مشروع السبحى جاردنز

[msfahim]

حد سمع عن المشروع ده انا شفت اعلاناته فى الجرايد و بصراحه الأسعار داخله دماغى -المشروع على طريق مصر-الأسماعيليه الصحراوى قبل العاشر من رضان بحوالى كيلو وبعد الشروق انا رحت هناك هما بيخلصوا فى المرحله الأولى وابتدوا فى التانيه هى اسكان شباب صافى الشقه 63 متر والشقه بتقف تقريبا ب 103000 جنيه و فى كذا نظام تقسيط فلو أى حد يفدنى بخبرته ؟
وبرده كان فى احد الأخوه نزل تحذير -هل يشمل هذا التحذير هذا المشروع وللا لأه؟ و شكرا

تحذير وتنبيه هام

حرصا من الهيئة على مصالح المواطنين وحمايتهم من الوقوع في إجراءات غير سليمة
وبالإشارة إلى ما نشر ببعض الصحف عن ادعاء مجموعة شركات النصر للاراضى و التنمية العمرانية
بموافقة هيئة المجتمعات العمرانية الجديدة على قيام الشركة بطرح أراضى كاملة المرافق بمدينة الشروق
للبناء بين مدينتي الطلائع و القادسية بطريق مصر الإسماعيلية
تــــهــــيــــــب
الهيئة بالسادة المواطنين والشركات عدم التعامل على هذه الاراضى حيث أنها تدخل في نطاق ولاية الهيئة
طبقاً لأحكام القانون رقم (59) لسنة 1979 وقرار رئيس مجلس الوزراء رقم (1290) لسنة 1982 والقرار الجمهوري رقم (66) لسنة 2009 بضم المنطقة المحصورة بين حدود كردون مدينة العاشر من رمضان شرقا ومدخل مدينة العبور من طريق القاهرة الإسماعيلية الصحراوي وطريق النهضة غربا وطريق القاهرة الإسماعيلية الصحراوي جنوبا وبمساحة
(16409) فداناً .
تؤكد الهيئة أنها لم تقم بإصدار أي موافقات للشركة المذكورة
وتحـــذر الهـــيئــــــة
من التعامل على أي أراضى بأي صورة من الصور
وذلك للمنطقة الواقعة بين مدينتي الطلائع والقادسية أو بجميع المناطق الواقعة في نطاق القرار الجمهوري رقم (66) لسنة 2009 حيث أن هذه المناطق المذكورة تحت ولاية الهيئة ولا يتم التعامل عليها إلا من خلال هيئة المجتمعات العمرانية الجديدة .
الخط الساخن ت :
35366033

[Cell_k]

الحمد لله الموضوع فى وقته
كنت برضو مهتم بالحجز معاهم و عايز تفاصيل اكتر
ياريت ياجماعه اللى عنده تفاصيل عن الشركة او سمع عنها حاجه يقولنا مشكورا .

و استفسار تانى بالنسبه للتحذير اللى فى الموضوع ... ايه الجهه اللى المفروض نسال فيها عن قانونيه اى مشروع من مشروعات الشباب و نطلع على اوراق المشروع ؟

و شكرا

[msfahim]

متابع باهتمام

[إبراهيم.صادق]

مشروعات الشباب تسأل عنها في هيئة المجتمعات العمرانية أو في جهاز المدينة

بالنسبة للسبحي تحديدا ما اعرفش عنهم حاجة .. بس من إعلاناتهم كده مش مرتاح لهم

[nooreme]

السلام عليكم ورحمة الله وبركاته

اخواني واخواتي الكرام

أحب اتكلم معاك عن موضوع السبحي جاردنز بكل تفاصيلة بعد الحمد لله ربنا كرمني واشتريت شقة هناك
واخدت موافقة وزارة الإسكان بدعم 10000 جنية من الدولة
وهاديكم التفاصل كلها من أول ما روحت سألت انا وأخويا المحامي لحد ما عملت العقد الابتدائي للشقة

[nooreme]

لو حد مهتم بالموضوع يرد عليا

[magid1010]

لو حد مهتم بالموضوع يرد عليا

اتفضل يا باشا مستنين التفاصيل الواحد حلم حياته يبقى عنده شقه

[hugan]

متابع

[Ahmed_Elkhateb]

متابعين يا قاااااااااائد بأهتمام كمان

[nooreme]

شوفوا يا جماعة انا عايز أحذركم تحذير مهم جدا جدا من مواضيع الشقق والأراضي الجديدة
يعني تلاقي محامي ولا محاسب عندة كام فدان وبيقطعهم ويبعهم ويقولك دي هاتبق يمدينة والكلام ده
احذروا جدا يا جماعة عشان انا اخويا محامي و بصراحة انا بهديله كل الشكر عشان بجد طلع عينه معايا في الموضوع ده
وتأكدوا قبل ما تدفعوا جنيه واحد في أي شركة انها بتبني بقرار وزاري مش رخصة مباني ولو فيكم حد محامي هايفهمني طبعاً
عشان لو قرار وزاري وتبع المشروع القومي للإسكان بيبقي لازم يكون رأس مال المشروع مدفوع بالكامل قبل ما يتعمل
يعني صاح الشركة ماينفعش يهرب و لا الكلام إللي انتم عارفينه

المهم ندخل في موضوع السبحي جاردنز

انا هاديكم التفاصيل للمشروع ده لأني بصراحة شوفت أكتر من مشروع وفيهم كام واحد حلوين
بس بتفرق في نظام التقسيط زي مثلا اوراسكم ودجلة جاردنز بيبقي الواحد ملتزم بالنظام إللي هما محددينه
لكن في السبحي جاردنز ناس جايبة من الأخر ودي اكتر جاحة ريحتني هناك انا بحب كدة التعامل حقي وحقك
يعني بيقولولك انت قبل ما تستلم تدفع 50 ألف جنية والباقي تخلصة تمويل عقاري
تدفعهم بقي كل شهر كل ثلاثة تعمل جمعية وتجيب الفلوس
من الأخر بيقولك اعمل انت النظام المالي إللي يتوافق مع وضعك المادي ولازم تلتزم بيه يامعلم

يعني انا يوصف إللي فهمته وعليه حجزت وساعتها كان الحجز بـ 4900 بس دالوقت على حد علمي بقي 6900 عشان انا حاجز في أول مرحلة
وما تتخيلوش قد ايه بفرح لما سعر الشقة بيذيد كل يوم ولو اني عارف ان دي انانيه بس أهو رزقي بردو

المهم يا جماعة عشان ما اطولش عليكم

هاديكم أرقام التليفونات إللي فضل انا وصلاح أخويا نلف عليها لحد ما طلع عنينا و الموظفين قبل الثورة بقي ده يقولك معرفش وده فوت علينا بكرة والكلام إللي انتم عارفيتنه بس مش خسارة فيكم

الأول ده رقم وزارة الإسكان ودي أول خطوة خدناها 27926378 أو رقم مختصر 19388
وده عشان نسأل الناس دي شغالة استثماري ولا بقرار وزاري
وبعدين هيئة المجتمعات العمرانية 38519801 - 38519802
ودي عشان نسأل عن جدية المشروع وهل فعلا هو ملك الشركة ولا دي أرض الحكومة أو عليها مشاكل وانتم عارفين الواحد بيبقي خايف علي شقى عمره قد ايه

وأخيرا جهاز العاشر من رمضان 015410435 - 015413558
والأرقام دي كانت اخر خطوة طمنتني شوية خصوصا لما لقيت ناس شغلين في جهاز العاشر حاجزين شقق هناك في السبحي جاردنز وقولت أكيد الناس دي ما بيضحكش عليها


المهم بيانات الشركة موجودة في اكتر من اعلان ليهم في الجرايد وعموما هما ليهم رقم مختصر
19162
وانا بردوا هحاول اكتب شوية بيانات توصلكم للشركة بسهولة لو حد عايز تليفونهم او عنوان او كدة يعني

او ممكن تتصلوا بيهم على الرقم 19162

والسلام ختام

[alaasaid]

بالتوفيق ان شاء الله , أنا اعتراضى عليها انها بعيد اوى عن قلب مدينة العاشر من رمضان و بعيدة جدا عن الشروق , المفروض يكون عاملين حسابهم فى توافر كافة الخدمات من اول السوبر ماركت لحد العيادات الصحية

[nooreme]

يا استاذ علاء

دي مش شوية عمارات بتتبني في حتة أرض
وهو ده الموضوع إللي اتكلمت عليه في أول موضوعي وهو ان المدينة تكون بقرار وزاري مش مجرد ترخيص بناء

عارف ليه
عشان القرار الوزاري لازم تكون مدينة متكاملة يعني فيها كل حاجة لحد جراج لكل شقة
يعني في الجراج معمول حسان ان كل شقة يبقي ليها مكانين انتظار تخيل

وطبعا مستشفي و جوامع و مطاهم ده غير هايبر مركت وحجات كتير ان شاء الله هاتكون موجودة

[alaasaid]

يا استاذ علاء

دي مش شوية عمارات بتتبني في حتة أرض
وهو ده الموضوع إللي اتكلمت عليه في أول موضوعي وهو ان المدينة تكون بقرار وزاري مش مجرد ترخيص بناء

عارف ليه
عشان القرار الوزاري لازم تكون مدينة متكاملة يعني فيها كل حاجة لحد جراج لكل شقة
يعني في الجراج معمول حسان ان كل شقة يبقي ليها مكانين انتظار تخيل

وطبعا مستشفي و جوامع و مطاهم ده غير هايبر مركت وحجات كتير ان شاء الله هاتكون موجودة

لو عاملين حسابهم على كل دة تبقى كويسة طبعا بحيث انك تكون مش محتاج تنزل العاشر او الشروق . و عموما كفاية انها بتعمل شقق للشباب دى حاجة ممتازة جدا

بالتوفيق ان شاء الله

[Ahmed_Elkhateb]

انا كلمتهم انهارده

وقلولى المعينه كل يوم من 11 الى 4

ادفع 6400 وحد ادنى للقسط 189 جنيه

مكنش خد شقه ابل كده تبع اى جهاز

اجمالى الشقه عامل 89000 جنيها

ومفيش اى فلوس تانى هتدفع يعنى ال 6400 والقسط ده على حد فهمى وهنزل ان شاء الله الجمعه اعاين مع انو سفر

[miro78]

يا ريت لما تعاين ابقى قولنا ايه اللى حصل ورأيك فيها