الكلام العجيب فى مصر المحروسة !!

[Tarek Gen 2]

يا جماعة الكلام فى مصر بقى فيه كتير غلط
زى مثلا
عيلاء بدل علاء
كبرتة بدل كوفرتة اللى هى اصلا جية من Cover !!
خمشاشر بدل خمستاشر
مشتشفى بدل مستشفى
شندوتشات بدل سندوتشات

وفى جاد اهو مش اى محل

جركل بدل جركن
رتل بدل لتر
جمب بدل جنب
امبارح بدل انبارح

و الكثير و الكثير
حد بيسمع الكلام ده ؟؟ و حد يعرف كلمة جديدة تضاف للى فاتوا دول
انا عن نفسى بسمعه و احيانا من ناس متوقعش ابدا انهم يقولوا الكلام غلط !!
لدرجة انى احيانا مبعرفش ايه اللى صح و ايه اللى غلط !

[Mostafa.Mahran]

المفروض تتكتب سندوشتات

[ACE]

طب تعرف ان كلمة (معلش) المفروض تبقى (معلهش) ههههههههههههه
سمعتها من واحد بلدياتنا واكتشفت ان هو اللى صح

[amrnagy]

بطرمان اللي هيا برطمان

[moody102010]

انت جيتلى فى العدل
أنا كليتى فى الصعيد وهناك سمعت البدع
مش بقلل من أهل الصعيد دول أجدع ناس ممكن تقابلهم فى حياتك بس المشكله فى اللهجه اللى تقريبا بالكاد تعرف انها عربيه

[alaasaid]

السلام عليكم

و الله عندك حق و أنا شخصيا قعدت اضحك على اسمى عيلاء بدل علاء

[ahmad--ezzat]

فى ناس تقولك بنزيمه بدل بنزينه

وامول بنزين بدل امون (وتقريبا انا مش عارف ايه الصح ههههههههه اعتقد التانيه)

[Tarek Gen 2]

انت جيتلى فى العدل
أنا كليتى فى الصعيد وهناك سمعت البدع
مش بقلل من أهل الصعيد دول أجدع ناس ممكن تقابلهم فى حياتك بس المشكله فى اللهجه اللى تقريبا بالكاد تعرف انها عربيه

هههههههههههه اه والله انا كنت بزور واحد صاحبى فالجيش و اسمع شوية حاجات هههههههههه عديبة اللى هى عجيبة

[i_Am_Legend]

مستوبيشى_دايو إلانص_فيرس=بيرس

[shiko85]

حاجات كتير جدا
جرنان بدل جرنال
حعمل بدع هعمل
محهد بدل معهد
ح بدل ع كتيــــــــــــــــــــــــــــر جدا

[Mostafa.Mahran]

سلما بدل سينما
ده حتى ضربة الجزاء اسمها بينالتى و بنقولها بيلانتى

[LORD.ADeL]

عربيه فول ابشخ
دنيه بدل جينة
((:

[ahmedelshahawy]

يا جماعة هو مش فى اللغة الأنجليزية مثلا فى الأمريكان و البريتش
أهو اللغة اللى أنتو بتتكلموا عليها ديه هيا الأمريكان بتاعنا

[LORD.ADeL]

مهندسين مهندزين

[Tarek Gen 2]

مهندسين مهندزين

ميكروباز اهم و اكتر