الكلام العجيب فى مصر المحروسة !!

[Conspirator]

الســـوجاره = السيجاره

سمعت واحد بيقول

استنى اما اشرب السوجاره يا غرع = استنى لما اشرب السيجاره يا جدع

فى كمان أسماء المناطق والغريبه انك تسمعها من العايشين فيها

الباطليه = الباطنيه
بهتين = بهتيم

[Tarek Gen 2]

انا داخل اضيف كلمة سمعتها من الفنى فى التوكيل انهاردة

حضرتك للاسف خرجت من الضمان -- ليه يا عم بس - لانك مركب لمض زينوم --- !!! نعم !!! لمض زينوم اللى بتبقى ب مديوم دى (مديول يعنى جهاز اللمبة )

فنا قلتله لا يا عم خلاص انا اسفلك

ههههههه

و بالمناسبة يا جماعة انتو جامدين موت و جايبين كل حاجة ههههههه تخيلوا بقى يكون فى واحد فى مصر بيقول الحاجات دى كلها والله الواحد يدفع عشان يقعد معاه !!

[EgyptianTune]

فى مرة واحد سباك كان بيصلحى حاجة فى الشقة وشافنى قاعد على اللاب توب راح قال لى ما تشغلنا أى برناجم يا بيه ، طبعاً ما إقدرتش امسك نفسى من الضحك .

[mesaharaty]

مرة زمان وأنا فى ثانوى كان عندنا فراش لذيذ ودمه خفيف
فى مرة كنا قاعدين نتكلم سوا وجت سيرة الأغانى فقالى :
(البت ميازة الحناوى دى جامدة قوى)
أقسم بالله إنى فضلت أضحك على كلمة (ميازة) دى لغاية ما وقعت على الأرض فى المدرسة ومش قادر أنساها لغاية دلوقتى وكل ما افتكرها اضحك عليها

[mesaharaty]

عندك كمان :
أيسون : ينسون
ضرفة : ضلفة
معلقة : ملعقة
وكتيييييييييييييييييييييييير

[azmeralda]

انارب بدل ارانب


وعلى فكرة وانا بتكلم كنت دايما بقول بالضبط وضابط بس كل الناس كانت بتستغرب منى قوى لدرجة واحدة زميلتى فى الشغل كانت بتقوللى انا كده هتشل بهزار يعنى

والى بيضايقنى كمان لما محل محترم وشيك عايز يسمى نفسه اسم بالأنجليزى وميبقاش عارف الترجمة الصح او طريقة الكتابة الصح وتبقى الحروف بايظة على اليافطة وعلى الأكياس ده بيستفزنى جدا
طالما متعرفش متخليك على قدك او اسأل ودور على الأقل


بالنسبة للكتابة على المنتدى الناس بتبقى مستعجلة ومش مهتمة بقواعد اللغة وبتسقط حروف اكتر من انها مش عارفة