ( لعبي) معلهش اغفر لي جرأتي , و بالتالي رد فعلها انها بدأت تهتم بأولادها و بدأت تطلعك من دماغها , لان ثقتها فيك اتهزت , و هي دي المشكله الأساسيه , و احتمال تكون شاعره ان في حد في حياتك دلوقتي , و الحل انك تنتهز هذه الفرصه و تشيل البنت دي من دماغك و ده يبقي درس ليك , و أحد تحديات الحياه يجب التغلب عليه لتبقي السفينه بأمان وسط امواج الحياه العاتيه.

[E30power]

اكسب بالسياسة وخليها هيا الى تخرجك من الموضوع

روح لمراتك وقولها ان فى واحدة بتحوم حوليا ومعيشانى حاجات انا مفتقدها فيكى وانا مش عايز اخرب على بيتى والكلام دة............. وحسسها انك حاسس بالذنب وخايف لتخسرها وتشوف حل معاك ليها .....طبعا فى ورقت روقاااان ......وهتلاقى اول ما تقولها كدة وشها اتقلب وهتدايق شوية وبعديها بيوم هتدرك الموقف

الى هيحصل انها هتلاقيها كل ساعة والتانية تكلمك وتسالك عليها وتطمن عليك وهيكون الموضوع كل اهتمامها وهتفضف لقرايبها وصحابا ....واول كلمة هتتقلها ...هيا فارقة عنك فية اية شدو ليها دة انتى وانتى وانتى وطبعا هتحاول تثبت الكلام دة كلة ادامك

واتفرج بقى يا معلم على احلى غيرة وحب السنين هيطلع تانى لمجرد انها عايزة تيبنلك انها احلى من غيرها ومتقدرش تبص لغيرها وانك غلطان لانها حب حياتك واهتمامها راح مع العيال .....

[tabeb]

تذكر كتب العلم قصة من عالم الواقع عن رجل كان يعمل صائغا ,,.,

و كان رجلا عفيفا ,., لم تمتد يده يوما الى امرأة لم تحل له طول حياته ,., و لم يرفع بصره الى امرأة لا تحل له ,.,



و في يوم من الأيام ,.,

جاءته امرأة طاهرة شريفة ,.,, تعرف بأنه طاهر و شريف ,., و طلبت منه أن يصنع لها اسورة من ذهب ,., و مدت يدها لأخذ المقاس ,., و هي واثقة أن الرجل كما علمته و عهدته عفيفا و أمينا ,.,


و لكن الشيطان نزغه حينما مدت يدها ,., فغمزها في يدها غمزة مريبة ,,., أحست منها بالخيانة ,., فسحبت يدها ,., و تفلت في وجهه ,.,

و قالت : قاتلك الله ,., كنا نظنك طاهرا و عفيفا ,.,

ثم خرجت و تركته ,.,



و بعد أن خرجت المرأة ,., لام الرجل نفسه و عاتبها على هذا الفعل ,., و عاد الى بيته حزينا مهموما ,.,


فلما دخل الى بيته ,.,
وجد امرأته في غاية القلق و الاضطراب و هي تبكي ,.,

قال لها : ما الذي حدث ,,

قالت : حدث شئ هذا اليوم ,., لم يحدث من قبل ,.,

قال لها : و ما الذي حدث ؟؟؟؟

قالت : السقا الرجل الذي نأمنه و نثق فيه ,., و يدخل بيتنا و يصب لنا من الماء من عشرات السنين ,., ما رفع بصره يوما من الأيام الي ,.,
و في هذا اليوم نقض عهده ,., و قام بايصال الماء ,., و في طريقه و هو ينزل ,., مر بي و غمزني في يدي ,.,

فقال الرجل :
دقة بدقة و لو زدنا زاد السقا

[أحمد كمال]

اكسب بالسياسة وخليها هيا الى تخرجك من الموضوع

روح لمراتك وقولها ان فى واحدة بتحوم حوليا ومعيشانى حاجات انا مفتقدها فيكى وانا مش عايز اخرب على بيتى والكلام دة............. وحسسها انك حاسس بالذنب وخايف لتخسرها وتشوف حل معاك ليها .....طبعا فى ورقت روقاااان ......وهتلاقى اول ما تقولها كدة وشها اتقلب وهتدايق شوية وبعديها بيوم هتدرك الموقف

الى هيحصل انها هتلاقيها كل ساعة والتانية تكلمك وتسالك عليها وتطمن عليك وهيكون الموضوع كل اهتمامها وهتفضف لقرايبها وصحابا ....واول كلمة هتتقلها ...هيا فارقة عنك فية اية شدو ليها دة انتى وانتى وانتى وطبعا هتحاول تثبت الكلام دة كلة ادامك

واتفرج بقى يا معلم على احلى غيرة وحب السنين هيطلع تانى لمجرد انها عايزة تيبنلك انها احلى من غيرها ومتقدرش تبص لغيرها وانك غلطان لانها حب حياتك واهتمامها راح مع العيال .....

اللي بتقوله ده مالوش نتيجة غير ان بيته هيتخرب ...... لان مراته رد فعلها اكيد هيكون انها هتقلب عليه ..... و ده اللي التانية عايزاه.

[l0new0lf]

اهم حاجه فى الموضوع انك تاخد بالك و متردش فى الموضوع هنا بعضويتك الاصليه
و فكر فى الرسايل الى جتلك على الخاص قبل ما تعمل اى حاجه

[E30power]

اللي بتقوله ده مالوش نتيجة غير ان بيته هيتخرب ...... لان مراته رد فعلها اكيد هيكون انها هتقلب عليه ..... و ده اللي التانية عايزاه.

انا واخدها بمبدا انك لما تستعين بحد يرشدك ويبعدك عن حاجة فىها ازيتة وبعترفلة بيها معناها انى مقدرة وغالى عليا بس هو مقصر شوية بس برضك محتاجة و هيكون معايا مش هيكون ضددى بالعكس هيكبر فى نظرها ..... وطبعا اسلوب الكلام هو الى بيفرق وعقلية الى امامك واستيعابها .... دة رائى من ضمن اراء لعل وعسى يفيدة لو اهل بيتة من الشخصية دية ..ولا اية رائيك يا استاذ احمد متهيقلى مش هتقلب لو ادركت اهمية الورطة الى فيها وعايزها تقف معاه علشان يحافظ على بيتة ....

[أحمد كمال]

انا واخدها بمبدا انك لما تستعين بحد يرشدك ويبعدك عن حاجة فىها ازيتة وبعترفلة بيها معناها انى مقدرة وغالى عليا بس هو مقصر شوية بس برضك محتاجة و هيكون معايا مش هيكون ضددى بالعكس هيكبر فى نظرها ..... وطبعا اسلوب الكلام هو الى بيفرق وعقلية الى امامك واستيعابها .... دة رائى من ضمن اراء لعل وعسى يفيدة لو اهل بيتة من الشخصية دية ..ولا اية رائيك يا استاذ احمد متهيقلى مش هتقلب لو ادركت اهمية الورطة الى فيها وعايزها تقف معاه علشان يحافظ على بيتة ....

من معرفتي بالزوجات المصريات ان اي زوجة تحس ان جوزها بيلعب - او حتى عاوز يلعب - بتقلب عليه و توريه أيام سودة و تطلب الطلاق (و ده حقها) ......