هل تشعر بالأمن

[Islam_galal]

بعد زيادات الأسعار الحالية إيه رأيك في أمنك الشخصي و أمن أسرتك
هل يستدعي الأمر إتخاذ تدابير إضافية لأمنك الشخصي و أمن أسرتك

[mada121977]

لا اشعر بالامن خالص الايام دى ومتوقع ان فى اى لحظه ممكن تحصل تطورات مفاجأه تقلب الاوضاع فى البلد دى وتوصلنا لمرحله ثوره رغيف العيش اللى حصلت اخر ايام السادات سنه 1980 وبالتأكيد اذا حصل ده فالبلد دى مش هاترجع زى الاول تانى خالص

[analyzer]

لا لا لا لا لا لا لا لا لا
بمشى وعينى فى وسط راسى وربنا يسطر علينا جميعا

[محمد المشد]

والله انا شايف ان مصر فعلاً هى بلد الامن والامان ، وما ذكر فى القران يدل على صدق كلامى " بسم الله الرحمن الرحيم (اهبطوا مصراً فإنَّ لكم مَّا سألتم)(البقرة :61) . ... (ادخلوا مصر إن شاء الله آمنين) (يوسف :99) . (ادخلوا مصرَ إن شاء الله آمنين) (الزخرف:51) . صدق الله العظيم
فأننى اعتقد بعد كل هذا بأن مصر فعلاً بلد الامن والامان سوف رضينا ام ابينا !
اما بشأن عدم الامان من غلو الحياة وزيادة الاسعار بشكل مريب وغلق المسئولين اذانهم عن الشعب فأننى اقول انها غمة وسوف تنزاح الى ما نهاية بأذنه وامرة ولن يتبقى إلا الشعب العظيم الذى يصبر على ما بلاة الله من مصائب فى حكامة او مسئولية

[Karim_Monir]

لاء طبع الشحاتة زادت جدا
والجرائم اتوقع انها في تزايد
وبقيت اقلق اكتر من الاول
ورغم اني عندي بواب ماخلتش زوجتي تفتح الباب نهائي لاي حد وتتكلم عن طريق الانتركم فقط
وانا شخصيا مش بفتح الشباك اللي جنبي وانا سايق بفتح شباك الراكب اللي جنبي ومش اكتر من تلتة مع تاكيد غلق الستر لووك

[دموع الثلج]

عن نفسسسسسسى بمشى فى الشارع ومتاكده انى ممكن اتسرق فى اى لحظه او هيجى حد من ورايا يخطف شنطتى
الجو العام بصراحه بقى يخووووووووف وانووواع النصب والطرق الجديده كترت

[sherif80]

ربنا يستر من الايام اللى جاية

[ibrahimsaad]

مصر بلد الامن والامان ولكن مع مايحدث الان

زادت السرقه بشكل كبير
زادت الجريمه بشكل كبير والدافع السرقه

هذا ناهيك عن حوادث الموت فى طابور العيش

بصراحه لم يعد امن فى مصر فى ظل الحكم الحالى

[Noha.M]

لا طبعاااااااااااااااااااااااا

امان ايه يا عم

انا كنت هتخطف في تاكسي و تقولى امان

مع ان الموضوع دة عده عليه اكتر من 5 سنين بس عندي حالة رعب من اقل حاجة

لما موضوع السفاح اللى عندنا في المعادى دة ظهر ماكنتش بنزل من البيت و لو

مضطرة وقت الامتحان كنت بكلبش في اخويا كلبشة و افضل ابص شمال و يمين و لما

اطلع البيت اطلع معايا البواب و مراته و ولاده

موضوع الامان دة زمنه ولا و فات ...اخر مرة حسيت بأمان قبل ما والدي يتوفى

[Islam_galal]

ورغم اني عندي بواب ماخلتش زوجتي تفتح الباب نهائي لاي حد وتتكلم عن طريق الانتركم فقط
وانا شخصيا مش بفتح الشباك اللي جنبي وانا سايق بفتح شباك الراكب اللي جنبي ومش اكتر من تلتة مع تاكيد غلق الستر لووك

ملاحظات هامة جدا شكرا يا كريم

[Akram]

لو مشيت في اي مكان زحمة دايماً بيكون عندي احساس اني هتسرق و دائماً بأمن على المحفظة و الموبيل ,
و لو ماشي بالعربية بفتح الزجاج اللى جنبي فتحة صغيرة و طبعاً بأقفل السنتر,
لو داخل أصلي بحاول أضع الحزاء في مكان قريب منى او أمامي ,
الحقيقة مبقاش فيه أمان في أي مكان.

[iunknown]

لأ يا جماعة بجد انتوا مش حاسين بنعمة الأمن اللي في مصر. انا مش بقول كدة علشان خالف تعرف. انا عايش في نيجيريا بقالي 6 شهور دلوقتي. اول مارحت لقيت الشركة بعتالي عربية 4×4 في المطار متفيمه وفيها عسكري معاه مدفع ظريف جدا.

مابعديش اسبوع من غير ما اسمع عن سوبر ماركت دخله مسلحين قلبوا الخزنة بالاضافة لسعداء الحظ اللي موجودين وقتها.
انا علشان اتحرك بعد الغروب لازم عربية وحارس مسلح
طبعا مفيش حاجة اسمها اسوق انا أو ان الازاز يكون مفتوح أو السنتر مش مقفول
في ديسمبر السفارة المصرية (من بين 200 سفارة في البلد) الحرامية اقتحموها وقلبوا 30000 دولار الحمد لله ماحدش اتقتل اصابات بس

كل ده والمكان اللي انا عايش فيه كله سفارات زي جاردن سيتي عندنا كده.
في مصر فيه سرقات بس لسه مش للدرجة اللي تحسسك بعدم الامان

[حماده عزو]

أمان داكان زمان
عا يزنا نرجع زى زمان
قول للأمان أرجع يا أمان

[TaoTao]

أمان؟؟
سواقين الميكروباص والتباعين وقلة أدبهم، مافيش بنت بتسلم من لسانهم، وماحدش يقدر يفتح بقه.
التباع (وغالباً بيكون واحد سوابق وش إجرام) لما ينادي ع الناس في الشارع يا خالتي، وياجدو، وياأقرع
يعني مثلا سواق الميكروباص ماشي بسرعة تيجي واحدة تشاورله التباع يخبط خبطة ع العربية السواق يقف بعدها ب 20 متر، التباع يزعقلها "مدي شوية يا خالتي" والست تبلع الإهانة وتركب لأن مافيش مواصلات والمواصلات الموجودة هي كدة كل اللي شغالين فيها عينة إجرامية واحدة
مثلاً واحد محترم عاوز ينزل من الميكروباص، والميكروباص بيجري عاوز يزنق اللي قام قبله (عاملينها سبق يعني بس مش مهم نفوت دي) ييجي الراجل نازل السواق يهدي ومايقفش والتباع يقوله "نط"!! يقوم الراجل ينط
يعني الراجل ولا الست آخره هايعمل ايه مع المجرمين دول؟ ولا أي حاجة، السواق كاسر عين العسكري بالفردة اللي بيديهاله ولا عزاء للشرفاء
مافيش أي نوع من أنواع الحماية لأي مواطن لا مادياً ولا معنوياً :(:(:(
مافيش أمان شخصي، والعساكر طبعا مش فاضيين يشوفوا شغلهم، وراهم إتاوات يلموها من سواقين الميكروباصات، أو فِردة يلموها من واحدة غلبانة بتبيع جرجير. ودي طبعاً مهام سامية ونبيلة تخلينا نتغاضى عن هفواتهم الكتيرة دي
أمان؟! بس في سؤال كدة، يعني ايه "بعد التطورات الأخيرة" ؟؟ هو مافيش إحساس بالأمان وخلاص

[Eng.Ihab]

أنا مش مصدق يا جماعة اللى بيحصل حوالينا .........طب حد سمع عن سرقة المفاتيح الماستر من توكيل اللانسر ......... و اللى حصل بعد سرقة أكتر من عشرين سيارة فى الإسكندرسة وحدها........


و فى ظل الغلو الفظيع فى الأسعار و التحسن فى إقتصاد مصر الغير ملحوظ أبدا ..... أو حاسين إنه تحسن ................. للأسوأ لسة فى أمان؟؟؟؟ .......... أشــــــــك