شغل عيال صحيييييييييييح

[TaoTao]

باسأل ابراهيم ابني الصغير 3 سنوات
اسمك ايه يا حبيبي
ابلاهيم ( حرف الراء عنده بيعلق )
ابراهيم ايه
ابلاهيم اهمد ابرلاهيم ( الحاء برضه بيعلق )
طب واخوك اسمه ايه
مهمود ( الحاء بيعلق زي ما قلتلكم )
محمود أيه
مهمود اهمد مهمود !!!!!!!!

سيادته فاكر ان الاسماء كلها علي وزن لوبيا فجل لوبيا
او
قلقاس سلق قلقاس
:):p:)

بجد جامدة جدا جدا جدا جدا :D:D:D:D:D:D
ربنا يخليهولك وتفرح بيه ويجيبلك أحمد إبراهيم أحمد إبراهيم :)

[emadkamel]

نيااااااهاهاها هعهعهعهع :D ليه ؟ :D بس هاته انت بس و مالكش دعوه ... انا عن نفسي مش عاوز تعويضات :D

الحل ... بجد بجد بقي ... اما تيجي تجاوب عليه ... تديله اجابه بسيطه .. بس اكبر من انه يفهمها .. هاتلاقيه اخد بعضيه .. و قعد يفكر في الكلام اللي انت قلتهوله .. و يرجع يسالك .. و بذلك تنمي قدرات التفكير عنده .. و تفتح عقله .. و في نفس الوقت يتعلم ...
بس هاته انت بس :D قال بيبو يقضي عليا قال ... بيبو مين اللي يقضي عليا ده ... انت بتستسلم .. انا مابستسلمش :D

خلاص انت حر ... بس هاتمضيلى على ورقه انك انت المسئول عن اى تبعيات تتعرضلها لمده 25 سنه من وقت التسليم وانك طلبت هذا الامر وانت فى كامل قواك العقليه وتعى ما انت مقبل عليه من مخاطر جمه وانى غير مسئول عن تحمل اى تعويضات ناتجه عن اى اضرار عقليه او جسمانيه او ماديه تحدث لك ويندرج تحت هذا البند خبط دماغك فى الحيطه او تقطيع شعرك او الاصابه بامراض الضغط والسكر او حالات الحول والعته المؤقت وكافه حالات الانتحار بأنواعها او الأصابه باعراض ما بعد التعرض لأسلحه الدمار الشامل :) :)

[Xpert]

و انت مين قالك ان انا بكامل قواي العقليه اساساُ ههههههههه انا معنديش قوات عقليه :d

[HOSAMSAMSOON]

تسعة فى الخير

يا جماعة طب الغلاسة دى وهم بيتكلمو
طب انا اعمل اية؟
بنتى عمر تسعة شهور وميحلهاش اللعب غير وش الصبح
طبعا الانسة نايمة فى النص بينى و بين امها
بداية من الساعة وحدة يحلى اوى اللعب
طبعا انا نايم
بنتى : دة دة دة :p
انا : نامى يا ماما
بنتى : دة دة دة :p
انا : نامى يا حلوة :o
بنتى : ( قامت على ركبها وبتمد ادها فى ودنى) اية :D
انا : (حطيط المخدة على دماغى)
بنتى : دة دة ( بتضرب على المخدة )
انا : (بكلم مراتى ) ممكن انام شوية انا عندى شغل الصبح
مراتى : انا طول النهار شيلاها و بطبخ و .............
بنتى : هههههههههههههههههه :D
انا : دة دة دة ( واطلع انام برة ) :(
بنتى : واااااااااااااء
انا : ( ارجع مجبر واعد العب معاها) ;)

خلى بالكم كل الى الانسة بتقولة (دة و اية و بابا و ماما ) لما يكون ليها مصلحة مع امها

[emadkamel]

يا جماعة طب الغلاسة دى وهم بيتكلمو
طب انا اعمل اية؟
بنتى عمر تسعة شهور وميحلهاش اللعب غير وش الصبح
طبعا الانسة نايمة فى النص بينى و بين امهاخلى بالكم كل الى الانسة بتقولة (دة و اية و بابا و ماما ) لما يكون ليها مصلحة مع امها

انا قعدت سنه مثلا انام فى اوده تانيه .. ماعدا خميس وجمعه علشان تانى يوم اجازه ومش مشكله اصحى بالليل :) :) علشان نحس باهالينا ونبوس ايديهم لو زعلناهم

[aif]

انا قعدت سنه مثلا انام فى اوده تانيه .. ماعدا خميس وجمعه علشان تانى يوم اجازه ومش مشكله اصحى بالليل :) :) علشان نحس باهالينا ونبوس ايديهم لو زعلناهم

انا من ساعة ما خلفت بانام في غرفة لوحدي :(
ما هو انا ياما العب بالليل معاهم يا اما اشتغل

[OlaOsman]

بكره لما اولادك يسألوكي حتبقي سعيدة جدا بالاجابة علي اسئلتهم وصبوووووووووووورة كمان

لا ماهو انا مبسوطة من دلوقتي بأسئلة أولاد صحباتي :D

واحدة صحبتي كانت مشكلتها إن زوجها فضل كام يوم يرجع من الشغل بعد العصر ياكل و ينام و بعدين يصحى يصلي المغرب و بعديها العشا و يقول لها هادخل أريح شوية و بعدين تلاقيه كمل نوم للصبح.. فزهقت من الوضع ده كل يوم و في يوم عمل نفس الروتين ده فقالت لبنتها (3 سنوات) ادخلي صحي بابا.. البنت قالت لها اصحيه؟ فالأم من زهقها قالت لها أيوه صحيه بأي شكل.. المهم البنت غابت جوه شوية فالأم دخلت تبص عليها لقيتها قاعدة على طرف سرير باباها و هو بيغط في نوم عميق و البنت قاعدة مربعة إيديها و رجليها.. فالأم قالت لها بتعملي ايه؟ البنت قالت لها باصحي بابا بشكل مربع :D