ايه رأيك فى قناة Automoto

[MarEgypt]

القناه دى بدأت كويس

كنت بأشوف فيها الاعلانات عن العربيات والاعلانات الى فى الشريط الى من تحت (باسعار زياده شويا)

عشان تبعت رساله فى الشريط الى تحت ب 3 جنيه من خلال رقم مختصر
وعشان تكتب الرساله غالباً مش بتكفى 67 حرف - فبتكون رساله طويله بتتحسب ب6 جنيه او 9 جنيه

تجربتى انى مره نزلت رساله قولت فيها مطلوب سياره موديل كذا
فى خلال ساعه لقيت اعلانى نزل على الشاشه فى الشريط الى تحت

لكن لما بعت رساله اسأل فيها عن مميزات وعيوب سياره (جربت 3 مرات فى شهر وطبعا كل مره على الاقل ب 6 جنيه)
لا الرساله ظهرت فى الشريط ولا حد سأل فيا فى كل مره مع انى باتلزق قدام القناه يوم كامل انا واخواتى بالتبادل

وحسيت انه اتنصب على
عشان لما بادخل على حسابى فى فودافون على النت بلاقى تمن الرساله محسوب
يعنى الرساله وصلت صح وباتاكد من الرقم الى وصلته بالاقيه صح برضو

المشكله عندى ولا عندهم

[m_car]

طبيعى يامصر انت فى مصر

[amro1965]

عندى قناعه تامه وانا عايش فى مصر عندما اقرأ عنوان او اعلان اعد صوابعى وراه
لان اعلان القناه بيقول الاعلان مجانا وتصوير سيارتك وعرضها على القناه مجانا واللى بيضايقنى بيجبونى ناس على القناه بيشكروا فيها قوى
طب تعالوا نحسبها المكاسب من وراء هذا الاعلان حسب قولهم انا هتصل بالقناه علشان تيجى تصور وتعرض سيارتى بالنسبه لى مش هتكلف الا حق المكاملة التى لا تتعدى ثلاث دقيقتان تساوى على الاقل 3 جنيه
بالنسبه للقناه هيجى مصور لتصوير سيارتى من جميع الزوايا وطبعا حسب الاعلان فى أى مكان انا فيه هيجى المصور اسوان القاهرة السلوم وبعدين ينزل اعلانى طيب مكسبهم فين اوعا تلقى الاعلانات وخلافه
فى بلدنا الحدايه لا تلقى بالكتاكيب بل تعرف تخرج القرش
وعجبى

[msfahim]

اعتقد ان القناه ديه عامله ذى سوق العاشر نسبة الكفاءه و الأفاده منها 10%

[A7MED_PHARMA]

بص
في مصر ..إبعد عن أي أرقام مكونة من 5 أرقام ..وأي أرقام تبدأ بــ0900

وأي خدمات على الموبايل..غرضها سبوبة وبس
ومفيش خدمة لها قيمة أساسا

وأغبى حاجة شوفتها ..ألإعلان بتاع نزل أي أغنية على موبايلك ..بجنيه واحد بس ..أيوه ..بجنيه واحد بس
طب منا على النت وفي أقل من 30 ثانية ...أقدر أجيب كمية ملفات الصوت إلي أنا عاوزها..وببلاش كمان
وخط الفرفشة
قال تدفعلك كام جنيه..علشان تسمع نكتة فكسانة أخر كلمة ..ومن أول السطر
وخط التخسيس
إقعد إرغي معاهم
علشان وإنت بترغي ..دمك هيتحرق على الرصيد بتاعك..فتقوم تخس..ههههههههههههه

.........................
أنا تابعت القناة دي قترة
الأسعار فيها هلامية مهلبية..أنا شوفت والله العظيم لانسر 2009..صاحبها كان طالب أكتر من تمنها جديدة
وشوفت ماتركس..صاحبها طالب فيها 81 ألف ..وكانت موديل 2007
هههههههههههههه



هبل بالعبيط القناة دي..والراجل الغبي بتاع الاعلانات عليها

القناة كلها فكسانة أخر الطريق الدولي ..شمال

[amro1965]

بص
في مصر ..إبعد عن أي أرقام مكونة من 5 أرقام ..وأي أرقام تبدأ بــ0900

وأي خدمات على الموبايل..غرضها سبوبة وبس
ومفيش خدمة لها قيمة أساسا

افضل شىء قلته والله
بالاضافه انى حاسس ان الكل بيتاجر بالشعب المصرى هل لاننا وصلنا لدرجه الغباء الكامل ام ماذا معرفش والله واللى يبلغنى

[moody102010]

قناه زفت

[MaZaGAngeE]

الفكرة كويسة و لكن واضح ان اصحاب القناة عاملينها تحت السلم
شوف فرق الامكانيات بينها و بين عرب موتور هتلاقي برامج كتيره تحب تتفرج عليها و مستوى عالي في تنفيذ البرامج و كمان موجوده فيس بوك و تويتر و موقع نت يعني مش سايبين طريقة انتشار مش عاملينها

[HRH_Sameh]

كانت فكرة مش بطالة وكانت ممكن احسن من كده بس للأسف

[newuser2009]

كانت في الاول كويسه
وقلبت سلطه
وتلاقي اعلانات شقق و موبايلات و فوق و تحت
ومعندهمش ارقام بتظهر في الرسايل
و كل شويه يقلك ارجو تحديد الموديل

[aliabutaleb]

بص
في مصر ..إبعد عن أي أرقام مكونة من 5 أرقام ..

الخمس أرقام في معظم الأحيان بتكون مكالمة محلية، إلا كانوا قايلين إنه لا بد من توافر النداء الآلي بتكون مكالمة محافظات

[shaddadfalcon1]

قناه فاشله كلها اعلانات ومفيش اي حاجه مفيده فيها
شاطرين كل شويه يقولك اكبر قناه سيارات في مصر والشرق الأهبل

انا بحب Motor TV مع انها بتعيد وتذيد بس حاجاتها حلوه وخصوصا العروض بتاعة العربيات

اما Gear One فدي مفيش غير شوية التفحيط للعربيات ال SUV